ಆರ್​​ಸಿಬಿ ತಂಡಕ್ಕೆ ಬಿಗ್​ ಶಾಕ್​; ಐಸಿಸಿ ಮೆಗಾ ಟೂರ್ನಿಯಿಂದಲೇ ಹೊರಬಿದ್ದ ಇಬ್ಬರು ಸ್ಟಾರ್​ ಪ್ಲೇಯರ್ಸ್​

ಬಹುನಿರೀಕ್ಷಿತ 2025ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಶುರುವಾಗಲು ಇನ್ನೇನು ಕೆಲವೇ ದಿನಗಳು ಮಾತ್ರ ಬಾಕಿಯಿವೆ. ಚಾಂಪಿಯನ್ಸ್ ಟ್ರೋಫಿ ಬೆನ್ನಲ್ಲೇ ಇಂಡಿಯನ್ ಪ್ರೀಮಿಯರ್ ಲೀಗ್ ಆರಂಭವಾಗಲಿದೆ. ಈ ಹೊತ್ತಲ್ಲೇ ಚಾಂಪಿಯನ್ಸ್ ಟ್ರೋಫಿಯಿಂದ ಆರ್​​​ಸಿಬಿಯ ಇಬ್ಬರು ಸ್ಟಾರ್​ ಆಟಗಾರರು ಹೊರಬಿದ್ದಿದ್ದಾರೆ. ಇವರು ಮುಂದಿನ ಐಪಿಎಲ್​​ ಆಡೋದು ಕೂಡ ಡೌಟ್​ ಎಂದು ತಿಳಿದು ಬಂದಿದೆ.

ಜೋಶ್​ ಹೆಜಲ್​ವುಡ್​ಗೆ ಕಾಲು ನೋವು

ಇತ್ತೀಚೆಗೆ ನಡೆದ ಮೆಗಾ ಐಪಿಎಲ್​ ಹರಾಜಿನಲ್ಲಿ ಆರ್​​​ಸಿಬಿ ಆಸ್ಟ್ರೇಲಿಯಾ ತಂಡದ ಸ್ಟಾರ್​ ವೇಗಿ ಜೋಶ್​ ಹೆಜಲ್​​ವುಡ್​ ಅವರನ್ನು ಖರೀದಿ ಮಾಡಿದ್ರು. ಈಗ ಜೋಶ್​ ಹೆಜಲ್​ವುಡ್​​​ ಚಾಂಪಿಯನ್ಸ್ ಟ್ರೋಫಿ ಆಡೋದು ಡೌಟ್​ ಆಗಿದೆ. ಇವರು ಕಾಲು ನೋವಿನಿಂದ ಬಳಲುತ್ತಿದ್ದು, ಐಪಿಎಲ್​​ ವೇಳೆಗೆ ಫಿಟ್​ ಆಗೋದು ಕೂಡ ಅನುಮಾನ. ಇದು ಆರ್​​ಸಿಬಿ ತಂಡಕ್ಕೆ ಆಘಾತ ತಂದಿದೆ.

ಜೇಕಬ್​ ಬೆಥೆಲ್​ಗೂ ಗಾಯ

ಇಂಗ್ಲೆಂಡ್ ತಂಡದ ಯುವ ಆಲ್​ರೌಂಡರ್ ಜೇಕಬ್ ಬೆಥೆಲ್. ಇವರನ್ನು ಆರ್​​ಸಿಬಿ ತಂಡ ಮೆಗಾ ಹರಾಜಿನಲ್ಲಿ ಖರೀದಿ ಮಾಡಿತ್ತು. ಬೆಥೆಲ್​ ಈಗ ಚಾಂಪಿಯನ್ಸ್ ಟ್ರೋಫಿಯಿಂದ ಹೊರಬಿದ್ದಿದ್ದಾರೆ. ಮಂಡಿರಜ್ಜು ಗಾಯದ ಸಮಸ್ಯೆಯಿಂದ ಬಳಲುತ್ತಿರೋ ಇವರು ಐಪಿಎಲ್​​ನಲ್ಲಿ ಭಾಗಿಯಾಗುವುದು ಡೌಟ್​ ಆಗಿದೆ.

ಚಾಂಪಿಯನ್ಸ್ ಟ್ರೋಫಿಯಿಂದ ಹೊರಗುಳಿದಿರೋ ಈ ಇಬ್ಬರು ಐಪಿಎಲ್​​ನಲ್ಲಿ ಆರ್​​ಸಿಬಿ ಪರ ಆಡಲಿದ್ದಾರಾ? ಅನ್ನೋ ಚರ್ಚೆ ಶುರುವಾಗಿದೆ. ಐಸಿಸಿ ಮೆಗಾ ಟೂರ್ನಿನಿಂದ ಹೊರಬಿದ್ದ ಇವರು ಫುಲ್​ ಫಿಟ್​ ಆಗಲಿಲ್ಲ ಎಂದರೆ ಐಪಿಎಲ್​ ಆಡಲು ಅನುಮತಿ ಸಿಗೋದು ಕಷ್ಟ.

ಒಂದು ತಿಂಗಳಲ್ಲಿ ಫಿಟ್​ ಆಗಬೇಕು

ಐಪಿಎಲ್ ಆರಂಭಕ್ಕೂ ಇನ್ನೂ ಒಂದು ತಿಂಗಳು ಅವಕಾಶ ಇದೆ. ಒಂದು ತಿಂಗಳಲ್ಲಿ ಇಬ್ಬರು ಸಂಪೂರ್ಣ ಫಿಟ್ ಆದಲ್ಲಿ ಮಾತ್ರ ಆರ್​​ಸಿಬಿ ಪರ ಆಡಬಹುದು. ಇಲ್ಲದಿದ್ರೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಬೇರೆ ಆಟಗಾರರನ್ನು ಖರೀದಿ ಮಾಡಬಹುದು.

ಇದನ್ನೂ ಓದಿ:ಟೀಮ್​​ ಇಂಡಿಯಾ ಗೆಲುವಿಗೆ ಕಾರಣ ಯಾರು? ಸ್ಫೋಟಕ ಸತ್ಯ ಬಿಚ್ಚಿಟ್ಟ ಕ್ಯಾಪ್ಟನ್​ ರೋಹಿತ್​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ