ಐಪಿಎಲ್​​ ಟ್ರೋಫಿನ ಗುರಾಯಿಸಿದ್ದ ರಜತ್ ಪಾಟಿದಾರ್.. RCB ಕ್ಯಾಪ್ಟನ್​ ನೋಡಿದ್ದು ಯಾವಾಗ?

18 ವರ್ಷಗಳ ನಂತರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಐಪಿಎಲ್ ಟ್ರೋಫಿಯನ್ನು ಮುಡಿಗೇರಿಸಿಕೊಂಡಿದೆ. ಐಪಿಎಲ್ 2025ರ ಚಾಂಪಿಯನ್ ಆಗಿರುವ ಆರ್‌ಸಿಬಿಗೆ 20 ಕೋಟಿ ರೂಪಾಯಿ ಬಹುಮಾನ ಪಡೆಯಲಿದೆ. ರನ್ನರ್ ಅಪ್​ ತಂಡ ಪಂಜಾಬ್ ಕೂಡ 13 ಕೋಟಿ ಹಣ ಜೇಬಿಗಿಳಿಸಲಿದೆ. ಈ ಮಹತ್ವದ ಫೈನಲ್​ ಪಂದ್ಯಕ್ಕೂ ಮೊದಲು ಆರ್​ಸಿಬಿ ಕ್ಯಾಪ್ಟನ್​ ರಜತ್ ಪಾಟಿದಾರ್​ ಟ್ರೋಫಿಯನ್ನು ಗುರಾಯಿಸಿ ಇದೀಗ ವೈರಲ್​ ಆಗ್ತಿದೆ.

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಹಾಗೂ ಪಂಜಾಬ್ ಕಿಂಗ್ಸ್​ ನಡುವೆ ಐಪಿಎಲ್​ನ ಫೈನಲ್ ಪಂದ್ಯಕ್ಕೂ ಒಂದು ದಿನ ಮೊದಲು ಟ್ರೋಫಿ ಜೊತೆ ಎರಡು ತಂಡದ ನಾಯಕರ ಫೋಟೋಶೂಟ್​ ಮಾಡಲಾಗುತ್ತಿತ್ತು. ಈ ವೇಳೆ ಟ್ರೋಫಿ ಪಕ್ಕದಲ್ಲೇ ಕುಳಿತ್ತಿದ್ದ ಆರ್​ಸಿಬಿ ನಾಯಕ ರಜತ್ ಪಾಟಿದಾರ್ ಅವರು ಐಪಿಎಲ್​ ಕಪ್​ ಅನ್ನು ಗುರಾಯಿಸಿ ಕೆಂಗಣ್ಣಿನಿಂದ ಕೆಕ್ಕರಿಸಿ ನೋಡಿದ್ದರು.

ಐಪಿಎಲ್​ ಟ್ರೋಫಿ ಜೊತೆ ಆರ್​ಸಿಬಿ ನಾಯಕ ರಜತ್ ಪಾಟಿದಾರ್ ಹಾಗೂ ಪಂಜಾಬ್​ ಕ್ಯಾಪ್ಟನ್ ಅಯ್ಯರ್ ಹಲವು ಸುಂದರವಾದ ಫೋಟೋಗಗಳಿಗೆ ಪೋಸ್ ಕೊಟ್ಟಿದ್ದರು. ನರೇಂದ್ರ ಮೋದಿ ಸ್ಟೇಡಿಯಂ ಸೇರಿದಂತೆ ಅಹಮದಾಬಾದ್​ ನಗರದಲ್ಲಿನ ಕೆಲ ಪ್ರೇಕ್ಷಣೀಯ ಸ್ಥಳಗಳಿಗೆ ತೆರಳಿ ಫೋಟೋಶೂಟ್ ಮಾಡಲಾಗಿತ್ತು.

ಇದನ್ನೂ ಓದಿ:IPL ಟ್ರೋಫಿ ಜೊತೆ ಆರ್​ಸಿಬಿ ಕ್ಯಾಪ್ಟನ್​ ರಜತ್, ಶ್ರೇಯಸ್​ ಮಸ್ತ್​ ಲುಕಿಂಗ್​.. ಟಾಪ್-10 ಫೋಟೋಸ್​!

ಸದ್ಯ ಪಂಜಾಬ್​ ಕಿಂಗ್ಸ್​ ವಿರುದ್ಧ ಆರ್​ಸಿಬಿ ಜಯಭೇರಿ ಬಾರಿಸಿ ಟ್ರೋಫಿ ಎತ್ತಿ ಹಿಡಿದಿದೆ. ಫೈನಲ್​ ಪಂದ್ಯದ ವೇಳೆ ಪ್ರತಿ ಕ್ಷಣ ಕೂಡ ತುಂಬಾ ಮುಖ್ಯವಾಗಿತ್ತು. ಮೈದಾನದಲ್ಲೇ ವಿರಾಟ್​ ಕೊಹ್ಲಿ ಕಣ್ಣೀರು ಹಾಕಿರುವುದು ಎಲ್ಲರನ್ನೂ ಭಾವುಕರನ್ನಾಗಿಸಿತು. ಈ ಎಲ್ಲದರ ನಡುವೆ ಶ್ರೇಯಸ್ ಅಯ್ಯರ್ ಪಕ್ಕದಲ್ಲೇ ಇರುವಾಗ, ರಜತ್ ಪಾಟಿದಾರ್​ ಫೈನಲ್ ಪಂದ್ಯಕ್ಕೂ ಮೊದಲೇ ಟ್ರೋಫಿಯನ್ನು ಕೆಕ್ಕರಿಸಿ ನೋಡಿರುವ ಫೋಟೋ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದೆ.

ಫೈನಲ್​ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಆರ್‌ಸಿಬಿ 20 ಓವರ್‌ಗಳಲ್ಲಿ 9 ವಿಕೆಟ್‌ಗಳಿಗೆ 190 ರನ್​​ಗಳ ಟಾರ್ಗೆಟ್ ನೀಡಿತ್ತು. ಈ ಗುರಿಯನ್ನು ಸ್ವೀಕರಿಸಿದ್ದ ಎದುರಾಳಿ ಪಂಜಾಬ್ ಕಿಂಗ್ಸ್ ತಂಡ 20 ಓವರ್‌ಗಳಲ್ಲಿ 7 ವಿಕೆಟ್‌ಗಳಿಗೆ 184 ರನ್‌ಗಳನ್ನು ಮಾತ್ರ ಗಳಿಸಿ 6 ರನ್​​ಗಳಿಂದ ಸೋಲೋಪ್ಪಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ