ಟೀಮ್​ ಇಂಡಿಯಾದಿಂದ ರಾಹುಲ್​ಗೆ ಕೊಕ್​; ಯುವ ಆಟಗಾರನಿಗೆ ಜಾಕ್​ಪಾಟ್​​

ಟೀಮ್ ಇಂಡಿಯಾ ಮೊದಲ ಟೆಸ್ಟ್‌ ಪಂದ್ಯಕ್ಕೂ ಮುನ್ನ ಯಾರು ಓಪನಿಂಗ್​ ಮಾಡಬಹುದು ಅನ್ನೋ ಚರ್ಚೆ ಶುರುವಾಗಿತ್ತು. ಆಗ ಟೀಮ್​ ಇಂಡಿಯಾ ಮ್ಯಾನೇಜ್ಮೆಂಟ್​ ನಂಬಿಕೆ ಇಟ್ಟು ನೀಡಿದ ಅವಕಾಶವನ್ನು ಕರ್ನಾಟಕ ಸ್ಟಾರ್​ ಪ್ಲೇಯರ್​ ಕೆ.ಎಲ್​ ರಾಹುಲ್​​ ಸದ್ಬಳಕೆ ಮಾಡಿಕೊಂಡರು. ರೋಹಿತ್​​ ಬದಲಿಗೆ ಇನ್ನಿಂಗ್ಸ್​ ಓಪನ್​ ಮಾಡಿದ ಇವರು ತಮ್ಮ ಕೌಶಲ್ಯವನ್ನು ತೋರಿಸಿದ್ರು. ಇದರ ಫಲವಾಗಿ ರೋಹಿತ್ ಶರ್ಮಾ ಕಮ್ ಬ್ಯಾಕ್‌ ಆದ ಮೇಲೂ ಇವರಿಗೆ ಆರಂಭಿಕರಾಗಿ ಆಡುವ ಅವಕಾಶ ನೀಡಲಾಯ್ತು. ಆಗಲೂ ಅಬ್ಬರಿಸಿದ್ರು ರಾಹುಲ್.

ಟೀಮ್​​ ಇಂಡಿಯಾ, ಆಸ್ಟ್ರೇಲಿಯಾ ನಡುವಿನ ಬಾರ್ಡರ್‌ ಗವಾಸ್ಕರ್‌ ಸರಣಿ ನಡೆಯುತ್ತಿದೆ. ಹೇಗಾದ್ರೂ ಮಾಡಿ 4ನೇ ಟೆಸ್ಟ್​ ಗೆಲ್ಲಲೇಬೇಕು ಎಂದು ಟೀಮ್​ ಇಂಡಿಯಾ ಮುಂದಾಗಿದೆ. ಇದು ಬಾಕ್ಸಿಂಗ್‌ ಡೇ ಟೆಸ್ಟ್‌ ಆಗಿದ್ದು, ಉಭಯ ತಂಡಗಳು ಭರ್ಜರಿ ತಯಾರಿ ನಡೆಸಿವೆ. 3ನೇ ಟೆಸ್ಟ್​ ಡ್ರಾ ಆಗಿದ್ದು, ಎರಡು ತಂಡಗಳು ತಲಾ 1 ಪಂದ್ಯ ಗೆದ್ದು ಸಮಬಲ ಸಾಧಿಸಿವೆ. ಹೀಗಾಗಿ 4ನೇ ಟೆಸ್ಟ್​ ಪಂದ್ಯ ಗೆಲ್ಲೋದು ಅನಿವಾರ್ಯ ಆಗಿದ್ದು, ಟೀಮ್​ ಇಂಡಿಯಾಗೆ ಆಘಾತ ಸುದ್ದಿ ಒಂದಿದೆ.

ಮೆಲ್ಬರ್ನ್‌ ಟೆಸ್ಟ್‌ ಆರಂಭಕ್ಕೂ ಮುನ್ನ ಟೀಮ್​ ಇಂಡಿಯಾ ಅಭ್ಯಾಸ ಆರಂಭಿಸಿದೆ. ಕ್ಯಾಂಪ್​​ನಲ್ಲಿ ಆರಂಭಿಕ ಆಟಗಾರ ಕರ್ನಾಟಕದ ಕೆಎಲ್ ರಾಹುಲ್ ಕೂಡ ಕಾಣಿಸಿಕೊಂಡಿದ್ದರು. ಪ್ರಾಕ್ಟೀಸ್​ ವೇಳೆ ರಾಹುಲ್​​​ ಬಲಗೈಗೆ ಚೆಂಡು ಬಡಿದಿದೆ. ಇವರ ಗಾಯದ ಗಂಭೀರತೆ ಬಗ್ಗೆ ಬಿಸಿಸಿಐ ಯಾವುದೇ ಸ್ಪಷ್ಟ ಮಾಹಿತಿ ನೀಡಿಲ್ಲ.

4ನೇ ಟೆಸ್ಟ್‌ ಪಂದ್ಯಕ್ಕೆ ಕೆಎಲ್ ರಾಹುಲ್‌ ತುಂಬ ಮುಖ್ಯ. ಇವರು ಸಂಪೂರ್ಣ ಫಿಟ್​ ಆಗಿರಲಿ ಎಂಬುದು ಎಲ್ಲರ ಆಸೆ. ಆಸ್ಟ್ರೇಲಿಯಾ ವಿರುದ್ಧ ಸರಣಿಯಲ್ಲೇ ಟೀಮ್​ ಇಂಡಿಯಾ ಪರ ಅತೀ ಹೆಚ್ಚು ರನ್​ ಸಿಡಿಸಿದ ಆಟಗಾರ ಕೆ.ಎಲ್​ ರಾಹುಲ್​. ಇವರ ಉಪಸ್ಥಿತಿ ತಂಡಕ್ಕೆ ಅನಿವಾರ್ಯ. ಕೆ.ಎಲ್​ ರಾಹುಲ್​​ ಗಾಯಗೊಂಡಿರುವುದು ಟೀಮ್​ ಇಂಡಿಯಾಗೆ ತಲೆನೋವಾಗಿದೆ.

ರಾಹುಲ್​ ಅದ್ಭುತ ಪ್ರದರ್ಶನ

ಕೆಎಲ್ ರಾಹುಲ್ ಅಮೋಘ ಫಾರ್ಮ್‌ನಲ್ಲಿದ್ದಾರೆ. ಇವರು ಆಡಿದ 6 ಇನಿಂಗ್ಸ್‌ಗಳಲ್ಲಿ 47 ಸರಾಸರಿಯಲ್ಲಿ 235 ರನ್ ಗಳಿಸಿದ್ದು, 2 ಅರ್ಧಶತಕಗಳು ಸೇರಿವೆ. ಟೀಮ್​ ಇಂಡಿಯಾ 3ನೇ ಟೆಸ್ಟ್​ ಡ್ರಾ ಆಗಲು ರಾಹುಲ್​ ಅವರೇ ಕಾರಣ. ಈ ಟೆಸ್ಟ್​ನಲ್ಲಿ 84 ರನ್​ ಸಿಡಿಸಿದ ರಾಹುಲ್​​​ ಶತಕ ವಂಚಿತರಾದ್ರು.

ಧೃವ್​ ಜುರೆಲ್​ಗೆ ಅವಕಾಶ

ಆಸ್ಟ್ರೇಲಿಯಾ ವಿರುದ್ಧದ 4ನೇ ಟೆಸ್ಟ್ ಪಂದ್ಯಕ್ಕೆ ಟೀಮ್ ಇಂಡಿಯಾ ಪ್ಲೇಯಿಂಗ್​ ಎಲೆವೆನ್​​ನಲ್ಲಿ ರಾಹುಲ್​ ಬದಲಿಗೆ ಧ್ರುವ್ ಜುರೆಲ್ ಅವರಿಗೆ ಅವಕಾಶ ನೀಡಬಹುದು. ಟೆಸ್ಟ್​ ಸೀರೀಸ್​ ಶುರುವಾಗೋ ಮುನ್ನ ನಡೆದ ಆಸ್ಟ್ರೇಲಿಯಾ ಎ ವಿರುದ್ಧದ 2ನೇ ಅನಧಿಕೃತ ಟೆಸ್ಟ್ ಪಂದ್ಯದಲ್ಲಿ ಧ್ರುವ್ ಜುರೆಲ್ ಅದ್ಭುತ ಪ್ರದರ್ಶನ ನೀಡಿದರು. ಮೊದಲ ಇನ್ನಿಂಗ್ಸ್‌ನಲ್ಲಿ 80 ರನ್ ಮತ್ತು ಎರಡನೇ ಇನ್ನಿಂಗ್ಸ್‌ನಲ್ಲಿ 68 ರನ್ ಗಳಿಸಿದ್ದ ಧೃವ್​ ಜುರೆಲ್​​ ತನ್ನ ಅದ್ಭುತ ಬ್ಯಾಟಿಂಗ್​​ ಮೂಲಕ ಹೆಡ್‌ ಕೋಚ್ ಗೌತಮ್ ಗಂಭೀರ್ ಗಮನ ಸೆಳೆದಿದ್ರು. ಧೃವ್​ ಜುರೇಲ್​ ಅವರನ್ನು 2025ರ ಐಪಿಎಲ್​ ಆಕ್ಷನ್​​ನಲ್ಲಿ ರಾಜಸ್ಥಾನ್ ರಾಯಲ್ಸ್ ಫ್ರಾಂಚೈಸಿ 14 ಕೋಟಿ ರೂಪಾಯಿಗಳಿಗೆ ರಿಟೈನ್ ಮಾಡಿಕೊಂಡಿತ್ತು.

ಇದನ್ನೂ ಓದಿ:ಟೆಸ್ಟ್​ ಕ್ರಿಕೆಟ್​ಗೆ ರೋಹಿತ್​ ನಿವೃತ್ತಿ? ಟೀಮ್​​ ಇಂಡಿಯಾ ಮುಂದಿನ ಕ್ಯಾಪ್ಟನ್​ ಯಾರು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ