ಆರ್​ಸಿಬಿ, ಸಿಎಸ್​ಕೆ ಪಂದ್ಯದ 1 ಟಿಕೆಟ್​ ಎಷ್ಟು ರೂಪಾಯಿ..? ನಾಲ್ವರು ಬಂಧನ

ಬೆಂಗಳೂರು: ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡದ ಐಪಿಎಲ್ ಪಂದ್ಯದ ಸಮಯದಲ್ಲಿ ದೊಡ್ಡ ಮಟ್ಟದಲ್ಲಿ ಹಣ ಗಳಿಸಲು ಕೆಲವರು ಮುಂದಾಗಿರುತ್ತಾರೆ. ಇದೇ ರೀತಿ ದುಡ್ಡು ಮಾಡುತ್ತಿದ್ದ ನಾಲ್ವರು ಆರೋಪಿಗಳು ಸಿಸಿಬಿ (Central Crime Branch) ಪೊಲೀಸರ ಅತಿಥಿಗಳಾಗಿದ್ದಾರೆ.

ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂ ಹೊರಗೆ ಆರ್​ಸಿಬಿ ಹಾಗೂ ಸಿಎಸ್​ಕೆ ನಡುವಿನ ಪಂದ್ಯದ ಟಿಕೆಟ್​ಗಳನ್ನು ಮಾರಾಟ ಮಾಡುತ್ತಿದ್ದ ನಾಲ್ವರು ಆರೋಪಿಗಳನ್ನು ಸಿಸಿಬಿ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ಬಂಧಿತರಿಂದ ಆರ್​ಸಿಬಿ- ಸಿಎಸ್​ಕೆ ನಡುವಿನ ಪಂದ್ಯದ 32 ಟಿಕೆಟ್​ಗಳು, ಮೊಬೈಲ್​ಗಳು ಹಾಗೂ 1 ಲಕ್ಷ ರೂಪಾಯಿ ನಗದನ್ನು ಸೀಜ್ ಮಾಡಲಾಗಿದೆ.

ಇದನ್ನೂ ಓದಿ: RCB, ಸಿಎಸ್​ಕೆ ಅಭಿಮಾನಿಗಳ ನಡುವೆ ಘರ್ಷಣೆ.. ಸ್ಟೇಡಿಯಂ ಬಳಿ ಅಸಲಿಗೆ ಆಗಿದ್ದೇನು?

ಈ ನಾಲ್ವರು ಆರೋಪಿಗಳು ಚಿನ್ನಸ್ವಾಮಿ ಸ್ಟೇಡಿಯಂ ಸುತ್ತಮುತ್ತ ಹೈವೋಲ್ಟೇಜ್​ ಪಂದ್ಯದ ಟಿಕೆಟ್​ಗಳನ್ನು ಬ್ಲಾಕ್​ನಲ್ಲಿ ಮಾರಾಟ ಮಾಡುತ್ತಿದ್ದರು. ಕೇವಲ 1,200 ರೂಪಾಯಿ ಮೂಲ ಬೆಲೆ ಇರೋ ಟಿಕೆಟ್​ಗಳನ್ನು ಬರೋಬ್ಬರಿ 10,000 ರೂಪಾಯಿಗೆ ಬ್ಲಾಕ್​ನಲ್ಲಿ ಮಾರುತ್ತಿದ್ದರು. ಈ ಸಂಬಂಧ ಕಾರ್ಯಾಚರಣೆ ನಡೆಸುತ್ತಿದ್ದ ಸಿಸಿಬಿ ಡಿಸಿಪಿ ಅಕಾಯ್ ಅಕ್ಷಯ್ ಮಚ್ಚೀಂದ್ರ ಹಾಗೂ ಅವರ ತಂಡದಿಂದ ಆರೋಪಿಗಳನ್ನು ಬಂಧಿಸಲಾಗಿದೆ. ಈ ಸಂಬಂಧ ಯಶವಂತಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.

ಸ್ಟೇಡಿಯಂ ಕೌಂಟರ್​​ನಲ್ಲಿ ಟಿಕೆಟ್​ ವಿತರಣೆ ಸಮಯದಲ್ಲಿ ಟಿಕೆಟ್​ ಖರೀದಿ ಮಾಡುವ ನೆಪದಲ್ಲಿ ಆರೋಪಿಗಳು ಬರುತ್ತಿದ್ದರು. ಟಿಕೆಟ್​ಗಳನ್ನು ಖರೀದಿ ಮಾಡಿ ಅವೇ ಟಿಕೆಟ್​ಗಳನ್ನು ದುಪ್ಪಟ್ಟು ಬೆಲೆಗೆ ಮಾರಾಟ ಮಾಡುತ್ತಿದ್ದರು. ಸದ್ಯ ಬ್ಲಾಕ್ ಟಿಕೆಟ್ ದಂಧೆಕೋರರ ಬಂಧಿಸಲಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ