ಐಪಿಎಲ್​ ಮೆಗಾ ಹರಾಜು: ಕೊಹ್ಲಿ ಆಪ್ತನ ಖರೀದಿಗೆ ಆರ್​​ಸಿಬಿ ದಿಢೀರ್​ ಹಿಂದೇಟು ಹಾಕಲು ಕಾರಣವೇನು?

ಇತ್ತೀಚೆಗೆ ನಡೆದ ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ಹರಾಜಿನಲ್ಲಿ ಅನುಭವಿ ಸ್ಪಿನ್ ಬೌಲರ್‌ ಯುಜುವೇಂದ್ರ ಚಹಾಲ್‌ ಅವರು ಭಾರೀ ಮೊತ್ತಕ್ಕೆ ಸೇಲಾದ್ರು. ಆರಂಭದಲ್ಲೇ ಚಹಾಲ್​ ಖರೀದಿಗೆ ಚೆನ್ನೈ ಸೂಪರ್‌ ಕಿಂಗ್ಸ್ ಹಾಗೂ ಗುಜರಾಟ್‌ ಟೈಟನ್ಸ್ ತಂಡಗಳ ಮಧ್ಯೆ ಪೈಪೋಟಿ ನಡೆಯಿತು. ಕೊನೆಗೆ ಪಂಜಾಬ್​ ತಂಡ ಎಂಟ್ರಿಯಾಗಿ ಚಹಾಲ್​ ಅವರನ್ನು 18 ಕೋಟಿಗೆ ಖರೀದಿ ಮಾಡಿದೆ.

ಖರೀದಿಗೆ ಮುಂದಾಗಿದ್ದ ಆರ್​​ಸಿಬಿ

ಚಹಾಲ್‌ ಹೆಸರು ಕೇಳುತ್ತಿದ್ದಂತೆ ಆರ್‌ಸಿಬಿ ಫ್ಯಾನ್ಸ್​​​ ಸಖತ್​ ಎಕ್ಸೈಟ್​ ಆಗಿದ್ದರು. ಆರ್​​ಸಿಬಿ ಇವರನ್ನು ಖರೀದಿ ಮಾಡಬಹುದು ಎಂದು ಆಸೆ ಇಟ್ಟುಕೊಂಡಿದ್ದರು. ಬಿಡ್‌ ಆರಂಭದಲ್ಲಂತೂ ಆರ್‌ಸಿಬಿ ಇವರನ್ನು ಕೊಳ್ಳಲು ಯಾವುದೇ ಆಸಕ್ತಿ ತೋರಲಿಲ್ಲ. ರಾಜಸ್ಥಾನ ರಾಯಲ್ಸ್ ತಂಡದಿಂದ ಕೈ ಬಿಡಲಾದ ಚಹಾಲ್​ ಖರೀದಿಗೆ ಪೈಪೋಟಿ ನಡೆಯಿತು. ಬಿಡ್‌ 7 ಕೋಟಿ ದಾಟುತ್ತಿದ್ದಂತೆ ಚೆನ್ನೈ ಹಾಗೂ ಗುಜರಾತ್‌ ತಂಡಗಳು ಹಿಂದೆ ಸರಿದವು. 14 ಕೋಟಿ ಬಿಡ್‌ ಆಗಿದ್ದಾಗ ಆರ್‌ಸಿಬಿ ಇವರ ಖರೀದಿಗೆ ಮುಂದಾಗಿತ್ತು. ತನ್ನ ಮಾಜಿ ಆಟಗಾರನನ್ನು ಕೊಳ್ಳಲು ಹಣ ಹೂಡಲು ಆರ್​​ಸಿಬಿ ಮುಂದಾಯಿತು. ಪಂಜಾಬ್‌ ಸವಾಲು ಮಾಡಿ ಚಹಾಲ್​ ಖರೀದಿ ಮಾಡಿತು.

ಆರ್​​ಸಿಬಿ ಹಿಂದೇಟು ಹಾಕಿದ್ದೇಕೆ?

ಮುಂದಿನ ಸೀಸನ್​​ನಲ್ಲಿ ಆರ್​​ಸಿಬಿ ಕಪ್​ ಗೆಲ್ಲಲು ಬ್ಯಾಲೆನ್ಸಿಂಗ್​ ತಂಡ ಕಟ್ಟಬೇಕಿತ್ತು. ಹಾಗಾಗಿ 10 ಕೋಟಿಗಿಂತಲೂ ಹೆಚ್ಚು ಯಾರ ಮೇಲೂ ಸುರಿಯಬಾರದು ಎಂದು ನಿರ್ಧಾರ ಮಾಡಿತ್ತು. ಚಹಾಲ್​ ಯಾವಾಗ 15 ಕೋಟಿ ದಾಟಿದ್ರೋ ಆಗಲೇ ಆರ್​​ಸಿಬಿ ಹರಾಜು ಕಣದಿಂದ ಹಿಂದೆ ಸರಿಯಿತು. ಇವರ ಬದಲಿಗೆ ಸುಯಾಶ್ ಶರ್ಮಾ ಮತ್ತು ಕೃನಾಲ್​​ ಪಾಂಡ್ಯ ಅವರನ್ನು ಖರೀದಿಸಿದೆ ಆರ್​​ಸಿಬಿ.

ಚಹಾಲ್​ ಹೈಎಸ್ಟ್​ ವಿಕೆಟ್​ ಟೇಕರ್​

ಬೆಂಗಳೂರು ತಂಡಕ್ಕೆ ಹಲವು ವರ್ಷಗಳಿಂದ ಕಾಡುತ್ತಿರೋ ದೊಡ್ಡ ಸಮಸ್ಯೆ ಎಂದರೆ ಸ್ಪಿನ್ ಬೌಲರ್‌ ಕೊರತೆ. ಯಜುವೇಂದ್ರ ಚಹಾಲ್‌ ಅವರನ್ನು ಕೈ ಬಿಟ್ಟು ತಪ್ಪು ಮಾಡಿದ್ದ ಆರ್​​ಸಿಬಿಗೆ ಬಳಿಕ ಒಳ್ಳೆಯ ಸ್ಪಿನ್​ ಬೌಲರ್​ ಸಿಗಲೇ ಇಲ್ಲ. ಚಹಾಲ್‌ ಐಪಿಎಲ್​​ನಲ್ಲಿ ಸಾಕಷ್ಟು ಅನುಭವ ಹೊಂದಿದ್ದು, ಸೈ ಎನಿಸಿಕೊಂಡಿದ್ದಾರೆ. ತಂಡಕ್ಕೆ ಅಗತ್ಯವಿದ್ದಾಗ ವಿಕೆಟ್‌ ತೆಗೆಯುವ ಸಾಮರ್ಥ್ಯ ಇದೆ. ವಿಶೇಷ ಎಂದರೆ ಆರ್​ಸಿಬಿ ಪರ ಅತ್ಯಧಿಕ ವಿಕೆಟ್ ಪಡೆದ ದಾಖಲೆ ಚಹಾಲ್ ಹೆಸರಿನಲ್ಲಿದೆ. 2014 ರಿಂದ 2021 ರವರೆಗೆ ಆರ್​ಸಿಬಿ ಪರ 114 ಪಂದ್ಯಗಳನ್ನಾಡಿದ್ದ ಯುಜ್ವೇಂದ್ರ ಚಹಾಲ್ ಒಟ್ಟು 139 ವಿಕೆಟ್ ಕಬಳಿಸಿದ್ದರು. 2024ರಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದ ಚಹಾಲ್ ಹೈಎಸ್ಟ್​ ವಿಕೆಟ್​ ಟೇಕರ್​ ಆಗಿದ್ದರು.

ಇದನ್ನೂ ಓದಿ:WPL ಮಿನಿ ಹರಾಜು.. ನಾಲ್ವರಿಗೆ ಕೋಟಿ ಕೋಟಿ ಜಾಕ್​​ಪಾಟ್​.. ಅತ್ಯಂತ ದುಬಾರಿ ಆಟಗಾರ್ತಿ ಯಾರು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್