3.5ನೇ ಓವರ್​ನಲ್ಲಿ ನಡೆದ ಆ ಒಂದು ಘಟನೆ RCB ಸೋಲಿಗೆ ಕಾರಣ..!

ಹೋಮ್​​ಗ್ರೌಂಡ್​​ ಚಿನ್ನಸ್ವಾಮಿಯಲ್ಲಿ ಧಮ್​ದಾರ್​​ ಸ್ಟಾರ್ಟ್​ ಪಡೆದ ಆರ್​​ಸಿಬಿ ಆ ಬಳಿಕ ದಿಢೀರ್​ ಕುಸಿದುಬಿಡ್ತು. ಬೆಂಗಳೂರು ಬಾಯ್ಸ್​ ಪೆವಿಲಿಯನ್​ ಪರೇಡ್​ ನಡೆಸಿದ್ರೆ ಡೆಲ್ಲಿ ಬೌಲರ್ಸ್​​ ಮೆರೆದಾಡಿದ್ರು. 3.5ನೇ ಓವರ್​ನಲ್ಲಿ ನಡೆದ ಆ ಒಂದು ಘಟನೆ ಇಡೀ ಪಂದ್ಯಕ್ಕೆ ಟ್ವಿಸ್ಟ್​ ನೀಡಿತು.

ಹೋಮ್​​ಗ್ರೌಂಡ್​ನಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ಗಿಳಿದ ಆರ್​​ಸಿಬಿಗೆ ಬೊಂಬಾಟ್​ ಆರಂಭ ಸಿಗ್ತು. ಮೊದಲ ಓವರ್​ನಲ್ಲಿ ಎಚ್ಚರಿಕೆಯ ಆಟವಾಡಿದ ಫಿಲ್​ ಸಾಲ್ಟ್​​ - ವಿರಾಟ್​ ಕೊಹ್ಲಿ 2ನೇ ಓವರ್​ನಿಂದ ಅಬ್ಬರಿಸಿದ್ರು. ಅಕ್ಷರ್​ ಪಟೇಲ್​ ಎಸೆದ 2ನೇ ಓವರ್​ನಲ್ಲಿ 16 ರನ್​ ಚಚ್ಚಿದ್ರು.

ಇದನ್ನೂ ಓದಿ: ತವರಲ್ಲಿ ಕೆ.ಎಲ್ ರಾಹುಲ್ ಬ್ಯಾಟಿಂಗ್​ ಆರ್ಭಟ.. ಕನ್ನಡಿಗನಿಂದ RCBಗೆ ಭಾರೀ ಮುಖಭಂಗ, ಸೋಲು

3ನೇ ಓವರ್​​ನಲ್ಲಂತೂ ಫಿಲ್​ ಸಾಲ್ಟ್​ ರೌದ್ರಾವತಾರ ತಾಳಿದ್ರು. ವೇಗಿ ಮಿಚೆಲ್​ ಸ್ಟಾರ್ಕ್​​ಗೆ ನೀರು ಕುಡಿಸಿದ ಸಾಲ್ಟ್​​ 2 ಸಿಕ್ಸರ್​​, 2 ಬೌಂಡರಿ ಚಚ್ಚಿದ್ರು. ಒಂದೇ ಓವರ್​​ನಲ್ಲಿ ಬರೋಬ್ಬರಿ 30 ರನ್​ಗಳು ಹರಿದು ಬಂದ್ವು. 3ನೇ ಓವರ್​ ಅಂತ್ಯಕ್ಕೆ 53 ರನ್​​ ಚಚ್ಚಿದ್ದ ಆರ್​​ಸಿಬಿ ಪಂದ್ಯದ ಆರಂಭದಲ್ಲೇ ಮೇಲುಗೈ ಸಾಧಿಸಿತ್ತು. 3.5 ಎಸೆತದಲ್ಲಿ ಆದ ಒಂದು ಘಟನೆ ಇಡೀ ಪಂದ್ಯದ ಗತಿಯನ್ನೇ ಬದಲಿಸಿ ಬಿಡ್ತು. ಕೊಹ್ಲಿ-ಫಿಲ್​​ ಸಾಲ್ಟ್​ ನಡುವೆ ಆದ ಗೊಂದಲ​ ರನೌಟ್​ನಲ್ಲಿ ಅಂತ್ಯವಾಯ್ತು. ಸಾಲಿಡ್​ ಫಾರ್ಮ್​ನಲ್ಲಿದ್ದ ಸಾಲ್ಟ್​ 37 ರನ್​ಗಳಿಸಿ ನಿರ್ಗಮಿಸಿದ್ರು.

ಸಾಲ್ಟ್​ ನಿರ್ಗಮನದ ಬಳಿಕ ಪೆವಿಲಿಯನ್​ ಪರೇಡ್​ ಶುರುವಾಯ್ತು. ದೇವದತ್​​ ಪಡಿಕ್ಕಲ್​​ 1 ರನ್​ಗಳಿಸಿ ನಿರ್ಗಮಿಸಿದ್ರೆ, ನೆಕ್ಸ್ಟ್​​ ಓವರ್​ನಲ್ಲಿ ಕೊಹ್ಲಿ ಔಟಾದ್ರು. 22 ರನ್​ಗಳಿಸಿದ್ದ ಕೊಹ್ಲಿ, ವಿಪ್ರಜ್​ ನಿಗಮ್​ಗೆ ಬಲಿಯಾದ್ರು. ಬಳಿಕ ಬ್ಯಾಟಿಂಗ್​ಗೆ ಬಂದ ಲಿವಿಂಗ್​ ಸ್ಟೋನ್​ ಕೈಕೊಟ್ರು. 4 ರನ್​ಗಳಿಸಿದ್ದ ಲಿವಿಂಗ್​ಸ್ಟೋನ್​ ಮೊಹೀತ್​ ಶರ್ಮಾಗೆ ವಿಕೆಟ್​ ಒಪ್ಪಿಸಿದ್ರು. ಬರೊಬ್ಬರಿ 11 ಎಸೆತ ಎದುರಿಸಿದ ಜಿತೇಶ್​ ಶರ್ಮಾ ಜಸ್ಟ್​ 3 ರನ್​ಗಳಿಸಿ ನಿರ್ಗಮಿಸಿದ್ರು.

ಇದನ್ನೂ ಓದಿ: ಇದು ನನ್ನ ಮೈದಾನ, ನನ್ನ ಮನೆ -ಆರ್​ಸಿಬಿ ಸೋಲಿಸಿ KL ರಾಹುಲ್ ಸ್ಫೋಟಕ ಹೇಳಿಕೆ..!

ಒಂದೆಡೆ ವಿಕೆಟ್​ ಉರುಳಿದ್ರೂ ಮತ್ತೊಂದು ತುದಿಯಲ್ಲಿ ಕ್ರಿಸ್​ ಕಚ್ಚಿ ನಿಂತಿದ್ದ ನಾಯಕ ರಜತ್​ ಪಟಿದಾರ್​ ಕೂಡ ಬಿಗ್​ಸ್ಕೋರ್​ಗಳಿಸಲಿಲ್ಲ. 25 ರನ್​ಗಳಿಗೆ ಆಟ ಮುಗಿಸಿದ್ರು. ಕೃನಾಲ್​ ಪಾಂಡ್ಯ 18 ರನ್​ಗಳಿಸಿ ಔಟಾದ್ರು. ಅಂತಿಮ ಹಂತದಲ್ಲಿ ಟಿಮ್​ ಡೇವಿಡ್​​ ಅಬ್ಬರಿಸಿದ್ರು.

19ನೇ ಓವರ್​​ನಲ್ಲಿ 17 ರನ್​ ಚಚ್ಚಿದ ಟಿಮ್​ ಡೇವಿಡ್​, 20ನೇ ಓವರ್​​ನಲ್ಲಿ 19 ರನ್​ಗಳಿಸಿದ್ರು. ಬೌಂಡರಿ-ಸಿಕ್ಸರ್​​ಗಳನ್ನ ಸಿಡಿಸಿ ಅಬ್ಬರಿಸಿದ ಟಿಮ್​ ಡೇವಿಡ್​ 4 ಸಿಕ್ಸರ್​​, 2 ಬೌಂಡರಿ ಚಚ್ಚಿದ್ರು. 20 ಎಸೆತಗಳಲ್ಲಿ 37 ರನ್​ಗಳಿಸಿ ಮಿಂಚಿದ್ರು. ಅಂತಿಮವಾಗಿ 20 ಓವರ್​​ಗಳ ಅಂತ್ಯಕ್ಕೆ ಆರ್​​ಸಿಬಿ 7 ವಿಕೆಟ್​ ಕಳೆದುಕೊಂಡು 163ರನ್​ಗಳಿಸಿತು. ಡೆಲ್ಲಿ ತಂಡಕ್ಕೆ 164 ರನ್​ಗಳ ಸ್ಪರ್ಧಾತ್ಮಕ ಟಾರ್ಗೆಟ್​ ನೀಡಿತು.

ಇದನ್ನೂ ಓದಿ: ಚಿನ್ನಸ್ವಾಮಿಯಲ್ಲಿ ಸತತ ಎರಡನೇ ಸೋಲು.. ಕ್ಯಾಪ್ಟನ್ ಪಾಟೀದಾರ್ ಹೊಣೆ ಮಾಡಿದ್ದು ಯಾರನ್ನ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ