ಉಪ್ಪಿ ಅವರ ಫೇಮಸ್ ಹಾಡು ಹೇಳಿ ಖುಷಿ ಪಟ್ಟ ಸಾಲ್ಟ್​.. ಅದ್ಯಾವ ಸಾಂಗ್ ಹೇಳಿ ನೋಡೋಣ..?

ರಾಯಲ್​ ಚಾಲೆಂಜರ್ಸ್​​ ತಂಡದ ಸ್ಫೋಟಕ ಬ್ಯಾಟರ್ ಫಿಲಿಪ್ ಸಾಲ್ಟ್​. ಆರ್​ಸಿಬಿ ಪಂದ್ಯದಲ್ಲಿ ಯಾವಾಗಲು ಆರಂಭಿಕರಾಗಿ ಕ್ರೀಸ್​ಗೆ ಬರುತ್ತಾರೆ. ಬ್ಯಾಟ್​ ಹಿಡಿದು ಮೈದಾನಕ್ಕೆ ಬಂದವರೇ ಎದುರಾಳಿ ಬೌಲರ್​ಗಳ ಮೇಲೆ ದಾಳಿಗೆ ಅಣಿಯಾಗುತ್ತಾರೆ. ಕಿಂಗ್​ ಕೊಹ್ಲಿ ಜತೆ ಓಪನಿಂಗ್ ಪಡೆಯುವ ಸಾಲ್ಟ್, ಸದ್ಯ ಸಂದರ್ಶನವೊಂದರಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಅವರ ಸಿನಿಮಾದ ಫೇಮಸ್ ಹಾಡನ್ನು ಚುಟುಕಾಗಿ ಹಾಡಿದ್ದಾರೆ.

ಡೆಲ್ಲಿ ಕ್ಯಾಪಿಟಲ್ಸ್​ ಜೊತೆಗಿನ ಕಳೆದ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟರ್​ ಫಿಲ್ ಸಾಲ್ಟ್​ ಮೈದಾನಲ್ಲಿ ಕಾಣಿಸಲಿಲ್ಲ. ಇದು ಆರ್​ಸಿಬಿ ಅಭಿಮಾನಿಗಳಿಗೆ ಬೇಸರ ತರಿಸಿದರೂ ತಂಡ ಮಾತ್ರ ಗೆಲುವು ಸಾಧಿಸಿದ್ದು ಸಂತಸ ಸಂಗತಿ. ಸದ್ಯ ಜ್ವರದಿಂದ ಬಳಲುತ್ತಿರುವ ಸಾಲ್ಟ್ ಅವರು ಡ್ಯಾನಿಶ್ ಸೇಟ್ ಅಥವಾ ಮಿಸ್ಟರ್ ನಾಗ್ ಅವರು ನಡೆಸಿಕೊಡುವ ಆರ್​ಸಿಬಿಯ ಸೋಶಿಯಲ್​ ಮೀಡಿಯಾದ ಟೀ ಪಾರ್ಟಿ ಸಂದರ್ಶನದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ತಿಮ್ಮಪ್ಪನ ದರ್ಶನ ಪಡೆದ RCB ಕ್ಯಾಪ್ಟನ್​, ವಿಕೆಟ್​ ಕೀಪರ್.. 18 ವರ್ಷಗಳ ಸತತ ಹೋರಾಟಕ್ಕೆ ಬ್ರೇಕ್ ಬೀಳುತ್ತಾ?

ಮಿಸ್ಟರ್ ನಾಗ್ ಸಂದರ್ಶನದಲ್ಲಿ ಕೇಳುವ ಎಲ್ಲ ಪ್ರಶ್ನೆಗಳಿಗೂ ಫಿಲ್ ಸಾಲ್ಟ್ ಉತ್ತರ ನೀಡಿದ್ದಾರೆ. ನೀವು ಬ್ಯಾಟಿಂಗ್​ಗೆ ಹೋಗಬೇಕಾದರೆ ಒಂದು ಸಾಂಗ್ ಹಾಕುತ್ತಾರೆ. ಆ ಹಾಡು ಯಾವುದು ಅಂತ ಗೊತ್ತಾ ಅಂತ ಕೇಳಿದ್ದಾರೆ. ಇದಕ್ಕೆ ಫಿಲ್ ಸಾಲ್ಟ್ ಆ ಹಾಡು ನನಗೆ ಚೆನ್ನಾಗಿ ಗೊತ್ತಿದೆ ಎಂದು ಖುಷಿ ಪಟ್ಟಿದ್ದಾರೆ. ಇದೇ ವೇಳೆ ಉಪ್ಪಿಗಿಂತ ರುಚಿ ಬೇರೆ ಇಲ್ಲ ಎನ್ನುವ ಸಾಂಗ್ ಅನ್ನು ಪ್ಲೇ ಮಾಡಿದ್ದು ಇದಕ್ಕೆ ಫಿಲ್ ಸಾಲ್ಟ್​ ಧ್ವನಿಗೂಡಿಸಿದ್ದಾರೆ.

ರಿಯಲ್ ಸ್ಟಾರ್ ಉಪೇಂದ್ರ ಅವರು ಅಭಿನಯದ ಉಪೇಂದ್ರ ಸಿನಿಮಾದ ಉಪ್ಪಿಗಿಂತ ರುಚಿ ಬೇರೆ ಇಲ್ಲ ಎನ್ನುವ ಹಾಡು ಈಗಲೂ ಕನ್ನಡಿಗರ ಮನದಲ್ಲಿ ಜನಪ್ರಿಯವಾಗಿದೆ. ಇಂತಹ ಹಾಡು ವಿದೇಶಿ ಆಟಗಾರರ ಮನ ಗೆದ್ದಿರುವುದು ಖುಷಿಯ ಸಂಗತಿಯೇ ಸರಿ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆರ್​ಸಿಬಿ ಆಟಗಾರರು ಬ್ಯಾಟಿಂಗ್ ಮಾಡಲು ಕ್ರೀಸ್​ಗೆ ಹೋಗುವಾಗ ಉಪ್ಪಿಗಿಂತ ರುಚಿ ಬೇರೆ ಇಲ್ಲ ಹಾಡನ್ನು ಪ್ಲೇ ಮಾಡುತ್ತಿರುತ್ತಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ