ಚಹಾಲ್ ಮತ್ತೆ ಆರ್​​ಸಿಬಿಗೆ ಎಂಟ್ರಿ.. ಮ್ಯಾನೇಜ್ಮೆಂಟ್​ನಲ್ಲಿ ಭಾರೀ ಲೆಕ್ಕಾಚಾರ..!

ಐಪಿಎಲ್ ಆಕ್ಷನ್​​ಗೆ ಇನ್ನೇನು ಕೆಲವೇ ದಿನಗಳು ಮಾತ್ರ ಬಾಕಿ ಇವೆ. ಆರ್​​ಸಿಬಿಯ ಮಾಜಿ ಸ್ಟಾರ್​​ ಯಜುವೇಂದ್ರ ಚಹಾಲ್ ಮತ್ತೆ  ಸುದ್ದಿಯಾಗುತ್ತಿದ್ದಾರೆ. ರಾಜಸ್ಥಾನ್ ರಾಯಲ್ಸ್ ಅವರನ್ನು ತಂಡದಿಂದ ಕೈಬಿಟ್ಟಿದ್ದು, ಚಹಾಲ್ ನೇರವಾಗಿ ಆಕ್ಷನ್​​ಗೆ ಎಂಟ್ರಿಯಾಗಿದ್ದಾರೆ.

ಬೆನ್ನಲ್ಲೇ ಚಹಾಲ್​​ ಅವರನ್ನು ಖರೀದಿಸಲು ಹಲವು ಫ್ರಾಂಚೈಸಿಗಳು ತುದಿಗಾಲಲ್ಲಿ ನಿಂತಿವೆ. ಅದರಲ್ಲಿ ಆರ್​ಸಿಬಿ ಕೂಡ ಸೇರಿದೆ. ಆರ್​ಸಿಬಿ ಚಹಾಲ್​ರನ್ನು ಮತ್ತೆ ಖರೀದಿಸಲು ಲೆಕ್ಕಾಚಾರ ಹಾಕ್ತಿದೆ ಎಂದು ವರದಿಯಾಗಿದೆ. ಅದರ ಜೊತೆ ಅನೇಕ ತಂಡಗಳು ಚಹಾಲ್​ ಮೇಲೆ ನಿಗಾ ಇಟ್ಟಿದ್ದು, ಹರಾಜಿನ ವೇಳೆ ಕೋಟಿ ಕೋಟಿ ಹಣವನ್ನು ಬಿಡ್ ಆಗುವ ನಿರೀಕ್ಷೆ ಇದೆ. ಪಂಜಾಬ್ ಕಿಂಕ್ಸ್​, ಚೆನ್ನೈ ಸೂಪರ್ ಕಿಂಗ್ಸ್, ರಾಜಸ್ಥಾನ್ ರಾಯಲ್ಸ್, ಸನ್​ರೈಸರ್ಸ್ ಹೈದ್ರಾಬಾದ್ ತಂಡ ಕೂಡ ಚಹಾಲ್​ರನ್ನು ಬುಟ್ಟಿಗೆ ಹಾಕಿಕೊಳ್ಳಲು ಪ್ಲಾನ್ ಮಾಡಿವೆ ಎನ್ನಲಾಗಿದೆ.

ಇದನ್ನೂ ಓದಿ:13 ಭರ್ಜರಿ ಸಿಕ್ಸರ್​​.. 25 ಫೋರ್​​.. ಆಕ್ಷನ್​​ಗೆ ಮುನ್ನ ಅಬ್ಬರಿಸಿದ ಆರ್​​ಸಿಬಿ ಸ್ಟಾರ್​ ಬ್ಯಾಟರ್​

ಚಹಾಲ್ ಬಯಸೋದು ಯಾಕೆ..?
ಆರ್​ಸಿಬಿ ಚಹಾಲ್​ರನ್ನು ಬಯೋಸುತ್ತಿರೋದ್ರಲ್ಲಿ ಯಾವುದೇ ಅಚ್ಚರಿ ಇಲ್ಲ. 2025 ಐಪಿಎಲ್​​ ಹರಾಜಿಗೂ ಮೊದಲೇ ಅವರನ್ನು ಖರೀದಿಸುವ ಪ್ಲಾನ್ ಮಾಡಿತ್ತು ಆರ್​ಸಿಬಿ. ಆದರೆ ಅದು ಸಾಧ್ಯವಾಗಿರಲಿಲ್ಲ. ಲೆಗ್​ ಸ್ಪಿನ್ನರ್ ಆಗಿರುವ ಚಹಾಲ್, 2014 ರಿಂದ 2021ರವರೆಗೆ ಆರ್​ಸಿಬಿ ಭಾಗವಾಗಿದ್ದರು. ಈ ಅವಧಿಯಲ್ಲಿ ಅವರು 114 ಪಂದ್ಯಗಳನ್ನು ಆಡಿ 177 ವಿಕೆಟ್ ಪಡೆದುಕೊಂಡಿದ್ದಾರೆ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಅವರು ನೀಡುವ ಪ್ರದರ್ಶನ ಅದ್ಭುತ. ಅಂದು ಬೆಂಗಳೂರು ತಂಡದ ಗೆಲುವಿಗೆ ಚಹಾಲ್ ಮಾಡಿರುವ ಕೈಚಳಕವನ್ನು ಅಭಿಮಾನಿಗಳು ಇನ್ನೂ ಮರೆತಿಲ್ಲ.

ಇದನ್ನೂ ಓದಿ:ಸಂಜು ಸಿಡಿಸಿದ ಪವರ್ ಫುಲ್ ಸಿಕ್ಸರ್​.. ಮಹಿಳಾ ಅಭಿಮಾನಿಗೆ ಬಡಿದ ಚೆಂಡು, ನೋವಿನಿಂದ ಕಣ್ಣೀರು

ಆರ್​ಸಿಬಿ ಜೇಬಿನಲ್ಲಿ 83 ಕೋಟಿ ರೂಪಾಯಿ ಹಣ ಇದೆ. ಅದರಲ್ಲಿ ಚಹಾಲ್​​ರನ್ನು ಖರೀದಿಸಲು ಕೋಟಿ ಕೋಟಿ ಹಣ ನೀಡಲು ಸಿದ್ಧವಿದೆ. ಆರ್​ಸಿಬಿ ದಂತಕತೆ ಎಬಿ ಡಿ ವಿಲಿಯರ್ಸ್ ಕೂಡ ಚಹಾಲ್​​​ರನ್ನು ಮತ್ತೆ ತಂಡಕ್ಕೆ ಸೇರಿಸಿಕೊಳ್ಳಬೇಕು ಎಂದು ಅನಿಸಿಕೆ ವ್ಯಕ್ತಪಡಿಸಿದ್ದಾರೆ. ಲಕ್ಷಾಂತರ ಅಭಿಮಾನಿಗಳ ಆಸೆ ಕೂಡ ಇದೆ ಆಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್