ಪ್ಲೇ ಆಫ್​ ಅಲ್ಲವೇ ಅಲ್ಲ, RCB ಟಾರ್ಗೆಟ್ ‘ಮಿಷನ್ ಟಾಪ್​- 2’.. ಇದು ಫೈನಲ್ ಲೆಕ್ಕಾಚಾರ!

ಐಪಿಎಲ್​ ಸೀಸನ್​ 18ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಬೊಂಬಾಟ್ ಆಟವಾಡಿದೆ. ಇನ್ನೇನು ಒಂದೇ ಒಂದು ಮ್ಯಾಚ್ ಗೆದ್ದರೆ, ಪ್ಲೇ ಆಫ್ ಸ್ಥಾನ ಕನ್ಫರ್ಮ್ ಆಗಲಿದೆ. ಆದ್ರೆ, ರೆಡ್ ಆರ್ಮಿಯ ಟಾರ್ಗೆಟ್​​ ಕೇವಲ ಪ್ಲೇ ಆಫ್ ಎಂಟ್ರಿ ಮಾತ್ರವಲ್ಲ. ಆರ್​​ಸಿಬಿ ಕ್ಯಾಂಪ್​ನಲ್ಲಿ ಮಿಷನ್​ ಟಾಪ್​-2 ಸದ್ದು ಜೋರಾಗಿದೆ.

ಸೀಸನ್​-18ರ ಐಪಿಎಲ್ ಮರು ಆರಂಭಕ್ಕೆ ಕೌಂಟ್​​ಡೌನ್ ಶುರುವಾಗ್ತಿದೆ. ಪ್ಲೇ ಆಫ್​ ಲೆಕ್ಕಾಚಾರಗಳ ಚರ್ಚೆಯ ಬಿಸಿ ಕಾವೇರುತ್ತಿದೆ. ಮರು ಆಯೋಜನೆಯ ಐಪಿಎಲ್​​​​​​​​​​ನಲ್ಲಿ ಶುಭಾರಂಭ ಮಾಡೋ ಲೆಕ್ಕಾಚಾರದಲ್ಲಿರುವ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು, 2ನೇ ಹಂತದ ಐಪಿಎಲ್​ನಲ್ಲೂ ಬೊಂಬಾಟ್​ ಆಡೋ ವಿಶ್ವಾಸದಲ್ಲೇ ರಣರಂಗಕ್ಕಿಳಿಯುತ್ತಿದೆ. ಐಪಿಎಲ್​​ನ ಅಖಾಡಕ್ಕೆ ರೀ ಎಂಟ್ರಿ ಕೊಡುತ್ತಿರುವ ಆರ್​ಸಿಬಿಗೆ ಟಾರ್ಗೆಟ್​​​, ಪ್ಲೇ ಆಫ್​ ಮಾತ್ರವಲ್ಲ.

ಪ್ಲೇ ಆಫ್​ ಅಲ್ಲ.. ಆರ್​ಸಿಬಿ ಟಾರ್ಗೆಟ್ ಟಾಪ್​-2..

ಪ್ರಸಕ್ತ ಆವೃತ್ತಿಯಲ್ಲಿ ಸಾಲಿಡ್ ಆಟವಾಡ್ತಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಪ್ಲೇ ಆಫ್​ ಪ್ರವೇಶಕ್ಕೆ ತುದಿಗಾಲಲ್ಲಿ ನಿಂತಿದೆ. 11ರ ಪೈಕಿ 8 ಮ್ಯಾಚ್​ ಗೆದ್ದಿರುವ ಆರ್​​ಸಿಬಿ, ಇನ್ನೊಂದು ಮ್ಯಾಚ್ ಗೆದ್ದರೆ ಸಾಕು ಅಧಿಕೃತವಾಗಿ ಪ್ಲೇ ಆಫ್​ಗೆ ಎಂಟ್ರಿ ನೀಡಲಿದೆ. ಸದ್ಯ ಆರ್​ಸಿಬಿ ಆಟಗಾರರ ಒಗ್ಗಟ್ಟಿನ ಆಟ ನೋಡಿದ್ರೆ, ಪ್ಲೇ ಆಫ್ ಸ್ಥಾನ ಮಿಸ್ಸಾಗುವ ಚಾನ್ಸೇ ಇಲ್ಲ. ಆದ್ರೆ, ಆರ್​ಸಿಬಿ ಟಾರ್ಗೆಟ್​​ ಜಸ್ಟ್​ ಪ್ಲೇ ಆಫ್ ಎಂಟ್ರಿ​ ಅಲ್ಲ.. ಆರ್​ಸಿಬಿ ಟಾರ್ಗೆಟ್ ಅಂಕಪಟ್ಟಿಯ ಟಾಪ್​​-2 ಪ್ಲೇಸ್.

ಆರ್​ಸಿಬಿ ‘ಮಿಷನ್ ಟಾಪ್​-2’ ಹಿಂದಿದೆ ಮಾಸ್ಟರ್ ಪ್ಲಾನ್!

ಆರ್​ಸಿಬಿ ಪ್ಲೇ ಆಫ್ ಕಷ್ಟವೇನಿಲ್ಲ ನಿಜ. ಆದ್ರೆ, ಆರ್​ಸಿಬಿ ಟಾರ್ಗೆಟ್ ಜಸ್ಟ್ ಪ್ಲೇ ಆಫ್ ಮಾತ್ರವಾಗಿಲ್ಲ. ಪಾಯಿಂಟ್​ ಟೇಬಲ್​ನ ಅಗ್ರ ಎರಡು ಸ್ಥಾನಗಳಾಗಿವೆ. ಹೀಗಾಗಿ ಮುಂದಿನ 3 ಪಂದ್ಯಗಳನ್ನ ಗೆಲ್ಲಲು ಆರ್​ಸಿಬಿ ಪಣತೊಟ್ಟಿದೆ. ಇದಕ್ಕಾಗಿ ಗೇಮ್​​ಪ್ಲಾನ್ ಆ್ಯಂಡ್ ಸ್ಟ್ರಾಟರ್ಜಿ ರೂಪಿಸಿ ಹೋರಾಟ ನಡೆಸ್ತಿದೆ. ಇದಕ್ಕೆ ಕಾರಣ ಐಪಿಎಲ್ ಫೈನಲ್ SCENARIO.

ಪ್ಲೇ ಆಫ್​ನಲ್ಲಿ ಟೇಬಲ್ ಟಾಪರ್ಸ್​ಗೆ ಬಿಗ್ ಅಡ್ವಾಂಟೇಜ್​..!

ಪ್ಲೇ ಆಫ್​​ನಲ್ಲಿ ಯಾರಿಗೆ ಅಡ್ವಾಂಟೇಜ್ ಇರುತ್ತೋ ಇಲ್ವೋ.. ಆದ್ರೆ, ಪಾಯಿಂಟ್ ಟೇಬಲ್​ನಲ್ಲಿ ಅಗ್ರ ತಂಡಗಳಿಗೆ ಮಾತ್ರ ಅಡ್ವಾಂಟೇಜ್ ಇರುತ್ತೆ. ಈ ಟೇಬಲ್ ಟಾಪರ್ಸ್ ಒಂದು ಪಂದ್ಯ ಸೋತು, ಮತ್ತೊಂದು ಪಂದ್ಯ ಗೆದ್ದರು ಫೈನಲ್​ಗೆ ಎಂಟ್ರಿ ನೀಡುವ ಚಾನ್ಸ್ ಇರುತ್ತೆ. ಇದನ್ನ ಎನ್​​ಕ್ಯಾಶ್ ಮಾಡಿಕೊಳ್ಳುವುದೇ ಆರ್​ಸಿಬಿ ತಂಡದ ಅಜೆಂಡಾ.

ಪ್ಲೇ ಆಫ್​ ಟು ಫೈನಲ್​ ಹೇಗಿರುತ್ತೆ..?

ಟೇಬಲ್ ಟಾಪ್​-2 ತಂಡಗಳು ಮೊದಲ ಕ್ವಾಲಿಫೈಯರ್​ನಲ್ಲಿ ಸೆಣಸಾಡಲಿವೆ. ಇಲ್ಲಿ ಗೆದ್ದ ತಂಡ ನೇರವಾಗಿ ಫೈನಲ್​ಗೆ ಎಂಟ್ರಿ ನೀಡುತ್ತೆ. ಕ್ವಾಲಿಫೈಯರ್​​-1ರಲ್ಲಿ ಸೋತ ತಂಡಕ್ಕೆ ಕ್ವಾಲಿಫೈಯರ್​​-2ನಲ್ಲಿ ಎಲಿಮಿನೇಟರ್​ನಲ್ಲಿ ಗೆದ್ದ ತಂಡದ ಎದುರು ಆಡೋಕೆ 2ನೇ ಅವಕಾಶ ಸಿಗುತ್ತೆ. ಈ ಅವಕಾಶದಲ್ಲಿ ಗೆದ್ದು ಫೈನಲ್​ಗೆ ಎಂಟ್ರಿ ನೀಡಬಹುದಾಗಿದೆ.

ಪಾಯಿಂಟ್ ಟೇಬಲ್​ನ 3 ಹಾಗೂ 4ನೇ ತಂಡಗಳಿಗೆ ಇಂಥ ಅಡ್ವಾಂಟೇಜ್ ಇಲ್ಲ. ಎಲಿಮಿನೇಟರ್​ನಲ್ಲಿ ಸೋತವರು ಟೂರ್ನಿಯಿಂದ ಔಟ್ ಆಗ್ತಾರೆ. ಗೆದ್ದರೆ ಕ್ವಾಲಿಫೈಯರ್​ 2ಗೆ ಅರ್ಹತೆ ಗಿಟ್ಟಿಸ್ತಾರೆ. ಅಲ್ಲಿ ಮತ್ತೆ ಗೆದ್ದು, ಬಳಿಕ ಫೈನಲ್​ ಗೆದ್ದರೆ ಮಾತ್ರ ಕಪ್​ ಸಿಗುತ್ತೆ. ಟೇಬಲ್​ ಟಾಪರ್​ಗಳಾದ್ರೆ, ಮೊದಲ ಪಂದ್ಯದಲ್ಲಿ ಸೋತ್ರೂ, ನಂತರದ ಪಂದ್ಯದಲ್ಲಿ ತಪ್ಪುಗಳನ್ನು ತಿದ್ದಿಕೊಳ್ಳಬಹುದು. ಮತ್ತೆ ಕಮ್​ಬ್ಯಾಕ್​ಗೆ ಅವಕಾಶ ಇರುತ್ತೆ. ಹೀಗಾಗಿಯೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕಣ್ಣು ಟಾಪ್​-2 ಮೇಲಿದೆ.

ಇದನ್ನೂ ಓದಿ:ಭಾರತದ ದಾಳಿಗೆ ಪಾಕಿಸ್ತಾನ​​ ಧ್ವಂಸ.. ಸ್ಯಾಟಲೈಟ್ ಇಮೇಜ್​ ಏನ್ ಹೇಳುತ್ತವೆ?​

ಸುಲಭ ಇಲ್ಲ ಆರ್​ಸಿಬಿಯ ಟಾಪ್​​-2 ಕನಸು..!

ಮೊದಲ ಹಂದದಲ್ಲಿ ಅದ್ಭುತ ಆಟವಾಡಿರುವ ಆರ್​ಸಿಬಿ, ಪಾಯಿಂಟ್ ಟೇಬಲ್​ನ ಅಗ್ರ 2 ಸ್ಥಾನಗಳ ಮೇಲೆ ಕಣ್ಣಿಟ್ಟಿದೆ ನಿಜ. ಆದ್ರೆ, ಈ ಸ್ಥಾನ ಉಳಿಸಿಕೊಳ್ಳುವುದು ನಿಜಕ್ಕೂ ಸುಲಭದಿಲ್ಲ. ಯಾಕಂದ್ರೆ, ಈಗಾಗಲೇ ನಂಬರ್​​.1 ಸ್ಥಾನದಲ್ಲಿರುವ ಗುಜರಾತ್ ಟೈಟನ್ಸ್​, ಆರ್​ಸಿಬಿಯಷ್ಟೇ ಪಂದ್ಯ ಗೆದ್ದಿದೆ. ರನ್​ರೇಟ್ ಹೆಚ್ಚಿದೆ. ಇನ್ನು 3ನೇ ಸ್ಥಾನದಲ್ಲಿರುವ ಪಂಜಾಬ್ ಸಖತ್ ಸ್ಟ್ರಾಂಗ್ ಇದೆ. ಈ ಮೂರು ತಂಡಗಳ ಗುರಿ ಒಂದೇ. ಅದೇ​ ಟಾಪ್​​-2 ಕಾಯ್ದುಕೊಳ್ಳುವುದು. ಹೀಗಾಗಿ ಆರ್​ಸಿಬಿ ಟಾಪ್​​-2ನಲ್ಲಿ ಉಳಿಯಬೇಕಾದ್ರೆ, ಇನ್ನುಳಿದ ಮೂರಕ್ಕೆ 2 ಮ್ಯಾಚ್ ಗೆಲ್ಲುವುದರ ಜೊತೆಗೆ ರನ್​ರೇಟ್ ಉಳಿಸಿಕೊಳ್ಳಬೇಕು. ಆಗಷ್ಟೇ ಪಾಯಿಂಟ್ ಟೇಬಲ್​​ನ ಟಾಪ್​​ನಲ್ಲಿರುವ ಸಾಧ್ಯ.

ಕಪ್​ ಗೆಲುವಿಗಾಗಿ ಇನ್ನಿಲ್ಲದ ಕಸರತ್ತು ನಡೆಸ್ತಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಶಪಥ ಮಾಡಿದೆ. ಸದ್ಯ ಆರ್​ಸಿಬಿ ಆಟಗಾರರ ಫಾರ್ಮ್​, ತಂಡದ ಹೋರಾಟ ನೋಡಿದ್ರೆ, ಟಾಪ್​​-2 ಏನು..? ಕಪ್ ಗೆಲುವು ಅಸಾಧ್ಯವೇನಲ್ಲ. ಆದ್ರೆ, ಅದಕ್ಕೆ ತಕ್ಕ ಆಟವಾಡಬೇಕಷ್ಟೇ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ