RCBಗೆ ಸುವರ್ಣಾವಕಾಶ; ಟಾಪ್​ ಸ್ಥಾನ ಬೇಕಂದ್ರೆ ಈ ಪಂದ್ಯಗಳು ಇಂಪಾರ್ಟೆಂಟ್​!

2025ರ ಐಪಿಎಲ್​ನಲ್ಲಿ ಪ್ಲೇ ಆಪ್ ರೇಸ್ ಮುಗಿದಿದ್ದು ಇನ್ನೇನಿದ್ದರೂ ಟಾಪ್​-2 ಸ್ಥಾನ ತಲುಪಲು ತಂಡಗಳ ನಡುವೆ ಬಿಗ್ ಫೈಟ್ ನಡೆದಿದೆ. ನಿನ್ನೆಯ ಪಂದ್ಯದಲ್ಲಿ ಲಕ್ನೋ ವಿರುದ್ಧ ಗುಜರಾತ್ ಟೈಟನ್ಸ್​ ಸೋಲು ಕಂಡಿದ್ದರಿಂದ ಈಗ ರಾಯಲ್ ಚಾಲೆಂಜರ್ಸ್​ ಬೆಂಗಳೂರಿಗೆ ಸುವರ್ಣಾವಕಾಶ ಇದೆ. ಇದನ್ನು ಸದುಪಯೋಗ ಪಡಿಸಿಕೊಳ್ಳಬೇಕು ಎಂದರೆ ಹೀಗೆ ಮಾಡಲೇಬೇಕು.

ಗುಜರಾತ್ ಟೈಟನ್ಸ್​, ಲಕ್ನೋ ತಂಡದ ವಿರುದ್ಧ ಸೋಲುಂಡಿದ್ದರಿಂದ 18 ಅಂಕಗಳಲ್ಲೇ ಇದ್ದು ಈ ತಂಡಕ್ಕೆ ಕೇವಲ ಇನ್ನೊಂದು ಪಂದ್ಯ ಮಾತ್ರ ಬಾಕಿ ಇದೆ. ಒಂದು ವೇಳೆ ಗುಜರಾತ್ ಇನ್ನೊಂದು ಪಂದ್ಯ ಗೆದ್ದರೇ 20 ಅಂಕಗಳನ್ನು ಪಡೆಯಲಿದೆ. ಹೀಗಾಗಿ ಆರ್​ಸಿಬಿ ತಂಡ ಕೂಡ ಸದ್ಯ 17 ಅಂಕ ಪಡೆದಿದ್ದರಿಂದ ಇಂದಿನ ಪಂದ್ಯ ಸೇರಿ ಇನ್ನು ಎರಡು ಪಂದ್ಯಗಳು ಇವೆ. ಈ ಎರಡರಲ್ಲೂ ಗೆಲುವು ಪಡೆದರೆ 21 ಪಾಯಿಂಟ್​ಗಳಿಂದ ಅಗ್ರಸ್ಥಾನ ಪಡೆಯಬಹುದು. ಪಂಜಾಬ್​ ಎರಡು ಪಂದ್ಯ ಗೆದ್ದರೂ ರನ್​​ರೇಟ್​ನಿಂದ ಆರ್​ಸಿಬಿಯ ಹಿಂದಿನ ಸ್ಥಾನ ಪಡೆಯುತ್ತದೆ.

ಈ ಎರಡು ಪಂದ್ಯಗಳಲ್ಲಿ ಆರ್​ಸಿಬಿ ಗೆಲುವು ಸಾಧಿಸಿದರೆ 21 ಅಂಕಗಳಿಂದ ಐಪಿಎಲ್​ನ ಪಾಯಿಂಟ್ ಟೇಬಲ್​ನ ಟಾಪ್​-2 ಸ್ಥಾನದಲ್ಲಿ ದಕ್ಕುತ್ತದೆ. ಇದರಿಂದ  ನೇರ ಫೈನಲ್​ಗೆ ಹೋಗುವ ಅವಕಾಶ ಇರುತ್ತದೆ. ಇದರಿಂದ ಹೈದ್ರಾಬಾದ್ ವಿರುದ್ಧ ಇಂದು ನಡೆಯುವ ಪಂದ್ಯದಲ್ಲಿ ಆರ್​ಸಿಬಿ ವಿಜಯ ಸಾಧಿಸಲೇಬೇಕು. ಜೊತೆಗೆ ಮುಂದಿನ ಪಂದ್ಯವನ್ನು ಕೂಡ ಗೆದ್ದುಕೊಂಡರೇ ಆರ್​ಸಿಬಿಗೆ ದೊಡ್ಡ ಅದೃಷ್ಟ ಒಲಿದು ಬರಲಿದೆ.

ಪಂಜಾಬ್​ ಕಿಂಗ್ಸ್​ ಕೂಡ 17 ಅಂಕ ಪಡೆದಿದ್ದು ಆ ತಂಡಕ್ಕೂ 2 ಪಂದ್ಯಗಳು ಬಾಕಿ ಇವೆ. ಆದರೆ ರನ್​ ರೇಟ್​ ಅನ್ನು ಇಲ್ಲಿ ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಈಗಾಗಲೇ ಪಂಜಾಬ್​ ಕಿಂಗ್ಸ್​ಗಿಂತಲೂ ಆರ್​ಸಿಬಿ ಉತ್ತಮ ರನ್​ ರೇಟ್​ ಹೊಂದಿದೆ. ಮುಂದಿನ ಎರಡು ಮ್ಯಾಚ್​ಗಳಲ್ಲಿ ಇದನ್ನೇ ಮುಂದುವರೆಸಿಕೊಂಡು ಹೋದರೆ ಟಾಪ್​-2 ಏನು, ಅಗ್ರಸ್ಥಾನವೇ ಆರ್​ಸಿಬಿ ಪಾಲಾಗುವುದರಲ್ಲಿ ಯಾವುದೇ ಸಂಶಯ ಬೇಡ. ​

ಒಂದು ವೇಳೆ ಆರ್​ಸಿಬಿ ಒಂದು ಪಂದ್ಯವನ್ನು ಗೆದ್ದು ಇನ್ನೊಂದು ಪಂದ್ಯದಲ್ಲಿ ಸೋತರೆ ಒಟ್ಟು 19 ಪಾಯಿಂಟ್​ ಪಡೆಯುತ್ತದೆ. ಗುಜರಾತ್ ಮುಂದಿನ ಪಂದ್ಯ ಗೆಲುವು ಸಾಧಿಸಿದರೆ 20 ಅಂಕ ಪಡೆಯುತ್ತದೆ. ಪಂಜಾಬ್​ ಕೂಡ ಎರಡರಲ್ಲೂ ಗೆಲುವು ಪಡೆದರೆ 21 ಅಂಕ ಪಡೆಯುತ್ತದೆ. ಆಗ ಆರ್​ಸಿಬಿ ಕೊಂಕಣ ಸುತ್ತಿ ಮೈಲಾರಕ್ಕೆ ಹೋದಂತೆ ಫೈನಲ್​ಗೆ ಹೋಗುವುದು ಭಾರೀ ಕಷ್ಟವಾಗುತ್ತದೆ. ಈ ಹಂತದಲ್ಲಿ ಒಂದು ಮ್ಯಾಚ್​ನಲ್ಲಿ ಎಡವಿದರೂ ಆರ್​ಸಿಬಿಯ ಟ್ರೋಫಿ ಕನಸು ನುಚ್ಚು ನೂರಾಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ