RCB ಕ್ಯಾಪ್ಟನ್ಸಿ ರೇಸ್​ನಲ್ಲಿ ನಾಲ್ವರ ಹೆಸರು.. ಯಾರಿಗೆ ಇದೆ ಆ ಅದೃಷ್ಟ..?

ಮೆಗಾ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ರಾಯಲ್ ತಂಡವನ್ನ ಕಟ್ಟಿದೆ. ಈಗಾಗಲೇ ಸೀಸನ್-18ರ ಸಿದ್ದತೆಯನ್ನು ಆರಂಭಿಸಿರುವ ಆರ್​ಸಿಬಿ ಕ್ಯಾಪ್ಟನ್ ಯಾರ್ ಆಗ್ತಾರೆ ಅನ್ನೋ ಗುಟ್ಟು ಮಾತ್ರ ಬಿಟ್ಟು ಕೊಡ್ತಿಲ್ಲ. ಇದು ಸಹಜವಾಗೇ ಫ್ಯಾನ್ಸ್​ ವಲಯದಲ್ಲಿ ಮತ್ತಷ್ಟು ಕುತೂಹಲ ಹುಟ್ಟಿಹಾಕಿದೆ.

ಬಲಿಷ್ಠ ತಂಡ ಕಟ್ಟಿದ್ದಾಯ್ತು. ಸೀಸನ್​​-18ರ ಐಪಿಎಲ್ ಟೂರ್ನಿಗೆ ಆರ್​ಸಿಬಿ ರಣಕಹಳೆ ಮೊಳಗಿಸಿದ್ದಾಯ್ತು. ಆರ್​ಸಿಬಿಯ ಮುಂದಿನ ಕ್ಯಾಪ್ಟನ್ ಯಾರ್ ಆಗ್ತಾರೆ ಅನ್ನೋ ಮಿಲಿಯನ್ ಡಾಲರ್​ ಪ್ರಶ್ನೆ ಮಾತ್ರ, ದಿನದಿಂದ ದಿನಕ್ಕೆ ಹೆಚ್ಚಾಗ್ತಿದೆ. ಆರ್​ಸಿಬಿಯ ನಾಯಕತ್ವದ ಪಟ್ಟಕ್ಕೇರಲು ತಂಡದಲ್ಲಿ ಭಾರೀ ಪೈಪೋಟಿಯೇ ನಡೆಯುತ್ತಿದ್ದು, ಕ್ಯಾಪ್ಟನ್ಸಿ ರೇಸ್​ನಲ್ಲಿ ಯಾರಿಗೆ ಅಧಿಕಾರ ಸಿಗುತ್ತೆಂಬ ಕುತೂಹಲ ಫ್ಯಾನ್ಸ್​ನಲ್ಲೂ ಮನೆ ಮಾಡಿದೆ.

ಇದನ್ನೂ ಓದಿ:ಆಸ್ಟ್ರೇಲಿಯಾದ ವಿರುದ್ಧ ಮಹತ್ವದ ಟೆಸ್ಟ್​; ಭಾರತ ತಂಡದ ಮಾನ ಕಾಪಾಡಿದ ಕೆ.ಎಲ್​ ರಾಹುಲ್

ವಿರಾಟ್​ ಕೊಹ್ಲಿ
ಆರ್​ಸಿಬಿಯ ಫಸ್ಟ್​ ಚಾಯ್ಸ್​ ಕ್ಯಾಪ್ಟನ್​​. ಇದಕ್ಕೆ ಕಾರಣ ಆರ್​ಸಿಬಿಯ ಯಶಸ್ವಿ ನಾಯಕ ಎಂಬ ಟ್ಯಾಗ್ ಲೈನ್ ಮಾತ್ರವಲ್ಲ. ಮುನ್ನುಗ್ಗಿ ಹೊಡೆಯುವ ಡೇರ್ ಡೆವಿಲ್​​ ಕ್ಯಾಪ್ಟನ್ಸಿಯ ಗುಣವೂ ಒಂದಾಗಿದೆ. ಲೀಡರ್​ಶಿಪ್ ಕ್ವಾಲಿಟಿ ಹೊಂದಿರುವ ಕೊಹ್ಲಿ, ಇತರೆ ಆಟಗಾರರಿಗೂ ರೋಲ್ ಮಾಡೆಲ್ ಮತ್ತು ಮೋಟಿವೇಟರ್. ಹೀಗಾಗಿ ಮತ್ತೆ ವಿರಾಟ್​ ನಾಯಕತ್ವದ ಪಟ್ಟಕ್ಕೇರಿದ್ರೆ, ಪ್ರತಿ ಆಟಗಾರ ವಿರಾಟ್​​​ಗಾಗಿ ಕಪ್ ಗೆಲ್ಲಬೇಕೆಂಬ ಎಫರ್ಟ್ ಹಾಕೋದ್ರಲ್ಲಿ ಡೌಟೇ ಇಲ್ಲ. ನಾಯಕತ್ವದಿಂದ ಕೆಳಗಿಳಿದಿರುವ ಕೊಹ್ಲಿ, ಮತ್ತೆ ನಾಯಕತ್ವದ ಪಟ್ಟಕ್ಕೇರ್ತಾರಾ ಅನ್ನೋದೇ ಸದ್ಯದ ಪ್ರಶ್ನೆ.

ಭುವನೇಶ್ವರ್ ಕುಮಾರ್
ಸ್ವಿಂಗ್ ಮಾಸ್ಟರ್​ ಭುವನೇಶ್ವರ್ ಕುಮಾರ್, ಕೂಲ್ ಆ್ಯಂಡ್ ಕಾಮ್ ಕ್ಯಾಪ್ಟನ್ ಆಗೋದ್ರಲ್ಲಿ ಡೌಟೇ ಇಲ್ಲ. ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿರುವ ಅನುಭವ ಹೊಂದಿರುವ ಈತ, ಟಿ20 ಫಾರ್ಮೆಟ್​ಗೆ ಹೇಳಿ ಮಾಡಿಸಿರುವ ಬೌಲರ್. ಎದುರಾಳಿ ಬೌಟರ್​ಗಳನ್ನು ಅದ್ಬುತವಾಗಿ ರೀಡ್ ಮಾಡಬಲ್ಲರು. ದೇಶಿ ಕ್ರಿಕೆಟ್​ನಲ್ಲಿ ಉತ್ತರ ಪ್ರದೇಶ ತಂಡವನ್ನು ಮುನ್ನಡೆಸುವ ಕಲೆಗಾರಿಕೆ ಹೊಂದಿರುವ ಭುವಿ, ಓತ್ತಡದ ಸಂದರ್ಭಗಳನ್ನು ಅದ್ಬುತವಾಗಿ ನಿಭಾಯಿಸಬಲ್ಲರು. ಹೀಗಾಗಿ ಭುವಿ, 2ನೇ ಕ್ಯಾಪ್ಟನ್ ಆಯ್ಕೆ ಆಗೋದ್ರಲ್ಲಿ ಅನುಮಾನ ಇಲ್ಲ. ಆದ್ರೆ, ವಯಸ್ಸಿನ ಕಾರಣಕ್ಕೆ ಹಿಂದೇಟು ಹಾಕಿದರು ಅಚ್ಚರಿ ಇಲ್ಲ.

ಇದನ್ನೂ ಓದಿ:ಕನ್ನಡಿಗನಿಗೆ ಸುವರ್ಣಾವಕಾಶ: RCB ಸೇರಿದ ಬೆನ್ನಲ್ಲೇ ದೇವದತ್​​ ಪಡಿಕ್ಕಲ್​ಗೆ​ ಜಾಕ್​ಪಾಟ್​​

ರಜತ್ ಪಾಟಿದಾರ್
ರಜತ್ ಪಾಟಿದಾರ್, ಆರ್​ಸಿಬಿಯ ನ್ಯೂ ಲೀಡರ್ ಆಗೋ ಚಾನ್ಸ್​ ದಟ್ಟವಾಗಿದೆ. ಆರ್​ಸಿಬಿ ಪರ ಪ್ರಾಮೀಸಿಂಗ್ ಪರ್ಫಾಮೆನ್ಸ್​ ನೀಡಿರುವ ರಜತ್, ಸೈಯದ್ ಮುಷ್ತಾಕ್ ಆಲಿ ಟೂರ್ನಿಯಲ್ಲಿ ನಾಯಕನಾಗಿ ಗಮನ ಸೆಳೆದಿದ್ದಾರೆ. ತಂಡವನ್ನು ಫೈನಲ್​ಗೆ ಕೊಂಡೊಯ್ಯುದಿರುವ ಪಾಟಿದಾರ್, ಅದ್ಬುತ ನಾಯಕತ್ವದ ಗುಣಗಳನ್ನು ಹೊರಹಾಕಿದ್ದಾರೆ. ಲಾಂಗ್ ಟರ್ಮ್ ಲೀಡರ್​ಶಿಪ್​ಗಾಗಿ ರಜತ್ ಪಾಟಿದಾರ್ ಬೆಸ್ಟ್​ ಚಾಯ್ಸ್ ಅನ್ನೋದ್ರಲ್ಲಿ ನೋ ಡೌಟ್.

ಕೃನಾಲ್ ಪಾಂಡ್ಯ
ಕೃನಾಲ್ ಪಾಂಡ್ಯ, ದೇಶಿ ಕ್ರಿಕೆಟ್​ನಲ್ಲಿ ಬರೋಡ ತಂಡದ ನಾಯಕ. ಐಪಿಎಲ್​ನಲ್ಲಿ ಲಕ್ನೋ ತಂಡದ ಉಪ ನಾಯಕನೂ ಆಗಿರುವ ಕೃನಾಲ್, ಗೇಮ್ ಚೇಂಜರ್ ಆ್ಯಂಡ್ ಮ್ಯಾಚ್ ವಿನ್ನರ್ ಪ್ಲೇಯರ್. ದೇಶಿ ಕ್ರಿಕೆಟ್​ನಲ್ಲಿ ತಂಡವನ್ನು ಮುನ್ನಡೆಸಿರುವ ಅನುಭವವನ್ನು ಹೊಂದಿರುವ ಈತ, ವಿರಾಟ್ ಕೊಹ್ಲಿಯಷ್ಟೇ ಅಗ್ರೆಸ್ಸಿವ್.

ಸದ್ಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯ ಕ್ಯಾಪ್ಟನ್ಸಿ ರೇಸ್​ನಲ್ಲಿ ನಾಲ್ವರ ಹೆಸರು ಕೇಳಿಸ್ತಿದೆ. ಮ್ಯಾನೇಜ್​ಮೆಂಟ್​ನ ಒಲವು ವಿರಾಟ್​ ಕೊಹ್ಲಿ ಹಾಗೂ ರಜತ್ ಪಾಟಿದಾರ್​ ಮೇಲಿದ್ದಂತೆ ಕಾಣಿಸ್ತಿದೆ. ಅಂತಿಮವಾಗಿ ಯಾರಿಗೆ ಪಟ್ಟ ಕಟ್ಟುತ್ತೆ ಅನ್ನೋದನ್ನ ಕಾದುನೋಡಬೇಕಿದೆ.

ಇದನ್ನೂ ಓದಿ:ಹಾರ್ದಿಕ್ ಪಾಂಡ್ಯ ಸೆಕೆಂಡ್ ಮ್ಯಾರೇಜ್​.. ಮಾಡೆಲ್ ಕೈಲಿ ಜೆನ್ನರ್ ಯಾರು, 2 ಮಕ್ಕಳ ತಾಯಿನಾ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್