ಆರ್​​ಸಿಬಿಗೆ ಸ್ಫೋಟಕ ಬ್ಯಾಟರ್​ ಎಂಟ್ರಿ; ಈ ಸ್ಟಾರ್​​​ ಪ್ಲೇಯರ್​ ವಿಲ್​​ ಜಾಕ್ಸ್​ಗಿಂತಲೂ ಭಾರೀ ಡೇಜರ್​​

ಇತ್ತೀಚೆಗೆ ನಡೆದ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಮೆಗಾ ಹರಾಜಿನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಇಂಗ್ಲೆಂಡ್​​ ತಂಡದ ಸ್ಟಾರ್​ ವಿಕೆಟ್​ ಕೀಪರ್​​ ಫಿಲ್​ ಸಾಲ್ಟ್ ಅವರನ್ನು ಖರೀದಿ ಮಾಡಿದೆ. ಇವರ ಜೊತೆಗೆ ಸ್ಫೋಟಕ ಬ್ಯಾಟರ್​​​ ಜಾಕೋಬ್​​ ಬೆಥೆಲ್​ ಅವರನ್ನು ಖರೀದಿ ಮಾಡಲಾಗಿದೆ.

ಇನ್ನೂ ಐಪಿಎಲ್​​ನಲ್ಲಿ ತನ್ನ ಸಾಮರ್ಥ್ಯ ಸಾಬೀತು ಪಡಿಸದ ಕಾರಣ ಜಾಕೋಬ್​ ಬೆಥೆಲ್​​ ಅವರಿಗೆ ಬರೋಬ್ಬರಿ 2.6 ಕೋಟಿ ನೀಡಿ ಖರೀದಿ ಮಾಡಿದ್ದು ಎಷ್ಟು ಸರಿ? ಅನ್ನೋ ಪ್ರಶ್ನೆಗಳು ಕೇಳಿ ಬಂದಿವೆ. ಇದಕ್ಕೀಗ ಫಿಲ್​ ಸಾಲ್ಟ್​​ ಖಡಕ್​ ಉತ್ತರ ನೀಡಿದ್ದಾರೆ.

ವಿಲ್​​ ಜಾಕ್ಸ್​ಗಿಂತಲೂ ಜಾಕೋಬ್​​ ಡೇಂಜರ್​ ಎಂದ ಫಿಲ್​ ಸಾಲ್ಟ್​​

ಜಾಕೋಬ್​​ ಬೆಥೆಲ್​​ ಅವರನ್ನು ಟೀಕಿಸಿದವರಿಗೆ ಫಿಲ್​ ಸಾಲ್ಟ್​​ ಉತ್ತರ ಹೀಗಿತ್ತು. ಜಾಕೋಬ್​​ ಬಹಳ ಸಮರ್ಥ ಆಟಗಾರ. ಆತನನ್ನು ಟೀಕಿಸೋರು ಯೂಟ್ಯೂಬ್​​ನಲ್ಲಿ ಜಾಕೋಬ್​ ಬ್ಯಾಟಿಂಗ್​ ನೋಡಬಹುದು. ಆಗ ನೀವ್ಯಾರು ಆತನ ಖರೀದಿ ಬಗ್ಗೆ ಮಾತಾಡಲ್ಲ ಎಂದರು.

ಇಂಗ್ಲೆಂಡ್ ತಂಡದ ಭರವಸೆಯ ಯುವ ಆಲ್‌​​ರೌಂಡರ್ ಜೇಕಬ್​​. ಇವರಿಗೆ ಕೇವಲ 21 ವರ್ಷ. ಇತ್ತೀಚೆಗೆ ನಡೆದ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಮೆಗಾ ಹರಾಜಿನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಬರೋಬ್ಬರಿ 2.6 ಕೋಟಿ ನೀಡಿ ಖರೀದಿ ಮಾಡಿತ್ತು.

ಕಳೆದ ತಿಂಗಳು ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ತನ್ನ ದೇಶದ ಆಟಗಾರರಿಗೆ ಹೊಸ ಒಪ್ಪಂದಗಳನ್ನು ಪ್ರಕಟಿಸಿದೆ. ಕೆಲವು ಆಟಗಾರರಿಗೆ 1 ವರ್ಷದ ಕೇಂದ್ರ ಗುತ್ತಿಗೆ ನೀಡಿದ್ದು, ಇನ್ನೂ ಹಲವರಿಗೆ 2 ವರ್ಷ ಕೊಡಲಾಗಿದೆ. 2 ವರ್ಷಗಳ ಕೇಂದ್ರ ಒಪ್ಪಂದ ಪಡೆದ ಆಟಗಾರರಲ್ಲಿ ಜೇಕಬ್ ಬೆಥೆಲ್ ಹೆಸರು ಕೂಡ ಇದೆ.

ಇದನ್ನೂ ಓದಿ:15 ಭರ್ಜರಿ ಸಿಕ್ಸರ್; ಬರೋಬ್ಬರಿ 26 ಫೋರ್​; ತ್ರಿಶತಕ ಸಿಡಿಸಿ ದಾಖಲೆ ಬರೆದ ಕನ್ನಡಿಗ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್