‘ರೋಹಿತ್​ ಆರ್​​ಸಿಬಿ ಕ್ಯಾಪ್ಟನ್​​’- ಬೆಂಗಳೂರು ತಂಡದ ಅಸಲಿ ಪ್ಲಾನ್​​ ಬಿಚ್ಚಿಟ್ಟ ಮಾಜಿ ಕ್ರಿಕೆಟರ್​​

2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿಗೆ ಮುನ್ನ ಎಷ್ಟು ಮಂದಿ ಆಟಗಾರರನ್ನು ರೀಟೈನ್​ ಮಾಡಿಕೊಳ್ಳಬೇಕು ಎಂದು ಬಿಸಿಸಿಐ ಈಗಾಗಲೇ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ಎಲ್ಲಾ ಐಪಿಎಲ್​ ತಂಡಗಳಿಗೂ 6 ಮಂದಿ ಆಟಗಾರರ ರೀಟೈನ್​ಗೆ ಅವಕಾಶ ನೀಡಲಾಗಿದೆ. ಇನ್ನೇನು ಕೆಲವೇ ದಿನಗಳಲ್ಲಿ ಐಪಿಎಲ್​ ತಂಡಗಳು ರಿಲೀಸ್​​ ಮತ್ತು ರೀಟೈನ್​ ಲಿಸ್ಟ್​ ಬಿಡುಗಡೆ ಮಾಡಲಿದ್ದಾರೆ. ಮುಂಬೈ ತಂಡದಿಂದ ರೋಹಿತ್​ ಶರ್ಮಾ ರಿಲೀಸ್​ ಆಗೋದು ಪಕ್ಕಾ ಆಗಿದೆ. ಹೀಗಾಗಿ ಟೀಮ್​ ಇಂಡಿಯಾದ ಮಾಜಿ ಕ್ರಿಕೆಟರ್​​ ಆರ್​​ಸಿಬಿಗೆ ಒಂದು ಸಲಹೆ ನೀಡಿದ್ದಾರೆ.

ಆರ್​​ಸಿಬಿಗೆ ಕೈಫ್​ ಕೊಟ್ಟ ಸಲಹೆಯೇನು?

ರೋಹಿತ್ ಶರ್ಮಾ ಅವರನ್ನು ಖರೀದಿ ಮಾಡಲು ಹಲವರು ತುದಿಗಾಲಲ್ಲಿ ನಿಂತಿದ್ದಾರೆ. ಈ ಸಾಲಿನಲ್ಲಿ ಆರ್‌ಸಿಬಿ ಕೂಡ ಇದೆ. ರೋಹಿತ್ ಶರ್ಮಾ ಅವರನ್ನು ಆರ್‌ಸಿಬಿ ಖರೀದಿ ಮಾಡಲೇಬೇಕು. ಯಾವುದೇ ಕಾರಣಕ್ಕೂ ಈ ವಿಚಾರದಲ್ಲಿ ಹಿಂದೇಟು ಹಾಕಬಾರದು ಎಂದು ಟೀಮ್ ಇಂಡಿಯಾದ ಮಾಜಿ ಆಟಗಾರ ಮೊಹಮ್ಮದ್ ಕೈಫ್‌ ಸಲಹೆ ಕೊಟ್ಟರು.

ಇನ್ನು, ಕ್ಯಾಪ್ಟನ್​​ ರೋಹಿತ್ ಶರ್ಮಾ ಒಬ್ಬ ಶ್ರೇಷ್ಠ ಆಟಗಾರ. ಟಿ20 ವಿಶ್ವಕಪ್‌ ಗೆದ್ದ ನಾಯಕ. ಆರ್‌ಸಿಬಿ ರೋಹಿತ್​ ಖರೀದಿಗೆ ಪ್ಲಾನ್​ ಮಾಡಬೇಕು. ಅಲ್ಲದೆ ರೋಹಿತ್‌ ಅವರನ್ನು ಹೇಗಾದ್ರೂ ಮಾಡಿ ಆರ್​​ಸಿಬಿ ಒಪ್ಪಿಸಬೇಕು. ರೋಹಿತ್​ ಆರ್​​ಸಿಬಿ ಕ್ಯಾಪ್ಟನ್​ ಆದ್ರೆ, ರನ್​​ ಕಲೆ ಹಾಕದಿದ್ರೂ ಕಪ್​ ಗೆಲ್ಲಿಸುತ್ತಾರೆ. ಬಲಿಷ್ಠ ಆರ್​​ಸಿಬಿ ತಂಡವನ್ನು ಕಟ್ಟುತ್ತಾರೆ ಎಂದರು.

ಕ್ಯಾಪ್ಟನ್ಸಿಯಿಂದ ಕೆಳಗಿಳಿದಿದ್ದ ಕೊಹ್ಲಿ

2022ರ ಬಳಿಕ ವಿರಾಟ್ ಕೊಹ್ಲಿ ನಾಯಕತ್ವದಿಂದ ಕೆಳಗಿಳಿದರು. ಬಳಿಕ ದಕ್ಷಿಣ ಆಫ್ರಿಕಾದ ಸ್ಟಾರ್ ಆಟಗಾರ ಫಾಫ್ ಡುಪ್ಲೆಸಿಸ್​​ ಆರ್​​ಸಿಬಿ ತಂಡವನ್ನು ಮುನ್ನಡೆಸಿದ್ದಾರೆ. ಫಾಫ್‌ಗೆ 40 ವರ್ಷ. ಮುಂದಿನ ಮೂರು ಸೀಸನ್​​ ಇವರು ಆಡೋದು ಡೌಟ್​​. ಆರ್‌ಸಿಬಿಗೆ ಸದ್ಯ ಯಾವುದೇ ಖಾಯಂ ನಾಯಕರಿಲ್ಲ. ಹಾಗಾಗಿ ರೋಹಿತ್​ ಬೆಸ್ಟ್​ ಆಪ್ಷನ್​ ಎಂಬುದು ಕೈಫ್​​ ಅಭಿಪ್ರಾಯ.

ಇದನ್ನೂ ಓದಿ:ಮೆಗಾ ಆಕ್ಷನ್​ಗೆ ಮುನ್ನವೇ ಫ್ಯಾನ್ಸ್​ಗೆ ಬಿಗ್​ ಶಾಕ್​​; ಆರ್​​​ಸಿಬಿ ತಂಡದಿಂದ ಯುವ ಬ್ಯಾಟರ್​​ ಔಟ್​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ