ಗೆಲುವಿನೊಂದಿಗೆ WPLಗೆ ವಿದಾಯ ಹೇಳಿದ RCB; ‘ಮುಂದಿನ ಸಲ ಕಪ್ ನಮ್ದೆ’ ಎಂದ ಮಂದಾನ ಪಡೆ..!

ಸತತ ಐದನೇ ಬಾರಿಗೆ ಸೋತು ಸುಣ್ಣವಾಗಿದ್ದ ಆರ್​ಸಿಬಿಗೆ ಕೊನೆಗೂ ಗೆಲುವು ಸಿಕ್ಕಿದೆ. ನಿನ್ನೆ ನಡೆದ ಪಂದ್ಯದಲ್ಲಿ ಮುಂಬೈ ವಿರುದ್ಧ 11 ರನ್​ಗಳ ಅಂತರದಿಂದ ಗೆಲುವು ಸಾಧಿಸಿ, ಈ ಬಾರಿಯ ಮಹಿಳಾ ಪ್ರೀಮಿಯರ್​ ಲೀಗ್​ಗೆ ವಿದಾಯ ಹೇಳಿದೆ.

ಲೀಗ್ ಹಂತಗಳಲ್ಲಿ ಆರ್​ಸಿಬಿ ಒಟ್ಟು 8 ಪಂದ್ಯಗಳನ್ನು ಆಡಿತ್ತು. ಅದರಲ್ಲಿ ಮೂರು ಪಂದ್ಯಗಳನ್ನು ಗೆದ್ದು ನಾಲ್ಕನೇ ಸ್ಥಾನಕ್ಕೆ ಸೀಮಿತವಾಯ್ತು. 8 ಪಂದ್ಯಗಳಲ್ಲಿ ಐದು ಗೆದ್ದುಕೊಂಡಿರುವ ಮುಂಬೈ ಇಂಡಿಯನ್ಸ್​ ಎರಡನೇ ಸ್ಥಾನದಲ್ಲಿ ಪ್ಲೇ-ಆಫ್ ಪ್ರವೇಶ ಮಾಡಿದೆ.

ಇದನ್ನೂ ಓದಿ: ಟ್ರೋಫಿ ಗೆದ್ದು ವಾಪಸ್ ಆದ ಸ್ಟಾರ್​ಗಳಿಗೆ ಯಾವ್ದೇ ಸನ್ಮಾನ ಇಲ್ಲ; BCCI ಈ ನಿರ್ಧಾರಕ್ಕೆ ಕಾರಣ ಏನು?

ನಿನ್ನೆಯ ದಿನ ಮೊದಲು ಬ್ಯಾಟ್ ಮಾಡಿದ್ದ ಆರ್​ಸಿಬಿ ಮೂರು ವಿಕೆಟ್ ಕಳೆದುಕೊಂಡು 199 ರನ್​ಗಳನ್ನು ಕಲೆ ಹಾಕಿತ್ತು. ಆರ್​ಸಿಬಿ ಪರ ಮೇಘನಾ 26, ಸ್ಮೃತಿ ಮಂದಾನ 53, ಪೆರಿ 49, ರಿಚಾ ಘೋಷ್ 36, ಜಾರ್ಜಿಯಾ 31 ರನ್​ಗಳ ಕಾಣಿಕೆ ನೀಡಿದರು. ಈ ಗುರಿಯನ್ನು ಬೆನ್ನು ಹತ್ತಿದ್ದ ಕೌರ್ ಪಡೆ, 20 ಓವರ್​ನಲ್ಲಿ 188 ರನ್​ಗಳಿಸಿ ಸೋಲನ್ನು ಒಪ್ಪಿಕೊಳ್ತು.

ಮತ್ತೊಂದು ಕಡೆ ಡೆಲ್ಲಿ ತಂಡ ಗುಂಪು ಹಂತದಲ್ಲಿ ಅಗ್ರ ಸ್ಥಾನದಲ್ಲಿದ್ದು, ನೇರವಾಗಿ ಫೈನಲ್ ಪ್ರವೇಶ ಮಾಡಿದೆ. ಆ ಮೂಲಕ ಡೆಲ್ಲಿ ತಂಡ ಸತತ ಮೂರನೇ ಬಾರಿಗೆ ಫೈನಲ್ ಪ್ರವೇಶ ಮಾಡಿದೆ. ನಾಳೆ ಎಲಿಮಿನೇಟರ್ ಪಂದ್ಯ ನಡೆಯಲಿದ್ದು, ಗುಜರಾತ್ ಹಾಗೂ ಮುಂಬೈ ತಂಡ ಸೆಣಸಾಟ ನಡೆಸಲಿವೆ. ಇಲ್ಲಿ ಗೆದ್ದವರು ಫೈನಲ್​​ನಲ್ಲಿ ಡೆಲ್ಲಿ ಜೊತೆ ಟ್ರೋಫಿಗಾಗಿ ಕಾದಾಟ ನಡೆಸಲಿವೆ. ಮುಂಬೈ ತಂಡ ಎರಡನೇ ಟ್ರೋಫಿ ಮೇಲೆ ಕಣ್ಣಿಟ್ಟಿದ್ದರೆ, ಗುಜರಾತ್ ಚೊಚ್ಚಲ WPL ಟ್ರೋಫಿ ಮೇಲೆ ಕಣ್ಣಿಟ್ಟಿದೆ.

ಇದನ್ನೂ ಓದಿ: ಪಾಕಿಸ್ತಾನಕ್ಕೆ 48 ಗಂಟೆಗಳ ಡೆಡ್​ಲೈನ್.. ಟ್ರೈನ್ ಹೈಜಾಕ್​ಗೆ ಮುಖ್ಯ ಕಾರಣ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್