ಇವತ್ತಿನ ಪಂದ್ಯಕ್ಕೂ ಮುನ್ನವೇ RCBಗೆ ಬಿಗ್ ಶಾಕ್​.. ವಿಸ್ಫೋಟಕ ಬ್ಯಾಟರ್ ಆಡೋದಿಲ್ಲ

ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್​ ನಡುವೆ ಹೈವೋಲ್ಟೇಜ್ ಪಂದ್ಯ ಇಂದು ನಡೆಯಲಿದೆ. ಈ ಸೀಸನ್​ನಲ್ಲಿ ಯಶಸ್ವಿ ಓಟ ಆರಂಭಿಸಿರುವ ಆರ್​ಸಿಬಿ ಈಗಾಗಲೇ ಆಡಿರುವ ಪಂದ್ಯಗಳಲ್ಲಿ 3 ಸೋತು, 7 ರಲ್ಲಿ ಗೆಲವು ಸಾಧಿಸಿದೆ. ಇದೇ ಗೆಲುವನ್ನು ಮುಂದುವರೆಸಲು ರ್​ಸಿಬಿಗೆ ದೊಡ್ಡ ಸಂಕಷ್ಟ ಈಗ ಎದುರಾಗಿದೆ.

ಆರ್​ಸಿಬಿಯ ವಿಸ್ಫೋಟಕ ಬ್ಯಾಟ್ಸ್​ಮನ್​ ಓಪನರ್ ಫಿಲ್ ಸಾಲ್ಟ್ ಅವರು ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧ ಕಣಕ್ಕೆ ಇಳಿಯುವುದು ಅನುಮಾನ ಇದೆ. ಡೆಲ್ಲಿ ಪಂದ್ಯದ ವೇಳೆಯೇ ಅವರು ಅನಾರೋಗ್ಯಕ್ಕೆ ತುತ್ತಾಗಿದ್ದರು. ಜ್ವರದಿಂದ ಬಳಲುತ್ತಿರುವ ಸಾಲ್ಟ್​ ಇನ್ನು ಆರ್​ಸಿಬಿಯ ವೈದ್ಯಕೀಯ ತಂಡದೊಂದಿಗೆ ಇದ್ದಾರೆ. ಶೀಘ್ರದಲ್ಲೇ ಹಿಂದಿರುಗುವ ವಿಶ್ವಾಸವಿದೆ ಎಂದು ಸ್ವತಹ ಕನ್ನಡಿಗ ದೇವದತ್ ಪಡಿಕ್ಕಲ್ ಅವರು ಹೇಳಿದ್ದಾರೆ.

ಇದನ್ನೂ ಓದಿ: ಹೈದ್ರಾಬಾದ್​ ಪ್ಲೇ ಆಫ್​ ಕನಸು ಭಗ್ನ..? ಬೃಹತ್ ಟಾರ್ಗೆಟ್​ ನೀಡಿದ್ದ ಗಿಲ್ ಪಡೆಗೆ ಗೆಲುವು

ಫಿಲ್ ಸಾಲ್ಟ್​ ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಆಡುತ್ತಾರೋ, ಇಲ್ವೋ ಎಂದು ಸರಿಯಾಗಿ ಮಾಹಿತಿ ಇಲ್ಲ. ಆದ್ರೆ ಸಾಲ್ಟ್ ಇನ್ನು ವೈದ್ಯಕೀಯ ತಂಡದ ಜೊತೆಗಿದ್ದಾರೆ ಎಂದು ಕನ್ನಡಿಗ ದೇವದತ್ ಪಡಿಕ್ಕಲ್ ಹೇಳಿದ್ದಾರೆ. ಒಂದು ವೇಳೆ ಸಾಲ್ಟ್​ ಕ್ರೀಸ್​ಗೆ ಆಗಮಿಸದಿದ್ದರೇ, ವಿರಾಟ್ ಕೊಹ್ಲಿ ಜೊತೆ ವಿದೇಶಿಯ ಯುವ ಪ್ಲೇಯರ್ ಜಾಕೋಬ್ ಬೆಥೆಲ್​ ಓಪನರ್​ ಆಗಿ ಮೈದಾನಕ್ಕೆ ಎಂಟ್ರಿ ಕೊಡಲಿದ್ದಾರೆ. ​

ಚೆನ್ನೈ ಈ ಸೀಸನ್​ ಅಲ್ಲಿ ತೀರ ಹೀನಾಯವಾದ ಆಟ ಪ್ರದರ್ಶನ ಮಾಡಿ ಪಾಯಿಂಟ್ ಪಟ್ಟಿಯಲ್ಲಿ ಕೊನೆಯಲ್ಲಿದೆ. ಆರ್​ಸಿಬಿ ಇದಕ್ಕೆ ತದ್ವಿರುದ್ಧವಾಗಿದ್ದು ಈಗಾಗಲೇ ಅಗ್ರಸ್ಥಾನಕ್ಕೂ ಎಂಟ್ರಿ ಕೊಟ್ಟು ಈಗ 3ನೇ ಸ್ಥಾನದಲ್ಲಿದೆ. ಆದ್ರೆ ಚಿನ್ನಸ್ವಾಮಿಯಲ್ಲಿ ನಡೆಯುವ ಇವತ್ತಿನ ಪಂದ್ಯದಲ್ಲಿ ಚೆನ್ನೈಯನ್ನು ಸೋಲಿಸಿದರೆ ಆರ್​ಸಿಬಿಯ ಇಮೇಜ್ ಇನ್ನಷ್ಟು ಹೆಚ್ಚುವುದರಲ್ಲಿ ಸಂದೇಹವೇ ಬೇಡ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ