ಈ ಸಲ RCB ಅಲ್ಲಿ ಏಕೈಕ ಮ್ಯಾಚ್ ಫಿನಿಶರ್, ಬಿಗ್ ಹಿಟ್ಟರ್​ಗಳು ಯಾರು ಯಾರು..?

ಐಪಿಎಲ್ ಮೆಗಾ ಟೂರ್ನಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ಚಿನ್ನಸ್ವಾಮಿಯಲ್ಲಿ ಭರ್ಜರಿ ಸಮರಾಭ್ಯಾಸ ನಡೆಸುತ್ತಿದೆ. ಇದುವರೆಗೂ ಒಂದೇ ಒಂದು ಬಾರಿ ಕಪ್ ಗೆಲ್ಲದ ಆರ್​ಸಿಬಿ, ಈ ಬಾರಿ ಕಪ್ ಗೆಲ್ಲಲೇಬೇಕು ಅಂತ ಶಪಥ ಮಾಡಿದೆ. ಆದ್ರೆ ರೆಡ್ ಆರ್ಮಿ ಕಪ್ ಗೆಲ್ಲಬೇಕಾದ್ರೆ, ಮೊದಲು 4 ವಿದೇಶಿ ಆಟಗಾರರನ್ನ ಯುದ್ಧಕ್ಕೆ ರೆಡಿ ಮಾಡಬೇಕಿದೆ. ಆದ್ರೆ ಆರ್​ಸಿಬಿ ಮ್ಯಾನೇಜ್ಮೆಂಟ್​​ಗೆ ಅದೇ ದೊಡ್ಡ ಟಾಸ್ಕ್ ಆಗಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಇದು ನಮ್ಮ ಕನ್ನಡಿಗರ ಹೆಮ್ಮೆಯ ತಂಡ. ಆರ್​ಸಿಬಿ ಅಂದ್ರೆ ಅಭಿಮಾನಿಗಳಿಗೆ ಗೌರವ, ಹುಚ್ಚು ಪ್ರೀತಿ. ಆರ್​ಸಿಬಿಗಿರೋ ಲಾಯಲ್ ಫ್ಯಾನ್ಸ್, ಬೇರೆ ಯಾವ ತಂಡಕ್ಕೂ ಇಲ್ಲ. ಆರ್​ಸಿಬಿ ಫ್ರಾಂಚೈಸಿ ಮಾಲೀಕರು ಅದ್ಯಾವ ಜನ್ಮದಲ್ಲಿ ಪುಣ್ಯ ಮಾಡಿದ್ರೋ ಗೊತ್ತಿಲ್ಲ, ಇಂತಹ ನಿಸ್ವಾರ್ಥ ಅಭಿಮಾನಿಗಳನ್ನ ಪಡೆಯೋಕೆ.

ಅಭಿಮಾನಿಗಳ ಪ್ರೀತಿ, ಬೆಂಬಲ, ಆಶಿರ್ವಾದ ಇರೋ ಆರ್​ಸಿಬಿಗೆ, ಅದ್ಯಾಕೋ ಅದೃಷ್ಟವೇ ಇಲ್ಲ. 17 ವರ್ಷಗಳಿಂದ ಎಷ್ಟೇ ಪ್ರಯತ್ನ ಪಟ್ರು, ಕಪ್ ಗೆಲ್ಲೋಕೆ ಆಗ್ತಿಲ್ಲ. ಆದ್ರೀಗ ಆರ್​ಸಿಬಿಗೆ ಕಪ್ ಗೆಲ್ಲೋಕೆ ಗೋಲ್ಡನ್ ಚಾನ್ಸ್ ಇದೆ. ಹಾರಾಜಿನಲ್ಲಿ 8 ಮಂದಿ ವಿದೇಶಿ ಆಟಗಾರರನ್ನ ಖರೀದಿಸಿರುವ ಆರ್​ಸಿಬಿ ಫ್ರಾಂಚೈಸಿ, 4 ಮಂದಿ ಬೆಸ್ಟ್ ಆಟಗಾರರನ್ನ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಕಣಕ್ಕಿಳಿಸಬೇಕಿದೆ. ಇದು ಸಕ್ಸಸ್ ಆದ್ರೆ, ಈ ಸಲ ಕಮ್ ನಮ್ದೆ.

ಫಿಲ್ ಸಾಲ್ಟ್​ ಯಾಕೆ..? ಜಿತೇಶ್ ಶರ್ಮಾ ಓಕೆ..!

ಇಂಗ್ಲೆಂಡ್​​ನ ಡೇಂಜರಸ್ ಬ್ಯಾಟರ್ ಫಿಲ್ ಸಾಲ್ಟ್, T20 ಕ್ರಿಕೆಟ್​​ಗೆ ಹೇಳಿ ಮಾಡಿಸಿದ ಆಟಗಾರ. ಆದ್ರೆ ಆರ್​ಸಿಬಿ ಫಿಲ್ ಸಾಲ್ಟ್​​ನ ಕಣಕ್ಕಿಳಿಸಿದ್ರೆ, ಎಡವೋದು ಗ್ಯಾರಂಟಿ. ಯಾಕಂದ್ರೆ ತಂಡದಲ್ಲಿ ಆಲ್​ರೆಡಿ ವಿಕೆಟ್ ಕೀಪರ್ ಬ್ಯಾಟರ್ ಜಿತೇಶ್ ಶರ್ಮಾ ಇರೋದ್ರಿಂದ, ಫಿಲ್ ಸಾಲ್ಟ್​ನ ಆಡಿಸಿದ್ರೆ ಕಾಂಬಿನೇಷನ್ ಎಡವಟ್ಟಾಗುತ್ತದೆ. ಜಿತೇಶ್ ಶರ್ಮಾ ಕೂಡ, T20 ಫಾರ್ಮೆಟ್​​ಗೆ ಫಿಟ್ ಆಗೋ ಆಟಗಾರ.

ಆರ್​ಸಿಬಿಗೆ ಬೇಕು ಆಲ್​ರೌಂಡರ್ಸ್ ಬಲ..!

T20 ಕ್ರಿಕೆಟ್​​ಗೆ ಆಲ್​ರೌಂಡರ್ಸ್ ಬೇಕೇ ಬೇಕು. ಆಲ್​ರೌಂಡರ್ಸ್ ತಂಡಕ್ಕೆ ಬಲ ಹೆಚ್ಚಿಸುತ್ತಾರೆ. ಈ ಬಾರಿ ಆರ್​ಸಿಬಿ ತಂಡಕ್ಕೆ ಎಂಟ್ರಿ ಆಗಿರೋ ಲಿಯಾಮ್ ಲಿವಿಂಗ್​ಸ್ಟೋನ್ ಮತ್ತು ರೊಮೆರಿಯೋ ಶಪರ್ಡ್​​​​​​, ಪ್ಲೇಯಿಂಗ್ ಇಲೆವೆನ್​​​ನಲ್ಲಿ ಈಸಿಯಾಗಿ ಫಿಟ್ ಆಗೋ ಆಟಗಾರರು. ಇವರು ಅಬ್ಬರಿಸಿದ್ರೆ ಎದುರಾಳಿಗಳು ಉಡೀಸ್. ಸೋ.. ಆರ್​ಸಿಬಿ ಕಪ್​ ಗೆಲ್ಲೋಕೆ ಇವರ ಕಾಂಟ್ರಿಬ್ಯೂಷನ್ ಬೇಕೇಬೇಕು.

ಟಿಮ್ ಡೇವಿಡ್ ವರ್ಸಸ್ ಜೇಕಬ್ ಬೆಥಲ್ ನಡುವೆ ಫೈಟ್..?​​​​

ಬಿಗ್ ಹಿಟ್ಟರ್ ಟಿಮ್ ಡೇವಿಡ್ ಮತ್ತು ಜೇಕಬ್ ಬೆಥಲ್​​​​​​​​​​​​​​​​​​​​​​​​​​​​​​​​​​​, ಆರ್​ಸಿಬಿಯ ಸೀಕ್ರೆಟ್ ವೆಪನ್ಸ್. ಟಿಮ್ ಡೇವಿಡ್ ಪವರ್ ಹಿಟ್ಟರ್ ಹಾಗೇ ಮ್ಯಾಚ್ ಫಿನಿಷರ್. ಮತ್ತೊಂದೆಡೆ ಬೆಥಲ್, ಮಿಡಲ್ ಆರ್ಡರ್​​ನಲ್ಲಿ ಅದ್ಭುತ ಬ್ಯಾಟಿಂಗ್ ನಡೆಸುವ ಚತುರ. ಹಾಗೆ ತನ್ನ ಎಡಗೈ ಸ್ಪಿನ್​​ನಿಂದ ಎದುರಾಳಿಗಳಿಗೆ ಚಮಕ್ ಕೊಡೋ ಯುವ ಆಟಗಾರ. ಆದ್ರೆ ಆರ್​ಸಿಬಿ ಮುಂಬರುವ ಐಪಿಎಲ್​ನಲ್ಲಿ ಯೋಚನೆ ಮಾಡಿ, ಇಬ್ಬರಲ್ಲಿ ಒಬ್ಬರನ್ನ ಆಯ್ಕೆ ಮಾಡಬೇಕಿದೆ.

ತಂಡಕ್ಕೆ ಜೋಷ್ ತುಂಬಲು ವೇಗಿ ಹೇಝಲ್​ವುಡ್ ರೆಡಿ..!

ಆಸ್ಟ್ರೇಲಿಯಾದ ಅನುಭವಿ ವೇಗಿ ಜೋಷ್ ಹೇಝಲ್​​​​​ವುಡ್, ಸೌತ್ ಆಫ್ರಿಕಾದ ಲುಂಗಿ ಎನ್​ಗಿಡಿ ಮತ್ತು ಲಂಕಾದ ನುವಾನ್ ತುಷಾರ, ಆರ್​ಸಿಬಿ ಕ್ಯಾಂಪ್​ನಲ್ಲಿ ಕಾಣಿಸಿಕೊಂಡಿರೋ ಸ್ಟಾರ್ ಪೇಸರ್ಸ್. ಹೇಝಲ್​ವುಡ್​​​​ ಆರ್​ಸಿಬಿಯ ಫಸ್ಟ್​ ಚಾಯ್ಸ್ ಪೇಸರ್​​​​​​​​​​​​​. ಆದ್ರೆ ಲುಂಗಿ ಎನ್​ಗಿಡಿ ಮತ್ತು ತುಷಾರ, ಪ್ಲೇಯಿಂಗ್ ಇಲೆವನ್​ನಲ್ಲಿ ಆಡೋದು ಡೌಟ್. ಹಾಗಾಗಿ ಇವರಿಬ್ಬರು ತಮ್ಮ ಅವಕಾಶಕ್ಕಾಗಿ ಕಾಯಬೇಕಿದೆ.

ಇದನ್ನೂ ಓದಿ: ಹಾರ್ದಿಕ್ ಪಾಂಡ್ಯಗೆ ಕ್ರೂರ ಕಿರುಕುಳ -ಭಾರತದ ಮಾಜಿ ಆಟಗಾರನಿಂದ ಶಾಕಿಂಗ್ ಹೇಳಿಕೆ

ಪರ್ಫೆಕ್ಟ್ 4 ಇದ್ರೆ ಗೆಲುವು..! ಎಡವಿದ್ರೆ ಸೋಲು ಖಚಿತ..!

ಹರಾಜಿನಲ್ಲಿ ಆರ್​ಸಿಬಿ 8 ಮಂದಿ ವಿದೇಶಿ ಆಟಗಾರರನ್ನ ಖರೀದಿಸಿದೆ. ಎಲ್ಲರೂ ಒಬ್ಬರಿಗಿಂತ ಒಬ್ಬರು ಬೆಸ್ಟ್ ಪ್ಲೇಯರ್ಸೇ. ಆದ್ರೆ ಆರ್​ಸಿಬಿ ಮ್ಯಾನೇಜ್ಮೆಂಟ್​​​​​​​ ಈ 8 ಮಂದಿ ಆಟಗಾರರಲ್ಲಿ, ಪ್ಲೇಯಿಂಗ್ ಇಲೆವೆನ್​​ಗೆ ಪರ್ಫೆಕ್ಟ್​ ಫೋರ್ ಸೆಲೆಕ್ಟ್​ ಮಾಡಿದ್ರೆ, ತಂಡಕ್ಕೆ ಗೆಲವು ಕಷ್ಟವೇನಲ್ಲ. ಅದು ಅಷ್ಟು ಸುಲಭವಲ್ಲ. ಆದ್ರೆ ಆರ್​ಸಿಬಿ ಮ್ಯಾನೇಜ್ಮೆಂಟ್, ವಿದೇಶಿ ಆಟಗಾರರ ಆಯ್ಕೆಯಲ್ಲಿ ಯಾವುದೇ ಕಾರಣಕ್ಕೂ ಎಡವುವಂತಿಲ್ಲ.​

ಪರ್ಫೆಕ್ಟ್ ಪ್ಲೇಯಿಂಗ್ ಇಲೆವೆನ್ ಇದ್ರೆ, ಗೆಲುವು ಕಷ್ಟವೇನಲ್ಲ ಅನ್ನೋದನ್ನ ಆರ್​ಸಿಬಿ ಮ್ಯಾನೇಜ್ಮೆಂಟ್ ಅರ್ಥ ಮಾಡಿಕೊಳ್ಳಬೇಕು. ಈ ಹಿಂದೆ ಆರ್​ಸಿಬಿ ತಂಡದ ಆಯ್ಕೆಯಲ್ಲಿ ಎಡವಿ ಸೋಲು ಅನುಭವಿಸಿತ್ತು. ಆದ್ರೆ ಆ ತಪ್ಪನ್ನ ಮತ್ತೆ ಮಾಡಬಾರದಷ್ಟೇ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ