RCB ಗೆಲುವು; ಕರ್ನಾಟಕ ಅಲ್ಲ, ಅಮೆರಿಕದಲ್ಲೂ ಕನ್ನಡಿಗರ ವಿಜೃಂಭಣೆಯ ಸಂಭ್ರಮ ಹೇಗಿತ್ತು..?

ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಪಂಜಾಬ್ ವಿರುದ್ಧ ಜಯಭೇರಿ ಬಾರಿಸುತ್ತಿದ್ದಂತೆ ಕರ್ನಾಟಕ ಸೇರಿದಂತೆ ವಿಶ್ವದೆಲ್ಲೆಡೆ ಸೆಲೆಬ್ರೆಷನಲ್ ಮಾಡಲಾಗಿದೆ. ಸುದೀರ್ಘ ಕಾಲದ ಕನಸೊಂದಕ್ಕೆ ರಜತ್ ನೇತೃತ್ವದ ತಂಡ ಬಿಗ್ ಬ್ರೇಕ್ ಹಾಕಿದೆ. ಆರ್​ಸಿಬಿಗೆ ಕೇವಲ ಕರ್ನಾಟಕದಲ್ಲಿ ಮಾತ್ರ ಅಲ್ಲ, ಎಲ್ಲಿಯೇ ಹೋದರೂ ಫ್ಯಾನ್ಸ್​ ಇದ್ದಾರೆ. ಇದಕ್ಕೆ ಸಂಬಂಧಿಸಿದಂತೆ ಬೆಂಗಳೂರು ತಂಡ ಗೆಲ್ಲುತ್ತಿದ್ದಂತೆ ಅಮೆರಿಕದಲ್ಲೂ ಕನ್ನಡಿಗರು ಸಂಭ್ರಮ ಪಟ್ಟಿದ್ದಾರೆ.

ಅಮೆರಿಕದ ಸಿಯಾಟಲ್‌ನಲ್ಲೂ ಕನ್ನಡಿಗರು ಆರ್​ಸಿಬಿ ಗೆಲುವಿನ ಸಂಭ್ರಮಾಚರಣೆಯನ್ನ ಮಾಡಿದ್ದಾರೆ. ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಐಪಿಎಲ್​ ಕಪ್​ ತನ್ನದಾಗಿಸಿಕೊಂಡಿದ್ದು, ತನ್ನ 18 ವರ್ಷಗಳ ಕನಸನ್ನು ಕೊನೆಗೂ ನನಸು ಮಾಡಿದೆ. ಈ ಹಿನ್ನೆಲೆಯಲ್ಲಿ ಅಮೆರಿಕದ ಸಿಯಾಟಲ್ ನಗರದಲ್ಲಿ ಇರುಂತಹ ಎಲ್ಲ ಕನ್ನಡಿಗರು ಉತ್ಸಾಹದಿಂದ ಒಂದೆಡೆ ಸೇರಿ ಸೆಲೆಬ್ರೆಷನ್ ಮಾಡಿದ್ದಾರೆ.

ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಆರ್​ಸಿಬಿ ವಿಜಯ ಸಾಧಿಸಿದರೂ ದೂರದ ಅಮೆರಿಕದ ಸಿಯಾಟಲ್​ನಲ್ಲಿರುವ ಕನ್ನಡಿಗರು ಮಾವಳ್ಳಿ ಟಿಫೀನ್​ ಸೆಂಟರ್​ನಲ್ಲಿ ಒಟ್ಟಿಗೆ ಸೇರಿ ಚಿಯರ್ ಅಪ್ ಮಾಡಿದ್ದಾರೆ. ಜೊತೆಗೆ ಘೋಷಣೆ ಕೂಡ ಕೂಗಿದ್ದಾರೆ. ಈ ಸಲ ಕಪ್​ ನಮ್ದು.. ಮುಂದಿನ ಸಲ ಕಪ್ ಕೂಡ ನಮ್ದೇ ಎಂದು ಕೂಗಿದ್ದಾರೆ. ಆರ್​ಸಿಬಿ ಜೆರ್ಸಿ ಧರಿಸಿಕೊಂಡು ಸಾಲಾಗಿ ಕುಳಿತಿರುವ ಕನ್ನಡಿಗರು ಆರ್​ಸಿಬಿ.. ಆರ್​ಸಿಬಿ.. ಆರ್​ಸಿಬಿ.. ಎಂದು ಹೇಳಿ ಬಳಿಕ ಮಸಾಲೆ ದೋಸೆಯನ್ನು ಸಂತಸದಿಂದ ಸವಿದಿದ್ದಾರೆ.

ಇದನ್ನೂ ಓದಿ: ಟ್ರೋಫಿ ಮೇಲಿದ್ದನ್ನ ಓಪನ್ ಮಾಡಿದ ಕಿಂಗ್​​ ಕೊಹ್ಲಿ.. ಒಳಗೆ ನೋಡಿ ಸಾಲ್ಟ್, ವಿರಾಟ್ ಫುಲ್ ನಗು! -Video​

ಫೈನಲ್​ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಆರ್‌ಸಿಬಿ ಟೀಮ್ ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್‌ ಕಳೆದುಕೊಂಡು 191 ರನ್​​ಗಳ ಟಾರ್ಗೆಟ್ ನೀಡಿತ್ತು. ಈ ಗುರಿಯನ್ನು ಸ್ವೀಕರಿಸಿದ್ದ ಎದುರಾಳಿ ಪಂಜಾಬ್ ಕಿಂಗ್ಸ್ ತಂಡ 20 ಓವರ್‌ಗಳಲ್ಲಿ 7 ವಿಕೆಟ್‌ಗಳಿಗೆ 184 ರನ್‌ಗಳನ್ನು ಮಾತ್ರ ಗಳಿಸಿತು. ಇದರಿಂದ ಕೇವಲ 6 ರನ್​​ಗಳಿಂದ ಟ್ರೋಫಿಯಿಂದ ವಂಚಿತ ಆಯಿತು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ