IPL 2025: KL ರಾಹುಲ್​​ ಮುಂದೆ ಬಹುದೊಡ್ಡ ಬೇಡಿಕೆ ಇಟ್ಟ ಆರ್​​ಸಿಬಿ ಫ್ಯಾನ್ಸ್​​; ಏನದು?

ಬಹುನಿರೀಕ್ಷಿತ ಇಂಡಿಯನ್ ಪ್ರೀಮಿಯರ್ ಲೀಗ್ 2025ರ ಟೂರ್ನಿ ಹರಾಜಿಗೂ ಮುನ್ನವೇ ಎಲ್ಲಾ ಐಪಿಎಲ್​ ತಂಡಗಳು ಬಿಸಿಸಿಐಗೆ ರೀಟೈನ್​ ಲಿಸ್ಟ್​ ಸಲ್ಲಿಸಬೇಕಿದೆ. ಇಂದು ಸಂಜೆ ಒಳಗೆ ಯಾವ ತಂಡ ಯಾರನ್ನು ರೀಟೈನ್​ ಮಾಡಿಕೊಂಡಿದೆ ಅನ್ನೋ ಮಾಹಿತಿ ಹೊರಬೀಳಲಿದೆ. ಇದರ ಮಧ್ಯೆ ಲಕ್ನೋ ಸೂಪರ್​​ ಜೈಂಟ್ಸ್​ ತಂಡದಿಂದ ಬಿಗ್​ ಅಪ್ಡೇಟ್​ ಒಂದಿದೆ.

ಮೆಗಾ ಆಕ್ಷನ್​ಗೆ ಮುನ್ನವೇ ಕ್ಯಾಪ್ಟನ್​ ಕೆ.ಎಲ್​ ರಾಹುಲ್​​ ಲಕ್ನೋ ಸೂಪರ್ ಜೈಂಟ್ಸ್ ತಂಡದಿಂದ ದೂರ ಆಗಲು ನಿರ್ಧರಿಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ. ಕೆ.ಎಲ್​ ರಾಹುಲ್​ ಅವರನ್ನು ಉಳಿಸಿಕೊಳ್ಳಲು ಲಕ್ನೋ ತಂಡ ಮುಂದಾಗಿತ್ತು. ಆದರೆ, ಇವರು ಪರ್ಸನಲ್​​ ಮತ್ತು ಪ್ರೊಫೆಷನಲ್​ ಕಾರಣಕ್ಕೆ ತಂಡ ತೊರೆಯುತ್ತಿದ್ದಾರೆ ಎಂದು ತಿಳಿದು ಬಂದಿದೆ. ಈ ಬೆನ್ನಲ್ಲೇ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಫ್ಯಾನ್ಸ್​ ಕನ್ನಡಿಗನ ಮುಂದೆ ದೊಡ್ಡ ಬೇಡಿಕೆ ಒಂದಿಟ್ಟಿದ್ದಾರೆ.

ಕಮ್​ ಟು ಆರ್​​ಸಿಬಿ ಎಂದ ಫ್ಯಾನ್ಸ್​​

ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡಕ್ಕೆ ಬರುವಂತೆ ಕನ್ನಡಿಗ ಕೆ.ಎಲ್​ ರಾಹುಲ್​ಗೆ ಫ್ಯಾನ್ಸ್​​ ಒತ್ತಾಯ ಮಾಡಿದ್ದಾರೆ. ಸೋಷಿಯಲ್​​ ಮೀಡಿಯಾದಲ್ಲಿ ಕಮ್​ ಟು ಆರ್​​ಸಿಬಿ ಎಂದು ರಾಹುಲ್​ ಮುಂದೆ ಫ್ಯಾನ್ಸ್​ ದೊಡ್ಡ ಬೇಡಿಕೆ ಇಟ್ಟಿದ್ದಾರೆ. ಲಕ್ನೋ ತಂಡ ಬಿಟ್ಟು ಆರ್​​ಸಿಬಿಗೆ ಬಾ ಗುರು ಎಂದು ಟ್ವೀಟ್​ ಮಾಡಿ ಟ್ರೆಂಡ್​ ಮಾಡುತ್ತಿದ್ದಾರೆ.

ಕೆ.ಎಲ್​​ ರಾಹುಲ್​ ಖರೀದಿಗೆ ಆರ್​​​ಸಿಬಿ ಪ್ಲಾನ್​​

ಲಕ್ನೋ ತಂಡದಿಂದ ಹೊರ ಬರುತ್ತಿರೋ ಕನ್ನಡಿಗ ಕೆ.ಎಲ್​ ರಾಹುಲ್​ ಖರೀದಿಗೆ ಐಪಿಎಲ್​ ಫ್ರಾಂಚೈಸಿಗಳು ಮುಗಿ ಬೀಳುತ್ತಿವೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಗುಜರಾತ್ ಟೈಟನ್ಸ್, ರಾಜಸ್ಥಾನ್ ರಾಯಲ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ಕೆಎಲ್ ರಾಹುಲ್‌ ಖರೀದಿಗೆ ಆಸಕ್ತಿ ತೋರಿಸಿವೆ ಎನ್ನಲಾಗಿದೆ. ಅದರಲ್ಲೂ ಆರ್​​ಸಿಬಿ ಹೆಚ್ಚು ಆಸಕ್ತಿ ತೋರಿದ್ದು, ಈಗಾಗಲೇ ಕೆ.ಎಲ್​ ರಾಹುಲ್​​ಗೆ ಆಕ್ಷನ್​​ನಲ್ಲಿ ಬಿಡ್​ ಮಾಡೋದಾಗಿ ತಿಳಿಸಿದೆ.

ರಾಹುಲ್​ ಖರೀದಿಗೆ ಬೇಕು 20 ಕೋಟಿ

ಮೆಗಾ ಹರಾಜಿಗೆ ಮುನ್ನ ಲಕ್ನೋ ತಂಡ ಕೆ.ಎಲ್​ ರಾಹುಲ್​ ಅವರನ್ನು 18 ಕೋಟಿ ರೂಪಾಯಿಗೆ ಖರೀದಿ ಮಾಡಿತ್ತು. ಈಗ ಯಾವುದೇ ತಂಡ ಕೆ.ಎಲ್​ ರಾಹುಲ್​ ಅವರನ್ನು ಖರೀದಿ ಮಾಡಬೇಕು ಅನ್ನೋದಾದ್ರೆ ಕನಿಷ್ಠ 18 ಕೋಟಿಯಿಂದ ಗರಿಷ್ಠ 20 ಕೋಟಿ ಬೇಕು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ