ಒಂದೇ ಓವರ್​, 32 ರನ್​.. ಕೇವಲ 14 ಬಾಲ್​ಗೆ ಅರ್ಧಶತಕ ಸಿಡಿಸಿದ RCB ಸ್ಫೋಟಕ ಬ್ಯಾಟರ್ ​

ಚೆನ್ನೈ ಸೂಪರ್ ಕಿಂಗ್ಸ್​ ಜೊತೆಗಿನ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಅಲ್ಪಮೊತ್ತಕ್ಕೆ ಕುಸಿಯುವ ಎಲ್ಲ ಲಕ್ಷಣಗಳು ಇದ್ದವು. ಇನ್ನಿಂಗ್ಸ್​ ಮುಗಿಯಲು ಕೇವಲ 2 ಓವರ್​ ಬಾಕಿ ಇರುವಾಗ 159 ರನ್​ ಮಾತ್ರ ಗಳಿಸಿತ್ತು. ಆದ್ರೆ ಈ ವೇಳೆ ಆರ್​ಸಿಬಿಗೆ ರನ್​ಗಳ ಹೊಳೆ ಹರಿಸಿದ್ದು ಮಾತ್ರ ವೆಸ್ಟ್​ ಇಂಡೀಸ್​ ಪ್ಲೇಯರ್​ ರೊಮಾರಿಯೋ ಶೆಫರ್ಡ್.. ಈ ದೈತ್ಯ ಆಟಗಾರನ ಬ್ಯಾಟಿಂಗ್ ಹೇಗಿತ್ತು?.

ಆರ್​ಸಿಬಿ ರನ್​ಗಳು 18 ಓವರ್​ನಲ್ಲಿ 159 ಆಗಿದ್ದವು. ಈ ವೇಳೆ ಚೆನ್ನೈ ತಂಡದ ಪರವಾಗಿ ಖಲೀಲ್ ಅಹ್ಮದ್ ಅವರು ಬೌಲಿಂಗ್ ಮಾಡಲು ಆಗಮಿಸಿದರು. ಬ್ಯಾಟಿಂಗ್​ ಸ್ಟ್ರೈಕ್​​ನಲ್ಲಿ ರೊಮಾರಿಯೋ ಶೆಫರ್ಡ್ ಇದ್ದರು. ಖಲೀಲ್ ಅಹ್ಮದ್ ಬೌಲಿಂಗ್​ ಅನ್ನು ಸದೆಬಡಿದ ರೊಮಾರಿಯೋ ಶೆಫರ್ಡ್​ ಒಂದೇ ಓವರ್​ನಲ್ಲಿ 33 ರನ್​ಗಳನ್ನು ಕೊಳ್ಳೆ ಹೊಡೆದರು.

ಖಲೀಲ್ ಅಹ್ಮದ್ ಹಾಕಿದ ಮೊದಲ ಬಾಲ್ ಅನ್ನು ಶೆಫರ್ಡ್​ ಸಿಕ್ಸ್ ಬಾರಿಸಿದರು. 2ನೇ ಬಾಲ್​ ಅನ್ನು ಸಿಕ್ಸರ್​ಗೆ ಕಳಿಸಿದರು. 3 ಬಾಲ್ ಕೂಡ ಬ್ಯಾಟ್​ಗೆ ಎಡ್ಜ್​ ಆಗಿ ಥರ್ಡ್​ ಮ್ಯಾನ್​ ಮೂಲಕ ಬೌಂಡರಿಗೆ ಹೋಯಿತು. 4ನೇ ಬಾಲ್​ ಅನ್ನು ವಿಕೆಟ್​ಗೆ ನೇರವಾಗಿ ಸ್ಟ್ರೇಟ್​ ಆಗಿ ಸಿಕ್ಸರ್​ಗೆ ಅಟ್ಟಿದರು. ಇದರಿಂದ ಟೆನ್ಷನ್​ಗೆ ಒಳಗಾದ ಖಲೀಲ್ ಅಹ್ಮದ್, ನೋಬಾಲ್ ಹಾಕಿದರು. ಇದನ್ನು ಬಿಡದ ಶೆಫರ್ಡ್, ಸಿಕ್ಸರ್​ ಪಿಚ್ಚರ್ ತೋರಿಸಿದರು. 5ನೇ ಎಸೆತ ಟಾಟ್ ಆದರೆ, ಕೊನೆಯ ಚೆಂಡನ್ನು ಬೌಂಡರಿಗೆ ಕಳುಹಿಸಿ ರೊಮಾರಿಯೋ ಶಫರ್ಡ್​ ಹಿರಿ ಹಿರಿ ಹಿಗ್ಗಿದರು.

ಇದನ್ನೂ ಓದಿ: ಬೆಥೆಲ್​, ಕೊಹ್ಲಿ ಅಲ್ಲ.. RCB ಕ್ಯಾಪ್ಟನ್​ ರಜತ್ ಪಾಟಿದಾರ್​ ಗೆಲುವಿನ ಕ್ರೆಡಿಟ್ ಕೊಟ್ಟಿದ್ದು ಯಾರಿಗೆ..?

ಒಂದೇ ಓವರ್​ನಲ್ಲಿ 32 ರನ್​ ಬಂದಿದ್ದರಿಂದ ರೊಮಾರಿಯೋ ಶಫರ್ಡ್​ ಕೇವಲ 14 ಎಸೆತಗಳಲ್ಲಿ ಸಿಡಿಲಬ್ಬರದ ಅರ್ಧಶತಕ ಬಾರಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು. ಕೇವಲ 14 ಬಾಲ್​ಗಳಲ್ಲಿ 4 ಬೌಂಡರಿ, 6 ಆಕಾಶದೆತ್ತರದ ಸಿಕ್ಸರ್​ಗಳಿಂದ 53 ರನ್​ಗಳನ್ನು ಗಳಿಸಿದರು. ಒಂದು ರೀತಿಯಲ್ಲಿ ಶಫರ್ಡ್​ ಬಾರಿಸಿದ ರನ್​ಗಳೇ ಆರ್​ಸಿಬಿ ಗೆಲುವಿಗೆ ಕಾರಣವಾದವು ಎಂದು ಹೇಳಬಹುದು.

ಈ ಐಪಿಎಲ್​ ಟೂರ್ನಿಯಲ್ಲಿ ಒಂದು ಓವರ್​ನಲ್ಲಿ ಅತಿ ಹೆಚ್ಚು ರನ್​ಗಳನ್ನು ಹೊಡೆಸಿಕೊಂಡ ಬೌಲರ್ ಖಲೀಲ್ ಅಹ್ಮದ್ ಆಗಿದ್ದಾರೆ. ಈ ಮೊದಲು ಗುಜರಾತ್ ಟೈಟನ್ಸ್​ ತಂಡದ ಯುವ ಬೌಲರ್​ ಕರೀಮ್​ ಜನತ್ ಇದ್ದರು. ಗುಜರಾತ್ ವಿರುದ್ಧ ಸ್ಫೋಟಕ ಸೆಂಚುರಿ ಸಿಡಿಸಿದ್ದ ರಾಜಸ್ಥಾನ್ ತಂಡದ ವೈಭವ್ ಸೂರ್ಯವಂಶಿ, ಕರೀಮ್​ ಜನತ್​​​ನ ಒಂದೇ ಓವರ್​ನಲ್ಲಿ 30 ರನ್ ಚಚ್ಚಿದ್ದರು. ಆದ್ರೆ ಈಗ 33 ರನ್​ಗಳನ್ನು ಬಾರಿಸಿಕೊಂಡ ಖಲೀಲ್ ಅಹ್ಮದ್ ಮೊದಲಿಗರು ಆಗಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ