ಬೆಂಗಳೂರಲ್ಲಿ ‘ವಿರಾಟ್‌’ ವೀರಾವೇಷದ ಆನ್ಸರ್​​.. RCB ‘ಸಿಕ್ಸರ್​​ ಕಿಂಗ್​​’ ಮುಂದೆ ಚೆನ್ನೈ ಚಿಂದಿ!

ಐಪಿಎಲ್ ಸೀಸನ್​ 18ರಲ್ಲಿ ಜೆರ್ಸಿ ನಂಬರ್​​ 18ರದ್ದೇ ಅಬ್ಬರ. ಐಪಿಎಲ್​ಗೆ ನಾನೇ ಕಿಂಗ್​​​ ಅನ್ನೋದನ್ನ ವಿರಾಟ್​ ಕೊಹ್ಲಿ ಪಂದ್ಯದಿಂದ ಪಂದ್ಯಕ್ಕೆ ನಿರೂಪಿಸ್ತಿದ್ದಾರೆ. ವಿರಾಟನ ವೀರಾವೇಶಕ್ಕೆ ಎದುರಾಳಿಗಳು ಬೆಚ್ಚಿ ಬೀಳ್ತಿದ್ದಾರೆ. ನಿನ್ನೆಯೂ ಅಷ್ಟೇ ಚಿನ್ನಸ್ವಾಮಿ ಅಂಗಳದಲ್ಲಿ ಚೆನ್ನೈನ ಚಿಂದಿ ಉಡಾಯಿಸಿ ಬಿಟ್ರು.

ಮಿಲಿಯನ್​ ಡಾಲರ್​​ ಟೂರ್ನಿ ಐಪಿಎಲ್​​ ವಿಶ್ವದ ಉಳಿದೆಲ್ಲಾ ಕ್ರಿಕೆಟ್​ ಲೀಗ್​ಗಳಿಗೂ ಬಾಸ್​. ಆದ್ರೆ, ಈ ಐಪಿಎಲ್​ ವಿರಾಟ್​ ಕೊಹ್ಲಿನೇ ಬಾಸ್​. ನಮ್ಮ ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನ ಇದ್ಯಲ್ಲ ಇದು ಕೊಹ್ಲಿಯ ಕಿಂಗ್​ಡಮ್​​. ಇಲ್ಲಿ ಕೊಹ್ಲಿಯದ್ದೇ ದರ್ಬಾರ್​. ಕೊಹ್ಲಿಯದ್ದೇ ಕಾರುಬಾರ್.

ಕಿಂಗ್​​ಡಮ್​ನಲ್ಲಿ ಘರ್ಜಿಸಿದ ಕಿಂಗ್​ ಕೊಹ್ಲಿ ಬೆಚ್ಚಿದ ಚೆನ್ನೈ
ವಿರಾಟ್​ ವೀರಾವೇಷ, ಚೆನ್ನೈ ಥಂಡಾ, ಫ್ಯಾನ್ಸ್​ಗೆ ಹಬ್ಬ
ಬದ್ಧವೈರಿ ಚೆನ್ನೈ ಸೂಪರ್​ ಕಿಂಗ್ಸ್​​ ತಂಡದ ವಿರುದ್ಧದ ಬ್ಯಾಟಲ್​ನಲ್ಲಿ ಕಿಂಗ್​ ಕೊಹ್ಲಿ ಅಸಲಿ ತಾಕತ್ತನ್ನ ತೋರಿಸಿದ್ರು. ಅಬ್ಬಾ ಏನ್​ ಆಟ ಅದು. ಈ ಸೀಸನ್​ ಐಪಿಎಲ್​ನಲ್ಲಿ ಕೊಹ್ಲಿಯ ಈ ಅವತಾರವನ್ನ ಯಾರೂ ನೋಡೇ ಇರಲಿಲ್ಲ. ವಿಕೆಟ್​ ಮಧ್ಯೆ ಓಡಿಯೇ ರನ್​ ಕೊಳ್ಳೆ ಹೋಡಿತಿದ್ದ ವಿರಾಟ್​​, ಕ್ಲಾಸಿಕ್​ ಬೌಂಡರಿಗಳನ್ನ ಬಾರಿಸಿ ರಂಜಿಸ್ತಿದ್ರು. ಆದ್ರೆ, ನಿನ್ನೆ ಕೊಹ್ಲಿಯ ಆಟದ ಶೈಲಿಯೇ ಬದಲಾಗಿ ಬಿಡ್ತು. ವಿರಾಟ್​ ವೀರಾವೇಶಕ್ಕೆ ಚೆನ್ನೈ ಬೌಲರ್ಸ್​ ಬೆಸ್ತು ಬಿದ್ರು.

ಸ್ಟ್ರೈಕ್​ರೇಟ್​ ಬಗ್ಗೆ ಪ್ರಶ್ನಿಸಿದವರಿಗೆ ವೀರಾವೇಷದ ಆನ್ಸರ್​​!
ಈ ಸೀಸನ್​ನಲ್ಲಿ ಸಾಲಿಡ್​ ಪರ್ಫಾಮೆನ್ಸ್​ ನೀಡ್ತಾ ಇದ್ರೂ, ಕೊಹ್ಲಿ ಅಗ್ರೆಸ್ಸಿವ್​ ಅವತಾರದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಸ್ಟ್ರೈಕ್​​ರೇಟ್​ ಬಗ್ಗೆ ಪ್ರಶ್ನೆಗಳು ಎದ್ದಿದ್ವು. ನಿನ್ನೆ ಈ ಪ್ರಶ್ನೆಗೆ ವೀರಾವೇಷದ ಆನ್ಸರ್​ ಕೊಟ್ರು. ಕಿಂಗ್​​ಡಮ್​ ಚಿನ್ನಸ್ವಾಮಿಯಲ್ಲಿ ಬ್ಯಾಕ್​ ಟು ಬ್ಯಾಕ್​ ಸಿಕ್ಸರ್​​ಗಳನ್ನೆಲ್ಲಾ ಸಿಡಿಸಿ ಫ್ಯಾನ್ಸ್​ನ ರಂಜಿಸಿದ್ರು. ಜಸ್ಟ್​ 33 ಎಸೆತಗಳಲ್ಲಿ 62 ರನ್​ ಚಚ್ಚಿದ ಕೊಹ್ಲಿ ಇನ್ನಿಂಗ್ಸ್​ನಲ್ಲಿ 5 ಬೌಂಡರಿ, 5 ಸಿಕ್ಸರ್​​​ಗಳಿದ್ವು. ಅಂದ್ಹಾಗೆ ಕೊಹ್ಲಿಯ ಸ್ಟ್ರೈಕ್​ರೇಟ್​​ ಎಷ್ಟು ಗೊತ್ತಾ ಬರೋಬ್ಬರಿ 187.88.

ಸಿಕ್ಸರ್​​ ತ್ರಿಶತಕ..! ಆರ್​​ಸಿಬಿಯ ‘ಸಿಕ್ಸರ್​​ ಕಿಂಗ್​​’.!
ಚೆನ್ನೈನ ಚಿಂದಿ ಉಡಾಯಿಸಿದ ವಿರಾಟ್​ ಕೊಹ್ಲಿ ಸಿಕ್ಸರ್​​ ಸಿಡಿಸೋದ್ರಲ್ಲಿ ಹೊಸ ದಾಖಲೆ ಬರೆದ್ರು. ಆರ್​​ಸಿಬಿ ಪರ ಗರಿಷ್ಠ ಸಿಕ್ಸರ್​ ಸಿಡಿಸಿ ಸಾಧನೆ ಮಾಡಿದ್ರು. 300 ಸಿಕ್ಸರ್​​ಗಳ ಗಡಿ ದಾಟಿದ ಆರ್‌ಸಿಬಿಯ ಏಕೈಕ ಬ್ಯಾಟ್ಸ್​ಮನ್​ ಎಂಬ ದಾಖಲೆ ಬರೆದ್ರು. 18 ಸೀಸನ್​​ಗಳಿಂದ ಆರ್​ಸಿಬಿ ಪರ ಆಡ್ತಿರೋ ವಿರಾಟ್​ ಕೊಹ್ಲಿ ಈವರೆಗೆ 302 ಸಿಕ್ಸರ್​ ಚಚ್ಚಿದ ಸಾಧನೆ ಮಾಡಿದ್ದಾರೆ.

ಕಿಂಗ್​ ಕೊಹ್ಲಿ ಮುಡಿಗೆ ಆರೆಂಜ್​ ಕ್ಯಾಪ್​ ಕಿರೀಟ.!
ಈ ಐಪಿಎಲ್​ನಲ್ಲಿ ಹೆಚ್ಚು ಹವಾ ಮಾಡ್ತಿರೋದೆ ಯಂಗ್​​ಸ್ಟರ್ಸ್​. ಬೌಲರ್​ಗಳ ಮೇಲೆ ದಂಡೆತ್ತಿ ಹೋಗಿ ರಣಾರ್ಭಟ ನಡೆಸ್ತಿದ್ದಾರೆ. ಈ ಯುವ ಆಟಗಾರರ ಜೊತೆಗೆ ಕನ್ಸಿಸ್ಟೆಂಟ್​ ಆಟದಿಂದ ಪೈಪೋಟಿಗೆ ಇಳಿದಿದ್ದಾರೆ ವಿರಾಟ್​ ಕೊಹ್ಲಿ. ಇನ್​​ಫ್ಯಾಕ್ಟ್​ ನಿನ್ನೆ 500 ರನ್​ಗಳ ಗಡಿ ದಾಟಿದ ವಿರಾಟ್​​ ಈಗ ಆರೆಂಜ್​​ ಕ್ಯಾಪ್​ನ ಒಡೆಯ.

ಇದನ್ನೂ ಓದಿ: ಚೆನ್ನೈ ಬೌಲರ್​​ಗೆ ವಾರ್ನ್ ಮಾಡಿದ್ರಾ ಕಿಂಗ್ ಕೊಹ್ಲಿ..? ಬಾಲ್​ ಎಸೆದಿದ್ದಕ್ಕೆ ಕೋಪಿಸಿಕೊಂಡ ವಿರಾಟ್ 

505 ರನ್​, 63.13 ಸರಾಸರಿ, 7 ಹಾಫ್​ ಸೆಂಚುರಿ.!
ಅಂತರಾಷ್ಟ್ರೀಯ ಟಿ20 ಕ್ರಿಕೆಟ್​ಗೆ ಗುಡ್​ ಬೈ ಹೇಳಿದ್ರೂ ಚುಟುಕು ಫಾರ್ಮೆಟ್​ನಲ್ಲಿ ಕೊಹ್ಲಿಯ ಖದರ್​ ಕಡಿಮೆಯಾಗಿಲ್ಲ. ಈ ಸೀಸನ್​ನಲ್ಲಿ ಕೊಹ್ಲಿ ಆಟ ನೋಡಿದವರಲ್ಲಿ ಟಿ20ಗೆ ತುಂಬಾ ಬೇಗ ಗುಡ್​ ಬೈ ಹೇಳಿ ಬಿಟ್ರಾ ಅನ್ನೋ ಪ್ರಶ್ನೆ ಹುಟ್ಟದೇ ಇರಲ್ಲ. ಪ್ಲೇಯಿಂಗ್​ ಕಂಡಿಷನ್ಸ್​ನ ಅರ್ಥ ಮಾಡಿಕೊಂಡು ಮ್ಯಾಚ್​​ ಸಿಚ್ಯುವೇಶನ್​ಗೆ ತಕ್ಕಂತೆ ಕೊಹ್ಲಿ ಅಷ್ಟು ಬೊಂಬಾಟ್​ ಬ್ಯಾಟಿಂಗ್​ ನಡೆಸ್ತಿದ್ದಾರೆ. ಸೀಸನ್​ನಲ್ಲಿ 11 ಇನ್ನಿಂಗ್ಸ್​ಗಳನ್ನಾಡಿರೋ ವಿರಾಟ್​ ಬರೋಬ್ಬರಿ 63.13ರ ಸರಾಸರಿಯಲ್ಲಿ 505 ರನ್​ ಕೊಳ್ಳೆ ಹೊಡೆದಿದ್ದಾರೆ. 7 ಬಾರಿ ಹಾಫ್​​ ಸೆಂಚುರಿಯ ಗಡಿ ದಾಟಿದ್ದಾರೆ.

9ನೇ ಬಾರಿ 500 ರನ್​ ಗಡಿ ದಾಟಿದ ವಿರಾಟ್​​.!
ಈ ಸೀಸನ್​ನಲ್ಲಿ ಮಾತ್ರವಲ್ಲ.. ಐಪಿಎಲ್​ ಇತಿಹಾಸದಲ್ಲೇ ಕೊಹ್ಲಿಯಂತಾ ಕನ್ಸಿಸ್ಟೆಂಟ್​ ಆಟಗಾರ ಮತ್ತೊಬ್ಬ ಇಲ್ಲ. ಸದ್ಯ 18ನೇ ಸೀಸನ್​ ಐಪಿಎಲ್​ ಆಡ್ತಿರೋ ವಿರಾಟ್​​ ಕೊಹ್ಲಿ, ಬರೋಬ್ಬರಿ 9 ಸೀಸನ್​ಗಳಲ್ಲಿ 500 ರನ್​​ ಗಡಿ ದಾಟಿದ್ದಾರೆ. ಐಪಿಎಲ್​ ಇತಿಹಾಸದಲ್ಲಿ ಬೇರಾವ ಬ್ಯಾಟರ್​ ಕೂಡ ಈ ಸಾಧನೆಯನ್ನ ಮಾಡಿಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ