Mega Auction; ಬಲಿಷ್ಠ ಬೌಲಿಂಗ್ ಸೈನ್ಯ ಕಟ್ಟಿದ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು

ಆರ್​ಸಿಬಿ ಫ್ರಾಂಚೈಸಿಯು ಈ ಬಾರಿ ಅಚ್ಚರಿ ಎನ್ನುವಂತೆ ಆಟಗಾರರನ್ನು ಅಳೆದು ತೂಗಿ ತಂಡಕ್ಕೆ ಆಯ್ಕೆ ಮಾಡಿಕೊಳ್ಳುತ್ತಿದೆ. 2ನೇ ದಿನದ ಮೆಗಾ ಆಕ್ಷನ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಹಾಗೂ ಆಲ್​ರೌಂಡರ್ ಕೃನಾಲ್ ಪಾಂಡ್ಯಗೆ ಮಣೆ ಹಾಕಿದೆ. ಇದರಿಂದ ಆರ್​ಸಿಬಿ ತಂಡದ ಬೌಲಿಂಗ್ ಮತ್ತಷ್ಟು ಬಲಿಷ್ಠವಾಗಿದೆ ಎನ್ನಬಹುದು.

ಏಕೆಂದರೆ ಭುವನೇಶ್ವರ್ ಓವರ್​ಗಳಲ್ಲಿ ರನ್ ಗಳಿಸಬೇಕು ಎಂದರೆ ಬ್ಯಾಟ್ಸ್​ಮನ್​ಗಳು ಪರದಾಡುವ ಪರಿಸ್ಥಿತಿ ಎದುರಾಗಲಿದೆ. ತಂಡದಲ್ಲಿ ಬಲಿಷ್ಠ ಬೌಲಿಂಗ್ ಮಾಡುವ ಭುವನಶ್ವರ್ ರನ್​ಗಳನ್ನು ಅಷ್ಟು ಸುಲಭವಾಗಿ ಬಿಟ್ಟುಕೊಡಲ್ಲ. ಹೀಗಾಗಿ ಆರ್​ಸಿಬಿ ತಂಡದಲ್ಲಿಯು ಉತ್ತಮವಾದ ಪ್ರದರ್ಶನ ನೀಡುವರು ಎಂದು ನಿರೀಕ್ಷಿಸಬಹುದು. ಇವರು ಆಡಿದ ಎಲ್ಲ ತಂಡಗಳಿಗೂ ಉತ್ತಮವಾದ ಕೊಡುಗೆ ನೀಡಿದ್ದಾರೆ ಎಂದು ಹೇಳಬಹುದು.

ಇದನ್ನೂ ಓದಿ:IPL Mega Auction; ಅದೃಷ್ಟ ಲಕ್ಷ್ಮಿ.. ರೋಹಿತ್ ಟೀಮ್ ಸೇರಿದ ಧೋನಿಯ ನೆಚ್ಚಿನ ಬೌಲರ್!

ಕೃನಾಲ್ ಪಾಂಡ್ಯ ಕೂಡ ಅದ್ಭುತ ಆಲ್​ರೌಂಡರ್ ಆಗಿದ್ದು ಪಂದ್ಯದ ಮಿಡಲ್​ನಲ್ಲಿ ಬ್ಯಾಟಿಂಗ್ ಹಾಗೂ ಬೌಲಿಂಗ್​​ನಲ್ಲಿ ಪಂದ್ಯದ ದಿಕ್ಕನ್ನು ಬದಲಿಸಬಲ್ಲರು. ಐಪಿಎಲ್​​ನಲ್ಲಿ ಇದುವರೆಗೆ ಕೃನಾಲ್​ ಪಾಂಡ್ಯ 127 ಪಂದ್ಯ ಆಡಿದ್ದು 1,647 ರನ್ ಗಳಿಸಿದ್ದಾರೆ. ​ಹಾಗೆಯೇ 144 ಫೋರ್​​, 61 ಸಿಕ್ಸರ್​ ಸಿಡಿಸಿರುವ ಕೃನಾಲ್ ತಮ್ಮ ಅದ್ಭುತ ಬೌಲಿಂಗ್ ಮೂಲಕ 76 ವಿಕೆಟ್​ ಉರುಳಿಸಿದ್ದಾರೆ. ಟೀಮ್​ ಇಂಡಿಯಾದ ಸ್ಟಾರ್​ ಆಲ್​ರೌಂಡರ್​​ ಹಾರ್ದಿಕ್​ ಪಾಂಡ್ಯ ಸಹೋದರ ಆಗಿರುವ ಕೃನಾಲ್​ ಕಳೆದ ಸೀಸನ್​​ನಲ್ಲಿ ಲಕ್ನೋ ಟೀಮ್​ನಲ್ಲಿ ಹೇಳಿಕೊಳ್ಳುವಂತೆ ಆಡಿರಲಿಲ್ಲ. ಹೀಗಾಗಿ ಆಕ್ಷನ್​ಗೆ ಬಂದಿದ್ದರು.

ಆರ್​ಸಿಬಿಯಲ್ಲಿ ಬೌಲಿಂಗ್ ವಿಭಾಗ ಸಖತ್ ಬಲಿಷ್ಠವಾಗಿದೆ. ಜೋಶ್ ಹೇಜಲ್​ವುಡ್ ಮತ್ತು ಯಶ್ ದಯಾಳ್ ಅವರೊಂದಿಗೆ ಈಗ ಭುವನೇಶ್ವರ್ ಹಾಗೂ ಕೃನಾಲ್ ಪಾಂಡ್ಯ ಸೇರಿಕೊಂಡಿದ್ದಾರೆ. ಇವರೆಲ್ಲ ಎದುರಾಳಿ ಬ್ಯಾಟ್ಸ್​ಮನ್​ಗಳನ್ನ ಕಟ್ಟಿ ಹಾಕುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಾರೆ. ಸನ್​ರೈಸರ್ಸ್ ಹೈದರಾಬಾದ್ ತಂಡದಲ್ಲಿದ್ದ ಭುವನೇಶ್ವರ್ ಅವರು ಇದಕ್ಕೂ ಮೊದಲೇ ಆರ್​ಸಿಬಿ ತಂಡದ ಪರ ಬೌಲಿಂಗ್ ಮಾಡಿದ್ದರು. ಹೀಗಾಗಿ ಮತ್ತೊಮ್ಮೆ ತಂಡಕ್ಕೆ ಆಗಮಿಸಿದ್ದಾರೆ ಎಂದು ಹೇಳಬಹುದು. ಇದರಿಂದ ಆರ್​ಸಿಬಿ ತಂಡದ ಬೌಲಿಂಗ್ ಲೈನ್ ಬಲಿಷ್ಠವಾಗಿದೆ ಎಂದು ಗೊತ್ತಾಗುತ್ತದೆ.

ಸದ್ಯ ಆರ್​ಸಿಬಿ ಭುವನೇಶ್ವರ್ ಕುಮಾರ್​ಗೆ 10.75 ಕೋಟಿ ರೂಪಾಯಿ ನೀಡಿದೆ

ಕೃನಾಲ್​ ಪಾಂಡ್ಯರನ್ನ ಬರೋಬ್ಬರಿ 5.75 ಕೋಟಿ ರೂ.ಗೆ ಆರ್​​ಸಿಬಿ ಖರೀದಿ ಮಾಡಿದೆ

ಜೋಶ್ ಹೇಜಲ್​ವುಡ್- 12.50 ಕೋಟಿ ರೂಪಾಯಿ

ಯಶ್​ ದಯಾಳ್- 5 ಕೋಟಿ ರೂಪಾಯಿ (ರಿಟೈನ್)

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ