ಆರ್​​ಸಿಬಿ ಮುಂದಿನ ಕ್ಯಾಪ್ಟನ್​​ ಯಾರು? ಎಂದು ಸ್ಫೋಟಕ ಸುಳಿವು ಕೊಟ್ಟ ಮುಖ್ಯ ಕೋಚ್​; ಕೊಹ್ಲಿ ಕಥೆಯೇನು?

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜು ಮುಗಿದಿದೆ. ಮುಂದಿನ ಸೀಸನ್​​ ಶುರುವಾಗಲು ಇನ್ನೇನು ಕೇವಲು ಒಂದೂವರೆ ತಿಂಗಳು ಬಾಕಿ ಇದ್ದು, ಬಹುತೇಕ ತಂಡಗಳು ಹೊಸ ನಾಯಕನೊಂದಿಗೆ ಕಣಕ್ಕಿಳಿಯಲಿವೆ. ಆರ್​​ಸಿಬಿ ಕೂಡ ಹೊಸ ಕ್ಯಾಪ್ಟನ್​ ಜತೆ ಕಣಕ್ಕಿಳಿಯೋ ಸಾಧ್ಯತೆ ಇದ್ದು, ಕೊಹ್ಲಿ ಹೆಸರು ಕೇಳಿ ಬಂದಿದೆ.

ಈ ಬಗ್ಗೆ ಆರ್​​ಸಿಬಿ ಮುಖ್ಯ ಕೋಚ್‌ ಆ್ಯಂಡಿ ಫ್ಲವರ್ ಮಾತಾಡಿದ್ದಾರೆ. ನಮ್ಮ ನಿರ್ಧಾರ ಮುಂದಿನ 3 ವರ್ಷಗಳು ಹೇಗೆ ಇರುತ್ತವೆ ಅನ್ನೋದರ ಮೇಲೆ ಅವಲಂಬಿಸಿರುತ್ತದೆ. ನಾಯಕತ್ವದ ಬಗ್ಗೆ ಇನ್ನೂ ನಿರ್ಧಾರ ಆಗಿಲ್ಲ. ಅಲ್ಲಿಯವರೆಗೂ ಎಲ್ಲರೂ ಕಾಯಲೇಬೇಕು ಎಂದಿದ್ದಾರೆ.

ಮ್ಯಾನೇಜ್‌ಮೆಂಟ್ ಭವಿಷ್ಯವನ್ನು ಗಮನದಲ್ಲಿಟ್ಟುಕೊಂಡು ನಿರ್ಧಾರ ತೆಗೆದುಕೊಳ್ಳಲು ಬಯಸಿದೆ. ಯುವ ಆಟಗಾರನಿಗೆ ನಾಯಕತ್ವ ನೀಡಬೇಕು ಎನ್ನುವ ಮಾತುಗಳು ಕೇಳಿ ಬಂದಿವೆ. ಕೊಹ್ಲಿ ಕ್ಯಾಪ್ಟನ್​ ಆದ್ರೆ ಮುಂದಿನ ಮೂರ್ನಾಲ್ಕು ವರ್ಷಗಳವರೆಗೆ ತಂಡ ಮುನ್ನಡೆಸಬಹುದು. ಕೊಹ್ಲಿ ಅಂತಾರಾಷ್ಟ್ರೀಯ ಟಿ20ಯಿಂದ ನಿವೃತ್ತಿಯಾಗಿದ್ದು, ಈಗ ಆರಾಮಾಗಿದ್ದಾರೆ. ಇವರು ಒಪ್ಪಿದರೆ ಅವರಿಗೆ ಕ್ಯಾಪ್ಸನ್ಸಿ ನೀಡುತ್ತೇವೆ ಎಂದಿದ್ದಾರೆ ಆ್ಯಂಡಿ ಫ್ಲವರ್​.

ಐಪಿಎಲ್-2025 ಹರಾಜಿನಲ್ಲಿ ಆರ್‌ಸಿಬಿ ಯಾವುದೇ ನಾಯಕನ ಖರೀದಿಸಲಿಲ್ಲ. ಹೀಗಾಗಿ ನಾಯಕತ್ವದ ಜವಾಬ್ದಾರಿಯನ್ನು ವಿರಾಟ್‌ಗೆ ಹಸ್ತಾಂತರಿಸುವ ಚರ್ಚೆ ಜೋರಾಗಿದೆ. ಕೆ.ಎಲ್.ರಾಹುಲ್ ಅವರನ್ನು ಖರೀದಿಸಿ ತಂಡದ ನಾಯಕತ್ವ ನೀಡಲಾಗುವುದು ಎಂದು ಹೇಳಲಾಗುತ್ತಿತ್ತು. ಆದರೆ ಹರಾಜಿನಲ್ಲಿ ಕೆ.ಎಲ್​ ರಾಹುಲ್​​ ಮೇಲೆ ಆರ್​​ಸಿಬಿ ಹಣ ಸುರಿಯಲಿಲ್ಲ. ಹೀಗಾಗಿ ಆರ್​ಸಿಬಿ ಕ್ಯಾಪ್ಟನ್ಸಿ ರೇಸ್​ನಲ್ಲಿ ಕೊಹ್ಲಿ ನಂತರ ರಜತ್​ ಪಾಟಿದಾರ್​ ಹೆಸರು ಕೇಳಿ ಬಂದಿದೆ.

ಇದನ್ನೂ ಓದಿ:ಗ್ರಾಹಕರಿಗೆ ಬಿಗ್​ ಶಾಕ್​​; ಮಾರುತಿ ಕಾರುಗಳ ಬೆಲೆಯಲ್ಲಿ ಬರೋಬ್ಬರಿ 32 ಸಾವಿರ ಏರಿಕೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ