IPL ಹೊಸ ಅಧಿಪತಿ ಯಾರು ಆಗ್ತಾರೆ..? ಮೆಗಾ ಫೈನಲ್​ ಮೇಲೆ​​ ಕ್ರಿಕೆಟ್​​ ಲೋಕದ ಕಣ್ಣು!

ಐಪಿಎಲ್​​ನ ಹೊಸ ಅಧಿಪತಿ ಯಾರು..? ಈ ಸಿಂಹಾಸನ ಪಟ್ಟಕ್ಕೆ ಇಂದು ನಮೋ ಮೈದಾನದಲ್ಲಿ ಬಿಗ್ ಫೈಟ್​ ನಡೆಯಲಿದೆ. ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಈ ಸಲ​​​​​ ಕಪ್​ ನಮ್ದೇ ಎಂಬ ಆತ್ಮವಿಶ್ವಾಸದಲ್ಲಿದ್ರೆ, ಪಂಜಾಬ್ ಕಿಂಗ್ಸ್​ ನಾವ್​​​​​​​​​​​​​​​​ ಒಂದು ಕೈ ನೋಡೆ ಬಿಡೋಣ ಎಂಬ ಸವಾಲ್​ ಎಸೆಯುತ್ತಿದೆ. ರೆಡ್ ಆರ್ಮಿಗಳ ನಡುವಿನ​ ಮೆಗಾ ಫೈನಲ್​ ಮೇಲೆ​​ ಕ್ರಿಕೆಟ್​​ ಲೋಕದ ಕಣ್ಣು ನೆಟ್ಟಿದೆ.

ಸೀಸನ್-18ರ ಕಲರ್​ಫುಲ್​​​​​​​​​​​​​​​​​​​​​​ ಟೂರ್ನಿ ಕ್ಲೈಮ್ಯಾಕ್ಸ್ ಹಂತ ತಲುಪಿದೆ. 70 ರೋಚಕ ಲೀಗ್​ ಮ್ಯಾಚ್​ಗಳು, ಮೂರು ಹೈಟೆನ್ಶನ್​​ ಪ್ಲೇ-ಆಫ್​ ಪಂದ್ಯಗಳ ಕಾದಾಟ. ಒಂದು ರಣರೋಚಕ ಫೈನಲ್​. ಬರೋಬ್ಬರಿ ಮೂರು ತಿಂಗಳ ಮನರಂಜನೆಯ ಜಾತ್ರೆಗೆ ಇಂದು ಅದ್ಧೂರಿ ತೆರೆ ಬೀಳಲಿದೆ. ಮಿಲಿಯನ್​ ಡಾಲರ್​ ಟೂರ್ನಿಯ ನಯಾ ಚಾಂಪಿಯನ್ ಯಾರ್ ಆಗ್ತಾರೆ ಎಂಬ ಕ್ಯೂರಿಯಾಸಿಟಿ ಫ್ಯಾನ್ಸ್​ ವಲಯದಲ್ಲಿ ಹೆಚ್ಚಾಗ್ತಿದೆ.

ಐಪಿಎಲ್​ ಫೈನಲ್ಸ್​ನಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಹಾಗೂ ಪಂಜಾಬ್ ಕಿಂಗ್ಸ್​ ತಂಡಗಳು ಮುಖಾಮುಖಿ ಆಗ್ತಿದ್ದು, ರಣಕಣದಲ್ಲಿ ಕಪ್​ ಗೆಲ್ಲಲು ಪಣತೊಟ್ಟಿವೆ. ಇದಕ್ಕಾಗಿ ಇನ್ನಿಲ್ಲದ ಗೇಮ್ ಪ್ಲಾನ್, ಸ್ಟ್ರಾಟರ್ಜಿಗಳನ್ನೇ ರೂಪಿಸಿಕೊಂಡಿರುವ ಉಭಯ ತಂಡಗಳು, ಅಹ್ಮದಬಾದ್​ನ ನಮೋ ಸಾಲಿಡ್ ಪರ್ಫಾಮೆನ್ಸ್ ನೀಡೋ ಲೆಕ್ಕಾಚಾರದಲ್ಲಿವೆ.

18 ವರ್ಷಗಳ ಟ್ರೋಫಿ ವನವಾಸಕ್ಕೆ ಬೀಳುತ್ತಾ ಬ್ರೇಕ್​..?

ಟೂರ್ನಿಯುದ್ದಕ್ಕೂ ಅದ್ಭುತ ಪ್ರದರ್ಶನ ನೀಡಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಚೊಚ್ಚಲ ಐಪಿಎಲ್ ಟ್ರೋಫಿ ಗೆಲುವಿನ ಕನಸಿನಲ್ಲಿದೆ. ಇದಕ್ಕೆ ತಕ್ಕಂತ ಬಲಿಷ್ಠ ಪಡೆಯನ್ನೇ ಹೊಂದಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಓಪನರ್​ಗಳಾದ ವಿರಾಟ್ ಕೊಹ್ಲಿ, ಫಿಲ್ ಸಾಲ್ಟ್​ ಸ್ಪೋಟಕ ಓಪನಿಂಗ್ ನೀಡಿದ್ರೆ, ಅರ್ಧ ಮ್ಯಾಚ್ ಗೆದ್ದಂತೆಯೇ.

ಪ್ರಸಕ್ತ ಸೀಸನ್​ನಲ್ಲಿ ಕೊಹ್ಲಿ-ಸಾಲ್ಟ್​ ಜುಗಲ್​ಬಂದಿ

ಪ್ರಸಕ್ತ ಟೂರ್ನಿಯಲ್ಲಿ 12 ಪಂದ್ಯಗಳಲ್ಲಿ ಇನ್ನಿಂಗ್ಸ್ ಓಪನ್ ಮಾಡಿರುವ ವಿರಾಟ್​ ಕೊಹ್ಲಿ, ಫಿಲ್​ ಸಾಲ್ಟ್, 547 ರನ್ ದಾಖಲಿಸಿದ್ದಾರೆ. 45.58ರ ಅವರೇಜ್​ನಲ್ಲಿ ರನ್ ಗಳಿಸಿರುವ ಇವರಿಬ್ಬರು, 6 ಬಾರಿ ಅರ್ಧಶತಕಕ್ಕೂ ಹೆಚ್ಚು ರನ್​ಗಳ ಜೊತೆಯಾಟವಾಡಿದ್ದಾರೆ.

ಕೊಹ್ಲಿ V/S ಶ್ರೇಯಸ್.. ಹೇಜಲ್​ವುಡ್​ V/S ಆರ್ಷ್​​ದೀಪ್​​..!

ಉಭಯ ತಂಡಗಳ ಪಾಲಿನ ಮ್ಯಾಚ್​ ವಿನ್ನರ್​ಗಳೇ ಇವತ್ತಿನ ಐಪಿಎಲ್​ ಬ್ಯಾಟಲ್​ನ ಸೆಂಟರ್ ಆಫ್ ಅಟ್ರಾಕ್ಷನ್ ಅನಿಸಿದ್ದಾರೆ. ವಿರಾಟ್ ಕೊಹ್ಲಿ ವರ್ಸಸ್ ಶ್ರೇಯಸ್ ಅಯ್ಯರ್, ಜೋಶ್ ಹೇಜಲ್​ವುಡ್ ವರ್ಸಸ್ ಆರ್ಷ್​​​ದೀಪ್ ಸಿಂಗ್, ಇವರಲ್ಲಿ ಯಾರು ಮೇಲುಗೈ ಸಾಧಿಸ್ತಾರೋ ಅವರಿಗೆ ಕಪ್​​.!

14 ಪಂದ್ಯಗಳಿಂದ ವಿರಾಟ್​, 614 ರನ್ ಕೊಳ್ಳೆ ಹೊಡೆದಿದ್ರೆ. ಪಂಜಾಬ್ ಪರ ಶ್ರೇಯಸ್ ಅಯ್ಯರ್​, 16 ಪಂದ್ಯಗಳಿಂದ 603 ರನ್ ಸಿಡಿಸಿದ್ದಾರೆ. ಆರ್​ಸಿಬಿ ಪರ ಜೋಶ್ ಹೇಜಲ್​ವುಡ್ 11 ಪಂದ್ಯಗಳಿಂದ 21 ವಿಕೆಟ್ ಬೇಟೆಯಾಡಿದ್ರೆ, ಪಂಜಾಬ್ ಪರ ಅರ್ಶ್​ದೀಪ್ ಸಿಂಗ್ 18 ವಿಕೆಟ್ ಕಬಳಿಸಿದ್ದಾರೆ.

ಟಿಮ್ ಡೇವಿಡ್ ಬ್ಯಾಕ್.. ಡೆಡ್ಲಿ ಕ್ಯಾಮಿಯೋ ನಡೆಯುತ್ತಾ..?

ಇಂಜುರಿ ಕಾರಣಕ್ಕೆ ಕೆಲ ಪಂದ್ಯಗಳಿಂದ ಬೆಂಚ್ ಕಾದಿರುವ ಟಿಮ್ ಡೇವಿಡ್, ಫುಲ್ ಫಿಟ್ ಆಗಿದ್ದಾರೆ. ಈ ಕಾರಣಕ್ಕೆ ಇವತ್ತಿನ ಪಂದ್ಯದಲ್ಲಿ ಕಣಕ್ಕಿಳಿಯೋದು ಫಿಕ್ಸ್. ಟೀಮ್ ಡೇವಿಡ್​ ಜೊತೆ ದೈತ್ಯ ರೊಮರಿಯೊ ಶೆಫರ್ಡ್ ಸಿಡಿದ್ರೆ, ನಮೋ ಮೈದಾನದಲ್ಲಿ ಪಂಜಾಬ್ ಬೌಲರ್​ಗಳ ಮಾರಣಹೋಮ ನಡೆಯಲಿದೆ.

ಇದನ್ನೂ ಓದಿ:RCB ಫೈನಲ್​ನಲ್ಲಿ ಗೆದ್ದರೇ ಎಷ್ಟು ಕೋಟಿ ದುಡ್ಡು ಸಿಗುತ್ತೆ..? ರನ್ನರ್​ ಅಪ್​ಗೂ ಭಾರೀ ಹಣ!

ಕ್ವಾಲಿಫೈಯರ್​​-1 ಸೇಡಿನ ತವಕದಲ್ಲಿ ಶ್ರೇಯಸ್ ಅಯ್ಯರ್​!

ಶ್ರೇಯಸ್ ಅಯ್ಯರ್ ನಾಯಕತ್ವದ ಪಂಜಾಬ್, ಆರ್​ಸಿಬಿ ಎದುರಿನ 3 ಪಂದ್ಯಗಳ ಪೈಕಿ 2ರಲ್ಲಿ ಸೋತಿರಬಹುದು. ಆದ್ರೆ, ಅಷ್ಟೇ ಅಪಾಯಕಾರಿ ಟೀಮ್​​ ಅನ್ನೋದನ್ನ ಮರೆಯುವಂತಿಲ್ಲ. ಅದಕ್ಕೆ ಬೆಸ್ಟ್​ ಎಕ್ಸಾಂಪಲ್​ ಮುಂಬೈ ಇಂಡಿಯನ್ಸ್ ಎದುರಿನ ಕ್ವಾಲಿಫೈಯರ್​ ಮ್ಯಾಚ್.. ಹೀಗಾಗಿ ಪಂಜಾಬ್ ಕಿಂಗ್ಸ್ ಎದುರು ಎಚ್ಚರಿಕೆಯ ಆಟವಾಡೋದು ಮೋಸ್ಟ್ ಇಂಪಾರ್ಟೆಂಟ್.

ಇದಿಷ್ಟೇ ಅಲ್ಲ.! ಶ್ರೇಯಸ್​ ಅಯ್ಯರ್​ಗೆ ಕಳೆದೊಂದು ವರ್ಷದಿಂದ ಲಕ್ ಫ್ಯಾಕ್ಟರ್ ಸಖತ್​ ವರ್ಕ್​ ಆಗ್ತಾ ಇದೆ. 2024ರ ಐಪಿಎಲ್ ಸೇರಿದಂತೆ ಡೊಮೆಸ್ಟಿಕ್ ಕ್ರಿಕೆಟ್​ನಲ್ಲಿ ಆಡಿದ ಫೈನಲ್​​ಗಳಲ್ಲಿ ಎಲ್ಲಾ ಟ್ರೋಫಿಗೆ ಮುತ್ತಿಟ್ಟಿದ್ದಾರೆ. 18 ವರ್ಷಗಳಿಂದ ಟ್ರೋಫಿ ಗೆಲುವಿನ ಕನಸು ಕಾಣ್ತಿರುವ ಈ ಉಭಯ ತಂಡಗಳು, ಇವತ್ತು ರಣಕಣದಲ್ಲಿ ಮುಖಾಮುಖಿಯಾಗ್ತಿವೆ. ಗೆಲುವಿಗಾಗಿ ನಾನಾ ರಣತಂತ್ರಗಳನ್ನ ರೂಪಿಸಿವೆ. ಯಾರ ಕನಸು ನನಸಾಗುತ್ತೆ ಜಸ್ಟ್ ವೇಯ್ಟ್ ಆ್ಯಂಡ್ ಸೀ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ