R ಅಶ್ವಿನ್​​ಗೆ ಮೊದಲೇ ಎಚ್ಚರಿಸಿದ್ದ BCCI; ಬಲವಂತಕ್ಕೆ ಮಣಿದು ನಿವೃತ್ತಿ ಘೋಷಿಸಿದ ಸ್ಟಾರ್​​ ಪ್ಲೇಯರ್​​

ಟೀಮ್​ ಇಂಡಿಯಾದ ಅನುಭವಿ ಆಫ್ ಸ್ಪಿನ್ನರ್​​​​​​​​​ ಆರ್. ಅಶ್ವಿನ್ ದಿಢೀರ್ ನಿವೃತ್ತಿಯ ಹಿಂದೆ, ಸಾಕಷ್ಟು ಅಂತೆ ಕಂತೆಗಳು ಕೇಳಿ ಬರ್ತಿವೆ. ಅಶ್ವಿನ್ ಅವರ ಇಷ್ಟದಂತೆ ಇಂಟರ್ ​ನ್ಯಾಷನಲ್ ಕ್ರಿಕೆಟ್​ಗೆ ಗುಡ್​ಬೈ ಹೇಳಿದ್ರಾ ಅಥವಾ ಬಲವಂತದಿಂದ ಕ್ರಿಕೆಟ್​​ಗೆ ವಿದಾಯ ಘೋಷಿಸಿದ್ರಾ? ಈ ಮಾತುಗಳು ಈಗ ಕ್ರಿಕೆಟ್ ವಲಯದಲ್ಲಿ ಬಿಸಿಬಿಸಿ ಚರ್ಚೆಯಾಗ್ತಿದೆ.

ಬ್ರಿಸ್ಬೇನ್ ಟೆಸ್ಟ್​ ಪಂದ್ಯ ಡ್ರಾದಲ್ಲಿ ಅಂತ್ಯ ಕಂಡಿದೆ. ಟೀಮ್ ಇಂಡಿಯಾ ಆಟಗಾರರು, ಸದ್ಯ ಸೋಲಿನಿಂದ ಬಚಾವ್ ಆದ್ವಿ ಅಂತ ಖುಷಿಯಲ್ಲಿರ್ತಾರೆ. ಆದ್ರೆ ಇದಕ್ಕಿದಂತೆ ಅಶ್ವಿನ್, ಸಹ ಆಟಗಾರರಿಗೆ ಸ್ಪೋಟಕ ಸುದ್ದಿಯೊಂದನ್ನ ಹೇಳ್ತಾರೆ. ಅದು ತಮ್ಮ ರಿಟೈರ್​ಮೆಂಟ್ ಪ್ಲಾನ್! ಡ್ರೆಸಿಂಗ್ ರೂಮ್​ನಲ್ಲಿದ್ದ ಆಟಗಾರರು, ಈ ಸುದ್ದಿಯನ್ನ ಕೇಳಿ ಶಾಕ್ ​ಆಗ್ತಾರೆ. ಏನ್ ಮಾಡಬೇಕು ಅಂತ ತೋಚದ ಆಟಗಾರರು, ಅಶ್ವಿನ್ ಅವರನ್ನ ತಬ್ಬಿಕೊಂಡು ಭಾವುಕರಾಗ್ತಾರೆ. ಆದ್ರೆ ಎಲ್ಲವೂ ಇಲ್ಲಿಗೆ ಮುಗಿಯೋದಿಲ್ಲ!

ಪ್ರೆಸ್ ಕಾನ್ಫರೆನ್ಸ್​ನಲ್ಲಿ ಮಾಧ್ಯಮಗಳ ಮುಂದೆ ಬಂದ ಅಶ್ವಿನ್, ಪತ್ರಕರ್ತರಿಗೂ ಶಾಕ್ ನೀಡ್ತಾರೆ. ಆದ್ರೆ ತಮ್ಮ ರಿಟೈರ್​ಮೆಂಟ್​​​ ಬಗ್ಗೆ ಮಾತನಾಡ್ತಿದ್ದ ಅಶ್ವಿನ್ ನನ್ನಲ್ಲಿ ಇನ್ನೂ ಕ್ರಿಕೆಟ್ ಇದೆ ಅಂತಾರೆ. ಆದ್ರೆ ನಾನು ನನ್ನ ಉಳಿದ ಆಟವನ್ನ ಡೊಮೆಸ್ಟಿಕ್ಟ್ ಮತ್ತು ಕ್ಲಬ್​ ಕ್ರಿಕೆಟ್​ನಲ್ಲಿ ತೋರಿಸ್ತೀನಿ ಅಂತಾರೆ. ಅಂದ್ರೆ ಅಶ್ವಿನ್ ಹೇಳಿದ ಮಾತಿನ ಅರ್ಥವೇನು? ಇದು ಮುಂದಿನ ದಿನಗಳಲ್ಲಿ ಗೊತ್ತಾಗುತ್ತೆ.

ಅಶ್ವಿನ್​​ ಉತ್ತರಾಧಿಕಾರಿ ಯಾರು?

ಸದ್ಯ ಬಿಸಿಸಿಐ ಮೂಲಗಳಿಂದ ಬಂದ ಮಾಹಿತಿ ಪ್ರಕಾರ, ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಗೂ ಮುನ್ನ ಬಿಸಿಸಿಐ ಬಿಗ್​ಬಾಸ್​ಗಳು, ಟೀಮ್ ಇಂಡಿಯಾದ ಹಿರಿಯ ಆಟಗಾರರಿಗೆ ಎಚ್ಚರಿಕೆಯ ಸಂದೇಶ ನೀಡಿದ್ರಂತೆ. ಈ ಸರಣಿ ನಂತರ ಯಾರು ತಂಡದಲ್ಲಿ ಇರೋಕೆ ಇಷ್ಟ ಪಡ್ತೀರೋ, ಅವ್ರು ಪರ್ಫಾಮ್ ಮಾಡಲೇಬೇಕು. ಇಲ್ದಿದ್ರೆ ನಾವು ಕಳುಹಿಸೋಕೂ ಮುಂಚೆ ಅವರೇ ತಂಡದಿಂದ ಜಾಗ ಕಾಲಿಮಾಡಬೇಕು ಅಂತ ನೇರವಾಗಿ ಹೇಳಿದ್ರಂತೆ.

ಈ ಎಲ್ಲಾ ಬೆಳವಣಿಗಳ ಮಧ್ಯೆ ಅಶ್ವಿನ್, ಪರ್ತ್​​ ಟೆಸ್ಟ್​ ತಂಡದಿಂದ ಡ್ರಾಪ್ ಆಗಿದ್ರು. ಅಡಿಲೇಡ್ ಟೆಸ್ಟ್​​ನಲ್ಲಿ ತಂಡದಲ್ಲಿ ಇದ್ರೂ, ಇಲ್ಲದಂತಾಗಿದ್ರು. ಸದ್ಯ ಟೀಮ್ ಮ್ಯಾನೇಜ್ಮೆಂಟ್​​, ಅಶ್ವಿನ್ ಬಿಟ್ಟು ಮುಂದೆ ಸಾಗಿದೆ. ಅಶ್ವಿನ್ ಉತ್ತರಾಧಿಕಾರಿಯಾಗಿ ವಾಶಿಂಗ್ಟನ್ ಸುಂದರ್​ ಅವರನ್ನ ನೋಡ್ತಿದೆ. ಇದನ್ನೆಲ್ಲಾ ಗಮನಿಸಿರೋ ಅಶ್ವಿನ್, ಯಾರೋ ಹೇಳೋಕೆ ಮುಂಚೆ ನಾನೇ ತಂಡದಿಂದ ದೂರ ಹೋಗ್ತೀನಿ ಅಂತ, ಸೂಕ್ತ ಸಮಯದಲ್ಲಿ ಒಳ್ಳೆ ನಿರ್ಧಾರವನ್ನೇ ಕೈಗೊಂಡಿದ್ದಾರೆ. ಅಶ್ವಿನ್, ಮುಂದಿನ ಜರ್ನಿಗೆ ಅಲ್​ ದಿ ಬೆಸ್ಟ್.

ಇದನ್ನೂ ಓದಿ:ಕೊಹ್ಲಿ ಬದಲಿಗೆ ಟೀಮ್​ ಇಂಡಿಯಾ ಕ್ಯಾಪ್ಟನ್​ ಆಗಬೇಕಿದ್ದ R ಅಶ್ವಿನ್; ಅಂದು ಸೈಡ್​ಲೈನ್​ ಮಾಡಿದ್ಯಾರು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ