RCBಗೆ ಇಂದು ಮಹತ್ವದ ಪಂದ್ಯ.. ಎದುರಾಳಿಯ 5 ಬ್ಯಾಟರ್ಸ್​ ಔಟ್ ​​ಮಾಡೋದೆ ಚಾಲೆಂಜ್​​!

ಆರ್​​ಸಿಬಿಯ ಕಣ್ಣು ಇಂದು ಟಾಪ್​​​-2 ಸ್ಥಾನದ ಮೇಲಿದೆ. ಅತ್ತ ಕಳೆದುಕೊಳ್ಳೋಕೆ ಏನೂ ಇಲ್ಲ ಅಂತಿರೋ ಸನ್​​ರೈಸರ್ಸ್​ ಹೈದ್ರಾಬಾದ್​ ಆರ್​​ಸಿಬಿಗೆ ಮತ್ತೊಮ್ಮೆ ವಿಲನ್​ ಆಗೋಕೆ ರೆಡಿಯಾಗಿದೆ. ಈಗಾಗಲೇ ಲಕ್ನೋ ತಂಡದ ಪ್ಲೇ ಆಫ್​​ ಕನಸನ್ನ ನುಚ್ಚು ನೂರು ಮಾಡಿರೋ ಹೈದ್ರಾಬಾದ್​ ಇದೀಗ ಆರ್​​ಸಿಬಿಯನ್ನೂ ಕಾಡಲು ಸಜ್ಜಾಗಿದೆ. ಈ ಐವರ ಪವರ್​ಕಟ್​ ಮಾಡದಿದ್ರೆ, ಆರ್​​ಸಿಬಿಗೆ ಸಂಕಷ್ಟ ತಪ್ಪಿದ್ದಲ್ಲ.

IPL ಸೆಕೆಂಡ್​ ಹಾಫ್​​ನ ಮತ್ತೊಂದು ಮೆಗಾ ಕದನಕ್ಕೆ ಕೌಟ್​ಡೌನ್​ ಶುರುವಾಗಿದೆ. ಟಾಪ್​ 2 ಸ್ಥಾನದ ಮೇಲೆ ಕಣ್ಣಿಟ್ಟಿರೋ ಆರ್​​ಸಿಬಿ, ಕಳೆದುಕೊಳ್ಳೋಕೆ ಏನೂ ಇಲ್ಲ ಅಂತಿರೋ ಸನ್​​ರೈಸರ್ಸ್​​ ಹೈದ್ರಾಬಾದ್​ ಲಕ್ನೋದಲ್ಲಿ ಅದೃಷ್ಟ ಪರೀಕ್ಷೆಗೆ ಇಳೀತಿವೆ. ಸಾಲಿಡ್​ ಪರ್ಫಾಮೆನ್ಸ್​​ ನೀಡಿ ಪ್ಲೇ ಆಫ್​​ಗೆ ಎಂಟ್ರಿ ಕೊಟ್ಟಿರೋ ಆರ್​​ಸಿಬಿ ಏನೋ ಗೆಲ್ಲೋ ಆತ್ಮವಿಶ್ವಾಸದ ಅಲೆಯಲ್ಲಿದೆ. ಆದ್ರೆ, ಈಗಾಗಲೇ ಲಕ್ನೋ ಪ್ಲೇ ಕನಸನ್ನ ನುಚ್ಚು ನೂರು ಮಾಡಿರೋ ಹೈದ್ರಾಬಾದ್, ಟಾಪ್​ 2 ಸ್ಥಾನದ ಕನಸು ಕಾಣ್ತಿರೋ​​ ಆರ್​​ಸಿಬಿಗೆ ಶಾಕ್​ ಕೊಡೋ ಲೆಕ್ಕಾಚಾರದಲ್ಲಿದೆ. ಆರ್​​ಸಿಬಿ ಇಂದು ಗೆದ್ದು ಬೀಗಬೇಕಂದ್ರೆ ಈ ಐವರ ಪವರ್​​ ಕಟ್​ ಮಾಡಲೇಬೇಕಿದೆ.

ಅಭಿಷೇಕ್​ ಶರ್ಮಾ ಸೆಟಲ್​ ಆದ್ರೆ ‘ರನ್ ​ಅಭೀಷೇಕ’ ಪಕ್ಕಾ.!

ಅಭಿಷೇಕ್​ ಶರ್ಮಾ.. ಈ ಸೀಸನ್​ನಲ್ಲಿ ಹೈದ್ರಾಬಾದ್​ ತಂಡದ ಟಾಪ್​ ರನ್​ ಸ್ಕೋರರ್​.! ಕಳೆದ 2 ಪಂದ್ಯಗಳಿಂದಂತೂ ವಿಸ್ಪೋಟಕ ಬ್ಯಾಟಿಂಗ್​ ನಡೆಸಿರೋ ಅಭಿಷೇಕ್​ ಸಾಲಿಡ್​​ ಫಾರ್ಮ್​​​ನಲ್ಲಿದ್ದಾರೆ. ಪವರ್​​ ಪ್ಲೇನಲ್ಲಿ ಪವರ್​​ಫುಲ್​ ಬ್ಯಾಟಿಂಗ್​ ನಡೆಸೋ ಅಭಿಷೇಕ್​ ಶರ್ಮಾ ಸೆಟಲ್​ ಆದ್ರೆ, ಲಕ್ನೋನ ಬ್ಯಾಟಿಂಗ್​ ಟ್ರ್ಯಾಕ್​ನಲ್ಲಿ ರನ್​ಅಭಿಷೇಕ ಮಾಡಿ ಬಿಡ್ತಾರೆ. ಈ ಯಂಗ್​​ ಬ್ಯಾಟರ್​ಗೆ ಸೆಟಲ್​ ಆಗೋಕೆ ಅವಕಾಶವನ್ನೇ ನೀಡ್ಬಾರ್ದು.

ಸಾಮರ್ಥ್ಯ ನಿರೂಪಿಸೋ ಛಲದಲ್ಲಿ ಇಶಾನ್​ ಕಿಶನ್​.!

11.25 ಕೋಟಿಗೆ ಈ ಸೀಸನ್​ನಲ್ಲಿ ಸನ್​ರೈಸರ್ಸ್​​ ಹೈದ್ರಾಬಾದ್​ ಸೇರಿದ ಇಶಾನ್​ ಕಿಶನ್​ ಮೊದಲ ಪಂದ್ಯದಲ್ಲೇ ಸ್ಪೋಟಕ ಶತಕ ಸಿಡಿಸಿದ್ರು. ಆ ಬಳಿಕ ಫುಲ್​ ಸೈಲೆಂಟ್​ ಆಗಿದ್ದಾರೆ. ಸತತ ವೈಫಲ್ಯ ಕಂಡಿರೋ ಇಶಾನ್​ ಕಿಶನ್​, ಟೂರ್ನಿ ಅಂತ್ಯಕ್ಕೂ ಮುನ್ನ ತನ್ನ ಸಾಮರ್ಥ್ಯ ನಿರೂಪಿಸೋ ಛಲದಲ್ಲಿದ್ದಾರೆ. ಕಳೆದ ಪಂದ್ಯದಲ್ಲಿ ಲಕ್ನೋ ಎದುರು ಡಿಸೆಂಟ್​ ಇನ್ನಿಂಗ್ಸ್​​ ಕಟ್ಟಿ ರಿಧಮ್ ಕಂಡುಕೊಂಡಿರೋ ಕಿಶನ್​​, ಆರ್​​ಸಿಬಿಗೆ ಥ್ರೆಟ್​ ಆಗೋ ಸಾಧ್ಯತೆಯಿದೆ.

‘ಕಿಲ್ಲರ್​ ಕ್ಲಾಸೆನ್​’.! ಡೆತ್​ ಓವರ್​​ಗಳಲ್ಲಿ ಡೇಂಜರ್​​.!

ಕಿಲ್ಲರ್​ ಕ್ಲಾಸೆನ್​ ಈ ಸೀಸನ್​ನಲ್ಲಿ ಇಡೀ ಸೀಸನ್​ನಲ್ಲಿ ಸನ್​​ರೈಸರ್ಸ್​ ಹೈದ್ರಾಬಾದ್​ ಸಂಕಷ್ಟಕ್ಕೆ ಸಿಲುಕಿದಾಗೆಲ್ಲಾ ಕ್ರಿಸ್​ ಕಚ್ಚಿ ನಿಂತಿದ್ದಾರೆ. ಈ ಸೀಸನ್​ನಲ್ಲಿ ಕನ್ಸಿಸ್ಟೆಂಟ್​ ಆಟವನ್ನಾಡ್ತಿರೋ ಹೆನ್ರಿಚ್​ ಕ್ಲಾಸೆನ್​ ಡೆತ್​ ಓವರ್​ಗಳಲ್ಲಿ​​ ಡೇಂಜರಸ್​​ ಬ್ಯಾಟಿಂಗ್​ ನಡೆಸಿದ್ದಾರೆ. ಸೀಸನ್​ 18ರಲ್ಲಿ ಅಂತಿಮ ಓವರ್​​ಗಳಲ್ಲಿ 223.80ರ ರನ್​ಕೊಳ್ಳೆ ಹೊಡೆದಿರೋ ಕ್ಲಾಸೆನ್​, ಜೋಶ್​ ಹೇಜಲ್​​ವುಡ್​ ಇಲ್ಲದ ಬೌಲಿಂಗ್​ ವಿಭಾಗಕ್ಕೆ ಸವಾಲಾಗಲಿದ್ದಾರೆ.

ಪವರ್​ಫುಲ್​​ ಪ್ಯಾಟ್​​ ಕಮಿನ್ಸ್​ ಆರಂಭದ ಥ್ರೆಟ್​​.!

ಕ್ಯಾಪ್ಟನ್​ ಪ್ಯಾಟ್​​ ಕಮಿನ್ಸ್ ಸನ್​ರೈಸರ್ಸ್​​ ಹೈದ್ರಾಬಾದ್​​ ಪಡೆಯ ಶಕ್ತಿ. ಚಾಣಾಕ್ಷ ನಾಯಕತ್ವ ಒಂದೆಡೆಯಾದ್ರೆ, ಪವರ್​​ಫುಲ್​ ಬೌಲಿಂಗ್​ ಇನ್ನೊಂದೆಡೆ. ಹೊಸ ಬಾಲ್​ನೊಂದಿಗೆ ದಾಳಿಗಿಳಿಯೋ ಪ್ಯಾಟ್​ ಕಮಿನ್ಸ್​​, ಬ್ಯಾಟ್ಸ್​​​ಮನ್​ಗಳಿಗೆ ಟ್ರಬಲ್​ ಮಾಡ್ತಾರೆ. ಇಂದಿನ ಪಂದ್ಯದಲ್ಲಿ ಆರ್​​ಸಿಬಿಯ ಆರಂಭಿಕರಾದ ಫಿಲ್​ ಸಾಲ್ಟ್​ ಹಾಗೂ ವಿರಾಟ್​ ಕೊಹ್ಲಿಗೆ​ ಇರೋ ದೊಡ್ಡ ಸವಾಲೇ ಈ ಕಮಿನ್ಸ್​.! ಕಮಿನ್ಸ್​ ಎದುರಿನ ಬ್ಯಾಟಲ್​ ಗೆದ್ರೆ, ಆರ್​​ಸಿಬಿಗೆ ಗುಡ್​​ ಸ್ಟಾರ್ಟ್​ ಸಿಕ್ಕಂತೆ, ಅರ್ಧ ಪಂದ್ಯವನ್ನೂ ಗೆದ್ದಂತೆ.!

ಇದನ್ನೂ ಓದಿ: RCB ಬೌಲಿಂಗ್ ಓಕೆ.. ಬ್ಯಾಟಿಂಗ್​ನಲ್ಲಿ ಇಂದು ಕ್ಯಾಪ್ಟನ್​, ವಿಕೆಟ್​ ಕೀಪರ್ ಸಿಡಿದೇಳಬೇಕು!

ಮಿಡಲ್​​ ಆರ್ಡರ್​ ಬ್ಯಾಟಿಂಗ್​ಗೆ ಹರ್ಷಲ್​ ಸವಾಲು.!

ಈ ಹಿಂದೆ ಆರ್​​ಸಿಬಿಯಲ್ಲಿದ್ದ ಹರ್ಷಲ್​ ಪಟೇಲ್​ ಈಗ ಹೈದ್ರಾಬಾದ್​ ತಂಡದಲ್ಲಿದ್ದಾರೆ. ಈ ಸೀಸನ್​ನಲ್ಲಿ ಹೈದ್ರಾಬಾದ್​ನ ಮೋಸ್ಟ್​ ಸಕ್ಸಸ್​​ಪುಲ್​ ಬೌಲರ್​​ ಅನಿಸಿರೋ ಹರ್ಷಲ್​ 15 ವಿಕೆಟ್​ ಬೇಟೆಯಾಡಿದ್ದಾರೆ. ಸ್ಲೋವರ್ ಕಟ್ಟರ್ ಎಕ್ಸಪರ್ಟ್​​​ ಹರ್ಷಲ್​, ಮಿಡಲ್​ ಓವರ್​ಗಳಲ್ಲಿ ಎದುರಾಳಿ ತಂಡಗಳ ರನ್​ಗಳಿಕೆಗೆ ಬ್ರೇಕ್​ ಹಾಕೋದ್ರಲ್ಲಿ ನಿಸ್ಸೀಮ. ಇಂದಿನ ಪಂದ್ಯದಲ್ಲೂ ಆರ್​​ಸಿಬಿ ಮಿಡಲ್​ ಆರ್ಡರ್​ ಬ್ಯಾಟಿಂಗ್​ಗೆ​ ಹರ್ಷಲ್​ ಸವಾಲಾಗಲಿದ್ದಾರೆ.

ಈಗಾಗಲೇ ಟೂರ್ನಿಯಿಂದ ಹೊರಬಿದ್ದಿರೋ ಸನ್​ರೈಸರ್ಸ್​​ ಹೈದ್ರಾಬಾದ್​ ಸದ್ಯ ಫುಲ್​ ಕೇರ್​​ ಫ್ರೀ. ಗೆದ್ರೂ ಅಷ್ಟೇ.. ಸೋತ್ರೂ ಅಷ್ಟೇ.. ಕಳೆದುಕೊಳ್ಳೋಕೆ ಏನೂ ಇಲ್ಲ. ಮೊದಲೇ ಫಿಯರ್​​ಲೆಸ್​​ & ಅಗ್ರೆಸ್ಸಿವ್​ ಬ್ರ್ಯಾಂಡ್​ ಆಫ್​ ಕ್ರಿಕೆಟ್​ಗೆ ಹೆಸರುವಾಸಿಯಾಗಿರೋ ಸನ್​ರೈಸರ್ಸ್​​ ಹೈದ್ರಾಬಾದ್​ ಆರ್​​ಸಿಬಿಗೆ ಇಂದು ಥ್ರೆಟ್​ ಆಗೋ ಸಾಧ್ಯತೆ ಹೆಚ್ಚಿದೆ. ಹೀಗಾಗಿ ಆರ್​​ಸಿಬಿ ಎಚ್ಚರಿಕೆಯ ಆಟವಾಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ