IPL 2025: RCB ಸೇರಿದ್ದೇ ತಡ ಕೇವಲ 15 ಬಾಲ್​​ನಲ್ಲಿ 50 ರನ್​ ಚಚ್ಚಿದ್ದ ಸ್ಟಾರ್​ ಪ್ಲೇಯರ್​​

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿನಲ್ಲಿ ಇಂಗ್ಲೆಂಡ್‌ ತಂಡದ ಸ್ಫೋಟಕ ಆಲ್‌ರೌಂಡರ್ ಲಿಯಾಮ್ ಲಿವಿಂಗ್​ಸ್ಟೋನ್ ಅವರನ್ನು ಆರ್​​​ಸಿಬಿ ಖರೀದಿ ಮಾಡಿದೆ. ಆರ್​​ಸಿಬಿ ತಂಡಕ್ಕೆ ಸ್ಫೋಟಕ ಸ್ಪಿನ್​ ಆಲ್​ರೌಂಡರ್ ಅಗತ್ಯ ಇತ್ತು. ಹಾಗಾಗಿ ಮಾಸ್ಟರ್​ ಪ್ಲಾನ್​ ಮಾಡಿದ ಆರ್​​ಸಿಬಿ ಲಿಯಾಮ್​ ಲಿವಿಂಗ್​ಸ್ಟೋನ್​ ಅವರನ್ನು ಬಿಡ್​ ಮಾಡುವಲ್ಲಿ ಯಶಸ್ವಿಯಾಗಿದೆ.

ಆರಂಭದಲ್ಲೇ ಇವರನ್ನು ಬಿಡ್​ ಮಾಡಲು ಆರ್​ಸಿಬಿ ಕಣಕ್ಕಿಳಿಯಿತು. ಇತ್ತ ಆರ್​ಸಿಬಿ ಟಕ್ಕರ್ ನೀಡಲು ಹೈದರಾಬಾದ್ ಮುಂದಾಗಿತ್ತು. ಅಂತಿಮವಾಗಿ ಹೈದರಾಬಾದ್ 4 ಕೋಟಿಗೆ ತನ್ನ ಬಿಡ್ ನಿಲ್ಲಿಸಿತು. ಚೆನ್ನೈ ಸೂಪರ್​ ಕಿಂಗ್ಸ್​ ತಂಡ 7 ಕೋಟಿ ಬಿಡ್ ಮಾಡಿತು. ಕೊನೆಗೆ ಆರ್​ಸಿಬಿ 8.75 ಕೋಟಿ ನೀಡಿ ಇವರನ್ನು ಖರೀದಿ ಮಾಡಿದೆ.

ಐಪಿಎಲ್‌ನಲ್ಲಿ ಇದುವರೆಗೆ 39 ಪಂದ್ಯಗಳನ್ನಾಡಿರುವ ಲಿವಿಂಗ್​ಸ್ಟೋನ್ ಅವರು 939 ರನ್ ಕಲೆಹಾಕಿದ್ದಾರೆ. ಇದರಲ್ಲಿ 6 ಅರ್ಧಶತಕಗಳು ಸೇರಿವೆ. ಇದರ ಜೊತೆಗೆ ಬೌಲಿಂಗ್​ನಲ್ಲಿ 11 ವಿಕೆಟ್​ ಕೂಡ ಉರುಳಿಸಿದ್ದಾರೆ.

ಆರ್​​ಸಿಬಿ ಸೇರಿದ ಬೆನ್ನಲ್ಲೇ ಸ್ಫೋಟಕ ಬ್ಯಾಟಿಂಗ್​​​

ಬರೋಬ್ಬರಿ 8.75 ಕೋಟಿಗೆ ಖರೀದಿಸಿದ ಲಿಯಾಮ್ ಲಿವಿಂಗ್‌ಸ್ಟೋನ್ ಅವರು ವಿಧ್ವಂಸಕ ಬ್ಯಾಟಿಂಗ್ ಮೂಲಕ ತಮ್ಮ ಆಯ್ಕೆಯನ್ನ ಸಮರ್ಥಿಸಿಕೊಂಡಿದ್ದಾರೆ. ಅಬುಧಾಬಿ ಟಿ10 ಲೀಗ್‌ನಲ್ಲಿ ಬೆಂಗಾಲ್ ಟೈಗರ್ ಪರ ಆಡುತ್ತಿರೋ ಇಂಗ್ಲೆಂಡ್ ಆಲ್‌ರೌಂಡರ್ 15 ಎಸೆತಗಳಲ್ಲಿ ಅಜೇಯ 50 ರನ್ ಸಿಡಿಸಿ ಅಬ್ಬರಿಸಿದ್ದಾರೆ. 3 ಬೌಂಡರಿ ಹಾಗೂ 5 ಸಿಕ್ಸರ್‌ಗಳ ನೆರವಿನಿಂದ ಅರ್ಧಶತಕ ಸಿಡಿಸಿದ್ರು.

ಇದನ್ನೂ ಓದಿ: ಕ್ರಿಕೆಟ್​ ಅನ್ನೇ ಬಿಡಬೇಕು ಎಂದಿದ್ದ ಕೊಹ್ಲಿ ಆಪ್ತ; ಖರೀದಿ ಮಾಡಿ ಮರುಜೀವ ಕೊಟ್ಟ RCB

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ