ನಾಳೆ ಸ್ಮಾರ್ಟ್​ ಪೆನ್​ ಇರೋ Redmi Pad 2 ಬಿಡುಗಡೆ.. ಇದರ ಫೀಚರ್ಸ್ ಹೇಗೆಲ್ಲಾ ಇವೆ?

ಮೊಬೈಲ್ ಬಂದಿದ್ದೇ ಬಂದಿದ್ದು ಜಗತ್ತಿನಲ್ಲಿ ಬದಲಾವಣೆ ಆಗುತ್ತ ಹೊರಟಿದೆ. ಮೊದಲು ಕೀಪ್ಯಾಡ್ ಮೊಬೈಲ್​ಗಳಿದ್ದವು. ಈಗ ಎಲ್ಲಿ ನೋಡಿದರೂ ಸ್ಮಾರ್ಟ್​ ಸ್ಕ್ರೀನ್ ಟಚ್​ ಮೊಬೈಲ್ಸ್​ ಹೆಚ್ಚಾಗಿವೆ. ದಿನನಿತ್ಯ ಹಲವಾರು ಕಂಪನಿಗಳು ಮೊಬೈಲ್​ ತಂತ್ರಜ್ಞಾನದಲ್ಲಿ ಸಾಕಷ್ಟು ಬೆಳವಣಿಗೆ ಸಾಧಿಸುತ್ತಿವೆ. ಇಂತಹ ಬೆಳವಣಿಗೆ ಬೆನ್ನಲ್ಲೇ ರೆಡ್ಮಿ ಪ್ಯಾಡ್​ 2 (Redmi Pad 2 ) ಲಾಂಚ್ ಆಗುತ್ತಿದೆ.

ಮೊಬೈಲ್​ಗಿಂತ ಒಳ್ಳೆಯ ಫೀಚರ್ಸ್​ ಹೊಂದಿರುವ ರೆಡ್ಮಿ ಪ್ಯಾಡ್​ 2 ಅನ್ನು ಜೂನ್ 18 ರಂದು ಅಂದರೆ ನಾಳೆ ಭಾರತದಲ್ಲಿ ಕಂಪನಿ ಲಾಂಚ್ ಮಾಡುತ್ತಿದೆ. ಈ ರೆಡ್ಮಿ ಪ್ಯಾಡ್​ 2 ಲಾಂಚ್​ಗೂ ಮೊದಲೇ ಮೊಬೈಲ್ ಪ್ರಿಯರ ಮನ ಗೆದ್ದಿದೆ. ಕೆಲವು ವಿಶೇಷಣಗಳು ಹಾಗೂ ಮತ್ತು ಫೀಚರ್ಸ್​​ ಹೊಂದಿದ್ದು ಜನರಿಗೆ ಬೇಗನೇ ಹತ್ತಿರವಾಗುವಂತೆ ಕಾಣುತ್ತಿದೆ ಎನ್ನಲಾಗಿದೆ.

ಇದನ್ನೂ ಓದಿ:ಕರ್ಣ ಸೀರಿಯಲ್‌ ಲಾಂಚ್ ಆಗಲೇ ಇಲ್ಲ.. ಬೇಸರದಲ್ಲೇ ಕ್ಷಮೆ ಕೇಳಿದ ನಟ ಕಿರಣ್ ರಾಜ್

ರೆಡ್ಮಿ ಪ್ಯಾಡ್​ 2 ಜೊತೆಗೆ ರೆಡ್ಮಿ ಸ್ಮಾರ್ಟ್ ಪೆನ್ ನೀಡಲಾಗುವುದು. ಇದು 11 ಇಂಚು ಇರಲಿದ್ದು 2.5K ಡಿಸ್​​ಪ್ಲೇ ಜೊತೆಗೆ 90Hz ರಿಫ್ರೆಶ್​ ರೇಟ್ ಇದೆ. ಈ ಡಿವೈಸ್ ಮೀಡಿಯಾ ಟೆಕ್ ಹೆಲಿಯೊ ಜಿ100 ಪ್ರೊಸೆಸರ್‌ (MediaTek Helio G100 processor) ಹೊಂದಿರುತ್ತದೆ. 2 ಟಿಬಿ ವರೆಗೆ ಸಂಗ್ರಹಣೆ (Storage) ಇರುತ್ತದೆ. ಡಾಲ್ಬಿ ಅಟ್ಮಾಸ್​ಗೆ ಸಪೋರ್ಟ್​ ಆಗಿ ಕ್ವಾಡ್ ಸ್ಪೀಕರ್‌ಗಳಿಂದ ಆಡಿಯೋ ಕಾರ್ಯಕ್ಷಮತೆ ಹೆಚ್ಚಿಸಲಾಗುತ್ತದೆ.

ರೆಡ್ಮಿ ಪ್ಯಾಡ್​ 2 ಹಿಂಭಾಗದ ಕ್ಯಾಮೆರಾ 8MP ಇರುತ್ತದೆ. ಮುಂಭಾಗದ ಕ್ಯಾಮೆರಾ 5MP ಇದೆ. ಈ ಪ್ಯಾಡ್​ 18W ವೇಗದ ಚಾರ್ಜಿಂಗ್ ಸಪೋರ್ಟ್​ ಇದ್ದು 9,000mAh ಬ್ಯಾಟರಿಯನ್ನು ಹೊಂದಿರುತ್ತದೆ. ಇನ್ನು ಈ ಎಲ್ಲ ಹೇಳಿದ ಮೇಲೆ ಇದರ ಬೆಲೆ ಕೂಡ ಹೇಳಬೇಕಲ್ವಾ. ಭಾರತದಲ್ಲಿ ಒಂದು ರೆಡ್ಮಿ ಪ್ಯಾಡ್​ 2 ಬೆಲೆ 19,000 ದಿಂದ 20,000 ರೂಪಾಯಿಗಳು ಆಗಿರುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ