ನಿರ್ಣಾಯಕ ಪಂದ್ಯದಲ್ಲಿ ಗೆಲುವಿನ ದಡ ಸೇರಿದ ಬೆಂಗಳೂರು ತಂಡ

ವಿರಾಟ್​ ಕೊಹ್ಲಿ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಶ್ರೇಯಾಂಕ ಪಾಟೀಲ್

ಚೆನ್ನೈ ಜತೆಗಿನ ಪಂದ್ಯ ವೀಕ್ಷಣೆಗೆ ಬಂದಿದ್ದ RCB ಮಹಿಳಾ ಪ್ಲೇಯರ್ಸ್​ ​

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡಕ್ಕೆ ಅದೃಷ್ಟ ಕುಲಾಯಿಸಿದೆ. ಒಂದಾದ ಮೇಲೆ ಒಂದರಂತೆ 6 ಪಂದ್ಯಗಳನ್ನು ಗೆಲ್ಲುವ ಮೂಲಕ ಪ್ಲೇ ಆಫ್​ ಆಗಿ ಹೋಗಿದ್ದು ಇನ್ನೇನು ಮುಂದಿನ ಪಂದ್ಯಗಳಲ್ಲಿ ಎದುರಾಳಿಗಳನ್ನು ಸದೆಬಡಿದು ಫೈನಲ್​ ಪ್ರವೇಶಿಸಬೇಕಿದೆ. ಎಂ.ಚಿನ್ನಸ್ವಾಮಿಯಲ್ಲಿ ಸ್ಟೇಡಿಯಂನಲ್ಲಿ ಚೆನ್ನೈ ವಿರುದ್ಧ ನಡೆದ ಪಂದ್ಯವನ್ನು ವೀಕ್ಷಿಸಲು ಮಹಿಳಾ ಆರ್​ಸಿಬಿ ಆಟಗಾರ್ತಿಯರು ಆಗಮಿಸಿದ್ದರು. ಮ್ಯಾಚ್ ಗೆದ್ದ ಮೇಲೆ ಸ್ಟಾರ್ ಪ್ಲೇಯರ್​ ವಿರಾಟ್​ ಕೊಹ್ಲಿ, ಪತ್ನಿ ಅನುಷ್ಕಾ ಶರ್ಮಾ ಜೊತೆ ಕನ್ನಡತಿ ಶ್ರೇಯಾಂಕ ಪಾಟೀಲ್ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.

ಆರ್​ಸಿಬಿ ಮಹಿಳಾ ತಂಡದ ಪ್ಲೇಯರ್ ಆದ ಶ್ರೇಯಾಂಕ ಪಾಟೀಲ್​ಗೆ ವಿರಾಟ್​ ಕೊಹ್ಲಿ ಎಂದರೆ ಎಲ್ಲಿಲ್ಲದ ಇಷ್ಟವಂತೆ. ಈಗಾಗಲೇ ಈ ಬಗ್ಗೆ ಸಾಕಷ್ಟು ಸಂದರ್ಶನಗಳಲ್ಲಿ ಹೇಳಿಕೊಂಡಿದ್ದಾರೆ. ಅದರಂತೆ ನಿನ್ನೆ ಚೆನ್ನೈ ವಿರುದ್ಧದ ಪಂದ್ಯ ವೀಕ್ಷಣೆ ಮಾಡಲು ಶ್ರೇಯಾಂಕ ಪಾಟೀಲ್ ಚಿನ್ನಸ್ವಾಮಿ ಸ್ಟೇಡಿಯಂಗೆ ತೆರಳಿದ್ದರು. ಈ ವೇಳೆ ಬೆಂಗಳೂರು ತಂಡ ಗೆಲುವಿನ ಬಳಿಕ ವಿರಾಟ್​ ಕೊಹ್ಲಿ ಹಾಗೂ ಅವರ ಪತ್ನಿ ಅನುಷ್ಕಾ ಶರ್ಮಾರನ್ನ ಶ್ರೇಯಾಂಕ ಪಾಟೀಲ್ ಮೀಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಅವರ ಜೊತೆ ಸೆಲ್ಫಿ, ಫೋಟೋಗಳನ್ನು ಕ್ಲಿಕ್ಕಿಸಿಕೊಂಡು ಸಖತ್ ಖುಷಿ ಪಟ್ಟಿದ್ದಾರೆ.

Our RCB hudugi with the King and Queen ❤️ pic.twitter.com/5vPEB4qRlx

— Pari (@BluntIndianGal) May 18, 2024

ಆರ್​ಸಿಬಿ ಪ್ಲೇಯರ್ ಶ್ರೇಯಾಂಕ ಪಾಟೀಲ್ ಬೆಂಗಳೂರಿನ ಗೆಲುವನ್ನು ಸಖತ್ ಆಗಿಯೇ ಸೆಲೆಬ್ರೆಷನ್ ಮಾಡಿದ್ದಾರೆ. ಫಾಫ್ ಪಡೆಯ ಆಟಗಾರರು ಸಿಕ್ಸರ್​, ಬೌಂಡರಿ ಸಿಡಿಸಿದಾಗೆಲ್ಲ ಸ್ಟೇಡಿಯಂ ಗ್ಯಾಲರಿಯಲ್ಲಿ ಇದ್ದ ಮಹಿಳಾ ಆಟಗಾರ್ತಿಯರೆಲ್ಲ ಕುಣಿದು ಕುಪ್ಪಳಿಸಿದ್ದಾರೆ. ನಿರ್ಣಾಯಕ ಪಂದ್ಯದಲ್ಲಿ ಬೆಂಗಳೂರು ತಂಡಕ್ಕೆ ಸಪೋರ್ಟ್​ ಮಾಡಲು ಆರ್​ಸಿಬಿ ಮಹಿಳಾ ತಂಡದ ನಾಯಕಿ ಸ್ಮೃತಿ ಮಂದಾನ, ಆಶಾ ಸೋಭಾನಾ ಹಾಗೂ ಡೆಲ್ಲಿ ಟೀಮ್ ಆಟಗಾರ್ತಿ ಜೆಮಿಮಾ ರಾಡ್ರಿಗಸ್ ಆಗಮಿಸಿದ್ದರು. ಹೈವೋಲ್ಟೇಜ್​ ಮ್ಯಾಚ್​ನಲ್ಲಿ ಬೆಂಗಳೂರು ಗೆಲುವಿನ ದಡ ಸೇರುತ್ತಿದ್ದಂತೆ ಕರ್ನಾಟಕದ್ಯಾಂತ ಸಂಭ್ರಮ ಮುಗಿಲು ಮುಟ್ಟಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ