ತವರಿನಲ್ಲಿ ಸೋಲು ಹೊರಗೆ ಗೆಲುವು.. ರಾಜಸ್ಥಾನದಲ್ಲಿ RCB ಗೆಲ್ಲೋದು ಪಕ್ಕಾನಾ?

ಚಿನ್ನಸ್ವಾಮಿಯಲ್ಲಿ ಸತತ ಎರಡು ಪಂದ್ಯಗಳನ್ನ ಸೋತು ತೀವ್ರ ಮುಖಭಂಗ ಅನುಭವಿಸಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ಇಂದು ಜೈಪುರದಲ್ಲಿ ಘರ್ಜಿಸೋಕೆ ಸಿದ್ಧವಾಗಿದೆ. ಬೆಂಗಳೂರು ಬಿಟ್ಟು ಹೊರಗಿನ ಪಂದ್ಯಗಳಲ್ಲಿ ಒಂದೇ ಒಂದು ಸೋಲು ಕಾಣದ ಆರ್​ಸಿಬಿ, ಇಂದು ರಾಜಸ್ಥಾನ್ ರಾಯಲ್ಸ್​ ತಂಡಕ್ಕೂ, ಸೋಲಿನ ರುಚಿ ತೋರಿಸೋಕೆ ತುದಿಗಾಲಲ್ಲಿ ನಿಂತಿದೆ.

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ, ಮೂರು ಪಂದ್ಯಗಳನ್ನ ಗೆದ್ದಿದೆ. ಆದ್ರೆ ಆ ಗೆಲುವಿಗಿಂತ ಆರ್​ಸಿಬಿಗೆ, ತವರಿನಲ್ಲಿ ಸೋತ ನೋವೇ ಹೆಚ್ಚಾಗಿ ಕಾಡ್ತಿದೆ. ಹಾಗಾಗಿ ಕಳೆದ ಪಂದ್ಯದ ಸೋಲನ್ನ ಮರೆಯಲು ಆರ್​ಸಿಬಿ ಮುಂದಾಗಿದೆ. ಇಂದು ರಾಜಸ್ಥಾನ್ ರಾಯಲ್ಸ್ ತಂಡವನ್ನ ಅವರದ್ದೇ ನೆಲದಲ್ಲಿ ಮಣಿಸಿ, ಅಭಿಮಾನಿಗಳ ಮುಖದಲ್ಲಿ ಮಂದಹಾಸ ಮೂಡಿಸಲು ಹೊರಟಿದೆ. ಆದ್ರೆ ಅದಕ್ಕೂ ಮುನ್ನ ಆರ್​ಸಿಬಿ, ಕೆಲ ಸಮಸ್ಯೆಗಳನ್ನ ಬಗೆಹರಿಸಿಕೊಳ್ಳಬೇಕಿದೆ.

ಚಾಲೆಂಜ್ ನಂ.1: ಕೊಹ್ಲಿಗೆ ಕನ್ಸಿಸ್ಟೆನ್ಸಿ ಕಾಟ, ಪಟಿದಾರ್ ಪರದಾಟ!
ಕೆಕೆಆರ್ ಮತ್ತು ಮುಂಬೈ ಇಂಡಿಯನ್ಸ್ ವಿರುದ್ಧ ವಿರಾಟ್ ಕೊಹ್ಲಿ ಅಬ್ಬರಿಸಿದ್ರು. ಆದ್ರೆ ಡೆಲ್ಲಿ, ಗುಜರಾತ್ ಮತ್ತು ಚೆನ್ನೈ ವಿರುದ್ಧ ವಿರಾಟ್ ಸೈಲೆಂಟ್ ಆಗ್ಬಿಟ್ರು. ಕೊಹ್ಲಿ ಕನ್ಸಿಸ್ಟೆಂಟ್ ಬ್ಯಾಟಿಂಗ್ ಮಾಡಿದ್ರೆ, ಆರ್​ಸಿಬಿಗೆ ನೂರಾನೆ ಬಲ. ಆದ್ರೆ ಕೊಹ್ಲಿ ಇನ್​​ಕನ್ಸಿಸ್ಟೆಂಟ್ ಬ್ಯಾಟಿಂಗ್, ಆರ್​ಸಿಬಿಯನ್ನ ಇಕ್ಕಟ್ಟಿಗೆ ಸಿಲುಕಿಸುತ್ತಿದೆ.

ಕ್ಯಾಪ್ಟನ್ ರಜತ್ ಪಟಿದಾರ್ ಅಗ್ರೆಸಿವ್ ಬ್ಯಾಟಿಂಗ್​​​​​​​​​​, ಎದುರಾಳಿಗಳನ್ನ ಬ್ಯಾಕ್​​ಪೂಟ್​​​ಗೆ ತಳ್ತಿದೆ ನಿಜ. ಪಟಿದಾರ್​​​​​, ಬ್ಯಾಟಿಂಗ್​ನಲ್ಲಿ ತಂಡಕ್ಕೆ ಕಾಣಿಕೆ ನೀಡ್ತಿದ್ದಾರೆ. ಆದ್ರೆ ಡೆಲ್ಲಿ ಕ್ಯಾಪಿಟಲ್ಸ್​​​ ವಿರುದ್ಧ ಪಟಿದಾರ್ ಪರದಾಟ, ಆರ್​ಸಿಬಿ ಮ್ಯಾನೇಜ್ಮೆಂಟ್​ಗೆ ನಿಜಕ್ಕೂ ಆತಂಕ ಮೂಡಿಸಿದೆ. ಯಾಕಂದ್ರೆ ಚಾಲೆಂಜಿಂಗ್ ಪಿಚ್​ನಲ್ಲಿ ಪಟಿದಾರ್ ಆಟ ನಡೆಯೊಲ್ಲ ಅನ್ನೋದು, ಇದೀಗ ಓಪನ್ ಸೀಕ್ರೆಟ್ ಆಗಿದೆ.

ಚಾಲೆಂಜ್ ನಂ.2: ಪಡಿಕ್ಕಲ್, ಲಿವಿಂಗ್​ಸ್ಟೋನ್ ತಂಡಲ್ಲಿ ಇದ್ರೂ ಇಲ್ಲದಂತೆ!
ಎಡಗೈ ಬ್ಯಾಟ್ಸ್​ಮನ್​ ದೇವದತ್ ಪಡಿಕ್ಕಲ್ ತಂಡದಲ್ಲಿ ಅದ್ಯಾಕೆ ಇದ್ದಾರೋ ಗೊತ್ತಿಲ್ಲ. ಕೊಟ್ಟ ಅವಕಾಶಗಳನ್ನ ಪಡಿಕ್ಕಲ್ ಸುಮ್ಮನೇ ವೇಸ್ಟ್ ಮಾಡ್ತಿದ್ದಾರೆ. ಆಡಿರೋ ಐದೂ ಪಂದ್ಯಗಳಲ್ಲಿ ಪಡಿಕ್ಕಲ್, ಅಟ್ಟರ್ ಫ್ಲಾಪ್. ಲಿಯಾಮ್ ಲಿವಿಂಗ್​ಸ್ಟೋನ್​​ ಗುಜರಾತ್ ವಿರುದ್ಧ ಒಂದೇ ಒಂದು ಫಿಫ್ಟಿ ಹೊಡೆದಿದ್ದು ಬಿಟ್ರೆ, ಈ ಬಿಗ್ ​ಹಿಟ್ಟರ್ ತಂಡಲ್ಲಿ ಇದ್ರೂ ಇಲ್ಲದಂತೆಯೇ.

ಚಾಲೆಂಜ್ ನಂ.3: ವಿಕೆಟ್ ಕಬಳಿಕೆಯಲ್ಲಿ ಟಾಪ್ 10ನಲ್ಲಿಲ್ಲ ಆರ್​ಸಿಬಿ ಬೌಲರ್ಸ್​..!
ಆರ್​ಸಿಬಿ ಪೇಸ್ ಬೌಲಿಂಗ್ ಅಟ್ಯಾಕ್, ಆನ್​ ಪೇಪರ್ ಸಖತ್ ಸ್ಟ್ರಾಂಗ್ ಆಗಿದೆ. ಆದ್ರೆ ಪಂದ್ಯ ಕಳೆದಂತೆ ಪೇಸರ್​ಗಳು ಧಮ್ ಕಳೆದುಕೊಳ್ತಿದ್ದಾರೆ. ದುಬಾರಿ ಕೂಡ ಆಗ್ತಿದ್ದಾರೆ. ಆರ್​ಸಿಬಿಯ ಒಬ್ಬನೇ ಒಬ್ಬ ಪೇಸರ್, ವಿಕೆಟ್ ಗಳಿಕೆಯಲ್ಲಿ ಟಾಪ್ 10ನಲ್ಲಿ ಕಾಣಿಸಿಕೊಂಡಿಲ್ಲ. ಆರ್​ಸಿಬಿ ಥಿಂಕ್ ಟ್ಯಾಂಕ್, ಇದರ ಬಗ್ಗೆ ಗಂಭೀರ ಆಲೋಚನೆ ನಡೆಸಬೇಕಿದೆ.

ಚಾಲೆಂಜ್ ನಂ.4: ಬೆಂಗಳೂರು ತಂಡಕ್ಕೆ 5ನೇ ಬೌಲರ್ ಕೊರತೆ ಕಾಡ್ತಿದ್ಯಾ..?
ಜೋಷ್ ಹೇಝಲ್​ವುಡ್, ಭುವನೇಶ್ವರ್ ಕುಮಾರ್, ಯಶ್ ದಯಾಳ್ ಮತ್ತು ಕೃನಾಲ್ ಪಾಂಡ್ಯ, ಆರ್​ಸಿಬಿಯ ಮುಖ್ಯ ಬೌಲರ್ಸ್​. ಆದ್ರೆ ಇಂಪ್ಯಾಕ್ಟ್ ಪ್ಲೇಯರ್​ ಆಗಿ ಕಣಕ್ಕಿಳಿಯುತ್ತಿರುವ ಲೆಗ್​ಸ್ಪಿನ್ನರ್ ಸುಯೇಶ್ ಶರ್ಮಾರಿಂದ, ತಂಡಕ್ಕೆ ಏನೂ ಲಾಭ ಆಗ್ತಿಲ್ಲ. ಪಾರ್ಟ್ ಟೈಮ್ ಸ್ಪಿನ್ನರ್ ಲಿವಿಂಗ್​ಸ್ಟೋನ್​​ ಬೌಲಿಂಗ್ ಕೂಡ ಆರ್​ಸಿಬಿಗೆ ಪ್ರಯೋಜನವಿಲ್ಲ.

ಚಾಲೆಂಜ್ ನಂ.5: ಕ್ಯಾಚಸ್ ವಿನ್ ಮ್ಯಾಚಸ್, ಆರ್​ಸಿಬಿ ಆಟಗಾರರಿಗೆ ಇದು ನೆನಪಿರಲಿ..!
ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಆರ್​ಸಿಬಿ, ಕೆಎಲ್ ರಾಹುಲ್ ಕ್ಯಾಚ್ ಡ್ರಾಪ್ ಮಾಡಿ ಪಂದ್ಯವನ್ನೇ ಕೈಚೆಲ್ಲಿತು. ಇದಲ್ಲದೇ ಕಳೆದ ಐದು ಪಂದ್ಯಗಳಲ್ಲಿ ಆರ್​ಸಿಬಿ ಸಾಕಷ್ಟು ಕ್ಯಾಚ್​ಗಳನ್ನ ಡ್ರಾಪ್ ಮಾಡಿ, ಭಾರಿ ಬೆಲೆ ಕಟ್ಟಿದೆ. ಹಾಗಾಗಿ ಆರ್​ಸಿಬಿ, ಫೀಲ್ಡಿಂಗ್​​ ಟೈಟ್ ಮಾಡಬೇಕಿದೆ. ಹಾಗೇ ಕ್ಯಾಚಸ್ ವಿನ್ ಮ್ಯಾಚಸ್ ಅನ್ನೋದನ್ನ, ಆರ್​ಸಿಬಿ ಫೀಲ್ಡರ್ಸ್ ಗಮನದಲ್ಲಿಟ್ಟುಕೊಳ್ಳಬೇಕಿದೆ.

ಇದನ್ನೂ ಓದಿ: 40 ಬಾಲ್‌ಗೆ 100 ಸಂಭ್ರಮ.. ಅಭಿಷೇಕ್ ಶರ್ಮಾ ಚೀಟಿಯಲ್ಲಿ ಬರೆದಿದ್ದೇನು? ಏನಿದರ ವಿಶೇಷ ಗೊತ್ತಾ? 

ಚಾಲೆಂಜ್ ನಂ.6: ತವರಿನಲ್ಲಿ ಘರ್ಜಿಸೋಕೆ ರಾಜಸ್ಥಾನ್ ರಾಯಲ್ಸ್​ ಕಾತರ..!
ರಾಜಸ್ಥಾನ್ ರಾಯಲ್ಸ್ ಸಹ ಟೂರ್ನಿಯಲ್ಲಿ ಸೋಲುಗಳಿಂದ ಕಂಗೆಟ್ಟಿದೆ. ಆದ್ರೆ ಇದೇ ಮೊದಲ ಬಾರಿ ಹೋಂ ಗ್ರೌಂಡ್ ಜೈಪುರದಲ್ಲಿ ಆಡ್ತಿರುವ ರಾಜಸ್ಥಾನ ತಂಡಕ್ಕೆ, ಆನೆ ಬಲ ಬಂದಂತಾಗಿದೆ. ಬ್ಯಾಟಿಂಗ್, ಬೌಲಿಂಗ್ ಮತ್ತು ಫೀಲ್ಡಿಂಗ್​ನಲ್ಲಿ ಸಖತ್ ಆಗಿ ಕಾಣುವ ರಾಜಸ್ಥಾನ ತಂಡಕ್ಕೆ, ಯುವ ಪಡೆಯ ಶಕ್ತಿ ಇದೆ. ಹಾಗಾಗಿ ರಾಯಲ್ಸ್​ ಇಂದು ಬೆಂಗಳೂರು ತಂಡದ ವಿರುದ್ಧ ಗೆಲುವಿನ ಲೆಕ್ಕಾಚಾರದಲ್ಲಿದೆ.

ಬೆಂಗಳೂರು ಬಿಟ್ಟು ಹೊರಗಿನ ಮ್ಯಾಚ್​ಗಳಲ್ಲಿ ಒಳ್ಳೆ ರೆಕಾರ್ಡ್ ಹೊಂದಿರುವ ಆರ್​ಸಿಬಿ, ಪಿಂಕ್ ಸಿಟಿ ಜೈಪುರದಲ್ಲೂ ಜಯಗಳಿಸೋ ವಿಶ್ವಾಸದಲ್ಲಿದೆ. ಮತ್ತೊಂದೆಡೆ ತವರಿನಲ್ಲಿ ರಾಜಸ್ಥಾನ್ ರಾಯಲ್ಸ್​​​ನ ಯುವ ಪಡೆ, ಬೆಂಗಳೂರು ವಿರುದ್ಧ ಘರ್ಜಿಸೋಕೆ ರೆಡಿಯಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ