ಫೈನಲ್​ಗೆ ಹೋಗಲು ಎರಡು ಅವಕಾಶ.. ಆರ್​ಸಿಬಿ ಚೇಸಿಂಗ್ ಹೋರಾಟ ಹೆಂಗಿತ್ತು..?

228 ರನ್​ಗಳ ಬಿಗ್​ ಟಾರ್ಗೆಟ್​ ಚೇಸಿಂಗ್​ಗಿಳಿದ ಆರ್​​ಸಿಬಿ ಸಾಲಿಡ್​ ಸ್ಟಾರ್ಟ್​ ಪಡೀತು. ಆದ್ರೆ, ಮಿಡಲ್​ನಲ್ಲಿ ಸಡನ್ ಆಗಿ ಸಂಕಷ್ಟಕ್ಕೆ ಸಿಲುಕಿತು. ಆಗ ಸಂಕಷ್ಟಕ್ಕೆ ಸಿಲುಕಿದ ಆರ್​ಸಿಬಿ ಕೈ ಹಿಡಿದಿದ್ದು ಕ್ಯಾಪ್ಟನ್​ ಜಿತೇಶ್​ ಶರ್ಮಾ! ಅತ್ಯದ್ಭುತ ಇನ್ನಿಂಗ್ಸ್​.. ಅತ್ಯದ್ಭುತ ದಿಗ್ವಿಜಯ!

ಬಿಗ್​ ಟಾರ್ಗೆಟ್​ ಚೇಸಿಂಗ್​ಗಿಳಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಬೊಂಬಾಟ್​ ಆರಂಭ ಪಡೆದುಕೊಳ್ತು. ವಿರಾಟ್​ ಕೊಹ್ಲಿ, ಫಿಲ್​ ಸಾಲ್ಟ್​​ ಪವರ್​ ಪ್ಲೇನಲ್ಲಿ ಲಕ್ನೋ ಬೌಲರ್​ಗಳನ್ನ ಸರಿಯಾಗಿ ಬೆಂಡೆತ್ತಿದ್ರು. ಮೊದಲ 5 ಓವರ್​​ಗಳಲ್ಲೇ ವಿಕೆಟ್​​ ನಷ್ಟವಿಲ್ಲದೇ ಆರ್​​ಸಿಬಿ 60 ರನ್​ಗಳಿಸಿತು.

ಇದನ್ನೂ ಓದಿ: 12 ಪಂದ್ಯಗಳಲ್ಲಿ ಅಟ್ಟರ್ ಫ್ಲಾಪ್..​ RCB ವಿರುದ್ಧ ಸಿಡಿಲಬ್ಬರದ ಸೆಂಚುರಿ ಸಿಡಿಸಿದ ರಿಷಭ್​ ಪಂತ್​​

157ರ ಸ್ಟ್ರೈಕ್​ರೇಟ್​​ನಲ್ಲಿ ಬ್ಯಾಟ್​ ಬೀಸಿದ ಫಿಲ್​ ಸಾಲ್ಟ್​​ 6 ಆಕರ್ಷಕ ಬೌಂಡರಿ ಬಾರಿಸಿದ್ರು. ಜಸ್ಟ್​ 19 ಎಸೆತಗಳಲ್ಲೇ 30 ರನ್​ಗಳಿಸಿದ ವೇಳೆ ಬ್ಯಾಟ್​ ಶಾಟ್​ ಪ್ಲೇ ಮಾಡಿದ ಫಿಲ್​​ ಸಾಲ್ಟ್​​ ಔಟಾದ್ರು. ಬಳಿಕ ಬ್ಯಾಟಿಂಗ್​ಗೆ ಬಂದ ರಜತ್​ ಪಾಟಿದಾರ್​ 14 ರನ್​ಗಳಿಸುವಷ್ಟರಲ್ಲಿ ಸುಸ್ತಾದ್ರೆ, ಲಿಯಾಮ್​ ಲಿವಿಂಗ್​ಸ್ಟೋನ್​ ಮತ್ತೊಂದು ಸೊನ್ನೆ ಸುತ್ತಿದ್ರು.

ಒಂದೆಡೆ ವಿಕೆಟ್​ ಬಿದ್ರೆ ಇನ್ನೊಂದು ತುದಿಯಲ್ಲಿ ವಿರಾಟ್​ ಕೊಹ್ಲಿ ಸಾಲಿಡ್​ ಬ್ಯಾಟಿಂಗ್​ ಮುಂದುವರೆಸಿದ್ರು. ಕ್ಲಾಸಿಕ್​ ಇನ್ನಿಂಗ್ಸ್​ ಕಟ್ಟಿದ ಕೊಹ್ಲಿ 180ರ ಸ್ಟ್ರೈಕ್​ರೇಟ್​​ನಲ್ಲಿ ಬ್ಯಾಟಿಂಗ್​ ನಡೆಸಿದ್ರು. 10 ಕ್ಲಾಸ್​ ಬೌಂಡರಿ ಬಾರಿಸಿದ ವಿರಾಟ್​ ಕೊಹ್ಲಿ ಸೀಸನ್​ನಲ್ಲಿ 8ನೇ ಹಾಫ್​ ಸೆಂಚುರಿ ಪೂರೈಸಿದ್ರು.

ಇದನ್ನೂ ಓದಿ: ಮಂಗಳೂರಲ್ಲಿ ಮತ್ತೆ ಹರಿದ ನೆತ್ತರು.. ತಲ್ವಾರ್​ನಿಂದ ಕೊಚ್ಚಿ ಅಬ್ದುಲ್ ರಹಿಮಾನ್​ನ ಭೀಕರ ಹತ್ಯೆ

30 ಎಸೆತಗಳನ್ನ ಎದುರಿಸಿದ ವಿರಾಟ್​​ ಕೊಹ್ಲಿ 54 ರನ್​ಗಳಿಸಿ ಔಟಾದ್ರು. ಆರ್​​ಸಿಬಿಯ ಅಸಲಿ ಚೇಸಿಂಗ್​ ಆರಂಭವಾಗಿದ್ದೇ ವಿರಾಟ್​ ಕೊಹ್ಲಿ ಪತನದ ಬಳಿಕ. ಆ ಬಳಿಕ ಕ್ರಿಸ್​ನಲ್ಲಿ ಜೊತೆಯಾದ ಮಯಾಂಕ್​ ಅಗರ್​ವಾಲ್​, ಜಿತೇಶ್​ ಶರ್ಮಾ ಲಕ್ನೋ ಗೆಲುವಿನ ಕನಸನ್ನ ನುಚ್ಚು ನೂರು ಮಾಡಿದ್ರು. 5ನೇ ವಿಕೆಟ್​ಗೆ ಬೊಂಬಾಟ್​ ಜೊತೆಯಾಟವಾಡಿದ್ರು.

ಫಸ್ಟ್​ ಮ್ಯಾಚ್​ನಲ್ಲಿ ಫೇಲ್​ ಆಗಿದ್ದ ಕನ್ನಡಿಗ ಮಯಾಂಕ್​ ಅಗರ್​ವಾಲ್​ ನಿನ್ನೆ ಅದ್ಭುತವಾದ ಇನ್ನಿಂಗ್ಸ್​​ ಕಟ್ಟಿದ್ರು. ಮಯಾಂಕ್​ ಜೊತೆಯಾದ ಕ್ಯಾಪ್ಟನ್​ ಜಿತೇಶ್​ ಶರ್ಮಾ ನಾಯಕನ ಇನ್ನಿಂಗ್ಸ್​ ಕಟ್ಟಿದ್ರು. ಲಕ್ನೋ ಬೌಲಿಂಗ್​ ದಾಳಿಯನ್ನ ಚಿಂದಿ ಉಡಾಯಿಸಿದ ಜಿತೇಶ್,​ ಬೌಂಡರಿ, ಸಿಕ್ಸರ್​ಗಳನ್ನ ಚಚ್ಚಿ ಬಿಸಾಕಿದ್ರು.

ಲಕ್ನೋ ಬೌಲರ್​​ಗಳನ್ನ ಮನಸೋ ಇಚ್ಚೆ ದಂಡಿಸ್ತಾ ಇದ್ದ ಜಿತೇಶ್​ ಶರ್ಮಾ ಲಕ್ನೋ ಕೂಡ ಸಾಥ್​ ಕೊಡ್ತು. ಜೀವದಾನ ಪಡೆದುಕೊಂಡ ಜಿತೇಶ್ ಶರ್ಮಾ ಜಸ್ಟ್​ 22 ಎಸೆತಗಳಲ್ಲಿ ಹಾಫ್​ ಸೆಂಚುರಿ ಸಿಡಿಸಿದ್ರು. ಅದೂ ಭರ್ಜರಿ ಸಿಕ್ಸರ್​​ನೊಂದಿಗೆ. ಹಾಫ್​​ ಸೆಂಚುರಿ ಬಳಿಕ ಜಿತೇಶ್​ ಶರ್ಮಾ ಅಬ್ಬರ ಮತ್ತಷ್ಟು ಜೋರಾಗಿತ್ತು. ವಿಲಿಯಮ್​​​ ರೋರ್ಕ್​ ಎಸೆದ 18ನೇ ಓವರ್​ನಲ್ಲಿ 3 ಬೌಂಡರಿ, 2 ಭರ್ಜರಿ ಸಿಕ್ಸರ್​ ಚಚ್ಚಿದ್ರು. 21 ರನ್​ಗಳು ಅದೊಂದೆ ಓವರ್​ನಲ್ಲಿ ಹರಿದು ಬಂದ್ವು.

ಇದನ್ನೂ ಓದಿ: ಸೆಂಚುರಿ ಸಿಡಿಸಿ ಅದ್ಭುತ ಫ್ರಂಟ್​​​ಫ್ಲಿಪ್​..​ ರಿಷಭ್ ಪಂತ್ ಶತಕದ ಸಂಭ್ರಮ ಹೇಗಿತ್ತು? -Video

ಜಿತೇಶ್​ ಶರ್ಮಾಗೆ ಸಾಥ್​ ಕೊಟ್ಟ ಕನ್ನಡಿಗ ಮಯಾಂಕ್​ ಅಗರ್​ವಾಲ್​ 5 ಸೊಗಸಾದ ಬೌಂಡರಿ ಬಾರಿಸಿದ್ರು. 178ರ ಸ್ಟ್ರೈಕ್​ರೇಟ್​​ನಲ್ಲಿ ಬ್ಯಾಟ್​ ಬೀಸಿದ ಮಯಾಂಕ್​ ಅಗರ್​ವಾಲ್​ 23 ಎಸೆತಗಳಲ್ಲಿ 41 ರನ್​ಗಳಿಸಿದ್ರು. ಬರೋಬ್ಬರಿ 257.58ರ ಸ್ಟ್ರೈಕ್​ರೇಟ್​​​ನಲ್ಲಿ ಬ್ಯಾಟ್​ ಬೀಸಿದ ಜಿತೇಶ್​ ಶರ್ಮಾ 6 ಭರ್ಜರಿ ಸಿಕ್ಸರ್, 8 ಸಾಲಿಡ್​ ಬೌಂಡರಿ ಬಾರಿಸಿದ್ರು. ಜಸ್ಟ್​ 33 ಎಸೆತಗಳಲ್ಲಿ 85 ರನ್​ ಚಚ್ಚಿದ್ರು.

ಮಯಾಂಕ್​ ಅಗರ್​ವಾಲ್​-ಜಿತೇಶ್​ ಶರ್ಮಾ ಅಜೇಯ 107 ರನ್​ಗಳ ಜೊತೆಯಾಟವಾಡಿದ್ರು. 18.4ನೇ ಎಸೆತವನ್ನ ಸಿಕ್ಸರ್​ ಸಿಡಿಸಿದ ಜಿತೇಶ್​ ಶರ್ಮಾ, ಆರ್​​ಸಿಬಿ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. ಗೆಲುವಿನ ಗಡಿ ದಾಟಿದ ಬೆನ್ನಲ್ಲೇ ಆರ್​​ಸಿಬಿ ಕ್ಯಾಂಪ್​ನಲ್ಲಿ ಭರ್ಜರಿ ಸಂಭ್ರಮಾಚರಣೆ ನಡೀತು. ಕಿಂಗ್​ ಕೊಹ್ಲಿಯಂತೂ ಸಂಭ್ರಮದ ಕಡಲಲ್ಲಿ ತೇಲಾಡಿದ್ರು. ಲಕ್ನೋ ಸೂಪರ್​ ಜೈಂಟ್ಸ್​ ತಂಡವನ್ನ 6 ವಿಕೆಟ್​ಗಳ ಅಂತರದಲ್ಲಿ ಮಣಿಸಿದ ಆರ್​​ಸಿಬಿ ಟೇಬಲ್​ ಟಾಪ್​ 2 ಸ್ಥಾನಕ್ಕೇರಿತು. ಆ ಮೂಲಕ ಫೈನಲ್ ಪ್ರವೇಶ ಮಾಡಲು ಎರಡು ಅವಕಾಶ ಪಡೆದುಕೊಳ್ತು. ಅಲ್ಲದೇ 3ನೇ ಬಾರಿಗೆ ಕ್ವಾಲಿಫೈಯರ್​ 1ಗೆ ಕ್ವಾಲಿಫೈ ಆಯ್ತು.

ಇದನ್ನೂ ಓದಿ: RCB ಕ್ಯಾಪ್ಟನ್ ಜಿತೇಶ್ ಶರ್ಮಾ ಗೆಲುವಿನ ಕ್ರೆಡಿಟ್ ಯಾರಿಗೆ ನೀಡಿದರು..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ