ಕೇವಲ 7 ಪಂದ್ಯ.. RCB ಪ್ರಯಾಣ ಮಾಡೋದು ಎಷ್ಟು ಸಾವಿರ ಕಿಲೋ ಮೀಟರ್ ಗೊತ್ತಾ?

ಗುಜರಾತ್ ಟೈಟನ್ಸ್​ ಎದುರು ಸೋತ ಆರ್​ಸಿಬಿ, ಇದೀಗ ಮಹಾನಗರಿ ಮುಂಬೈಗೆ ಕಾಲಿಟ್ಟಿದೆ. 3 ಪಂದ್ಯಗಳನ್ನ ಮುಗಿಸಿದ ಆರ್​ಸಿಬಿಗೆ ಇದೀಗ ಹೊಸ ಚಾಲೆಂಜ್​ ಎದುರಾಗಿದೆ. ಆನ್​ಫೀಲ್ಡ್​ನಲ್ಲಿ ಆಡೋದು, ಎದುರಾಳಿಗಳನ್ನ ಮಟ್ಟ ಹಾಕೋದು ಒಂದೆಡೆಯಾದ್ರೆ, ಟ್ರಾವೆಲ್​ ಮಾಡೋದೆ ಚಾಲೆಂಜರ್ಸ್​ಗೆ ಚಾಲೆಂಜ್​ ಆಗಿದೆ. ಈ ಚಾಲೆಂಜ್​ನ ಟ್ರಬಲ್​ ಶೂಟ್​ ಮಾಡಲು ಆರ್​ಸಿಬಿ ರೋಟೇಷನ್ ಪಾಲಿಸಿಯ ಮೊರೆ ಹೋಗಿದೆ.

ಗುಜರಾತ್ ಟೈಟನ್ಸ್​ ಎದುರು ಹೀನಾಯ ಮುಖಭಂಗ ಅನುಭವಿಸಿರುವ ಆರ್​ಸಿಬಿ, ಈಗ ಮುಂಬೈ ಇಂಡಿಯನ್ಸ್​ ಬೇಟೆಗೆ ಸಜ್ಜಾಗಿದೆ. ತವರಿನಲ್ಲಿ ಸೋಲುಂಡ ಆರ್​​ಸಿಬಿ ಇದೀಗ ಮಹಾನಗರಿ ಮುಂಬೈನಲ್ಲಿ ಕಮ್​ಬ್ಯಾಕ್ ಮಾಡುವ ಕನವರಿಕೆಯಲ್ಲಿದೆ. ಇದ್ರ ನಡುವೆ ಆರ್​​ಸಿಬಿಗೆ ಈ ಟ್ರಾವೆಲಿಂಗ್​ ಹೆಡ್ಡೇಕ್​ ಶುರುವಾಗಿದೆ. ಮೊದಲ 3 ಪಂದ್ಯ ಮುಗಿಸಿರೋ ಆರ್​​ಸಿಬಿ ಮುಂದೆ ಭಾರತ ದರ್ಶನ ಮಾಡಬೇಕಿದೆ.

ಪ್ರಸಕ್ತ ಐಪಿಎಲ್​ ಸೀಸನ್​ನಲ್ಲಿ ಆರ್​​ಸಿಬಿ ಉಳಿದೆಲ್ಲಾ ತಂಡಗಳಿಗಿಂತ ಹೆಚ್ಚು ಪ್ರಯಾಣ ಮಾಡಬೇಕಿದೆ. ಬೆಂಗಳೂರಿನಿಂದ ಶುರುವಾದ ಆರ್​ಸಿಬಿ ಜರ್ನಿ ಕೊಲ್ಕತ್ತಾ, ಚೆನ್ನೈ, ಬೆಂಗಳೂರು ಮುಗಿಸಿ ಇದೀಗ ಮಂಬೈಗೆ ಬಂದು ನಿಂತಿದೆ. 4ನೇ ಪಂದ್ಯಕ್ಕೂ ಮುನ್ನವೇ ರೆಡ್ ಆರ್ಮಿ ಬರೋಬ್ಬರಿ 4,070 ಕಿಲೋ ಮೀಟರ್ ಪ್ರಯಾಣ ಮಾಡಿದೆ. ಟೂರ್ನಿಯ ಲೀಗ್​ ಹಂತದ ಪಂದ್ಯಗಳನ್ನಾಡೋಕೆ ಬರೋಬ್ಬರಿ 16,927 ಸಾವಿರ ಕಿಲೋ ಮೀಟರ್​ ಪ್ರಯಾಣ ಮಾಡಬೇಕಿದೆ.

ಮುಂಬೈ ನಂತರ ಶುರುವಾಗಲಿದೆ ಅಸಲಿ ಟ್ರಾವೆಲಿಂಗ್ ಆಟ..!

ಮುಂಬೈ ಎದುರಿನ ಪಂದ್ಯವನ್ನಾಡಲು ಈಗಾಗಲೇ ರೆಡ್ ಆರ್ಮಿ ಮುಂಬೈ ತಲುಪಿದೆ. ಈ ಮುಂಬೈ ಇಂಡಿಯನ್ಸ್ ಎದುರಿನ 4ನೇ ಪಂದ್ಯದ ಬಳಿಕವೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಅಸಲಿ ಟ್ರಾವೆಲಿಂಗ್ ಶುರುವಾಗಲಿದೆ. 4ನೇ ಪಂದ್ಯದ ಬಳಿಕ ಆರ್​​ಸಿಬಿ ಪಂದ್ಯವನ್ನಾಡೋದಕ್ಕೂ ಹೆಚ್ಚು ಕಾಲ ಟ್ರಾವೆಲಿಂಗ್​ನಲ್ಲೇ ಕಳೆಯಲಿದೆ.

RCBಗೆ ಟ್ರಾವೆಲಿಂಗ್​ ಚಾಲೆಂಜ್​

5ನೇ ಪಂದ್ಯದ ಬಳಿಕ ಮುಂಬೈ ಟು ಬೆಂಗಳೂರಿಗೆ 842 ಕಿಲೋ ಮೀಟರ್ ಪ್ರಯಾಣಿಸಲಿರುವ ಆರ್​ಸಿಬಿ, 6ನೇ ಪಂದ್ಯವನ್ನಾಡಲು ಬೆಂಗಳೂರಿನಿಂದ ಜೈಪುರಕ್ಕೆ ತೆರಳಲಿದೆ. ಪಂದ್ಯದ ನಂತರ 7ನೇ ಪಂದ್ಯಕ್ಕೆ ಮತ್ತೆ ಜೈಪುರದಿಂದ ಬೆಂಗಳೂರಿಗೆ 1556 ಕಿಲೋ ಮೀಟರ್ ಪ್ರಯಾಣಿಸಲಿದೆ. 8ನೇ ಪಂದ್ಯವನ್ನಾಡಲು ಬೆಂಗಳೂರಿನಿಂದ ಚಂಡೀಗಢಕ್ಕೆ 1972 ಕಿಲೋ ಮೀಟರ್​ ಟ್ರಾವೆಲ್​ ಮಾಡುವ ರಜತ್​ ಸೈನ್ಯ, ಮತ್ತೆ 9ನೇ ಪಂದ್ಯವನ್ನಾಡಲು ಚಂಡೀಗಢದಿಂದ ಉದ್ಯಾನನಗರಿಗೆ ಬರಲಿದೆ. ಆ ಬಳಿಕ ರಾಷ್ಟ್ರ ರಾಜಧಾನಿ ದೆಹಲಿಗೆ 1,740 ಕಿಲೋಮೀಟರ್​ ಪ್ರಯಾಣ ಬೆಳಸಲಿರುವ ಆರ್​ಸಿಬಿ, 11ನೇ ಪಂದ್ಯಕ್ಕಾಗಿ ಮತ್ತೆ ಸಿಲಿಕಾನ್ ಸಿಟಿಗೆ ಆಗಮಿಸಲಿದೆ. ಈ 7 ಪಂದ್ಯಗಳಿಗಾಗಿಯೇ ಬರೋಬ್ಬರಿ 11,378 ಕಿಲೋ ಮೀಟರ್ ಪ್ರಯಾಣಿಸಬೇಕಿದೆ.

20 ದಿನದಲ್ಲಿ 7 ಮ್ಯಾಚ್.. ಆರ್​ಸಿಬಿಗೆ ಚಾಲೆಂಜ್..!

ಏಪ್ರಿಲ್ 7 ರಿಂದ 27ರ 20 ದಿನಗಳ ಅವಧಿಯಲ್ಲಿ ಆರ್​ಸಿಬಿ ಬರೋಬ್ಬರಿ 7 ಪಂದ್ಯಗಳನ್ನಾಡಲಿದೆ. ಈ 20 ದಿನಗಳ ಪೈಕಿ 7 ದಿನ ಟ್ರಾವೆಲ್​ನಲ್ಲೇ ಕಳೆದು ಹೋಗಲಿದೆ. 11,378 ಕಿಲೋ ಮೀಟರ್​​​​ ಪ್ರಯಾಣದಿಂದ ದೈಹಿಕವಾಗಿ ಆಟಗಾರರು ದಣಿಯಲಿದ್ದಾರೆ. ಇದು ಆಟಗಾರರಿಗೆ ಮತ್ತಷ್ಟು ಹೊರೆಯಾಗಲಿದೆ. ದೈಹಿಕವಾಗಿ ಮಾತ್ರವಲ್ಲ ಮಾನಸಿಕವಾಗಿಯೂ ಆಟಗಾರರಿಗೆ ಇದೊಂದು ಕಿರಿಕಿರಿಯೇ. ಇದನ್ನ ಓವರ್​ಕಮ್​ ಮಾಡೋದೆ ರಾಯಲ್​ ಜಾಲೆಂಜರ್ಸ್​ಗೆ ರಿಯಲ್​​ ಚಾಲೆಂಜ್ ಆಗಿ ಮಾರ್ಪಟ್ಟಿದೆ.

ಇದನ್ನೂ ಓದಿ:4, 4, 4, 4, 4, 4, 4, 6, 6; ಮುಂಬೈ ಬೌಲರ್​ಗಳನ್ನ ಚಚ್ಚಿದ ಓಪನರ್​ ಮಿಚೆಲ್ ಮಾರ್ಷ್, ಅರ್ಧ ಶತಕ

ಆಟಗಾರರನ್ನ ಫ್ರೆಷ್ ಆಗಿ ಉಳಿಸಿಕೊಳ್ಳೋದೆ ಸವಾಲ್..!

ಸತತ ಪ್ರಯಾಣದ ನಡುವೆ ಪ್ರಮುಖ ಆಟಗಾರರನ್ನು ಫ್ರೆಷ್​ ಆಗಿ ಇಟ್ಟುಕೊಳ್ಳುವುದು ಬಹು ಮುಖ್ಯವಾಗಲಿದೆ. ಈ ಟ್ರಾವೆಲಿಂಗ್​ ಟ್ರಬಲ್​​ನ ಶೂಟ್​ ಮಾಡೋದು ಸುಲಭದ ವಿಚಾರವಲ್ಲ. ಈಗಾಗಲೇ ಮ್ಯಾನೇಜ್​ಮೆಂಟ್​ ಈ ವಿಚಾರದಲ್ಲಿ ತಲೆ ಕೆಡಿಸಿಕೊಂಡು ಒಂದು ಪ್ಲಾನ್​ ರೂಪಿಸಿದೆ. ರೋಟೆಶನ್​ ಆಧಾರದಲ್ಲಿ ಕೆಲ ಆಟಗಾರರನ್ನ ಆಡಿಸಲು ಮ್ಯಾನೇಜ್​ಮೆಂಟ್​ ಚಿಂತಿಸಿದೆ. ಆದ್ರೆ, ಪ್ರಮುಖ ಆಟಗಾರರಿಗೆ ರೆಸ್ಟ್​ ನೀಡಿದ್ರೆ, ಆ ಸ್ಥಾನ​ವನ್ನ ಸಮರ್ಥವಾಗಿ ತುಂಬೋದ್ಯಾರು ಅನ್ನೋ ಪ್ರಶ್ನೆಯೂ ಕಾಡ್ತಿದೆ. ಹೀಗಾಗಿ ಬ್ಯಾಕ್​ ಅಪ್​ ಪ್ಲೇಯರ್​ ರೆಡಿ ಮಾಡಲು ಬೆಂಚ್​ಗೆ ಸೀಮಿತವಾಗಿರೋ ಆಟಗಾರರ​ ಮೇಲೆ ಹೆಚ್ಚು ಪೋಕಸ್ಡ್​ ಆಗಿ ಸಪೋರ್ಟ್​ ಸ್ಟಾಫ್​ ವರ್ಕ್​ ಮಾಡ್ತಿದ್ದಾರೆ.

ಮೊದಲ 2 ಪಂದ್ಯ ಗೆದ್ದು ಶುಭಾರಂಭ ಮಾಡಿದ ಆರ್​ಸಿಬಿ ಚಿನ್ನಸ್ವಾಮಿ ಚಾಲೆಂಜ್​ ಗೆಲ್ಲುವಲ್ಲಿ ಮುಗ್ಗರಿಸಿದೆ. ಆ ಸೋಲಿನ ಆಘಾತದ ಬೆನ್ನಲ್ಲೇ ಇದೀಗ ಟ್ರಾವೆಲಿಂಗ್​ ಚಾಲೆಂಜ್​ ಎದುರಾಗಿದೆ. ಒಂದೆಡೆ ಆನ್​ಫೀಲ್ಡ್​ ಪರ್ಫಾಮೆನ್ಸ್​, ಇನ್ನೊಂದೆಡೆ ಆಫ್​ ದ ಫೀಲ್ಡ್​ನ ಟ್ರಾವೆಲಿಂಗ್​ ಈ ಎರಡೂ ಸಮಸ್ಯೆಗಳಿಗೂ ಪರಿಹಾರ ಹುಡುಕೋ ಜವಾಬ್ದಾರಿ ಇದೀಗ ಸಪೋರ್ಟ್​ ಸ್ಟಾಫ್​ ಹಾಗೂ ಮ್ಯಾನೇಜ್​ಮೆಂಟ್​ ಮೇಲಿದೆ. ಇದನ್ನ ಹೇಗೆ ನಿಭಾಯಿಸ್ತಾರೆ ಅನ್ನೋದು ಕುತೂಹಲ ಮೂಡಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ