ಒಂದು ವೇಳೆ ಯುದ್ಧದ ಕಾವಿನಲ್ಲೂ ಪಂದ್ಯ ನಡೆದರೆ.. ಆರ್​ಸಿಬಿಗೆ ಸವಾಲ್​​ ಆಗಿರೋದು ಏನು?

ಸೀಸನ್​​-18 ಇಂಡಿಯನ್​ ಪ್ರೀಮಿಯರ್​ ಲೀಗ್​​ನ ಮತ್ತೊಂದು ಮಹಾಕದನಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ಇಂದು ನಡೆಯಲಿರುವ 59ನೇ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಮುಖಾಮುಖಿಯಾಗ್ತಿದೆ. ಉಭಯ ತಂಡಗಳ ಬಿಗ್ ಬ್ಯಾಟಲ್​ಗೆ ಲಕ್ನೋದ ಎಕಾನ ಸ್ಟೇಡಿಯಂ ವೇದಿಕೆಯಾಗಲಿದೆ. ಪ್ಲೇ ಆಫ್ ಎಂಟ್ರಿಯ ದೃಷ್ಟಿಯಿಂದ ಇವತ್ತಿನ ಪಂದ್ಯ ಭಾರೀ ಕುತೂಹಲ ಹುಟ್ಟು ಹಾಕಿದೆ. ಇದರ ಮಧ್ಯೆ ಯುದ್ಧದ ಭೀತಿ ಹಿನ್ನೆಲೆಯಲ್ಲಿ ಇವತ್ತಿನ ಪಂದ್ಯ ನಡೆಯೋದು ಅನುಮಾನ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಐಪಿಎಲ್ ಟೂರ್ನಿ ಸ್ಥಗಿತ ಸಾಧ್ಯತೆ.. ಸುಳಿವು ಕೊಟ್ಟ IPL ಮುಖ್ಯಸ್ಥ ಅರುಣ್ ಧಮಾಲ್..!

ಒಂದು ವೇಳೆ ಎಲ್ಲಾ ಸಮಸ್ಯೆಗಳನ್ನೂ ಮೆಟ್ಟಿ, ಪಂದ್ಯ ನಡೆದರೂ ಆರ್​ಸಿಬಿಗೆ ಒಂದಷ್ಟು ಸಂದಿಗ್ಧತೆ ಎದುರಾಗಿದೆ. ಅದು ಏನೆಂದು ನೋಡೋದಾದರೆ, ಜ್ವರದಿಂದಾಗಿ ಕಳೆದ 2 ಪಂದ್ಯಗಳಿಗೆ ಅಲಭ್ಯರಾಗಿದ್ದ ಫಿಲ್ ಸಾಲ್ಟ್​ ಚೇತರಿಸಿಕೊಂಡಿದ್ದಾರಾ? ಇಲ್ವಾ? ಅನ್ನೋದು ದೊಡ್ಡ ಪ್ರಶ್ನೆಯಾಗಿ ಕಾಡ್ತಿದೆ. ಫಿಲ್​ ಸಾಲ್ಟ್​ ಫಿಟ್​​ಸೆನ್​ ಬಗ್ಗೆ ಇನ್ನೂ ಕ್ಲಾರಿಟಿ ಸಿಕ್ಕಿಲ್ಲ. ಒಂದು ವೇಳೆ ಫಿಟ್​ ಆದ್ರೆ ಯಾರಿಗೆ ಅವಕಾಶ ಸಿಗುತ್ತೆ ಅನ್ನೋದು ಕುತೂಹಲ ಮೂಡಿಸಿದೆ. ಫಿಲ್ ಸಾಲ್ಟ್​ ಅಲಭ್ಯತೆಯಲ್ಲಿ ಜೇಕಬ್ ಬೆಥೆಲ್​ ಅಬ್ಬರಿಸಿದ್ದಾರೆ. ಹೀಗಾಗಿ ಮ್ಯಾನೇಜ್​ಮೆಂಟ್​​ ಬೆಥೆಲ್​ನ ಮುಂದುವರೆಸುತ್ತಾ? ಸಾಲ್ಟ್​​ಗೆ ಚಾನ್ಸ್​ ನೀಡುತ್ತಾ? ಕೊಹ್ಲಿ ಜೊತೆ ಇನ್ನಿಂಗ್ಸ್​ ಆರಂಭಿಸುವುದು ಯಾರು? ಅನ್ನೋ ಪ್ರಶ್ನೆ ಸಹಜವಾಗೇ ಕಾಡ್ತಿದೆ. ಇವರಿಬ್ಬರಲ್ಲಿ ಯಾರೇ ಇನ್ನಿಂಗ್ಸ್​ ಓಪನ್​ ಮಾಡಿದ್ರೂ ಸಾಲಿಡ್ ಓಪನಿಂಗ್ ಸಿಗೋದು ಫಿಕ್ಸ್. ಸೋ ನೋ ಟೆನ್ಶನ್.

ಪಡಿಕ್ಕಲ್​​​​​​​​​​​​​​​​​​​​​​​​​​​​​​​​​​​ ಔಟ್​.. 3ನೇ ಸ್ಲಾಟ್​ನಲ್ಲಿ ಯಾರು..?

ಗಾಯಗೊಂಡಿರೋ ಕನ್ನಡಿಗ ದೇವದತ್ತ್​ ಪಡಿಕ್ಕಲ್​ ಟೂರ್ನಿಯಿಂದ ಔಟ್​ ಆಗಿದ್ದಾರೆ. ಪಡಿಕ್ಕಲ್ ಬದಲಿಯಾಗಿ ಮತ್ತೊಬ್ಬ ಕನ್ನಡಿಗ ಮಯಾಂಕ್ ತಂಡ ಸೇರಿದ್ದಾರೆ. ಈ ಸ್ಲಾಟ್​ಗೆ ಮಯಾಂಕ್​​ ಬೆಸ್ಟ್​ ಚಾಯ್ಸ್​ ಅನ್ನೋದ್ರಲ್ಲಿ ಡೌಟೇ ಇಲ್ಲ. 3ನೇ ಕ್ರಮಾಂಕದಲ್ಲಿ ನಾಯಕ ರಜತ್ ಪಟಿದಾರ್​ಗೂ ಆಡಿದ ಅನುಭವವಿದೆ. ಹೀಗಾಗಿ ರಜತ್​ಗೆ 3ನೇ ಕ್ರಮಾಂಕಕ್ಕೆ ಪ್ರಮೋಟ್​ ಮಾಡಿಕೊಳ್ಳೋ ಸಾಧ್ಯತೆಯನ್ನ ತಳ್ಳಿಹಾಕುವಂತಿಲ್ಲ. ರಜತ್​​ ಒನ್​ ಡೌನ್​ ಕಣಕ್ಕಿಳಿದ್ರೆ ಲೋವರ್ ಆರ್ಡರ್​​ಗೆ ಮತ್ತಷ್ಟು ಬಲ ತುಂಬುವ ನಿಟ್ಟಿನಲ್ಲಿ ಮನೋಜ್ ಬಾಡಂಗೆಗೆ ತಂಡದಲ್ಲಿ ಸ್ಥಾನ ನೀಡಿದರೂ ಅಚ್ಚರಿ ಇಲ್ಲ.

ಜಿತೇಶ್ ಜಾದೂ ಮಾಡ್ಬೇಕು..

ಕೀಪಿಂಗ್​​​​ನಲ್ಲಿ ಮಿಂಚಿಂಗ್​ ಪರ್ಫಾಮೆನ್ಸ್​ ನೀಡ್ತಿರೋ ಜಿತೇಶ್​ ಶರ್ಮಾ, ಬ್ಯಾಟಿಂಗ್​ನಲ್ಲಿ ಅಸ್ಥಿರ ಪ್ರದರ್ಶನ ತಂಡಕ್ಕೆ ಹಿನ್ನಡೆಯಾಗ್ತಿದೆ. ಇದೀಗ ಪ್ಲೇ ಆಫ್​ಗೂ ಮುನ್ನ ಜಿತೇಶ್ ಒಂದು ಬಿಗ್ ಇನ್ನಿಂಗ್ಸ್ ಕಟ್ಟಿ ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳಬೇಕಿದೆ. ಡೇಂಜರಸ್ ಟಿಮ್ ಡೇವಿಡ್, ರೊಮಾರಿಯೊ ಶೆಫರ್ಡ್​ ಸ್ಲಾಗ್ ಓವರ್​ಗಳಲ್ಲಿ ಅಬ್ಬರಿಸಲು ರೆಡಿಯಾಗಿದ್ದು, ಇವರಿಬ್ಬರ ಜುಗಲ್​ಬಂದಿ ನಡೆದ್ರೆ ಲಕ್ನೋ ಕಂಗಾಲ್ ಆಗೋಗೋದು ಪಕ್ಕಾ.

ಇದನ್ನೂ ಓದಿ: ಪಾಕಿಸ್ತಾನಕ್ಕೆ ಮತ್ತೊಂದು ಮರ್ಮಾಘಾತ; AWACS ಛಿದ್ರಛಿದ್ರ.. ಏನಿದು..?

ಭುಜದ ನೋವಿನ ಕಾರಣಕ್ಕೆ ಚೆನ್ನೈ ಎದುರಿನ ಪಂದ್ಯಕ್ಕೆ ಅಲಭ್ಯರಾಗಿದ್ದ ಜೋಶ್ ಹೇಜಲ್​ವುಡ್ ಫಿಟ್​ನೆಸ್​ ಬಗ್ಗೆ ಇನ್ನೂ ಅನುಮಾನವಿದೆ. ಹೇಜಲ್​ವುಡ್​ ಇಲ್ಲದಿದ್ರೂ ನೋ ಟೆನ್ಶನ್. ಬೌಲಿಂಗ್​ ವಿಭಾಗ ಸಖತ್​ ಜೋಷ್​​ನಲ್ಲೇ ಇದೆ. ಹೇಜಲ್​ವುಡ್ ಬದಲಿಯಾಗಿ ಆಡಿದ್ದ ಲುಂಗಿ ಎನ್ಗಿಡಿ ಹೊಸ ಭರವಸೆ ಹುಟ್ಟು ಹಾಕಿದ್ದಾರೆ. ಭುವನೇಶ್ವರ್​ ಕುಮಾರ್​, ಯಶ್​ ದಯಾಳ್ ಉತ್ತಮ ಲಯದಲ್ಲಿದ್ದಾರೆ. ಹೀಗಾಗಿ ಚೆನ್ನೈ ಎದುರು ಕಣಕ್ಕಿಳಿದಿದ್ದ ತ್ರಿವಳಿ ಅಸ್ತ್ರವೇ ಲಕ್ನೋ ವಿರುದ್ಧವೂ ದಾಳಿ ಸಂಘಟಿಸೋ ಸಾಧ್ಯತೆಯಿದೆ.

ಲಕ್ನೋಗೆ ಡು ಆರ್​ ಡೈ..

ಇವತ್ತಿನ ಪಂದ್ಯ ಗೆದ್ರೆ ಆರ್​​ಸಿಬಿ ತಂಡ ಪ್ಲೇ ಆಫ್​​ ಸ್ಥಾನ ಕನ್ಫರ್ಮ್​ ಆಗಲಿದೆ. 11 ಪಂದ್ಯಗಳಲ್ಲಿ 5 ಪಂದ್ಯ ಗೆದ್ದಿರೋ ಲಕ್ನೋ ಸೂಪರ್​ ಜೈಂಟ್ಸ್​​ಗೆ ಈ ಪಂದ್ಯ ಮೊಸ್ಟ್​ ಇಂಪಾರ್ಟೆಂಟ್. ಲಕ್ನೋ ಗೆದ್ರೆ ಮಾತ್ರ ಪ್ಲೇ ಆಫ್​ ಕನಸು ಜೀವಂತವಾಗಿರಲಿದೆ. ಗೆಲುವಿಗಾಗಿ ಏಡೆನ್​ ಮಾರ್ಕಮ್, ಮಿಚೆಲ್ ಮಾರ್ಶ್​, ನಿಕೋಲಸ್ ಪೂರನ್​ರನ್ನೇ ನೆಚ್ಚಿಕೊಂಡಿರೋ ಲಕ್ನೋ ಇನ್​ಕನ್ಸಿಸ್ಟೆಂಟ್​ ಪರ್ಫಾಮೆನ್ಸ್​ನಿಂದ ಬಳಲಿಹೋಗಿದೆ. ಪೂರನ್​ ಆಟವೂ ಕೆಲ ಪಂದ್ಯಗಳಿಂದ ನಡೆದಿಲ್ಲ. ಕ್ಯಾಪ್ಟನ್​​ ಪಂತ್​​ ಅಂತೂ ಫ್ಲಾಪ್​ ಮೇಲೆ ಫ್ಲಾಪ್​ ಶೋ ನೀಡ್ತಿದ್ದಾರೆ. ಹೀಗಾಗಿ ಇಂದು ಲಕ್ನೋಗೆ ಲಕ್​ ಕೈ ಹಿಡಿಯಬೇಕಿದೆ.

ಇದನ್ನೂ ಓದಿ: ಅಧಿಕೃತ ವಿಡಿಯೋ ಹಂಚಿಕೊಂಡ ಭಾರತೀಯ ಸೇನೆ.. ಗಡಿಯಲ್ಲಿ ಪಾಕ್​​ ಡ್ರೋಣ್ ಪುಡಿಪುಡಿ..! VIDEO

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್