RCB ವಿರುದ್ಧ ರೊಚ್ಚಿಗೆದ್ದ ಫ್ಯಾನ್ಸ್​; 53 ಕೋಟಿಯಲ್ಲಿ ಎಷ್ಟು ಮಂದಿ ಕನ್ನಡಿಗರ ಖರೀದಿ ಮಾಡ್ತು?

ಮುಂದಿನ ಸೀಸನ್​ನಲ್ಲಿ ಕಪ್​ ಗೆಲ್ಲೋ ಕನಸು ಈಡೇರಿಸಿಕೊಳ್ಳೋ ಲೆಕ್ಕಾಚಾರದಲ್ಲಿದ್ದ ಆರ್​​ಸಿಬಿ, ಆಕ್ಷನ್​ ಕಣದಲ್ಲಿ ಸೈಲೆಂಟ್​ ಆಗಿಬಿಡ್ತು. ಆರ್​​ಸಿಬಿ ಮ್ಯಾನೇಜ್​ಮೆಂಟ್​ ನಡೆಗೆ ಅಭಿಮಾನಿಗಳಂತೂ ಕೆರಳಿ ಕೆಂಡವಾಗಿದ್ದಾರೆ. ಸೂಪರ್​ ಸ್ಟಾರ್​​ಗಳು ಆರ್​​ಸಿಬಿಗೆ ಬರ್ತಾರೆ ಅಂದುಕೊಂಡ್ರೆ, ಮ್ಯಾನೇಜ್​ಮೆಂಟ್​​ ಮಣೆ ಹಾಕಿದ್ದು, ಡಿಸೆಂಟ್​​ ಆಟಗಾರರಿಗೆ.

ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 83 ಕೋಟಿ ಹಣವನ್ನ ಇಟ್ಟುಕೊಂಡು ಮೆಗಾ ಆಕ್ಷನ್​ ಅಖಾಡಕ್ಕಿಳಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮೆಗಾ ಆಕ್ಷನ್​ನ​ ಮೊದಲ ದಿನವೇ ನಿರಾಸೆ ಮೂಡಿಸಿತು. ಸ್ಟಾರ್​​ ಪ್ಲೇಯರ್​ಗಳು ಆರ್​​ಸಿಬಿ ಬರ್ತಾರೆ ಅನ್ನೋ ಅಭಿಮಾನಿಗಳ ನಿರೀಕ್ಷೆ ಹುಸಿಯಾಯ್ತು. ಆಕ್ಷನ್​ಗೆ ಆರ್​​ಸಿಬಿ ಪ್ರಿಪರೇಶನ್​ ನಡೆಸಿತ್ತಾ? ಇಲ್ವಾ? ಅನ್ನೋ ಅನುಮಾನ ಎಲ್ಲರನ್ನ ಕಾಡ್ತು.

ಇದನ್ನೂ ಓದಿ:ಜಿತೇಶ್ ಶರ್ಮಾಗೆ RCB ಜಾಕ್​ಪಾಟ್; ಸಂಬಳದಲ್ಲಿ ಶೇಕಡಾ 5,400ರಷ್ಟು ಹೆಚ್ಚಳ..!

ಕೆ.ಎಲ್​ ರಾಹುಲ್​ ಆರ್​ಸಿಬಿಗೆ ಬಂದೇ ಬರ್ತಾರೆ ಅನ್ನೋ ಅಭಿಮಾನಿಗಳ ಕನಸು ನುಚ್ಚು ನೂರಾಯ್ತು,. ಆರಂಭದಲ್ಲಿ ಬಿಡ್​ ಮಾಡಿದ ಆರ್​​ಸಿಬಿ 10.50 ಕೋಟಿಗೆ ಸುಸ್ತಾಯ್ತು. ಅಂತಿಮವಾಗಿ ಕೇವಲ 14 ಕೋಟಿ ಹಣಕ್ಕೆ ರಾಹುಲ್​ನ ಡೆಲ್ಲಿ ಕ್ಯಾಪಿಟಲ್ಸ್​ ಸೇರಿದ್ರು. ಕಡಿಮೆ ಮೊತ್ತಕ್ಕೆ ಲಭ್ಯವಿದ್ರೂ, ಕನ್ನಡಿಗನನ್ನ ಕಡೆಗಣಿಸಿದ ಫ್ರಾಂಚೈಸಿ ಮೇಲೆ ಕರ್ನಾಟಕದ ಕ್ರಿಕೆಟ್​ ಫ್ಯಾನ್ಸ್​ ರೊಚ್ಚಿಗೆದ್ದಿದ್ದಾರೆ.

ರಾಹುಲ್​ ಬಿಡಿ.. ರಿಷಭ್​ ಪಂತ್​, ಶ್ರೇಯಸ್​ ಅಯ್ಯರ್​, ಜೋಸ್​ ಬಟ್ಲರ್​, ಇಶಾನ್​ ಕಿಶನ್​, ಜೋಫ್ರಾ ಆರ್ಚರ್​.. ಇಂತಹ ಟಿ20 ಗೇಮ್​ ಚೆಂಜರ್​ಗಳನ್ನ ಖರೀದಿಸೋ ಗೋಜಿಗೆ ಆರ್​ಸಿಬಿ ಹೋಗಲಿಲ್ಲ. ಬಿಗ್​ ಪರ್ಸ್​​ ಇಟ್ಟುಕೊಂಡು ಆಕ್ಷನ್​ಗೆ ಹೋದ ಆರ್​​ಸಿಬಿಯ ಲೆಕ್ಕಾಚಾರ ಅಂದುಕೊಂಡತೆ ಆಗಲಿಲ್ಲ. ಸ್ಟಾರ್​​ಗಳನ್ನ ಖರೀದಿಸುತ್ತೆ ಅಂದುಕೊಂಡ್ರೆ ಡಿಸೆಂಟ್​ ಆಟಗಾರರನ್ನ ಖರೀದಿಸಿ ಸೈಲೆಂಟ್ ಆಗಿ ದಿನದಾಟ ಮುಗಿಸಿತು.

ಲಿಯಾಮ್​ ಲಿವಿಂಗ್​ಸ್ಟೋನ್​
ಇಂಗ್ಲೆಂಡ್​ನ ಆಲ್​​ರೌಂಡರ್​ ಲಿಯಾಮ್​ ಲಿವಿಂಗ್​ಸ್ಟೋನ್​ ಆರ್​​ಸಿಬಿ ಖರೀದಿಸಿದ ಆಟಗಾರರ ಪೈಕಿ ಇರೋದ್ರಲ್ಲಿ ಬೆಟರ್​. ಬ್ಯಾಟಿಂಗ್​ ಹಾಗೂ ಬೌಲಿಂಗ್​ನಲ್ಲಿ ತಂಡಕ್ಕೆ ನೆರವಾಗಬಲ್ಲ ಲಿವಿಂಗ್​​ಸ್ಟೋನ್​​​ನ 8.75 ಕೋಟಿ ನೀಡಿ ಆರ್​​ಸಿಬಿ ಖರೀದಿಸಿತು. ಬಿಗ್​​ ಹಿಟ್ಟರ್​​ ಲಿವಿಂಗ್​ಸ್ಟೋನ್​ ಚಿನ್ನಸ್ವಾಮಿಯಂತ ಚಿಕ್ಕ ಮೈದಾನದಲ್ಲಿ ತಂಡಕ್ಕೆ ನೆರವಾಗಬಲ್ಲರು.

ಫಿಲ್​ ಸಾಲ್ಟ್
ಕಳೆದ ಐಪಿಎಲ್​ನಲ್ಲಿ ಕೆಕೆಆರ್​​ ಪರ ಧೂಳೆಬ್ಬಿಸಿದ್ದ ಫಿಲ್​ ಸಾಲ್ಟ್​​​ನ ಆರ್​​ಸಿಬಿ, ಪಟ್ಟು ಹಿಡಿದು ಖರೀದಿಸಿತು. ಕೆಕೆಆರ್​ ಜೊತೆಗೆ ಜಿದ್ದಿಗೆ ಬಿದ್ದು ಫೈಟ್​ ನಡೆಸಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು, 11.50 ಕೋಟಿ ಬೆಲೆಗೆ ಸ್ಪೋಟಕ ಬ್ಯಾಟ್ಸ್​ಮನ್​ ವಿಕೆಟ್​ ಕೀಪರ್​ ಖರೀದಿಸುವಲ್ಲಿ ಯಶಸ್ವಿಯಾಯ್ತು.

ಇದನ್ನೂ ಓದಿ:ಜಿತೇಶ್ ಶರ್ಮಾಗೆ RCB ಜಾಕ್​ಪಾಟ್; ಸಂಬಳದಲ್ಲಿ ಶೇಕಡಾ 5,400ರಷ್ಟು ಹೆಚ್ಚಳ..!

ಜಿತೇಶ್​ ಶರ್ಮಾ
ಆರ್​​ಸಿಬಿ ಖರೀದಿಸಿದ್ರಲ್ಲೇ ದುಬಾರಿ ಪಿಕ್​ ಇದು ಅನಿಸಿದ ಪಿಕ್​ ಇದು. ಕಳೆದ ಸೀಸನ್​ನಲ್ಲಿ ಪಂಜಾಬ್​ ಪರ ಡಿಸೆಂಟ್​ ಪರ್ಫಾಮೆನ್ಸ್​ ನೀಡಿದ್ದ ಯಂಗ್​​ ಸ್ಟರ್​​ ಖರೀದಿಗೆ ಚೆನ್ನೈ, ಲಕ್ನೋ ತಂಡಗಳು ಪೈಪೋಟಿಗೆ ಬಿದ್ದುದ್ವು. ಬಳಿಕ ಡೆಲ್ಲಿ ಕ್ಯಾಪಿಟಲ್ಸ್​​ ಕೂಡ ಬಿಡ್ಡಿಂಗ್​ ವಾರ್​ಗೆ ಬಂದು ಹೋಯ್ತು. ಅಂತಿಮವಾಗಿ ಕಹಾನಿ ಮೆ ಟ್ವಿಸ್ಟ್​ ಎಂಬಂತೆ ಪಂಜಾಬ್​ ಆರ್​​​ಟಿಎಮ್​ ದಾಳ ಉರುಳಿಸಿತು. ಅಂತಿಮವಾಗಿ 11 ಕೋಟಿ ಫೈನಲ್​ ಬಿಡ್​ ಮಾಡಿ ಜಿತೇಶ್​ ಶರ್ಮಾನ ಆರ್​​ಸಿಬಿ ಖರೀದಿಸಿತು.

ಜೋಶ್​ ಹೇಜಲ್​ವುಡ್​​
ಆಸ್ಟ್ರೇಲಿಯಾ ವೇಗಿ ಜೋಶ್​ ಹೇಜಲ್​ವುಡ್​​ ಮತ್ತೆ ಆರ್​​ಸಿಬಿಗೆ ವಾಪಾಸ್ಸಾಗಿದ್ದಾರೆ. ಮುಂಬೈ ಇಂಡಿಯನ್ಸ್​ ತಂಡದ ಜೊತೆಗೆ ಬಿಡ್ಡಿಂಗ್​ ವಾರ್​ ನಡೆಸಿದ ಆರ್​​ಸಿಬಿ 12.50 ಕೋಟಿ ನೀಡಿ ಖರೀದಿ ಮಾಡಿತು. T20 ಕ್ರಿಕೆಟ್​ನಲ್ಲಿ ಡಿಸೆಂಟ್​ ರೆಕಾರ್ಡ್​ ಹೊಂದಿರೋ ಅನುಭವಿ ವೇಗಿ ಜೋಶ್​ ಹೇಜಲ್​ವುಡ್​ಯ ಖರೀದಿ ಆರ್​​ಸಿಬಿ ಬಲ ಹೆಚ್ಚಿಸಿದೆ ಅನ್ನೋದು ಸುಳ್ಳಲ್ಲ.

ಅಂತಿಮ ಹಂತದಲ್ಲಿ ಯುವ ಬೌಲರ್​​ ರಸಿಕ್​ ಸಲಾಂನ ಆರ್​ಸಿಬಿ ತಂಡ ಖರೀದಿಸಿತು. ಕಳೆದ ಸೀಸನ್​ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ಪರ ಆಡಿದ್ದ ರಸಿಕ್​ ಸಲಾಂಗೆ ಬರೋಬ್ಬರಿ 6 ಕೋಟಿ ನೀಡಿ ಆರ್​​ಸಿಬಿ ಖರೀದಿಸಿತು. ಜೊತೆಗೆ ಕೆಕೆಆರ್​​ ಸ್ಪಿನ್ನರ್​​ ಸುಯಶ್​​ ಶರ್ಮಾನ 2.60 ಕೋಟಿ ನೀಡಿ ಆರ್​​ಸಿಬಿ ಬುಟ್ಟಿಗೆ ಹಾಕಿಕೊಳ್ತು.

ಹರಾಜಿನ ಮೊದಲ ದಿನ ಐವರು ಆಟಗಾರರನ್ನ ಖರೀದಿಸಿದ ಆರ್​​ಸಿಬಿ 52.35 ಕೋಟಿ ಖರ್ಚು ಮಾಡಿದೆ. ಆದರೂ ಒಬ್ಬೇ ಒಬ್ಬ ಕನ್ನಡಿಗ ಆರ್​​ಸಿಬಿ ಸೇರಿಲ್ಲ. 22.50 ಕೋಟಿ ಹಣ ಉಳಿಸಿಕೊಂಡಿರೋ ಆರ್​​ಸಿಬಿ, ಇಂದು ಯಾವೆಲ್ಲಾ ಆಟಗಾರರನ್ನ ಖರೀದಿ ಮಾಡುತ್ತೆ.? ಕನ್ನಡಿಗರಿಗೆ ಮಣೆ ಹಾಕುತ್ತಾ? ಕಾದು ನೋಡೋಣ.

ಇದನ್ನೂ ಓದಿ:VIDEO: ಐಪಿಎಲ್​​ 2025: JIO ಮಾಕ್​ ಆಕ್ಷನ್​​ನಲ್ಲಿ ಬರೋಬ್ಬರಿ 29.5 ಕೋಟಿಗೆ RCB ಪಾಲಾದ KL ರಾಹುಲ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್