IPL Auction; RCB ಖರೀದಿ ಮಾಡಿದ ಮೊದಲ ಸ್ಟಾರ್​ ಪ್ಲೇಯರ್​ ಯಾರು? ಪವರ್​​ ಹಿಟ್ಟರ್​ ಎಂಟ್ರಿ!

ಐಪಿಎಲ್​​ನ ಮೆಗಾ ಹರಾಜಿನಲ್ಲಿ ಎಲ್ಲ ಆಟಗಾರರು ಭಾರೀ ದುಡ್ಡನ್ನು ಕಮಾಯಿ ಮಾಡುತ್ತಿದ್ದಾರೆ. ಶ್ರೇಯಸ್ ಅಯ್ಯರ್, ಚಹಾಲ್, ರಿಷಬ್ ಪಂತ್, ಅರ್ಷ್​​ದೀಪ್ ಸಿಂಗ್ ಸೇರಿದಂತೆ ಆಟಗಾರರು ನಿರೀಕ್ಷೆಗೂ ಮೀರಿ ಹಣವನ್ನು ಜೇಬಿಗೆ ಇಳಿಸಿದ್ದಾರೆ. ಅದರಂತೆ ವಿದೇಶಿ ಪ್ಲೇಯರ್ ಮೇಲೆ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು (ಆರ್​​ಸಿಬಿ) ತಂಡ ಕೋಟಿ ಕೋಟಿ ಹಣ ಸುರಿದು ಖರೀದಿ ಮಾಡಿದೆ.

ಆರ್​ಸಿಬಿ ಫ್ರಾಂಚೈಸಿ ಆಕ್ಷನ್​ನಲ್ಲಿ ಮೊದಲ ಆಟಗಾರನಾಗಿ ಲಿಯಾಮ್ ಲಿವಿಂಗ್​​ಸ್ಟನ್ ಅವರನ್ನು 8.75 ಕೋಟಿ ರೂಪಾಯಿಗಳನ್ನು ನೀಡಿ ಖರೀದಿ ಮಾಡಿದೆ. ಇಂಗ್ಲೆಂಡ್ ಕ್ರಿಕೆಟರ್ ಆಗಿರುವ ಲಿವಿಂಗ್​​ಸ್ಟನ್ ಹೊಡಿ ಬಡಿ ಆಟಕ್ಕೆ ಖ್ಯಾತಿ ಪಡೆದ ಆಟಗಾರ. ಯಾವ ತಂಡದಲ್ಲೇ ಇರಲಿ ಬ್ಯಾಟಿಂಗ್, ಬೌಲಿಂಗ್ ಎರಡರಲ್ಲೂ ಎತ್ತಿದ ಕೈ. ಆಲ್​​ರೌಂಡರ್ ಆಗಿರುವ ಲಿಯಾಮ್ ಲಿವಿಂಗ್​​ಸ್ಟನ್ ತಂಡಕ್ಕೆ ಕೊಡುಗೆ ನೀಡುವುದಂತೂ ಗ್ಯಾರಂಟಿ. ಹೀಗಾಗಿಯೇ ಮೆಗಾ ಆಕ್ಷನ್​ನಲ್ಲಿ ಆರ್​ಸಿಬಿ ಮಣೆ ಹಾಕಿದೆ.

ಇದನ್ನೂ ಓದಿ:IPL 2025 Auction; ಸ್ಪಿನ್ನರ್ ಚಹಾಲ್​​ಗೂ ಒಲಿದ ಬಂದ ಲಕ್ಷ್ಮಿ.. ಬಾರೀ ಮೊತ್ತಕ್ಕೆ ಸೇಲ್ ಆದ RCB ಮಾಜಿ ಪ್ಲೇಯರ್

ಬೆಂಗಳೂರು ಟೀಮ್​ಗೆ ಲಿವಿಂಗ್​​ಸ್ಟನ್ ಬಂದಿದ್ದರಿಂದ ಸದ್ಯ 4 ಜನ ಆಟಗಾರರು ಆದಂತೆ ಆಗಿದೆ. ಆಕ್ಷನ್​​ನಲ್ಲಿ ಇನ್ನು ಕೆಲವು ಆಟಗಾರರನ್ನು ಬೆಂಗಳೂರು ಫ್ರಾಂಚೈಸಿ ಖರೀದಿ ಮಾಡಬೇಕಿದೆ. ರಿಷಬ್ ಪಂತ್, ಚಹಾಲ್, ಕೆ.ಎಲ್ ರಾಹುಲ್, ಶ್ರೇಯಸ್ ಅಯ್ಯರ್ ಎಲ್ಲ ಬೇರೆ ಬೇರೆ ಟೀಮ್​ಗೆ ಸೇರ್ಪಡೆ ಆಗಿದ್ದಾರೆ. ಹೀಗಾಗಿ ಆರ್​ಸಿಬಿ ಯಾವ ಸ್ಟಾರ್ ಆಟಗಾರರನ್ನು ಖರೀದಿ ಮಾಡುತ್ತೋ ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ