RCB ಓಪನರ್​ ಫಿಲ್​ ಸಾಲ್ಟ್​ಗೆ ಏನಾಗಿದೆ ಗೊತ್ತಾ.. ಚೆನ್ನೈ ವಿರುದ್ಧ ವಿಸ್ಫೋಟಕ ಬ್ಯಾಟರ್​ ಆಡ್ತಾರಾ?

ರಾಯಲ್​ ಚಾಲೆಂಜರ್ಸ್​​ ತಂಡದ ವಿಸ್ಫೋಟಕ ಬ್ಯಾಟರ್ ಎಂದರೆ ಅದು ಫಿಲಿಪ್ ಸಾಲ್ಟ್​. ಪಂದ್ಯದಲ್ಲಿ ಆರಂಭಿಕರಾಗಿ ಕ್ರೀಸ್​ಗೆ ಬರುವ ಸಾಲ್ಟ್​ ಬೌಲರ್​ಗಳ ಮೇಲೆ ದಾಳಿಗೆ ಮುಂದಾಗುತ್ತಾರೆ. ವಿರಾಟ್​ ಕೊಹ್ಲಿ ಜೊತೆ ಅತ್ಯುತ್ತಮ ಓಪನಿಂಗ್ ಪಡೆಯುತ್ತಿದ್ದ ಸಾಲ್ಟ್, ಡೆಲ್ಲಿ ಕ್ಯಾಪಿಟಲ್ಸ್​ ಜೊತೆಗಿನ ಕಳೆದ ಪಂದ್ಯದಲ್ಲಿ ಮೈದಾನಲ್ಲಿ ಕಾಣಿಸಲೇ ಇಲ್ಲ. ಇದು ಆರ್​ಸಿಬಿ ಅಭಿಮಾನಿಗಳಿಗೆ ಬೇಸರ ತರಿಸಿದೆ.

ಅರುಣ್​ ಜೇಟ್ಲಿ ಮೈದಾನದಲ್ಲಿ ನಡೆದ ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿಯ ಸ್ಫೋಟಕ ಬ್ಯಾಟ್ಸಮನ್​ ಫಿಲಿಪ್ ಸಾಲ್ಟ್ ಬದಲಿಗೆ ವಿದೇಶಿ ಯುವ ಆಟಗಾರ ಜಾಕೋಬ್ ಬೆಥೆಲ್​, ಕೊಹ್ಲಿ ಜೊತೆ ಇನ್ನಿಂಗ್ಸ್ ಆರಂಭಿಸಿದ್ದರು. ಆರಂಭದಲ್ಲಿ ಚೆನ್ನಾಗಿ ಬ್ಯಾಟ್ ಬೀಸಿದ ಬೆಥೆಲ್​ ಕೇವಲ 12 ರನ್​ಗೆ ಔಟ್​ ಆದ್ರು. ಇದು ಫಿಲ್​ ಸಾಲ್ಟ್ ಅವರ ಸ್ಥಾನಕ್ಕೆ ಸೂಕ್ತ ಎನಿಸಲಿಲ್ಲ. ಇಷ್ಟಕ್ಕೂ ಸ್ಫೋಟಕ ಬ್ಯಾಟರ್​ಗೆ ಏನಾಗಿದೆ ಎಂದರೆ..?

ಇದನ್ನೂ ಓದಿ: ವಿರಾಟ್​ ಕೊಹ್ಲಿ ಹಿಂದೆ ಹನುಮನ ಬಲ.. ಸ್ಟಾರ್ ಬ್ಯಾಟರ್​ ಆದ್ರೂ ಆಂಜನೇಯನ ಪರಮಭಕ್ತ!

ಆರ್​ಸಿಬಿ ಕ್ಯಾಂಪ್​​ನಲ್ಲಿರುವ ಫಿಲ್ ಸಾಲ್ಟ್​ ಎಲ್ಲಿಗೂ ಹೋಗಿಲ್ಲ. ಸದ್ಯ ಅವರು ತೀವ್ರ ಜ್ವರದಿಂದ ಬಳಲುತ್ತಿದ್ದಾರೆ. ಕೆಟ್ಟ ವಾತಾವರಣದಿಂದ ಅವರಲ್ಲಿ ಜ್ವರ ಕಾಣಿಸಿಕೊಂಡಿದೆ ಎನ್ನಲಾಗಿದೆ. ಹೀಗಾಗಿ ಡೆಲ್ಲಿ ತಂಡದ ವಿರುದ್ಧ ಅವರು ಬ್ಯಾಟಿಂಗ್​ಗೆ ಬರಲಿಲ್ಲ. ಈ ಬಗ್ಗೆ ಮೊದಲೇ ಆರ್​ಸಿಬಿ ಕ್ಯಾಪ್ಟನ್​ ರಜತ್ ಪಾಟಿದಾರ್ ಮಾಹಿತಿ ನೀಡಿದ್ದರು. ಸಾಲ್ಟ್​ ಪಂದ್ಯದಲ್ಲಿ ಕಾಣಿಸಿಕೊಳ್ಳದೆ ಇರುವುದು ಆರ್​ಸಿಬಿಗೆ ದೊಡ್ಡ ಹೊಡೆತ ಎನ್ನಬಹುದು. ಇನ್ನು ಮುಂದಿನ ಪಂದ್ಯ ಸಾಲ್ಟ್​ ಆಡ್ತಾರಾ?.

ಆರ್​ಸಿಬಿ ಮುಂದಿನ ಪಂದ್ಯವನ್ನು ಎಂ.ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಸಂಜೆ 7:30ಕ್ಕೆ ಬದ್ಧಶತ್ರುವಾದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವನ್ನು ಎದುರಿಸಲಿದೆ. ಈ ಪಂದ್ಯದಲ್ಲಿ ಫಿಲ್ ಸಾಲ್ಟ್ ಕ್ರೀಸ್​ಗೆ ಆಗಮಿಸ್ತಾರೋ, ಇಲ್ಲವೋ ಎಂಬುದು ಇನ್ನು ಕನ್​​ಫರ್ಮ್​ ಆಗಿ ಯಾರು ಕೂಡ ಮಾಹಿತಿ ನೀಡಿಲ್ಲ. ಸದ್ಯಕ್ಕಂತೂ ಫಿಲ್ ಸಾಲ್ಟ್​ ಜ್ವರದಿಂದ ಚೇತರಿಸಿಕೊಳ್ಳುತ್ತಿದ್ದಾರೆ. ಬೇಗ ಆರಾಮಾಗಿ ಮತ್ತೆ ಅವರು ಆರ್​ಸಿಬಿ ತಂಡದಲ್ಲಿ ಸ್ಫೋಟಕ ಬ್ಯಾಟಿಂಗ್ ಆರಂಭಿಸಲಿ ಎನ್ನುವುದು ಅಭಿಮಾನಿಗಳ ದೊಡ್ಡ ಆಶಯವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ