25 ಬಾಲ್​​ನಲ್ಲಿ 100 ರನ್​​ ಬಾರಿಸಿದ ವೀರ ಇವರು; ಬೆಂಚ್​​ನಲ್ಲಿ ಕೂರಿಸಿ ತಪ್ಪು ಮಾಡ್ತಿದೆ ಆರ್​ಸಿಬಿ..!

ಗೆಲ್ಲೋ ಕುದುರೆಯನ್ನ ರೇಸ್​ಗೆ ಬಿಡ್ತಿಲ್ಲ. ರೇಸ್​​​​ಗೆ ​​​ ಬಿಡ್ತಿರೋ ಕುದುರೆಗಳು ಓಡ್ತಿಲ್ಲ. ಕಂಕುಳಲ್ಲಿ ಮಗು ಇಟ್ಟುಕೊಂಡು ಊರೆಲ್ಲ ಹುಡುಕಿದರಂತೆ.. ಈ ಗಾದೆ ಮಾತು ನಮ್ಮ ಆರ್​​ಸಿಬಿ ಮ್ಯಾನೇಜ್​ಮೆಂಟ್​ಗೆ ಸಖತ್ ಆಗಿ ಸೂಟ್ ಆಗುತ್ತದೆ.

ಸತತ ಸೋಲಿನ ಸುಳಿಯಲ್ಲಿ ಸಿಲುಕಿರುವ ಆರ್​ಸಿಬಿ, ಗೆಲುವಿನ ಟ್ರ್ಯಾಕ್​​ಗೆ ಮರಳಲು ಹರಸಾಹಸ ಮಾಡ್ತಿದೆ. ಟೀಮ್​​​​​​​​​​ನಲ್ಲಿ ಕೆಲಸಕ್ಕೆ ಬಾರದ ಬದಲಾವಣೆಯನ್ನ ಮಾಡ್ತಿದೆ. ಇದನ್ನ ನೋಡಿದ್ರೆ ಆರ್​ಸಿಬಿ ಗೆಲ್ಲೋದಕ್ಕಿಂತ, ಇನ್ನೆಷ್ಟು ಪಂದ್ಯಗಳನ್ನ ಸೋಲಲು ಹೊರಟಿದೆ ಎಂಬ ಪ್ರಶ್ನೆ ಹುಟ್ಟದೇ ಇರಲ್ಲ.

ಮ್ಯಾಚ್ ವಿನ್ನರ್​ ಇಟ್ಟುಕೊಂಡು ಊರೆಲ್ಲಾ ಹುಡುಕಾಟ!
ಪಂದ್ಯದಿಂದ ಪಂದ್ಯಕ್ಕೆ ಆರ್​ಸಿಬಿ, ಪ್ಲೇಯಿಂಗ್​ ಇಲೆವೆನ್ ಚೇಂಜ್ ಆಗ್ತಿದೆ. ಡಮ್ಮಿ ಪ್ಲೇಯರ್​ಗಳಿಗೆಲ್ಲಾ ಚಾನ್ಸ್​ ಮೇಲೆ ಚಾನ್ಸ್​ ನೀಡ್ತಿದೆ. ಆದ್ರೆ, ವಿಲ್​ ಜಾಕ್ಸ್​ ಎಂಬ ವಿಧ್ವಂಸಕ ಆಟಗಾರನನ್ನ ಮಾತ್ರ, ಬೆಂಚ್​​ಗೆ ಸೀಮಿತಗೊಳಿಸಿದೆ. ಹೀಗೆ ಬೆಂಚ್​ ಬಿಸಿ ಮಾಡಿಸಿದ್ದಕ್ಕೇನಾ ಹರಾಜಿನಲ್ಲಿ 3.20 ಕೋಟಿ ನೀಡಿ ಖರೀದಿಸಿದ್ದು ಎಂಬ ಪ್ರಶ್ನೆ ಮೂಡಿದೆ.

ಇದನ್ನೂ ಓದಿ:ಯುಗಾದಿ ಹಬ್ಬದಂದೇ ದಾರುಣ ಘಟನೆ; ಬೈಕ್ ಅಪಘಾತದಲ್ಲಿ ತಂದೆ-ಮಗ ದಾರುಣ ಸಾವು

ಸೋಲಿನ ಸುಳಿಯಲ್ಲಿದ್ರೂ ವಿಲ್ ಜಾಕ್ಸ್​ನ ಯಾಕೆ ಆಡಿಸ್ತಿಲ್ಲ..?
ತಂಡದಲ್ಲಿ ವಿರಾಟ್​​ ಏಕಾಂಗಿ ಹೋರಾಟ ನಡೆಸ್ತಿದ್ದಾರೆ. ಸೂಕ್ತ ಜೊತೆಗಾರನಿಲ್ಲದೆ, ಒದ್ದಾಡ್ತಿದ್ದಾರೆ. ಇಂಥಾ ಸಂಕಷ್ಟದಲ್ಲೂ ಆರ್​ಸಿಬಿ, ವಿಲ್​ ಜಾಕ್ಸ್​ನ ಆಡಿಸ್ತಿಲ್ಲ. ಮುಂದಿನ ದಿನಗಳಲ್ಲಿ ಆಡಿಸುತ್ತಾ ಅಂದ್ರೆ, ಕ್ಲಾರಿಟಿಯೂ ಇಲ್ಲ. ಇದೆಲ್ಲಾ ನೋಡಿದ್ರೆ, ವಿಲ್ ಜಾಕ್ಸ್​ನ ಹಿಸ್ಟರಿ ಆರ್​ಸಿಬಿ ಮರೆತಿದ್ಯಾ ಎಂಬ ಡೌಟ್​​ ಬರೋದ್ರಲ್ಲಿ ಎರಡು ಮಾತಿಲ್ಲ.

ಇದನ್ನೂ ಓದಿ: ಕೊಟ್ಟ ಕುದುರೆ ಏರಲಾರದೇ ಸೋತ ಖ್ಯಾತನಾಮರು, RCB ಹ್ಯಾಟ್ರಿಕ್ ಸೋಲಿಗೆ ಕಾರಣ ಬಯಲು..!

ಸ್ಫೋಟಕ ಆಟಕ್ಕೆ ಹೆಸರುವಾಸಿ ಈ ವಿಲ್​ ಜಾಕ್ಸ್​..!
ತಂಡದಲ್ಲಿ ಬೆಂಚ್ ಕಾಯ್ತಿರುವ ವಿಲ್​ ಜಾಕ್ಸ್​, ಅಂತಿಂಥ ಆಟಗಾರನಲ್ಲ. ಸ್ಫೋಟಕ ಬ್ಯಾಟಿಂಗ್​​ಗೆ ಹೆಸರುವಾಸಿಯಾಗಿರುವ ವಿಲ್​ ಜಾಕ್ಸ್, ಬೌಂಡರಿ, ಸಿಕ್ಸರ್​​ಗಳ ಸುನಾಮಿಯನ್ನೇ ಸೃಷ್ಟಿಸಬಲ್ಲರು. ಇದಕ್ಕೆ ಸಾಕ್ಷಿ ಟಿ20 ಲೀಗ್​​ನಲ್ಲಿ ಕೇವಲ 25 ಎಸೆತಗಳಲ್ಲೇ ಸೆಂಚುರಿ ದಾಖಲೆ. ಇದಿಷ್ಟೇ ಅಲ್ಲ. ಸೌತ್ ಆಫ್ರಿಕನ್ ಟಿ20, ಟಿ20 ಬ್ಲಾಸ್ಟ್​, ಬಾಂಗ್ಲಾ ಪ್ರಿಮೀಯರ್​​​​​​ ಲೀಗ್​ನಲ್ಲಿ ಈತನ ದೈತ್ಯ ಬ್ಯಾಟಿಂಗ್​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ಎಲ್ಲರ ನಿದ್ದೆ ಗೆಡಿಸಿತ್ತು.

2023-24ರ ಟಿ20 ಲೀಗ್​​ಗಳಲ್ಲಿ ವಿಲ್ ಜಾಕ್ಸ್ ಬ್ಯಾಟಿಂಗ್
2023 ಸೌತ್ ಆಫ್ರಿಕನ್​​ ಟಿ20 ಲೀಗ್​ನಲ್ಲಿ 201.49ರ ಸ್ಟ್ರೈಕ್​ರೇಟ್​ನಲ್ಲಿ 270 ರನ್ ಸಿಡಿಸಿದ್ದ ವಿಲ್ ಜಾಕ್ಸ್​, ಟಿ20 ಬ್ಲಾಸ್ಟ್​ನಲ್ಲಿ 157.18ರ ಸ್ಟ್ರೈಕ್​​ರೇಟ್​ನಲ್ಲಿ 558 ರನ್ ಕೊಳ್ಳೆ ಹೊಡೆದಿದ್ರು. ನಂತರ 2024ರ ಸೌತ್​ ಆಫ್ರಿಕನ್ ಟಿ20 ಲೀಗ್​ನಲ್ಲಿ 180.15ರ ಸ್ಟ್ರೈಕ್​​ರೇಟ್​ನಲ್ಲಿ 245 ರನ್ ಚಚ್ಚಿದ್ರು.

ಇದನ್ನೂ ಓದಿ: ಸಿಎಸ್​​ಕೆ ತಂಡದ ರಚಿನ್ ರವೀಂದ್ರ ಜೀವದ ಗೆಳತಿ ಬಗ್ಗೆ ನಿಮಗೆ ಗೊತ್ತಾ..? ಇಂಟರೆಸ್ಟಿಂಗ್ ಸ್ಟೋರಿ..!

ಬಾಂಗ್ಲಾ ಪ್ರಿಮೀಯರ್ ಲೀಗ್​ನಲ್ಲೂ ಅದ್ಭುತ ಆಟವಾಡಿದ್ದ ವಿಲ್​ ಜಾಕ್ಸ್, ಇಂಡಿಯನ್ ಕಂಡೀಷನ್ಸ್​ಗೂ ಹೇಳಿ ಮಾಡಿಸಿರೋ ಆಟಗಾರ. ಇದಿಷ್ಟೇ ಅಲ್ಲ. ಆಫ್​ ಸ್ಪಿನ್ನರ್​ ಆಗಿಯೂ ಎಫೆಕ್ಟೀವ್ ಪರ್ಫಾಮೆನ್ಸ್ ನೀಡಿರುವ ಜಾಕ್ಸ್, 7ರ ಏಕಾನಮಿಯಲ್ಲಿ ರನ್ ನೀಡಿ 26 ವಿಕೆಟ್ ಉರುಳಿಸಿದ್ದಾರೆ. ಓಪನರ್​ ಟು ಮಿಡಲ್ ಆರ್ಡರ್​ ತನಕ ಬ್ಯಾಟ್ ಬೀಸುವ ಈತ, ಬಿಗ್ ಮ್ಯಾಚ್​ ವಿನ್ನರ್ ಕೂಡ ಆಗಿದ್ದಾರೆ. ಆದ್ರೆ, ಇಂಥಹ ಮ್ಯಾಚ್​​​ ವಿನ್ನರ್ ಆಲ್ರೌಂಡರ್​​ಗೆ ಮುಂದಿನ ದಿನಗಳಲ್ಲಿ ಚಾನ್ಸ್ ನೀಡದಿದ್ರೆ, ಆರ್​ಸಿಬಿ ಪಾತಾಳಕ್ಕೆ ಕುಸಿಯೋದು ಗ್ಯಾರಂಟಿ.

ಇದನ್ನೂ ಓದಿ:ಫಾಫ್​ಗೆ ಕೊಕ್, ಕೊಹ್ಲಿಗೆ ಮತ್ತೆ ನಾಯಕನ ಪಟ್ಟ? ಬಿಗ್ ಡಿಸಿಷನ್​ ತೆಗೆದುಕೊಳ್ಳಲು ಮುಂದಾಗುತ್ತಾ ಫ್ರಾಂಚೈಸಿ..?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್