ಬಿಗ್ ​ಸ್ಟೇಟ್​ಮೆಂಟ್ ಮಾಡಿದ ಕೊಹ್ಲಿ.. ಆರ್​ಸಿಬಿ ಮ್ಯಾನೇಜ್ಮೆಂಟ್​ಗೆ ಬಿಗ್​ ರಿಲೀಫ್..! ಏನದು?

ರಾಜಸ್ಥಾನ್​ ರಾಯಲ್ಸ್​ ಎದುರು ಗೆದ್ದ ಬಳಿಕ ಆರ್​​ಸಿಬಿ ಕಾನ್ಫಿಡೆನ್ಸ್​ ದುಪ್ಪಟ್ಟಾಗಿದೆ. ಹೋಮ್​ಗ್ರೌಂಡ್​​​ನಲ್ಲಿ ಮೊದಲ ಜಯ ಸಾಧಿಸಿದ್ದಕ್ಕಿಂತ, ಕಿಂಗ್​ ಕೊಹ್ಲಿಯ ಕಮ್​​ಬ್ಯಾಕ್​ ಆತ್ಮವಿಶ್ವಾಸವನ್ನ ಡಬಲ್​ ಮಾಡಿದೆ. ರಾಜಸ್ಥಾನ ವಿರುದ್ಧ ಕ್ಲಾಸ್​ ಆಟವಾಡಿ ಮಿಂಚಿದ ವಿರಾಟ್​ ಹಾಫ್​ ಸೆಂಚುರಿ ಸಿಡಿಸಿ ಮಿಂಚಿದ್ರು. ಅದು ಕೇವಲ ಒಂದು ಇನ್ನಿಂಗ್ಸ್​ ಆಗಿರಲಿಲ್ಲ.. ಅದೊಂದು ಸ್ಟೇಟ್​ಮೆಂಟ್​​.

ಚಿನ್ನಸ್ವಾಮಿ ‘ಚಿನ್ನ’ನ ರಾಯಲ್​​ ಆಟ

ರಾಜಸ್ಥಾನ್​ ರಾಯಲ್ಸ್​ ಎದುರು ಚಿನ್ನಸ್ವಾಮಿಯ ಚಿನ್ನ ವಿರಾಟ್​ ಕೊಹ್ಲಿ ಚಿನ್ನದಂಥ ಇನ್ನಿಂಗ್ಸ್​ ಕಟ್ಟಿದ್ರು. ಈ ಸೀಸನ್​ನಲ್ಲಿ ಹೋಮ್​ಗ್ರೌಂಡ್​ನಲ್ಲಿ ಸ್ಟ್ರಗಲ್​ ಮಾಡಿದ್ದ ಕೊಹ್ಲಿ, ರಾಜಸ್ಥಾನ್​ ವಿರುದ್ಧ ರಿಧಮ್​ ಕಂಡುಕೊಂಡ್ರು. 3 ವೈಫಲ್ಯಗಳನ್ನ ಮೆಟ್ಟಿನಿಂತ ಬೆಂಗಳೂರಿನ ದತ್ತುಪುತ್ರ ನೆಚ್ಚಿನ ಮೈದಾನದಲ್ಲಿ ಕ್ಲಾಸ್​ ಆಟವಾಡಿದ್ರು. ರಾಜಸ್ಥಾನ್​ ಬೌಲರ್​ಗಳನ್ನು ಚಿಂದಿ ಉಡಾಯಿಸಿ​ ಹಾಫ್​ ಸೆಂಚುರಿ ಸಿಡಿಸಿದ್ರು.

ಇದನ್ನೂ ಓದಿ: ಈ ಬಾರಿ ಸೋಲುವುದರಲ್ಲೇ ಧೋನಿ ದಾಖಲೆ.. ಚೆನ್ನೈಗೆ ನಿನ್ನೆ ಎಷ್ಟನೇ ಸೋಲು..?

ದತ್ತುಪುತ್ರನ ವಿಶೇಷ​ ದಾಖಲೆ

ಹಾಫ್​ ಸೆಂಚುರಿ ಇನ್ನಿಂಗ್ಸ್​​ನೊಂದಿಗೆ ಕೊಹ್ಲಿ ಹೊಸ ದಾಖಲೆಯನ್ನೂ ಬರೆದ್ರು. ಟಿ20 ಫಾರ್ಮೆಟ್​ನಲ್ಲಿ ಒಂದೇ ಗ್ರೌಂಡ್​​ನಲ್ಲಿ ಅತಿ ಹೆಚ್ಚು ಅರ್ಧಶತಕ ಸಿಡಿಸಿದ ಬ್ಯಾಟರ್​​​ ಎಂಬ ಹೆಗ್ಗಳಿಕೆಗೂ ಪಾತ್ರರಾದ್ರು. ಈವರೆಗೆ ಚಿನ್ನಸ್ವಾಮಿ ಮೈದಾನದಲ್ಲಿ ಆಡಿದ ಟಿ20 ಪಂದ್ಯಗಳಲ್ಲಿ 26 ಹಾಫ್​ ಸೆಂಚುರಿ ಸಿಡಿಸಿದ್ದಾರೆ. ವಿಶ್ವದ ಬೇರಾವ ಬ್ಯಾಟರ್​​ ಕೂಡ ಒಂದೇ ಮೈದಾನದಲ್ಲಿ ಇಷ್ಟು ಹಾಫ್​ ಸೆಂಚುರಿ ಸಿಡಿಸಿ ದಾಖಲೆ ಬರೆದಿಲ್ಲ.

ಇಲ್ಲಿ ನಾನೇ ಕಿಂಗ್

ರಾಜಸ್ಥಾನ್​ ರಾಯಲ್ಸ್​ ಎದುರಿನ ರಾಯಲ್​ ಆಟದೊಂದಿಗೆ ವಿರಾಟ್​​ ಕೊಹ್ಲಿ ಇದು ನನ್ನ ಕಿಂಗ್​ಡಮ್​ ಅನ್ನೋ ಸಂದೇಶವನ್ನೂ ರವಾನಿಸಿದ್ದಾರೆ. ಟಿ20 ಫಾರ್ಮೆಟ್​​​ನಲ್ಲಿ ಒಂದೇ ಮೈದಾನದಲ್ಲಿ ಹೆಚ್ಚು ರನ್​ಗಳಿಸಿದ ದಾಖಲೆಗೂ ಈಗ ಕೊಹ್ಲಿಯೇ ಕೇರ್​ ಆಫ್​ ಅಡ್ರೆಸ್​. ರಾಜಸ್ಥಾನ್​ ಎದುರಿನ ಪಂದ್ಯದೊಂದಿಗೆ ಚಿನ್ನಸ್ವಾಮಿ ಅಂಗಳದಲ್ಲಿ 3,500 ರನ್​ಗಳ ಗಡಿ ದಾಟಿದ್ರು. ಒಟ್ಟಾರೆ ಚಿನ್ನಸ್ವಾಮಿ ಗ್ರೌಂಡ್​ನಲ್ಲಿ ಆಡಿದ ಟಿ20 ಪಂದ್ಯಗಳಿಂದ 3,556 ರನ್​ಗಳನ್ನ ಕೊಹ್ಲಿಗಳಿಸಿದ್ದು. ಒಂದೇ ಮೈದಾನದಲ್ಲಿ ವಿಶ್ವದ ಯಾವೊಬ್ಬ ಬ್ಯಾಟರ್​ ಕೂಡ ಇಷ್ಟು ರನ್​ಗಳಿಸಿಲ್ಲ.

ಇದನ್ನೂ ಓದಿ: ಪ್ಲೇ-ಆಫ್​ ರೇಸ್​ನಲ್ಲಿ ಒಟ್ಟು 6 ತಂಡಗಳು.. ಯಾವ್ಯಾವ ತಂಡದ ಲಕ್ ಬದಲಾಗಬೇಕು..?

287 ಬೌಂಡರಿ, 132 ಸಿಕ್ಸರ್​, 4 ಭರ್ಜರಿ ಸೆಂಚುರಿ

ಕೇವಲ ಐಪಿಎಲ್​ ಪಂದ್ಯಗಳ ಲೆಕ್ಕವನ್ನೇ ತೆಗೆದುಕೊಂಡ್ರೂ ಚಿನ್ನಸ್ವಾಮಿಗೆ ಕೊಹ್ಲಿನೇ ಕಿಂಗ್​. ಆಡಿರೋದು 90 ಇನ್ನಿಂಗ್ಸ್​​, ಗಳಿಸಿರೋದು 3140 ರನ್​​. ಎವರೇಜ್​ 40 ಆಗಿದ್ರೆ, ಸ್ಟ್ರೈಕ್​ರೇಟ್​​ 142.92 ಇದೆ. ಕೊಹ್ಲಿಯ ಕನ್ಸಿಸ್ಟೆನ್ಸಿಗೆ ಇದೇ ಬೆಸ್ಟ್​ ಎಕ್ಸಾಂಪಲ್​. ಈ ಗ್ರೌಂಡ್​ನಲ್ಲಿ 287 ಬೌಂಡರಿ ಬಾರಿಸಿರೋ ವಿರಾಟ್​, 132 ಸಿಕ್ಸರ್​ ಸಿಡಿಸಿದ್ದಾರೆ. ಎಲ್ಲಕ್ಕಿಂತ ಮುಖ್ಯವಾಗಿ 4 ಅವಿಸ್ಮರಣೀಯ ಶತಕಗಳನ್ನ ಬಾರಿಸಿ ಹೆಮ್ಮೆಯಿಂದ ಬ್ಯಾಟ್​ ಎತ್ತಿ ಸಂಭ್ರಮಿಸಿದ್ದಾರೆ.

ಮ್ಯಾನೇಜ್​​ಮೆಂಟ್​ಗೆ ರಿಲೀಫ್​..

ಸೀಸನ್​ನಲ್ಲಿ ಅವೇ ಪಂದ್ಯಗಳಲ್ಲಿ ಕೊಹ್ಲಿ ಅಬ್ಬರದ ಪರ್ಫಾಮೆನ್ಸ್​ ನೀಡ್ತಿದ್ರು. ಹೋಮ್​​ಗ್ರೌಂಡ್​​ನಲ್ಲಿ ಮಾತ್ರ ಪರದಾಡಿದ್ರು. ಕೊನೆಗೂ ಚಿನ್ನಸ್ವಾಮಿ ಅಂಗಳದ ಚಾಲೆಂಜ್​ನ ಕೊಹ್ಲಿ ಮೆಟ್ಟಿ ನಿಂತಿದ್ದಾರೆ. ಕೊಹ್ಲಿ ಫಾರ್ಮ್​ ಕಂಡುಕೊಂಡಿರೋದ್ರಿಂದ ಮ್ಯಾನೇಜ್​ಮೆಂಟ್​ ನಿಟ್ಟುಸಿರು ಬಿಟ್ಟಿದೆ. ಕೊಹ್ಲಿ ಅಂದ್ರೆ ಕನ್ಸಿಸ್ಟೆನ್ಸಿ ಅನ್ನೋ ಮಾತು ಕ್ರಿಕೆಟ್​ ವಲಯದಲ್ಲಿದೆ. ಕನ್ಸಿಸ್ಟೆಂಟ್​ ಆಟವನ್ನ ಹೋಮ್​​ಗ್ರೌಂಡ್​ನಲ್ಲಿ ಕೊಹ್ಲಿ ಮುಂದುವರೆಸ್ತಾರೆ ಅನ್ನೋ ಭರವಸೆ ತಂಡದ್ದು.

ಪ್ಲೇ-ಆಫ್​ ಎಂಟ್ರಿಗೆ ಹೋಮ್​ನಲ್ಲಿ ಉಳಿದಿರೋ 3 ಪಂದ್ಯಗಳಲ್ಲಿ ಗೆಲುವು ಆರ್​​ಸಿಬಿ ಪಾಲಿಗೆ ಮಹತ್ವದ್ದಾಗಿವೆ. ಈ ಪಂದ್ಯಗಳನ್ನ ಗೆದ್ರೆ ಪ್ಲೇ ಆಫ್​ಗೆ ಸಲೀಸಾಗಿ ಎಂಟ್ರಿ ಕೊಡಬಹುದು. ಹೀಗಾಗಿ ಈ ಸಮಯದಲ್ಲಿ ಕೊಹ್ಲಿ ಕಮ್​​​ಬ್ಯಾಕ್​ ಮಾಡಿರೋದು ಆರ್​​ಸಿಬಿ ಕ್ಯಾಂಪ್​ನ ಆತ್ಮವಿಶ್ವಾಸವನ್ನ ಮತ್ತಷ್ಟು ಹೆಚ್ಚಿಸಿದೆ. ಅಭಿಮಾನಿಗಳಂತೂ ಸಂತೋಷದಲ್ಲಿ ತೇಲಾಡುವಂತಾಗಿದೆ.

ಇದನ್ನೂ ಓದಿ: ರಾಜಸ್ಥಾನ್ ವಿರುದ್ಧ ಆರ್​ಸಿಬಿ ರೋಚಕ ಗೆಲುವು.. ಮೂರು ಸಂಭ್ರಮಕ್ಕೆ ಕಾರಣವಾಯ್ತು ಈ ವಿಕ್ಟರಿ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್