ಬೆಂಗಳೂರಿನಲ್ಲಿ ಅತಿ ದೊಡ್ಡ ಸೈಬರ್​ ವಂಚನೆ.. ₹384 ಕೋಟಿ ಲೂಟಿ ಮಾಡಿದ ಖತರ್ನಾಕ್ ಸಿಕ್ಕಿದ್ದೇಗೆ?

ಬೆಂಗಳೂರು: ಇದು ಅಂತಿಂಥ ವಂಚನೆ ಅಲ್ಲವೇ ಅಲ್ಲ. ಇಷ್ಟು ದಿನ ಸಣ್ಣ ಪುಟ್ಟ ವಂಚನೆ ಕೇಸ್​ಗಳು ಮುನ್ನೆಲೆಗೆ ಬರುತ್ತಿದ್ದವು. ಇದೀಗ ಬೆಂಗಳೂರಿನಲ್ಲಿ ಅತಿ ದೊಡ್ಡ ಸೈಬರ್ ವಂಚನೆ ಪ್ರಕರಣ ಬೆಳಕಿಗೆ ಬಂದಿದೆ. ಒಂದಲ್ಲಾ, ಎರಡಲ್ಲಾ ಬರೋಬ್ಬರಿ ₹384 ಕೋಟಿ ದೋಚಿದ ಸೈಬರ್ ಖದೀಮ ಪೊಲೀಸರ ಬಲೆಗೆ ಸಿಕ್ಕಿಬಿದ್ದಿದ್ದಾನೆ. ರಾಹುಲ್ ಅಗರ್ವಾಲ್ ಬಂಧಿತ ಅರೋಪಿ.

ಇದನ್ನೂ ಓದಿ:ಬಿಸಿಸಿಐ ವಿರುದ್ಧ ತಿರುಗಿಬಿದ್ದ ವಾಷಿಂಗ್ಟನ್ ಸುಂದರ್​ ತಂದೆ.. ಇವರ ಆಕ್ರೋಶಕ್ಕೆ ಕಾರಣ ಏನು..?

ಅತಿ ದೊಡ್ಡ ಸೈಬರ್ ವಂಚನೆ..

ಬೆಳಗಿನ ಜಾವ 2:37ಕ್ಕೆ ನೆಬಿಲೊ ಟೆಕ್ನಾಲಜೀಸ್ ಕಂಪನಿಗೆ ದೊಡ್ಡ ವಂಚನೆ ಆಗಿತ್ತು. ಕಂಪನಿ ವ್ಯಾಲೆಟ್​​ನಿಂದ ಇನ್ನೊಂದು ವ್ಯಾಲೆಟ್​ಗೆ ವಂಚಕ ಕೋಟಿ ಕೋಟಿ ಟ್ರಾನ್ಸ್​​ಫರ್ ಮಾಡಿಕೊಂಡಿದ್ದ. ಅಲ್ಲದೇ 1USDT ಅನ್ನು ವರ್ಗಾವಣೆ ಮಾಡಿಕೊಳ್ಳಲಾಗಿತ್ತು. ಬೆಳಗಿನ ಜಾವ ಸಮಯ: 9:40ಕ್ಕೆ ಮತ್ತೆ ಸರ್ವರ್​ಗೆ ವಂಚಕ ಎಂಟ್ರಿಯಾಗಿ 44 ಮಿಲಿಯನ್ USDT ಭಾರತೀಯ ರೂ.ಗೆ 384 ಕೋಟಿ ವರ್ಗಾವಣೆ ಮಾಡಿಕೊಂಡಿದ್ದ.

ಆರೋಪಿ ರಾಹುಲ್ ಅಗರ್ವಾಲ್ ಪ್ರೈವೇಟ್ ಲಿಮಿಟೆಡ್ ಕಂಪನಿಯ ಸರ್ವರ್ ಹ್ಯಾಕ್ ಮಾಡಿ 3,84,00,00,000 ದೋಚಿದ್ದ. ಪ್ರೈವೇಟ್ ಲಿಮಿಟೆಡ್ ಕಂಪನಿ ಕ್ರಿಪ್ಟೋ ಕರೆನ್ಸಿಗೆ ಸಂಬಂಧಿಸಿದ ಕೆಲಸ ಮಾಡುತ್ತದೆ. ಈ ಕಂಪನಿಯ ವ್ಯಾಲೇಟ್​ನಿಂದ ಆರೋಪಿ ಬೆಳಗಿನ ಜಾವ 2:37ಕ್ಕೆ, ಇನ್ನೊಂದು ವ್ಯಾಲೇಟ್​ಗೆ 1USDT ಅನ್ನು ವರ್ಗಾವಣೆ ಮಾಡಿಕೊಂಡಿದ್ದ. ನಂತರ ಬೆಳಗ್ಗೆ ಮತ್ತೆ 9:40ಕ್ಕೆ ಮತ್ತೆ ಸರ್ವರ್​ಗೆ ವಂಚಕ ಎಂಟ್ರಿಯಾಗಿ 44 ಮಿಲಿಯನ್ USDT ಭಾರತೀಯ ರೂಪಾಯಿಗೆ 3,84,00,00,000 (ಮುನ್ನೂರ ಎಂಬತ್ತಾನಾಲ್ಕು ಕೋಟಿಗೂ ಹೆಚ್ಚಿನ ಹಣ) ರೂ ವರ್ಗಾವಣೆ ಮಾಡಿಕೊಂಡಿದ್ದ.

ಅಚ್ಚರಿ ವಿಚಾರ ಏನೆಂದರೆ ರಾಹುಲ್ ಅಗರ್ವಾಲ್ ಕಂಪನಿ ನೀಡಿದ್ದ ಲ್ಯಾಪ್ ಟಾಪ್​ನಲ್ಲಿ ಪಾರ್ಟ್​ ಟೈಮ್ ಕೆಲಸ ಮಾಡಿದ್ದ. ಅಲ್ಲಿ ಕೆಲಸ ಮಾಡಿ ರಾಹುಲ್ ಹದಿನೈದು ಲಕ್ಷ ಹಣ ಪಡೆದಿದ್ದ. ಕಂಪನಿ ಲ್ಯಾಪ್ ಟಾಪ್ ಬಳಸಿ ಕೆಲಸ ಮಾಡುತ್ತಿದ್ದ ವೇಳೆ ವಂಚಕ ಹ್ಯಾಕ್ ಮಾಡಿದ್ದಾನೆ. ಲ್ಯಾಪ್ ಟಾಪ್ ಹ್ಯಾಕ್ ಮಾಡಿ ಸರ್ವರ್​ಗೆ ಎಂಟ್ರಿಯಾಗಿದ್ದ. ನಂತರ ಒಟ್ಟು 44 ಮಿಲಿಯನ್ ಡಾಲರ್ ವಂಚನೆ ಮಾಡಿದ್ದ. ಈ ನೆಬಿಲೊ ಟೆಕ್ನಾಲಜೀಸ್ ಭಾರತದಲ್ಲೇ ಪ್ರತಿಷ್ಠಿತ ಕ್ರಿಪ್ಟೊ ಕರೆನ್ಸಿ ಕಂಪನಿಯಾಗಿದೆ. ಇನ್ನೂ, ಈ ಬಗ್ಗೆ ಆಂತರಿಕ ತನಿಖೆ ನಡೆಸಿದ್ದ ನೆಬಿಲೊ ಕಂಪನಿ ವೈಟ್ ಫೀಲ್ಡ್ ಸೈಬರ್ ಕ್ರೈಮ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಈ ಕೇಸ್​ಗೆ ಸಂಬಂಧಿಸಿದಂತೆ ವಂಚಕ ರಾಹುಲ್ ಅಗರ್ವಾಲ್​ನನ್ನು ಪೊಲೀಸರು ಬಂಧಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ