ಸ್ಟಾರ್​ ಪ್ಲೇಯರ್​ ಮೇಲೆ ಕೋಟಿ ಕೋಟಿ ಸುರಿದು ಮೋಸ ಹೋದ RCB; ಕಪ್​ ಗೆಲ್ಲೋ ಕನಸು ನುಚ್ಚುನೂರು

ಇತ್ತೀಚೆಗೆ ರಾಜ್​ಕೋಟ್​ ಇಂಟರ್​ ನ್ಯಾಷನಲ್​​ ಕ್ರಿಕೆಟ್​ ಸ್ಟೇಡಿಯಮ್​ನಲ್ಲಿ ನಡೆದ 3ನೇ ಮಹತ್ವದ ಪಂದ್ಯದಲ್ಲಿ ಟೀಮ್​ ಇಂಡಿಯಾ ವಿರುದ್ಧ ಇಂಗ್ಲೆಂಡ್​ ಗೆದ್ದು ಬೀಗಿದೆ. ಇಂಗ್ಲೆಂಡ್ ತಂಡದ 2 ಪಂದ್ಯಗಳು ಸತತವಾಗಿ ಸೋಲು ಕಾರಣ ಸ್ಫೋಟಕ ಆರಂಭಿಕ ಬ್ಯಾಟರ್ ಫಿಲ್​ ಸಾಲ್ಟ್. ಇವರು ರನ್​​ ಕಲೆ ಹಾಕದಿರುವುದು.

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಸ್ಫೋಟಕ ಆರಂಭಿಕ ಬ್ಯಾಟರ್​​​ ಫಿಲ್​ ಸಾಲ್ಟ್​​. ಸತತ ಮೂರು ಪಂದ್ಯಗಳಲ್ಲೂ ಫಿಲ್​ ಸಾಲ್ಟ್​​ ಬ್ಯಾಟಿಂಗ್​ ವೈಫಲ್ಯ ಅನುಭವಿಸಿದ್ರು. ಇದು ಇಂಗ್ಲೆಂಡ್‌ಗೆ ಮಾತ್ರವಲ್ಲ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೂ ಟೆನ್ಷನ್​​ ಹೆಚ್ಚಿಸಿದೆ ಎಂಬುದು ಗಮನಾರ್ಹ.

ಫಿಲ್​​ ಸಾಲ್ಟ್​ ಕಳಪೆ ಪ್ರದರ್ಶನ

ಟೀಮ್​ ಇಂಡಿಯಾ ವಿರುದ್ಧ ಆಡಿರೋ 3 ಪಂದ್ಯಗಳಲ್ಲಿ ಫಿಲ್​ ಸಾಲ್ಟ್​ ಕೇವಲ 9 ರನ್​ ಕಲೆ ಹಾಕಿದ್ದಾರೆ. ಮೊದಲ ಪಂದ್ಯದಲ್ಲಿ ಡಕೌಟ್​ ಆಗಿದ್ದ ಸಾಲ್ಟ್​​ 2ನೇ ಮ್ಯಾಚ್​​ನಲ್ಲಿ 4 ರನ್​​ ಕಲೆ ಗಳಿಸಿದ್ರು. 3ನೇ ಪಂದ್ಯದಲ್ಲಿ ಕೇವಲ 5 ರನ್​​ಗೆ ವಿಕೆಟ್​ ಒಪ್ಪಿಸಿದ್ರು. ಸಾಲ್ಟ್ ಅವರನ್ನು ಆರ್‌ಸಿಬಿ ಐಪಿಎಲ್ ಮೆಗಾ ಹರಾಜಿನಲ್ಲಿ 11.50 ಕೋಟಿ ನೀಡಿ ಖರೀದಿಸಿದ್ದು, ಇವರ ಕಳಪೆ ಆಟ ತಂಡದ ಮೇಲೆ ಕೆಟ್ಟ ಪರಿಣಾಮ ಬೀರಲಿದೆ.

ಫಾರ್ಮ್​​ ಸಮಸ್ಯೆ ಎದುರಿಸುತ್ತಿರೋ ಸಾಲ್ಟ್​​

ಮುಂದಿನ ಸೀಸನ್​​ಗೆ ಆರ್​​​ಸಿಬಿ ಪರ ವಿರಾಟ್​ ಕೊಹ್ಲಿ ಜತೆಗೆ ಫಿಲ್​ ಸಾಲ್ಟ್​​ ಓಪನರ್​ ಆಗಿ ಕಣಕ್ಕಿಳಿಯಲಿದ್ದಾರೆ. ಈ ಹೊತ್ತಲ್ಲೇ ಸಾಲ್ಟ್ ಸತತ 3 ಪಂದ್ಯಗಳಿಂದ ಫಾರ್ಮ್ ಸಮಸ್ಯೆ ಎದುರಿಸುತ್ತಿದ್ದು, ಆರ್‌ಸಿಬಿ ಕಪ್ ಗೆಲ್ಲೋ ಕನಸಿಗೆ ದೊಡ್ಡ ಹೊಡೆತ ಬಿದ್ದಿದೆ.

ಫಿಲ್ ಸಾಲ್ಟ್ 2023ರಲ್ಲಿ ಮೊದಲ ಬಾರಿಗೆ ಐಪಿಎಲ್‌ನಲ್ಲಿ ಕಾಣಿಸಿಕೊಂಡರು. ಇವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ಖರೀದಿಸಿತ್ತು. ಇವರು 2023ರ ಐಪಿಎಲ್​ನಲ್ಲಿ 9 ಪಂದ್ಯಗಳಲ್ಲಿ ಆವರೇಜ್​​ 27.25ರ ಸರಾಸರಿಯಲ್ಲಿ 218 ರನ್ ಗಳಿಸಿದ್ದರು. ಸ್ಟ್ರೈಕ್ ರೇಟ್ 163.91 ಆಗಿತ್ತು. ಬಳಿಕ 2024ರ ಸೀಸನ್​ಗೆ ಸಾಲ್ಟ್​ ಕೆಕೆಆರ್​ ಸೇರಿದರು.

ಇದನ್ನೂ ಓದಿ:ಗ್ರಾಮೋದ್ಯೋಗ ಮೂಲಕ ಸಾವಿರಾರು ಬಡ ಕುಟುಂಬಗಳಿಗೆ ಆಶ್ರಯ; ಸಿರಿ ಸಂಸ್ಥೆ ಬೆಳೆದು ಬಂದ ಹಾದಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ