2025ರ ಐಪಿಎಲ್​ ಆರಂಭಕ್ಕೂ ಮುನ್ನವೇ ಆರ್​​ಸಿಬಿಗೆ ಶಾಕ್​ ಕೊಟ್ಟ ಫಿಲ್​ ಸಾಲ್ಟ್​​; ಏನಾಯ್ತು?

ಇಂದು ಕೋಲ್ಕತ್ತಾದ ಈಡನ್ ಗಾರ್ಡನ್‌ ಇಂಟರ್​ ನ್ಯಾಷನಲ್​​ ಸ್ಟೇಡಿಯಮ್​ನಲ್ಲಿ ಟೀಮ್​ ಇಂಡಿಯಾ, ಇಂಗ್ಲೆಂಡ್ ನಡುವಿನ ಮೊದಲ ಪಂದ್ಯ ನಡೆಯುತ್ತಿದೆ. ಟಾಸ್​ ಗೆದ್ದ ಟೀಮ್​ ಇಂಡಿಯಾದ ಕ್ಯಾಪ್ಟನ್​ ಸೂರ್ಯಕುಮಾರ್​ ಯಾದವ್​ ಅವರು ಬೌಲಿಂಗ್​ ಆಯ್ಕೆ ಮಾಡಿಕೊಂಡಿದ್ದಾರೆ. ಹೀಗಾಗಿ ಜೋಸ್​ ಬಟ್ಲರ್​ ನೇತೃತ್ವದ ಇಂಗ್ಲೆಂಡ್​ ಫಸ್ಟ್​ ಬ್ಯಾಟಿಂಗ್​ ಮಾಡುತ್ತಿದೆ.

ಇಂಗ್ಲೆಂಡ್​ ತಂಡದ ಪರ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಸ್ಫೋಟಕ ಬ್ಯಾಟರ್​ ಫಿಲ್​ ಸಾಲ್ಟ್​ ಓಪನಿಂಗ್​ ಮಾಡಲು ಬಂದರು. ಮೊದಲ ಓವರ್​ನಲ್ಲೇ ಅರ್ಷ್​​ದೀಪ್​ ಬೌಲಿಂಗ್​ನಲ್ಲಿ ಫಿಲ್​ ಸಾಲ್ಟ್​ ವಿಕೆಟ್​ ಒಪ್ಪಿಸಿದ್ದಾರೆ.

ಆರ್​​ಸಿಬಿ ಫ್ಯಾನ್ಸ್​ಗೆ ನಿರಾಸೆ ಮೂಡಿಸಿದ ಫಿಲ್​ ಸಾಲ್ಟ್​

ಫಿಲ್​ ಸಾಲ್ಟ್​ ಬ್ಯಾಟಿಂಗ್​ ಮೇಲೆ ಆರ್​​​ಸಿಬಿ ಫ್ಯಾನ್ಸ್​ಗೆ ಬಹಳ ನಿರೀಕ್ಷೆ ಇತ್ತು. ಅರ್ಷ್​​ದೀಪ್​​ ಎಸೆದ ಮೊದಲ ಓವರ್​​ನ ಮೊದಲ ಎರಡು ಬಾಲ್​ ಡಿಫೆನ್ಸ್​ ಆಡಿದ ಫಿಲ್​ ಸಾಲ್ಟ್​ 3ನೇ ಬಾಲ್​ಗೆ ಬೌಂಡರಿ ಬಾರಿಸಲು ಹೋಗಿ ಕ್ಯಾಚ್​ ನೀಡಿದರು. ಈ ಮೂಲಕ ಆರ್​​ಸಿಬಿ ಅಭಿಮಾನಿಗಳ ನಿರೀಕ್ಷೆಗೆ ತಣ್ಣೀರೆರಚಿದರು.

Phil Salt, Yes RCB Opener.

Gone for DUCK. #INDvENGpic.twitter.com/u9yHcA7oZ7

— Akshay (@pixelzbyak) January 22, 2025

ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದಲ್ಲಿ ಸ್ಥಾನ ಪಡೆದಿರೋ ಸ್ಟಾರ್ ವಿಕೆಟ್​ ಕೀಪರ್​​​ ಬ್ಯಾಟರ್​​ ಫಿಲ್​ ಸಾಲ್ಟ್​​ ಸ್ಫೋಟಕ ಬ್ಯಾಟಿಂಗ್​ಗೆ ಹೆಸರು ವಾಸಿಯಾಗಿದ್ದಾರೆ. ಇತ್ತೀಚೆಗೆ ಸೌದಿಯಲ್ಲಿ ನಡೆದ ಐಪಿಎಲ್ ಮೆಗಾ ಹರಾಜಿನಲ್ಲಿ ಫಿಲ್​ ಸಾಲ್ಟ್​ ಅವರನ್ನು ಆರ್​​ಸಿಬಿ ಭಾರೀ ಮೊತ್ತ ನೀಡಿ ಖರೀದಿ ಮಾಡಿದೆ.

ಇದನ್ನೂ ಓದಿ:ಇಂಗ್ಲೆಂಡ್​​ ವಿರುದ್ಧ ಮೊದಲ ಟಿ20 ಪಂದ್ಯ; ಟೀಮ್​ ಇಂಡಿಯಾದಿಂದ ಸ್ಟಾರ್​ ಆಟಗಾರರಿಗೆ ಕೊಕ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ