6, 6, 6, 6, 6! ಸಿರಾಜ್ ಸೇಡಿನ ಅಸ್ತ್ರದ ಮಧ್ಯೆಯೂ ಲಿವಿಂಗ್​​ಸ್ಟೋನ್ ಸೊಗಸಾದ ಬ್ಯಾಟಿಂಗ್..!

ಸತತ 2 ಪಂದ್ಯಗಳಲ್ಲಿ ಭರ್ಜರಿ ಆಟವಾಡಿದ ಆತ್ಮವಿಶ್ವಾಸದಲ್ಲಿದ್ದ ಆರ್​​ಸಿಬಿ ಬ್ಯಾಟರ್ಸ್​ ತವರಿನಂಗಳಲ್ಲಿ ಸೈಲೆಂಟಾದ್ರು. ಮಾಜಿ ವೇಗಿ ಸಿರಾಜ್ ಅಬ್ಬರಕ್ಕೆ ಆರ್​​ಸಿಬಿ ತತ್ತರಿಸಿತು. RCB ಸೂಪರ್​ ಸ್ಟಾರ್​ಗಳು ಪೆವಿಲಿಯನ್​ ಪರೇಡ್​ ನಡೆಸಿದ್ರೆ ಗುಜರಾತ್​​ ಬೌಲರ್​ಗಳು ಮೆರೆದಾಡಿದ್ರು.

ಹೋಮ್​​​ಗ್ರೌಂಡ್​ ಚಿನ್ನಸ್ವಾಮಿಯಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ಗಿಳಿದ ಆರ್​​ಸಿಬಿ ನಿರೀಕ್ಷಿತ ಆರಂಭ ಪಡೆಯಲಿಲ್ಲ. ಗುಜರಾತ್​ ಟೈಟನ್ಸ್​ ಬೌಲರ್​ಗಳ ಟೈಟ್​​ ಸ್ಪೆಲ್ ಮುಂದೆ ಆರ್​ಸಿಬಿಯ ಸೂಪರ್​ ಸ್ಟಾರ್​ ಆಟಗಾರರೆಲ್ಲಾ ಪೆವಿಲಿಯನ್​ ಪರೇಡ್​ ನಡೆಸಿದ್ರು. ಹೋಮ್​​ಗ್ರೌಂಡ್​ನಲ್ಲಿ ಬೆಂಗಳೂರು ಬಾಯ್ಸ್​ ಪರದಾಡಿದ್ರೆ ಗುಜರಾತ್​ ಟೈಟನ್ಸ್​ ಮೆರೆದಾಡಿದ್ರು.

ಇದನ್ನೂ ಓದಿ: ಆರ್​ಸಿಬಿಗೆ ತವರಿನಲ್ಲಿ ಮುಖಭಂಗ.. ಹೀನಾಯ ಸೋಲಿಗೆ ಕ್ಯಾಪ್ಟನ್ ಪಾಟೀದಾರ್ ಕೊಟ್ಟ ಕಾರಣ ಏನು..?

ಯುವ ವೇಗಿ ಆರ್ಷದ್​ ಖಾನ್​ ಆರ್ಭಟದ ಮುಂದೆ ವಿರಾಟ್​ ಕೊಹ್ಲಿ ಸೈಲೆಂಟಾಗಿ ಪೆವಿಲಿಯನ್​ ಸೇರಿದ್ರು. ಮೊಹಮ್ಮದ್​ ಸಿರಾಜ್​​ ಎಸೆತಕ್ಕೆ ಕಕ್ಕಾಬಿಕ್ಕಿಯಾದ ಕನ್ನಡಿಗ ದೇವದತ್ತ್​​ ಪಡಿಕ್ಕಲ್​​ ಕ್ಲೀನ್​ ಬೋಲ್ಡ್​ ಆದ್ರು. ಸಿಕ್ಕ ಜೀವದಾನಗಳನ್ನ ಬಳಸಿಕೊಳ್ಳುವಲ್ಲಿ ವಿಫಲರಾದ ಫಿಲ್​​ ಸಾಲ್ಟ್,​​ ಸಿರಾಜ್​​ಗೆ 2ನೇ ಬಲಿಯಾದ್ರು. ನಾಯಕ ರಜತ್​ ಪಟಿದಾರ್​ ಕೂಡ ಕುಸಿದ ತಂಡಕ್ಕೆ ಆಸರೆಯಾಗಲಿಲ್ಲ. 42 ರನ್​ಗಳಿಸುವಷ್ಟರಲ್ಲೇ ಆರ್​​ಸಿಬಿಯ ಪ್ರಮುಖ 4 ವಿಕೆಟ್​​​ಗಳನ್ನ ಕಳೆದುಕೊಂಡಿತು. ಆ ಮೂಲಕ ಸಿರಾಜ್, ಆರ್​ಸಿಬಿ ವಿರುದ್ಧ ಸೇಡು ತೀರಿಸಿಕೊಂಡರು.

ಬಳಿಕ ಕ್ರಿಸ್​ನಲ್ಲಿ ಜೊತೆಯಾದ ಲಯಾಮ್​ ಲಿವಿಂಗ್​ಸ್ಟೋನ್​, ಜಿತೇಶ್​ ಶರ್ಮಾ ತಂಡಕ್ಕೆ ಚೇತರಿಕೆ ನೀಡೋ ಯತ್ನ ಮಾಡಿದ್ರು. ಒತ್ತಡದ ನಡುವೆಯೂ ಉತ್ತಮ ಆಟವಾಡಿದ ಜಿತೇಶ್​ ಶರ್ಮಾ 5 ಬೌಂಡರಿ, 1 ಸಿಕ್ಸರ್​ ಸಹಿತ 33 ರನ್​ ಸಿಡಿಸಿದ್ರು. ಕೃನಾಲ್​ ಪಾಂಡ್ಯ ಫ್ಲಾಫ್​​ ಶೋ ಮುಂದುವರೆಸಿದ್ರೆ, ಲಯಾಮ್​ ಲಿವಿಂಗ್​​ಸ್ಟೋನ್​​ ಹಾಫ್​​ ಸೆಂಚುರಿ ಸಿಡಿಸಿದ್ರು. 5 ಸಿಕ್ಸರ್​​​, 1 ಬೌಂಡರಿ ಸಿಡಿಸಿದ ಲಿವಿಂಗ್​ಸ್ಟೋನ್​ 40 ಎಸೆತಗಳಲ್ಲಿ 54 ರನ್​​ಗಳಿಸಿದ್ರು. ಕೊನೆಗೂ ಲಿವಿಂಗ್​ಸ್ಟೋನ್ ಸಿರಾಜ್​ಗೆ ವಿಕೆಟ್ ಒಪ್ಪಿಸಿದರು.

ಅಂತಿಮ ಹಂತದಲ್ಲಿ ಟಿಮ್​ ಡೇವಿಡ್​ ಅಬ್ಬರಿಸಿದ್ರು. 3 ಬೌಂಡರಿ, 2 ಸಿಕ್ಸರ್​ ಸಿಡಿಸಿ ಮಿಂಚಿದ್ರು. 18 ಎಸೆತಗಳಲ್ಲಿ 32 ರನ್​ ಸಿಡಿಸಿದ್ರು. ಪರಿಣಾಮ 20 ಓವರ್​ಗಳ ಅಂತ್ಯಕ್ಕೆ 8 ವಿಕೆಟ್​ ಕಳೆದುಕೊಂಡ ಆರ್​​ಸಿಬಿ 169 ರನ್​ಗಳ ಸ್ಕೋರ್​​ ಕಲೆ ಹಾಕಿತು. ಗುಜರಾತ್​​ ಪರ ಮೊಹಮ್ಮದ್​ ಸಿರಾಜ್​​ 3, ಸಾಯಿಕಿಶೋರ್​​ 2 ವಿಕೆಟ್​ ಕಬಳಿಸಿ ಮಿಂಚಿದ್ರು.

ಇದನ್ನೂ ಓದಿ: RCBಗೆ ಕೈಕೊಟ್ಟ ವಿರಾಟ್​ ಕೊಹ್ಲಿ.. ಸ್ಟಾರ್ ಬ್ಯಾಟರ್​ನಿಂದ ಅಭಿಮಾನಿಗಳಿಗೆ ಬಿಗ್ ಶಾಕ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್