ಫ್ರಾಂಚೈಸಿ ಮಾರಾಟಕ್ಕೆ ಮುಂದಾದ್ರಂತೆ RCB ಮಾಲೀಕರು.. ಎಷ್ಟು ಕೋಟಿಗೆ ಡಿಮ್ಯಾಂಡ್ ಇಡಬಹುದು..?

ಬರೋಬ್ಬರಿ 18 ವರ್ಷಗಳ ನಂತರ ಆರ್​ಸಿಬಿ ಕಪ್ ಗೆದ್ದಿದೆ. ಆದರೆ ಈ ಸಂಭ್ರಮ ಹೆಚ್ಚುಗಂಟೆ ಉಳಿಯಲ್ಲಿಲ್ಲ. ಅದಕ್ಕೆ ಕಾರಣ ಚಿನ್ನಸ್ವಾಮಿ ಮೈದಾನದ ಬಳಿ ಸಂಭವಿಸಿದ ಘೋರ ಕಾಲ್ತುಳಿತ. ಲೇಟೆಸ್ಟ್​ ವಿಚಾರ ಏನೆಂದರೆ ಸದ್ಯದಲ್ಲಿ ಆರ್​ಸಿಬಿ ಮಾಲೀಕತ್ವ ಬದಲಾಗಲಿದೆಯಂತೆ!

ಪ್ರಸ್ತುತ ಆರ್​​ಸಿಬಿ ಡಿಯಾಜಿಯೊ ಅಂಗ ಸಂಸ್ಥೆಯಾದ ಯುನೈಟೆಡ್ ಸ್ಪಿರಿಟ್ ಲಿಮಿಟೆಡ್​ನ (USL) ಮಾಲೀಕತ್ವದಲ್ಲಿದೆ. ಕೆಲವು ವರದಿಗಳ ಪ್ರಕಾರ, ಮಾಲೀಕರು ಆರ್​ಸಿಬಿಯನ್ನು ಮಾರಾಟ ಮಾಡಲು ಎದುರು ನೋಡುತ್ತಿದ್ದಾರೆ ಎನ್ನಲಾಗಿದೆ. ಬರೋಬ್ಬರಿ 18 ವರ್ಷಗಳ ನಂತರ ಕಪ್ ಗೆದ್ದ ಬೆನ್ನಲ್ಲೇ ಆರ್​ಸಿಬಿ ಮಾಲೀಕರು ಇಂಥ ನಿರ್ಧಾರಕ್ಕೆ ಬಂದಿದ್ದಾರೆ.

ಇದನ್ನೂ ಓದಿ: ಐಪಿಎಲ್​ ಸೆನ್ಸೇಷನಲ್.. ಈ ಸ್ಟಾರ್​ ಮೇಲೆ ಕ್ಯಾಪ್ಟನ್, ಕೋಚ್​ ಕೃಪೆ ಬೇಕೇಬೇಕು..

ಕೆಲವು ಇನ್ವೆಸ್ಟರ್​ ಜೊತೆ ಆರ್​ಸಿಬಿ ಮಾಲೀಕರು ಮಾತುಕತೆ ನಡೆಸಿದ್ದಾರೆ. ಫ್ರಾಂಚೈಸಿಯ ಮೌಲ್ಯಮಾಪನದ ಬಗ್ಗೆ ಯಾವುದೇ ಅನಧಿಕೃತ ಮಾಹಿತಿಯಿಲ್ಲ. ಒಂದು ಅಂದಾಜಿನ ಪ್ರಕಾರ ಮಾಲೀಕರು ತನ್ನ ಫ್ರಾಂಚೈಸಿಯನ್ನು ಸಂಪೂರ್ಣ ಮಾರಲು ಬರೋಬ್ಬರಿ 2 ಬಿಲಿಯನ್ ಅಮೆರಿಕನ್ ಡಾಲರ್​​ (16,834 ಕೋಟಿ ರೂಪಾಯಿ)ಗೆ ಡಿಮ್ಯಾಂಡ್ ಇಡಬಹುದು ಅಂತಾ ಬ್ಲೂಮ್​ಬರ್ಗ್ (Bloomberg)​ ಅಂದಾಜಿಸಿದೆ.

ಐಪಿಎಲ್​ನ ಒಂದು ಫ್ರಾಂಚೈಸಿ ಆಗಿರುವ ಆರ್​ಸಿಬಿ ಕರ್ನಾಟಕವನ್ನು ಪ್ರತಿನಿಧಿಸುತ್ತದೆ. 2008ರಲ್ಲಿ ಸ್ಥಾಪನೆಯಾದ ಈ ಫ್ರಾಂಚೈಸಿಯು ಐಪಿಎಲ್ ಉದ್ಘಾಟನಾ ವರ್ಷದಿಂದಲೇ ಇದೆ. ಕಿಂಗ್ ಫಿಶರ್ ಏರ್​ಲೈನ್ಸ್​ ಆಗಿನ ಅಧ್ಯಕ್ಷರಾಗಿದ್ದ ವಿಜಯ್ ಮಲ್ಯ ಅವರು 111.6 ಮಿಲಿಯನ್ ಡಾಲರ್​​ಗೆ ಆರ್​ಸಿಬಿಯನ್ನು ಖರೀದಿ ಮಾಡಿದ್ದರು. ನಂತರದ ದಿನಗಳಲ್ಲಿ ಮಲ್ಯ ಸಾಲದ ಸುಳಿಗೆ ಸಿಲುಕುತ್ತಿದ್ದಂತೆಯೇ, ಅವಕಾಶ ಬಳಸಿಕೊಂಡು ಯುಎಸ್​ಎಲ್ ಆರ್​ಸಿಬಿಯನ್ನು ಖರೀದಿಸಿತು.

ಇದನ್ನೂ ಓದಿ: ಪೂರನ್ ಅಚ್ಚರಿಯ ನಿರ್ಧಾರ.. ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ದಿಢೀರ್ ನಿವೃತ್ತಿ..!

🚨 NEW RCB OWNERS EXPECTED. 🚨

- Current RCB owner Diageo Plc exploring possibilities for a potential sale of RCB, valued at up to $2 billion. (Bloomberg). pic.twitter.com/auOSki08UV

— Mufaddal Vohra (@mufaddal_vohra) June 10, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ