ಆರ್​ಸಿಬಿ ಮಾಡಿದ ಅದೊಂದು ಮಿಸ್ಟೇಕ್.. KL ರಾಹುಲ್​ ಆರ್ಭಟಿಸಲು ಕಾರಣವಾಯ್ತು..!

ನಿನ್ನೆ ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ಧದ ಪಂದ್ಯದಲ್ಲಿ ಬ್ಯಾಟಿಂಗ್​ನಂತೆಯೇ ಬೌಲಿಂಗ್​ನಲ್ಲೂ ಆರಂಭದಲ್ಲಿ ಆರ್​​ಸಿಬಿಯದ್ದೇ ದರ್ಬಾರ್​ ನಡೀತು. ಆದರೆ ಮನೆ ಮಗ ಕೆ.ಎಲ್​.ರಾಹುಲ್​​ ಆರ್​​ಸಿಬಿ ಬೌಲರ್​ಗಳ ಕಾಡಿದ್ರು. ಇದು ನನ್ನ ಜಾಗ.. ನಂದೇ ಹವಾ.. ಅನ್ನೋ ಸ್ಟೈಲ್​​ನಲ್ಲಿ ಚಿನ್ನಸ್ವಾಮಿ ಮೈದಾನದಲ್ಲಿ ಘರ್ಜಿಸಿದ ಕನ್ನಡಿಗ ಆರ್​​ಸಿಬಿಗೆ ಸೋಲಿನ ಶಾಕ್​ ನೀಡಿದ್ರು. ಅಂದ್ಹಾಗೆ ರಾಹುಲ್​ ಅಷ್ಟೆಲ್ಲಾ ಆರ್ಭಟಿಸಲು ಕಾರಣವಾಗಿದ್ದು ಆ ಒಂದು ಮಿಸ್ಟೇಕ್​.

164 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್​ಗೆ ಆರಂಭದಲ್ಲೇ ಶಾಕ್​ ಎದುರಾಯ್ತು. ಪವರ್​​ ಪ್ಲೇನಲ್ಲಿ ಆರ್​​ಸಿಬಿ ಪವರ್​ಫುಲ್​ ಬೌಲಿಂಗ್​ ಮಾಡಿತು. ಭುವನೇಶ್ವರ್​ ಕುಮಾರ್​, ಯಶ್​ ದಯಾಳ್​ ಬೆಂಕಿ ಬೌಲಿಂಗ್​ ಮುಂದೆ ಡೆಲ್ಲಿ ಬ್ಯಾಟರ್ಸ್​ ಪರದಾಡಿದ್ರು. 2ನೇ ಓವರ್​ನಲ್ಲೇ ಯಶ್​ ದಯಾಳ್​ ಆರ್​ಸಿಬಿ ಮಾಜಿ ಕ್ಯಾಪ್ಟನ್​ ಫಾಫ್​ ಡುಪ್ಲೆಸಿ ವಿಕೆಟ್​ ಉರುಳಿಸಿದ್ರು.
ನೆಕ್ಸ್ಟ್​ ಓವರ್​ನಲ್ಲೇ ಭುವನೇಶ್ವರ್​ ಕುಮಾರ್​ ಮ್ಯಾಜಿಕ್​ ಮಾಡಿದ್ರು. ಬಿಗ್​ ಶಾಟ್​ ಹೊಡೆಯಲು ಹೋಗಿ ಜೇಕ್​​ ಫ್ರೆಸರ್​ ಮೆಕ್​ಗುರ್ಕ್ ಯಡವಟ್ಟು ಮಾಡಿಕೊಂಡ್ರು. ಜಿತೇಶ್​​ ಶರ್ಮಾ ಹಿಡಿದ ಅದ್ಭುತ ಕ್ಯಾಚ್​ಗೆ ಮೆಕ್​​ಗುರ್ಕ್​​ ವಿಕೆಟ್ ಒಪ್ಪಿಸಿದರು.

ಇದನ್ನೂ ಓದಿ: 3.5ನೇ ಓವರ್​ನಲ್ಲಿ ನಡೆದ ಆ ಒಂದು ಘಟನೆ RCB ಸೋಲಿಗೆ ಕಾರಣ..!

ಅಭಿಷೇಕ್​ ಪೊರೆಲ್​ ಕೂಡ ಕುಸಿದ ಡೆಲ್ಲಿ ತಂಡಕ್ಕೆ ಆಸರೆಯಾಗಲಿಲ್ಲ. ಮೆಕ್​ಗುರ್ಕ್​ ರೀತಿಯಲ್ಲೇ ಬಿಗ್​ ಶಾಟ್​​ ಪ್ಲೇ ಮಾಡಿ ಕೈ ಸುಟ್ಟುಕೊಂಡ್ರು. ಭುವನೇಶ್ವರ್​​ ಕುಮಾರ್​ಗೆ 2ನೇ ಬಲಿಯಾದ್ರು. 30 ರನ್​ಗಳಿಸುವಷ್ಟರಲ್ಲಿ ಡೆಲ್ಲಿ ಮೂವರು ಬ್ಯಾಟರ್ಸ್​ ಪೆವಿಲಿಯನ್​ ಸೇರಿದ್ರು.

4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದ ಕೆ.ಎಲ್​ ರಾಹುಲ್​​ ಕೂಡ ಯಡವಟ್ಟು ಮಾಡಿದ್ರು. ಸಿಕ್ಕ ಅವಕಾಶವನ್ನ ಆರ್​​ಸಿಬಿ ಬಳಸಿಕೊಳ್ಳಲಿಲ್ಲ. 3.2ನೇ ಓವರ್​ನಲ್ಲಿ ಆರ್​​ಸಿಬಿ ನಾಯಕ ಮಾಡಿದ ಯಡವಟ್ಟು ಪಂದ್ಯಕ್ಕೆ ಮತ್ತೆ ಟ್ವಿಸ್ಟ್​ ನೀಡಿತು. ಅದು ಹಾಫ್​ ಚಾನ್ಸ್​​ ಆಗಿತ್ತು ನಿಜ, ಆದರೆ ಕ್ಯಾಚ್​ ಆಗಿ ಕನ್ವರ್ಟ್​ ಮಾಡಿದ್ರೆ ಮ್ಯಾಚೇ ಗೆಲ್ಲಬಹುದಿತ್ತು ಅನ್ನೋದು ತಜ್ಞರ ಅಭಿಪ್ರಾಯ.
ಇನ್ನು ಕ್ಯಾಪ್ಟನ್​ ಅಕ್ಷರ್​ ಪಟೇಲ್​​ ಅವಸರಕ್ಕೆ ಬಿದ್ದು ಔಟಾದ್ರು. ಸಿಕ್ಕ ಜೀವದಾನ ಎರಡೂ ಕೈಗಳಲ್ಲಿ ಬಾಚಿಕೊಂಡ ಕೆ.ಎಲ್​ ರಾಹುಲ್​ ಹೋಮ್​ಗ್ರೌಂಡ್​ನಲ್ಲಿ ರನ್​ಹೊಳೆ ಹರಿಸಿದ್ರು. ಮನೆಮಗನ ಆಟಕ್ಕೆ ಜೈ ಅನ್ನಬೇಕೋ, ಆರ್​​ಸಿಬಿ ಸೋಲುತ್ತೆ ಅಂತಾ ಬೇಸರ ಮಾಡ್ಕೋಬೇಕೋ ಅನ್ನೋ ಗೊಂದಲದಲ್ಲಿ ಅಭಿಮಾನಿಗಳಿದ್ದರು.

ಇದನ್ನೂ ಓದಿ: ಚಿನ್ನಸ್ವಾಮಿಯಲ್ಲಿ ಸತತ ಎರಡನೇ ಸೋಲು.. ಕ್ಯಾಪ್ಟನ್ ಪಾಟೀದಾರ್ ಹೊಣೆ ಮಾಡಿದ್ದು ಯಾರನ್ನ..?

ರಾಹುಲ್​ಗೆ ಟ್ರಿಸ್ಟನ್​ ಸ್ಟಬ್ಸ್​ ಸಾಥ್​ ನೀಡಿದ್ರು. ಎಚ್ಚರಿಕೆಯಿಂದ ಇನ್ನಿಂಗ್ಸ್​ ಕಟ್ಟಿದ ಈ ಜೋಡಿ 11ನೇ ಓವರ್​​ನಿಂದ ಬೌಂಡರಿ, ಸಿಕ್ಸರ್​ಗಳನ್ನೂ ಬಾರಿಸಿ ರನ್​ ಡೀಲ್​ ಮಾಡಿದ್ರು. ಅದ್ರಲ್ಲೂ ಜೋಷ್​ ಹೇಜಲ್​ವುಡ್​ ಎಸೆದ 15ನೇ ಓವರ್​ನಲ್ಲಿ ರಾಹುಲ್​​ 22 ರನ್​ ಚಚ್ಚಿದ್ರು. ಈ ಓವರ್​ನಲ್ಲೇ ಡೆಲ್ಲಿ ಗೆಲುವನ್ನೂ ಬಹುತೇಕ ಖಚಿತ ಮಾಡಿದ್ರು.

23 ಎಸೆತ ಎದುರಿಸಿದ ಟ್ರಿಸ್ಟನ್​ ಸ್ಟಬ್ಸ್​ 1 ಸಿಕ್ಸ್, 4 ಬೌಂಡರಿ ಸಹಿತ 38 ರನ್​ಗಳಿಸಿದ್ರು. ಕ್ಲಾಸಿಕ್​ ಆಟವಾಡಿದ ರಾಹುಲ್​ 6 ಸಿಕ್ಸರ್​​, 7 ಬೌಂಡರಿ ಸಿಡಿಸಿ ಅಬ್ಬರಿಸಿದ್ರು. 53 ಎಸೆತಗಳಲ್ಲೇ ಅಜೇಯ 93 ರನ್​ಗಳಿಸಿದ್ರು. 17ನೇ ಓವರ್​ನ 5ನೇ ಎಸೆತವನ್ನ ಸಿಕ್ಸರ್​ ಸಿಡಿಸಿದ ರಾಹುಲ್​ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. ಇಷ್ಟೇ ಅಲ್ಲ, ಇದು ನನ್ನ ಜಾಗ.. ನನ್ನ ನೆಲ.. ನನ್ನ ಆಟನೇ ನಡೆಯೋದು ಅಂತಾ ಸೆಲಬ್ರೇಷನ್​ ಮಾಡಿ ಸಂಭ್ರಮಿಸಿದ್ರು.

ಇದನ್ನೂ ಓದಿ: ಇದು ನನ್ನ ಮೈದಾನ, ನನ್ನ ಮನೆ -ಆರ್​ಸಿಬಿ ಸೋಲಿಸಿ KL ರಾಹುಲ್ ಸ್ಫೋಟಕ ಹೇಳಿಕೆ..!

17.5 ಓವರ್​​ಗಳಲ್ಲಿ 4 ವಿಕೆಟ್​ ಕಳೆದುಕೊಂಡು ಗುರಿ ತಲುಪಿದ ಡೆಲ್ಲಿ ಕ್ಯಾಪಿಟಲ್ಸ್​ 6 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತು. 4ಕ್ಕೆ 4 ಪಂದ್ಯ ಗೆದ್ದು ಡೆಲ್ಲಿ ಅಜೇಯ ಓಟ ಮುಂದುವರೆಸಿದ್ರೆ ಆರ್​​ಸಿಬಿ ತವರಿನಲ್ಲಿ ಆಡಿದ ಎರಡನೇ ಪಂದ್ಯದಲ್ಲೂ ಮುಗ್ಗರಿಸಿ ಮುಖಭಂಗ ಅನುಭವಿಸಿತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ