ಕೋಟಿ ಕೋಟಿ ಹಣ ಸುರಿದ್ರೂ ಯಾವುದೇ ಪ್ರಯೋಜನ ಇಲ್ಲ! RCB ತಂಡದಿಂದ ಈ ಮೂವರಿಗೆ ಗೇಟ್​ಪಾಸ್​​​

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​​​ ಲೀಗ್​​​ ಇನ್ನೇನು ಶುರುವಾಗಲಿದೆ. ಈಗಾಗಲೇ ಮೆಗಾ ಹರಾಜಿನಲ್ಲಿ ಸ್ಟಾರ್​ ಆಟಗಾರರನ್ನು ಖರೀದಿ ಮಾಡಿರೋ ಆರ್‌ಸಿಬಿ ಬಲಿಷ್ಠ ತಂಡ ಕಟ್ಟಿದೆ. 22 ಆಟಗಾರರನ್ನು ಹೊಂದಿರೋ ತಂಡದಲ್ಲಿ ಪ್ಲೇಯಿಂಗ್-11 ಆಯ್ಕೆ ಮಾಡೋದು ಅಷ್ಟು ಸುಲಭದ ಮಾತಲ್ಲ. ಅದರಲ್ಲೂ ಈ ಮೂವರು ಆಟಗಾರರಿಗೆ ಆರ್​​ಸಿಬಿ ಪ್ಲೇಯಿಂಗ್​ ಎಲೆವೆನ್​​ನಲ್ಲಿ ಸ್ಥಾನ ಸಿಗೋದು ಡೌಟ್​ ಆಗಿದ್ದು, ಇವರು ಬೆಂಚ್​​ ಕಾಯಲೇಬೇಕಿದೆ.

ಆರ್​​ಸಿಬಿ ತಂಡದಲ್ಲಿಲ್ಲ ಕನ್ನಡಿಗನಿಗೆ ಸ್ಥಾನ

ಕರ್ನಾಟಕ ಸ್ಟಾರ್​ ಪ್ಲೇಯರ್​ ದೇವದತ್ ಪಡಿಕ್ಕಲ್ ಅವರನ್ನು ಆರ್​​ಸಿಬಿ ಟೀಮ್​​ 2 ಕೋಟಿಗೆ ಖರೀದಿಸಿದೆ. ಆದರೆ ಅವರಿಗೆ ಆಡುವ ಅವಕಾಶ ತುಂಬಾ ಕಡಿಮೆ. ಇದಕ್ಕೆ ದೊಡ್ಡ ಕಾರಣ ಅವರ ಕಳಪೆ ಫಾರ್ಮ್. ಕಳೆದ ಸೀಸನ್​​ನಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​ ಪರ ನೀಡಿದ ಪ್ರದರ್ಶನ ಅಷ್ಟಕಷ್ಟೇ. RCB ಮಿಡಲ್ ಆರ್ಡರ್ ಬ್ಯಾಟರ್ ಆಗಿ ಲಿಯಾಮ್ ಲಿವಿಂಗ್​​ಸ್ಟೋ, ಟಿಮ್ ಡೇವಿಡ್ ಮತ್ತು ಕೃನಾಲ್ ಪಾಂಡ್ಯ ಅವರಂತಹ ಬಲಿಷ್ಠ ಬ್ಯಾಟ್ಸ್‌ಮನ್‌ಗಳ ದಂಡು ಇದೆ. ಇಂತಹ ಪರಿಸ್ಥಿತಿಯಲ್ಲಿ ಪಡಿಕ್ಕಲ್​​ಗೆ ಅವಕಾಶ ಸಿಗೋದು ಡೌಟ್​​.

ಸ್ಟಾರ್​​ ಬೌಲರ್​​ಗಿಲ್ಲ ಅವಕಾಶ

ದಕ್ಷಿಣ ಆಫ್ರಿಕಾದ ವೇಗದ ಬೌಲರ್ ಲುಂಗಿ ಎನ್‌ಗಿಡಿ ಅವರನ್ನು ಬರೋಬ್ಬರಿ 1 ಕೋಟಿ ನೀಡಿ ಖರೀದಿ ಮಾಡಲಾಗಿದೆ. ಆದರೆ ಅವರು ಕಳೆದ ಮೂರು ವರ್ಷಗಳಿಂದ ಐಪಿಎಲ್‌ನ ಭಾಗವಾಗಿಲ್ಲ. ಅವರು ರಾಷ್ಟ್ರೀಯ ತಂಡದಿಂದ ಹೊರಗಿದ್ದಾರೆ. ಆರ್​​ಸಿಬಿ ತಂಡದಲ್ಲಿ ಜೋಶ್ ಹೇಜಲ್​ವುಡ್, ಯಶ್ ದಯಾಲ್, ಭುವನೇಶ್ವರ್ ಕುಮಾರ್​ ರೀತಿಯ ದೈತ್ಯ ಬೌಲಿಂಗ್ ಪಡೆ ಇದೆ. ಹೀಗಾಗಿ ಲುಂಗಿ ಆಡುವ 11 ರಲ್ಲಿ ಅವಕಾಶ ಪಡೆಯೋದು ತುಂಬಾ ಕಷ್ಟ.

ಲಂಕಾ ಸ್ಟಾರ್​ ತುಷಾರ್​ ಆಡೋದು ಡೌಟ್​​​

ಶ್ರೀಲಂಕಾದ ಸ್ಟಾರ್​ ವೇಗಿ ನುವಾನ್ ತುಷಾರ. ಇವರನ್ನು ಆರ್‌ಸಿಬಿ 1.60 ಕೋಟಿ ರೂಪಾಯಿಗೆ ಖರೀದಿಸಿದೆ. ಇವರು ಕೂಡ ಪ್ಲೇಯಿಂಗ್-11ನಲ್ಲಿ ಅವಕಾಶ ಪಡೆಯೋದು ಕಷ್ಟ. ಕಳೆದ ವರ್ಷ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿದ್ದಾಗ ಸಿಕ್ಕ ಅವಕಾಶಗಳನ್ನು ಬಳಸಿಕೊಂಡಿಲ್ಲ.

ಇದನ್ನೂ ಓದಿ:ಚಾಂಪಿಯನ್ಸ್​ ಟ್ರೋಫಿ ಬೆನ್ನಲ್ಲೇ ದಿಢೀರ್​​ ನಿವೃತ್ತಿ ಘೋಷಿಸಿ ಬಿಗ್​ ಶಾಕ್​​ ಸ್ಟಾರ್​ ಪ್ಲೇಯರ್​​!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ