ಪಂದ್ಯದ ಆರಂಭದಲ್ಲೇ RCBಗೆ ಬಿಗ್ ಲಾಸ್.. ರಜತ್ ಸೇನೆಯ ಪ್ಲೇಯಿಂಗ್​- 11ನಲ್ಲಿ ಯಾರಿದ್ದಾರೆ?

ತವರಿನಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಕ್ಯಾಪ್ಟನ್​ ರಜತ್ ಪಾಟಿದಾರ್ ಮತ್ತೊಮ್ಮೆ ಟಾಸ್ ಸೋತಿದ್ದಾರೆ. ಹೀಗಾಗಿ ಆರ್​ಸಿಬಿ ಮೊದಲ ಬ್ಯಾಟಿಂಗ್ ಮಾಡಲಿದ್ದು ರಾಜಸ್ಥಾನ್ ತಂಡ ಫೀಲ್ಡಿಂಗ್​ಗೆ ಆಗಮಿಸಲಿದೆ.

ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ್​ ರಾಯಲ್ಸ್ ತಂಡದ ಕ್ಯಾಪ್ಟನ್​ ರಿಯಾನ್ ಪರಾಗ್​ ಫೀಲ್ಡಿಂಗ್​ ತೆಗೆದುಕೊಂಡಿದ್ದಾರೆ. ತವರಿನಲ್ಲಿ ಮತ್ತೆ ಟಾಸ್ ಕೈಕೊಟ್ಟಿದ್ದರಿಂದ ಆರ್​ಸಿಬಿ ಪರ ಆಟಗಾರರು ಮೊದಲ ಬ್ಯಾಟಿಂಗ್ ಮಾಡಲಿದ್ದಾರೆ. ತಂಡದಲ್ಲಿ ಲಿವಿಂಗ್​ಸ್ಟೋನ್ ಬದಲಿಗೆ ರೊಮಾರಿಯೋ ಶೆಫರ್ಡ್ ಅಖಾಡಕ್ಕೆ ಧುಮಕಲಿದ್ದಾರೆ. ದೇವದತ್ ಪಡಿಕ್ಕಲ್ ಎಂದಿನಂತೆ ಬ್ಯಾಟಿಂಗ್​​ಗೆ ಆಗಮಿಸುವರು.

ಪಂದ್ಯದಲ್ಲಿ ಆರ್​ಸಿಬಿ ಪರ​ ಫಿಲಿಪ್ ಸಾಲ್ಟ್, ವಿರಾಟ್ ಕೊಹ್ಲಿ ಆರಂಭಿಕರಾಗಿ ಕ್ರೀಸ್​ಗೆ ಬರಲಿದ್ದಾರೆ. 3ನೇ ಕ್ರಮಾಂಕದಲ್ಲಿ ದೇವದತ್ ಪಡಿಕ್ಕಲ್ ಮೊದಲಿನಂತೆ ಬ್ಯಾಟಿಂಗ್ ಮುಂದುವರೆಸುವರು. ಸುಯಶ್ ಶರ್ಮಾಗೆ ಬೆಂಚ್​​ಗೆ ಸೀಮಿತ ಮಾಡಿ ಪಡಿಕಲ್​ಗೆ ಅವಕಾಶ ಕೊಡಲಾಗಿದೆ. ನಾಯಕ ರಜತ್ ಪಾಟಿದಾರ್ ಅಬ್ಬರದ ಬ್ಯಾಟಿಂಗ್ ಈಗ ಅತ್ಯಂತ ಮುಖ್ಯವಾಗಿದೆ. ವಿಕೆಟ್​ ಕೀಪರ್ ಕಮ್ ಬ್ಯಾಟ್ಸ್​ಮನ್ ಆಗಿ ಜಿತೇಶ್ ಶರ್ಮಾ ಇದ್ದಾರೆ. ತವರಿನಲ್ಲಿ ಸೋಲನ್ನು ಅನುಭವಿಸಿರುವ ಆರ್​ಸಿಬಿ ಈಗ ರಾಜಸ್ಥಾನ್​ ವಿರುದ್ಧ ಗೆಲುವಿನ ನಗೆ ಬೀರಬೇಕಿದೆ.

ಇದನ್ನೂ ಓದಿ: ಪ್ಲೇ ಆಫ್​ಗಾಗಿ 6 ಟೀಮ್​ಗಳ ನಡುವೆ ಬಿಗ್ ಫೈಟ್​.. RCBಯ ಮುಂದಿನ ದಾರಿ ಕಷ್ಟ.. ಕಷ್ಟ!

ಆಲೌರೌಂಡರ್ ಆಗಿ ಕೃನಾಲ್ ಪಾಂಡ್ಯ ಅವರ ಬ್ಯಾಟಿಂಗ್, ಬೌಲಿಂಗ್ ಎರಡರಲ್ಲೂ ಪರಾಕ್ರಮ ತೋರಬೇಕಿದೆ. ಜೋಶ್ ಹ್ಯಾಜಲ್ವುಡ್, ಯಶ್ ದಯಾಳ್ ಹಾಗೂ ಭುವನೇಶ್ವರ್ ಅವರ ಬೌಲಿಂಗ್ ಆರ್​ಸಿಬಿ ಗೆಲುವಿಗೆ ಶಕ್ತಿಯಾಗಬೇಕಿದೆ. ಎದುರಾಳಿ ತಂಡ ರಾಜಸ್ಥಾನ್ ಕೂಡ ಪ್ರಬಲವಾಗಿದೆ. ಓಪನರ್ ಯಶಸ್ವಿ ಜೈಸ್ವಾಲ್ ಬ್ಯಾಟಿಂಗ್​ ಆರ್​ಸಿಬಿಗೆ ಮುಳುವಾಗಬಹುದು. ನಿತೀಶ್ ರಾಣಾ, ರಿಯಾನ್ ಪರಾಗ್, ಧ್ರುವ್ ಜುರೆಲ್, ಶಿಮ್ರಾನ್ ಹೆಟ್ಮೆಯರ್​ ಅಂತಹ ಬ್ಯಾಟ್ಸ್​ಮನ್​ಗಳು ಘರ್ಜನೆ ಮಾಡುವ ಅವಕಾಶ ಇದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ಲೇಯಿಂಗ್- 11

ರಜತ್ ಪಾಟಿದಾರ್ (ನಾಯಕ), ಫಿಲಿಪ್ ಸಾಲ್ಟ್, ವಿರಾಟ್ ಕೊಹ್ಲಿ, ದೇವದತ್ ಪಡಿಕ್ಕಲ್, ರೊಮಾರಿಯೋ ಶೆಫರ್ಡ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಟಿಮ್ ಡೇವಿಡ್, ಕೃನಾಲ್ ಪಾಂಡ್ಯ, ಭುವನೇಶ್ವರ್ ಕುಮಾರ್, ಜೋಶ್ ಹ್ಯಾಜಲ್‌ವುಡ್, ಯಶ್ ದಯಾಳ್.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ