ಈ ಸಲ ಆರ್​ಸಿಬಿ ಹಣೆಬರಹ ಬದಲಾಯಿಸಲಿದ್ದಾರೆ ನಾಲ್ವರು ಸ್ಟಾರ್​ಗಳು..!

ಆರ್​ಸಿಬಿ ಕೇವಲ ತಂಡವಲ್ಲ. ಅದೊಂದು ಎಮೋಷನ್​. ಅಭಿಮಾನಿಗಳ ಪಾಲಿನ ಉಸಿರು, ಹೆಮ್ಮೆ. ಉದೇ ಕಾರಣಕ್ಕೆ 17 ವರ್ಷಗಳು ಕಪ್ ಗೆಲ್ಲದಿದ್ದರೂ, ಆರ್​ಸಿಬಿಗೆ ಜೈಕಾರ ಹಾಕಿ, ಹಾಡು ಹಾಡಿ, ಡ್ಯಾನ್ಸ್ ಮಾಡಿ ಪ್ರತಿ ಸೀಸನ್​ನಲ್ಲಿ ಜೋಶ್ ತುಂಬ್ತಾರೆ. ಸೀಸನ್ ಕೊನೆಯಲ್ಲಿ ಸೋತು ನಿರಾಸೆ ಮೂಡಿಸುತ್ತೆ. ಒಮ್ಮೆಯೂ ಚಾಂಪಿಯನ್ ಆಗದ ಆರ್​ಸಿಬಿ ಹಣೆಬರಹ ಈ ಸಲ ಬದಲಾಗಲಿದೆ. ಇದಕ್ಕೆ ಕಾರಣ ಈ ಸ್ಟಾರ್ ಆಟಗಾರರು!

ಆರ್​ಸಿಬಿ ಟೀಮ್​ಗೆ ಒಬ್ಬ ದೈತ್ಯ ಓಪನರ್ ಎಂಟ್ರಿ ನೀಡಿದ್ದಾನೆ. ಆತನೇ ಇಂಗ್ಲೆಂಡ್​​ನ ಡೇಂಜರಸ್ ಓಪನರ್​ ಫಿಲ್ ಸಾಲ್ಟ್​. ಕ್ರಿಸ್ ಗೇಲ್ ನಂತರ ಡಿಸ್ಟ್ರಕ್ಟೀವ್ ಓಪನರ್ ಆರ್​ಸಿಬಿಗೆ ಸಿಕ್ಕಿರಲಿಲ್ಲ. ಆದ್ರೀಗ ಈ ಬಾಹುಬಲಿ ಓಪನರ್​​​​​​​​​ ಫಿಲ್ ಸಾಲ್ಟ್​, ಕ್ರಿಸ್ ಕಚ್ಚಿ ನಿಂತರೆ ಆರ್ಭಟ ಯಾರಿಂದ್ಲೂ ತಡೆಯೋಕೆ ಆಗಲ್ಲ. ಹೀಗಾಗಿ ಫಿಲ್ ಸಾಲ್ಟ್​ ಎಂಟ್ರಿಕೊಟ್ಟಿರೋದು ಆರ್​ಸಿಬಿ ತಂಡದ ಬ್ಯಾಟಿಂಗ್​ಗೆ ಆನೆ ಬಲ ಬಂದಾಂತಾಗಿದೆ. ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್​ ಜೊತೆಗೆ ಫಿಲ್ ಸಾಲ್ಟ್​ ರನ್ ಸುನಾಮಿ ಎಬ್ಬಿಸೋದು ಗ್ಯಾರೆಂಟಿ..

ಇದನ್ನೂ ಓದಿ: ವಿದ್ಯಾವಾಚಸ್ಪತಿ, ಹಿರಿಯ ಸಾಹಿತಿ ಡಾ. ಪಂಚಾಕ್ಷರಿ ಹಿರೇಮಠ ನಿಧನ.. ಗಣ್ಯರಿಂದ ಸಂತಾಪ

ಆರ್​ಸಿಬಿಯ ಬತ್ತಳಿಕೆಯಲ್ಲಿ ಸೂಪರ್ ಮಿಸೈಲ್​​ಗಳಿವೆ. ಕ್ಷಣಾರ್ದದಲ್ಲಿ ಎದುರಾಳಿಗಳನ್ನ ಮಟಾಶ್ ಮಾಡುವ ಸಾಮರ್ಥ್ಯ ಈ ಆಸಿಸ್ ಆ್ಯಂಡ್ ಇಂಗ್ಲೆಂಡ್ ಮಿಸೈಲ್​​ಗಳಿವೆ. ಆ ಮಿಸೈನ್​​ಗಳ ಹೆಸರೇ ಆಸ್ಟ್ರೇಲಿಯಾದ ಆಲ್​ರೌಂಡರ್ ಟಿಮ್ ಡೇವಿಡ್, ಇಂಗ್ಲೆಂಡ್​ನ ಲಿಯಾಮ್ ಲಿವಿಂಗ್ ಸ್ಟೋನ್.

ಇಂಗ್ಲೆಂಡ್, ಆಸಿಸ್​ ಆಲ್​ರೌಂಡರ್​ ಜೊತೆಗಿರುವ ಮತೊಬ್ಬ ದೈತ್ಯ ಆಲ್​ರೌಂಡರ್ ರೊಮಾರಿಯೋ ಶೆಫಾರ್ಡ್​. ವಿಂಡೀಸ್​ನ ದೈತ್ಯನಾಗಿರುವ ರೊಮಾರಿಯೋ ಶೆಫರ್ಡ್, ಅದ್ಭುತ ಬೌಲಿಂಗ್ ಜೊತೆಗೆ ಬ್ಯಾಟಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ.

ಸಿಕ್ಸರ್​ನ ಸಿಡಿಗುಂಡು ಶರ್ಮಾ

ಜಿತೇಶ್​ ಶರ್ಮಾ, ನೋಡಲು ಸಣ್ಣ ಇದ್ದರೂ ಇವರು ಸಿಡಿಸೋ ಒಂದೊಂದು ಸಿಕ್ಸರ್ ವಾವ್ ಎನಿಸುತ್ತೆ. ಇಷ್ಟು ಸುಲಭಕ್ಕೆ ಸಿಕ್ಸರ್ ಸಿಡಿಸಬಹುದಾ ಅನ್ನೋ ಭಾವನೆ ಉಂಟಾಗುತ್ತೆ. ಹೇಳಿ ಕೇಳಿ ಆರ್​​ಸಿಬಿ ಹೋಮ್​​​ಗ್ರೌಂಡ್​ ಚಿನ್ನಸ್ವಾಮಿ ಚಿಕ್ಕ ಗ್ರೌಂಡ್. ಬ್ಯಾಟ್ಸ್​ಮನ್​ಗಳ ಪಾಲಿನ ಸ್ವರ್ಗ. ಇದೇ ಕಾರಣಕ್ಕೆ ಬೌಲಿಂಗ್ ಆರ್​ಸಿಬಿ ತನ್ನ ಬತ್ತಳಿಕೆಗೆ ಮೂರು ಮಿಷನ್ ಗನ್ಸ್​ ತಂದಿಟ್ಟಿದೆ. ಈ ಪೈಕಿ ಒಬ್ಬರು ಸ್ವಿಂಗ್ ಮಾಸ್ಟರ್​ ಭುವನೇಶ್ವರ್ ಕುಮಾರ್. ಪವರ್ ಪ್ಲೇ, ಡೆತ್ ಓವರ್​ಗಳಲ್ಲಿ ಬ್ಯಾಟ್ಸ್​ಮನ್​ಗಳಿಗೆ ಚಳ್ಳೆ ಹಣ್ಣು ತಿನ್ನಿಸುವ ಭುವಿಯ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇದೆ.

ಇದನ್ನೂ ಓದಿ: 9 ತಿಂಗಳ ಬಳಿಕ ಭೂಮಿಗೆ ಬರ್ತಿದ್ದಂತೆ ಏನೆಲ್ಲ ಸಂಭವಿಸ್ತದೆ.. NASA ರೆಸ್ಕ್ಯೂ ಆಪರೇಷನ್ ಹೇಗಿತ್ತು..?

ಭುವನೇಶ್ವರ್ ಜೊತೆ ಆರ್​ಸಿಬಿ ಶಕ್ತಿಯಾಗಿ ಕಾಣ್ತಿರುವುದು ಆಸ್ಟ್ರೇಲಿಯಾದ ಪೇಸ್ ಗನ್ ಜೋಶ್ ಹೇಜಲ್​​ವುಡ್​​. ಎಂಥ ಕಂಡೀಷನ್ಸ್​ನಲ್ಲೂ ಸ್ಟಾರ್ ಬ್ಯಾಟ್ಸ್​ಮನ್​​​ಗಳನ್ನೇ ನಡುಗಿಸಬಲ್ಲ ಈತನ ಜೊತೆ ಥೇಟ್​​ ಲಸಿತ್​ ಮಲಿಂಗರಂತೆ ಬೌಲಿಂಗ್​ ಮಾಡೋ ಲಂಕಾದ ನುವಾನ್​ ತುಷಾರ, ಕರಾರುವಕ್​ ಯಾರ್ಕರ್​ ಹಾಕೋದ್ರಲ್ಲಿ ಪಂಟರ್​​. ಈ ಮೂವರ ಕಾಂಬಿನೇಷನ್ ವರ್ಕ್​ ಆಗಿಬಿಟ್ರೆ, ಆರ್​ಸಿಬಿ ಕಪ್ ಗೆಲ್ಲೋದನ್ನ ಆ ಬ್ರಹ್ಮನಿಂದಲೂ ತಡಿಯೋಕೆ ಸಾಧ್ಯವಿಲ್ಲ.

ಕೃನಾಲ್ ಪಾಂಡ್ಯ, ಮನೋಜ್ ಬಾಂಡೆಗೆ, ಸುಯಾಶ್ ಶರ್ಮಾ ಸಹ ಆರ್​ಸಿಬಿಯ ನಯಾ ಮ್ಯಾಚ್ ವಿನ್ನರ್​ಗಳು ಅನ್ನೋದನ್ನ ಮರೆಯುವಂತಿಲ್ಲ.

ಇದನ್ನೂ ಓದಿ: ನ್ಯೂ RCB ಟೀಮ್ ಹೇಗಿದೆ.. ಬಲಿಷ್ಠ ತಂಡದ ಸ್ಟ್ರೆಂಥ್​​​- ವೀಕ್ನೆಸ್ ಏನೇನು ಇವೆ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್