6, 6, 6; ಟಿಮ್ ಡೇವಿಡ್​ ಸಿಡಿಲಬ್ಬರದ ಬ್ಯಾಟಿಂಗ್​.. RCB ಮಾನ ಉಳಿಸಿದ ಸ್ಫೋಟಕ ಬ್ಯಾಟರ್

ಬೆಂಗಳೂರಿನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್​ ತಂಡ ನಿಗದಿತ 14 ಓವರ್​ಗಳಲ್ಲಿ 96 ರನ್​ಗಳ​ ಟಾರ್ಗೆಟ್​ ಅನ್ನು ಪಂಜಾಬ್​ ಕಿಂಗ್ಸ್​​ಗೆ ನೀಡಿದೆ. ಕೊನೆಯಲ್ಲಿ ಟಿಮ್​ ಡೇವಿಡ್ ಅವರ ಭರ್ಜರಿ ಬ್ಯಾಟಿಂಗ್​, ಅಭಿಮಾನಿಗಳಿಗೆ ದೊಡ್ಡ ಮನರಂಜನೆ ನೀಡಿತು.

ಸಿಲಿಕಾನ್ ಸಿಟಿಯಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್​ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಅದರಂತೆ ಆರ್​ಸಿಬಿ ಪರ ಓಪನರ್​ಗಳಾಗಿ ಬ್ಯಾಟಿಂಗ್​ಗೆ ಬಂದ ವಿರಾಟ್ ಕೊಹ್ಲಿ ಹಾಗೂ ಫಿಲಿಪ್ ಸಾಲ್ಟ್​ ವಿಫಲ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. ಸಾಲ್ಟ್​ 4 ರನ್​ಗೆ ಔಟ್ ಆದ್ರೆ, ಕೊಹ್ಲಿ 1 ರನ್​ಗೆ ವಿಕೆಟ್ ಒಪ್ಪಿಸಿದರು. ಈ ಇಬ್ಬರು ಆರ್​ಸಿಬಿಗೆ ಭದ್ರ ಬುನಾದಿ ಹಾಕುವಲ್ಲಿ ಸೋತರು ಎನ್ನಬಹುದು.

ಇದನ್ನೂ ಓದಿ: ಬೇಗ ಕ್ರೀಸ್​ ಖಾಲಿ ಮಾಡಿದ ಕೊಹ್ಲಿ, ಸಾಲ್ಟ್​; RCBಗೆ ದೊಡ್ಡ ಪೆಟ್ಟು, ಈ ಪಂದ್ಯವಾದರೂ ಗೆಲ್ಲುತ್ತಾ?

ಆರ್​ಸಿಬಿ ಕ್ಯಾಪ್ಟನ್​ ಕೊಂಚ ತಂಡಕ್ಕೆ ಆಶ್ರಯವಾದಂತೆ ಕಾಣಿಸಿದರೂ 23 ರನ್​ಗೆ ಚಹಲ್ ಸ್ಪಿನ್​​ ಬೌಲಿಂಗ್​ನಲ್ಲಿ ಕ್ಯಾಚ್ ಕೊಟ್ಟರು. ಉಳಿದಂತೆ ಲಿವಿಂಗ್​ಸ್ಟೋನ್ 4, ಜಿತೇಶ್​ ಶರ್ಮಾ 2, ಕೃನಾಲ್ ಪಾಂಡ್ಯ 1, ಕನ್ನಡಿಗ ಮನೋಜ್ ಭಾಂಡಗೆ 1, ಭುವನೇಶ್ವರ್ 8, ಇವರೆಲ್ಲ ಬಂದಷ್ಟೇ ವೇಗವಾಗಿ ಪೆವಿಲಿಯನ್​ಗೆ ನಡೆದರು. ಮಳೆ ಬಂದಿದ್ದರಿಂದ ಯಾರಿಗೂ ಸರಿಯಾದ ಬ್ಯಾಟಿಂಗ್ ಮಾಡಲು ಸಾಧ್ಯವಾಗಲಿಲ್ಲ.

ಆದರೆ 7ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಬಂದು ಅಬ್ಬರಿಸಿದ ಟಿಮ್ ಡೇವಿಡ್​ ಪಂಜಾಬ್​ ಕಿಂಗ್ಸ್​ ಬೌಲರ್​ಗಳಿಗೆ ಬೆವರಿಳಿಸಿದರು. ಕೇವಲ 26 ಎಸೆತಗಳನ್ನು ಎದುರಿಸಿದ ಟಿಮ್ ಡೇವಿಡ್​ 5 ಬೌಂಡರಿ, 3 ಬ್ಯಾಕ್​ ಟು ಬ್ಯಾಕ್​ ಸಿಕ್ಸರ್​​ಗಳಿಂದ ಅರ್ಧಶತಕ ಪೂರೈಸಿ ಆರ್​ಸಿಬಿಗೆ ನೆರವಾದರು. ಟಿಮ್​ ಡೇವಿಡ್​ ಅವರ ಅಬ್ಬರದ ಬ್ಯಾಟಿಂಗ್​​​ನಿಂದ ಆರ್​ಸಿಬಿ ನಿಗದಿತ 14 ಓವರ್​​ಗಳಲ್ಲಿ 9 ವಿಕೆಟ್​ ಕಳೆದುಕೊಂಡು 96 ರನ್​ಗಳ ಗುರಿಯನ್ನು ನೀಡಿದೆ. ಮಳೆಯ ಕಾರಣದಿಂದ ತಡವಾಗಿ ಪಂದ್ಯ ಆರಂಭಿಸಿದ್ದಕ್ಕೆ 14 ಓವರ್​ಗಳನ್ನು ನಿಗದಿ ಮಾಡಲಾಗಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ