‘ನಾವು ಈ ಆಟಗಾರರನ್ನೇ ಖರೀದಿ ಮಾಡ್ತೀವಿ’- ಆ್ಯಕ್ಷನ್​​ ಪ್ಲ್ಯಾನ್​ ಬಿಚ್ಚಿಟ್ಟ ಆರ್​​ಸಿಬಿ ಮುಖ್ಯ ಕೋಚ್​

2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್ ಮೆಗಾ ಹರಾಜಿಗೆ ಕೇವಲ 4 ದಿನಗಳ ಮಾತ್ರ ಬಾಕಿ ಇದೆ. ಈ ಮೆಗಾ ಹರಾಜು ಪ್ರಕ್ರಿಯೆ ಮೇಲೆ ಕ್ರಿಕೆಟ್‌ ಅಭಿಮಾನಿಗಳ ಕಣ್ಣು ನೆಟ್ಟಿದೆ. ಮುಂದಿನ ಸೀಸನ್​​ಗಾಗಿ ಬಲಿಷ್ಠ ತಂಡ ಕಟ್ಟಲು ಎಲ್ಲಾ ತಂಡಗಳು ಭರ್ಜರಿ ತಯಾರಿ ಮಾಡಿಕೊಳ್ಳುತ್ತಿವೆ. ಈ ಮಧ್ಯೆ ಆರ್​​ಸಿಬಿ ತಂಡ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ.

ಆರ್‌ಸಿಬಿ ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್ ಮತ್ತು ಯಶ್ ದಯಾಳ್ ಅವರನ್ನು ಮಾತ್ರ ರಿಟೈನ್ ಮಾಡಿಕೊಂಡು ಉಳಿದ ಎಲ್ಲರನ್ನು ರಿಲೀಸ್​ ಮಾಡಿದೆ. ಮೆಗಾ ಹರಾಜಿನಲ್ಲಿ ಬಲಿಷ್ಠ ಆಟಗಾರರ ಖರೀದಿಗೆ ಆರ್​​ಸಿಬಿ ಸಜ್ಜಾಗಿದೆ. ಇದಕ್ಕೂ ಮುನ್ನ ಆರ್‌ಸಿಬಿ ತಂಡಕ್ಕೆ ಹೊಸ ಬೌಲಿಂಗ್ ಕೋಚ್ ನೇಮಕ ಆಗಿದ್ದಾರೆ. ಇದರ ಮಧ್ಯೆ ಐಪಿಎಲ್​ ಆಕ್ಷನ್​ಗಾಗಿ ತಾವು ಮಾಡಿಕೊಂಡಿರೋ ಪ್ಲಾನ್​ ಬಗ್ಗೆ ಆರ್​​ಸಿಬಿ ಮುಖ್ಯ ಕೋಚ್​ ಆ್ಯಂಡಿ ಫ್ಲವರ್ ಮಾತಾಡಿದ್ದಾರೆ.

ಆಕ್ಷನ್​ ಪ್ಲಾನ್​ ಬಗ್ಗೆ ಆರ್​​ಸಿಬಿ ಮುಖ್ಯ ಕೋಚ್​ ಏನಂದ್ರು?

ಮೆಗಾ ಆಕ್ಷನ್​​ಗೆ ಇನ್ನೇನು 4 ದಿನ ಮಾತ್ರ ಇದೆ. ನಾವು ಎಲ್ಲಾ ತಯಾರಿ ಮಾಡಿಕೊಂಡಿದ್ದೇವೆ. ಆರ್​​ಸಿಬಿ ಆಟಗಾರರು ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲೇ ಹೆಚ್ಚು ಪಂದ್ಯಗಳನ್ನು ಆಡುತ್ತಾರೆ. ಈ ಸ್ಟೇಡಿಯಮ್​ ಎಲ್ಲದಕ್ಕಿಂತಲೂ ಭಿನ್ನ. ಹಾಗಾಗಿ ಇಲ್ಲಿ ಆಡೋರಿಗೆ ಸ್ಪೆಷಲ್​ ಕ್ವಾಲಿಟಿಗಳು ಇರಬೇಕಿದೆ. ಅದರಲ್ಲೂ ಹೆಚ್ಚು ಕೌಶಲ್ಯ ಹೊಂದಿರೋ ಆಟಗಾರರೇ ಬೇಕು ಎಂದರು.

ಸಿಂಪಲ್​ ಆಗಿ ಪೇಸ್​ ಬೌಲರ್ಸ್​ ಇಟ್ಟುಕೊಂಡರೆ ವರ್ಕೌಟ್​ ಆಗಲ್ಲ. ನಿರ್ದಿಷ್ಟ ಪ್ಲಾನ್​ ಜೊತೆಗೆ ಕೆಲಸ ಮಾಡುವ ಬೌಲರ್ಸ್​ ಬೇಕು. ಬ್ಯಾಟಿಂಗ್​ ವಿಚಾರಕ್ಕೆ ಬಂದರೆ ಟೆಂಪೋ ಜತೆಗೆ ಪವರ್​ ಹಿಟ್ಟರ್ಸ್​ ಇರಬೇಕು. ಈ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದೇವೆ. ನಾವು ಪವರ್​ ಹಿಟ್ಟರ್ಸ್​​ ಮತ್ತು ಹೆಚ್ಚು ಕೌಶಲ್ಯ ಇರೋ ಬೌಲರ್​ಗಳನ್ನೇ ಖರೀದಿ ಮಾಡುತ್ತೇವೆ ಎಂದರು.

ದಿನೇಶ್​ ಕಾರ್ತಿಕ್​, ವಿರಾಟ್​ ಜತೆಗೆ ಚರ್ಚೆ

ಈಗಾಗಲೇ ಆರ್​​ಸಿಬಿ ಬ್ಯಾಟಿಂಗ್​ ಕೋಚ್​ ಮತ್ತು ಮೆಂಟರ್​ ಆಗಿ ದಿನೇಶ್​ ಕಾರ್ತಿಕ್​ ಅವರನ್ನು ಆಯ್ಕೆ ಮಾಡಲಾಗಿದೆ. ಇವರು ಮೆಗಾ ಹರಾಜಿನಲ್ಲಿ ಯಾರನ್ನು ಖರೀದಿ ಮಾಡಬೇಕು ಎಂದು ಭರ್ಜರಿ ಕಾರ್ಯತಂತ್ರ ರೂಪಿಸುತ್ತಿದ್ದಾರೆ. ದಿನೇಶ್​ ಕಾರ್ತಿಕ್​​, ನೂತನ ಬೌಲಿಂಗ್ ಕೋಚ್‌ ಓಂಕಾರ್ ಸಾಲ್ವಿ, ವಿರಾಟ್​ ಕೊಹ್ಲಿ ಅವರೊಂದಿಗೆ ಆ್ಯಂಡಿ ಫ್ಲವರ್​​ ಚರ್ಚೆ ಮಾಡಿ ಲಿಸ್ಟ್​ ರೆಡಿ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ಹರಾಜಿಗೆ ಮುನ್ನ RCB ಮಹತ್ವದ ಹೆಜ್ಜೆ; ಬೆಂಗಳೂರು ತಂಡ ಸೇರಿದ ಚಾಂಪಿಯನ್ ಕೋಚ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ