ಆರ್​​​ಸಿಬಿ ಉಳಿಸಿಕೊಳ್ಳೋ ಅಚ್ಚರಿ ಆಟಗಾರರು ಇವರೇ! ಸ್ಟೋರಿ ಓದಿದ್ರೆ ಸರ್ಪ್ರೈಸ್​ ಆಗ್ತೀರಾ!

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಸೀಸನ್​ ಶುರುವಾಗಲು ಇನ್ನೇನು ಕೆಲವೇ ತಿಂಗಳು ಬಾಕಿ ಇದೆ. ಈ ಮುನ್ನವೇ ಐಪಿಎಲ್​ ಮೆಗಾ ಹರಾಜು ನಡೆಯಲಿದೆ. ಹಾಗಾಗಿ ಆರ್​​​ಸಿಬಿ ಟೀಮ್​​​ ಯಾವ ಆಟಗಾರರನ್ನು ಉಳಿಸಿಕೊಳ್ಳಲಿದೆ ಎಂಬ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿದೆ.

ಮುಂದಿನ ಐಪಿಎಲ್‌ ಸೀಸನ್​ಗೂ ಮುನ್ನ ಆಯ್ದ ಆಟಗಾರರನ್ನು ಮಾತ್ರ ಉಳಿಸಿಕೊಳ್ಳಲು ಆರ್​​ಸಿಬಿ ಪ್ಲಾನ್​ ಮಾಡಿಕೊಂಡಿದೆ. ಅಷ್ಟೇ ಅಲ್ಲ ಉಳಿದ ಆಟಗಾರರನ್ನು ಮೆಗಾ ಹರಾಜಿಗೆ ಬಿಡುಗಡೆ ಮಾಡುವ ಕಠಿಣ ನಿರ್ಧಾರ ತೆಗೆದುಕೊಳ್ಳಲಿದೆ. 2024ರ ಸೀಸನ್​ನಲ್ಲಿ ಕೆಲ ಉತ್ತಮ ಆಟಗಾರರನ್ನು ಹೊಂದಿದ್ದ ತಂಡಕ್ಕೆ ಹಲವರನ್ನು ಕೈಬಿಡುವುದು ಬಹು ಕಷ್ಟದ ಕೆಲಸವಾಗಿದೆ.

ಆರ್​​ಸಿಬಿ ಉಳಿಸಿಕೊಳ್ಳೋ ಮೊದಲ ಆಟಗಾರ ಕೊಹ್ಲಿ

2008ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕಾಗಿ ಕೊಹ್ಲಿ ತಮ್ಮ ಚೊಚ್ಚಲ ಐಪಿಎಲ್​ ಪಂದ್ಯ ಆಡಿದ್ರು. ಅಂದಿನಿಂದ ಇಲ್ಲಿಯವರೆಗೆ ಎಲ್ಲಾ ಸೀಸನ್​ನಲ್ಲಿ ಒಂದೇ ತಂಡಕ್ಕೆ ಆಡಿದ ಏಕೈಕ ಆಟಗಾರ ಎಂಬ ಕೀರ್ತಿಗೆ ಕೊಹ್ಲಿ ಪಾತ್ರರಾಗಿದ್ದಾರೆ. ಹಾಗಾಗಿ ಬೆಂಗಳೂರು ತಂಡ ಉಳಿಸಿಕೊಳ್ಳುವ ಆಟಗಾರರಲ್ಲಿ ಕೊಹ್ಲಿ ಮೊದಲಿಗರು.

ವಿಲ್ ಜ್ಯಾಕ್ಸ್ ಆರ್​​ಸಿಬಿ ತಂಡದ 2ನೇ ಆಯ್ಕೆ

ಕಳೆದ ಸೀಸನ್​ನಲ್ಲಿ ಆರ್​ಸಿಬಿ ಪರ ಪದಾರ್ಪಣೆ ಮಾಡಿದ ವಿಲ್ ಜ್ಯಾಕ್ಸ್ ಕೇವಲ 41 ಎಸೆತಗಳಲ್ಲಿ ಶತಕ ಗಳಿಸಿದರು. 25 ವರ್ಷ ವಯಸ್ಸಿನ ಜ್ಯಾಕ್ಸ್ ಭವಿಷ್ಯದಲ್ಲಿ ಫ್ರಾಂಚೈಸಿಗೆ ಪ್ರಮುಖ ಆಟಗಾರ. ಟಾಪ್ ಆರ್ಡರ್​ನಲ್ಲಿ ಬಿರುಸಿನ ಬ್ಯಾಟಿಂಗ್‌ ಮಾಡಬಲ್ಲ, ಬ್ಯಾಲಿಂಗ್​ ಮಾಡೋ ಸಾಮರ್ಥ್ಯ ಇವರಿಗಿದೆ. ಇವರು ಆರ್​​ಸಿಬಿ ತಂಡದ 2ನೇ ಆಯ್ಕೆ.

ಬೆಂಗಳೂರು ತಂಡದ 3ನೇ ಆಯ್ಕೆ ರಜತ್​ ಪಾಟಿದಾರ್​

ಐಪಿಎಲ್ 2024ರಲ್ಲಿ ಉತ್ತಮ ಫಾರ್ಮ್‌ನಲ್ಲಿದ್ದವರು ಪಾಟಿದಾರ್. ಇವರು ಸ್ಪೋಟಕ ಬ್ಯಾಟಿಂಗ್​ನಿಂದ 395 ರನ್ ಗಳಿಸಿದ್ರು. ಬಲಗೈ ಬ್ಯಾಟರ್ ಆಗಿರೋ ರಜತ್ ಮಧ್ಯಮ ಕ್ರಮಾಂಕದ ಆಧಾರ ಸ್ತಂಭ. ಅಗ್ರೆಸ್ಸಿವ್​ ಬ್ಯಾಟಿಂಗ್​ನಿಂದಲೇ ಹೆಸರು ಮಾಡಿರೋ ಇವರು ಆರ್​​​ಸಿಬಿ ರೀಟೈನ್​ ಲಿಸ್ಟ್​ನಲ್ಲಿದ್ದಾರೆ.

ಇದನ್ನೂ ಓದಿ:ಕೃಷಿ ಇಲಾಖೆಯಲ್ಲಿ 945 ಹುದ್ದೆಗಳಿಗೆ ಅರ್ಜಿ ಆಹ್ವಾನ; ತಿಂಗಳಿಗೆ ಬರೋಬ್ಬರಿ 83 ಸಾವಿರ ಸಂಬಳ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ