ತಿಲಕ್ ವರ್ಮಾ Retiring Out; ಅಸಲಿ ಕಾರಣ ರಿವೀಲ್ ಮಾಡಿದ ನಾಯಕ ಪಾಂಡ್ಯ..!

ಲಕ್ನೋ ಸೂಪರ್ ಜೈಂಟ್ಸ್​ ವಿರುದ್ಧ ಗೆಲ್ಲಲು ಮುಂಬೈ ಇಂಡಿಯನ್ಸ್​ಗೆ 7 ಬಾಲ್​ಗೆ 24 ರನ್​ಗಳ ಅಗತ್ಯವಿದ್ದಾಗ ತಿಲಕ್ ವರ್ಮಾ ರಿಟೈರಿಂಗ್ ಔಟ್ ಆದರು. ಮುಂಬೈ ಇಂಡಿಯನ್ಸ್​ ಮ್ಯಾನೇಜ್ಮೆಂಟ್ ಅವರನ್ನು ವಾಪಸ್​ ಪೆವಿಲಿಯನ್​​ಗೆ ಕರೆಸಿಕೊಂಡಿತು. ಬೆನ್ನಲ್ಲೇ, ಮುಂಬೈ 12 ರನ್​ಗಳ ಅಂತರದಿಂದ ಸೋಲನ್ನು ಕಂಡಿತು. ಇದೀಗ ತಿಲಕ್ ವರ್ಮಾರನ್ನು ಮಧ್ಯದಲ್ಲೇ ಕರೆಸಿಕೊಂಡಿರೋದು ಭಾರೀ ವಿವಾದಕ್ಕೆ ಕಾರಣವಾಗಿದೆ.

ಪಂದ್ಯ ಮುಗಿದ ಬಳಿಕ ಹಾರ್ದಿಕ್ ಪಾಂಡ್ಯ ಉತ್ತರ ನೀಡಿದ್ದಾರೆ. ತಿಲಕ್ ಅರ್ಮಾ ರಿಟೈರ್ಡ್​ ಔಟ್​​ ಬಗ್ಗೆ ಮಾತನಾಡಿರುವ ಅವರು.. ಅದು ಸ್ಪಷ್ಟವಾಗಿದೆ. ನಮಗೆ ಕೆಲವು ಹಿಟ್​ಗಳ ಅಗತ್ಯ ಇತ್ತು. ಕ್ರಿಕೆಟ್​​ನಲ್ಲಿ ಕೆಲವು ದಿನಗಳು ಬರುತ್ತೆ. ನೀವು ಪ್ರಯತ್ನಿಸಿದಾಗ ಅದು ಬರುವುದಿಲ್ಲ.
ನೀವು ಒಳ್ಳೆಯ ಕ್ರಿಕೆಟ್ ಆಡಿ. ನಾನು ಅದನ್ನು ಸರಳವಾಗಿಡಲು ಇಷ್ಟಪಡುತ್ತೇನೆ. ಉತ್ತಮ ನಿರ್ಧಾರಗಳನ್ನು ತೆಗೆದುಕೊಳ್ಳಿ. ಸ್ಮಾರ್ಟ್​ ಆಗಿ ಬೌಲಿಂಗ್ ಮಾಡಿ. ಬ್ಯಾಟಿಂಗ್‌ನಲ್ಲಿ ಅವಕಾಶಗಳನ್ನು ಪಡೆದುಕೊಳ್ಳಿ. ಕೆಲವು ಅಗ್ರೆಸನ್ ಜೊತೆ ಸಿಂಪಲ್ಲಾಗಿ ಕ್ರಿಕೆಟ್ ಆಡಿ. ದೀರ್ಘ ಪಂದ್ಯಾವಳಿಗಳ ಮೂಲಕ ಕೆಲವು ಗೆಲುವುಗಳನ್ನು ಪಡೆಯುತ್ತೀರಿ. ನೀವೂ ಲಯಕ್ಕೆ ಬರುತ್ತೀರಿ ಎಂದಿದ್ದಾರೆ.

ಇದನ್ನೂ ಓದಿ: Retired out! ತಿಲಕ್ ವರ್ಮಾಗೆ ದೊಡ್ಡ ಅವಮಾನ.. ಕ್ರೀಸ್​ನಿಂದ ವಾಪಸ್ ಕರೆಸಿದ ಮುಂಬೈ ಇಂಡಿಯನ್ಸ್..!

ನಿನ್ನೆಯ ಆಟ ಹೇಗಿತ್ತು..?

ಸ್ಫೋಟಕ ಬ್ಯಾಟಿಂಗ್​ಗೆ ಹೆಸರು ಆಗಿರುವ ತಿಲಕ್ ವರ್ಮಾ, ನಿನ್ನೆ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಬಂದರು. ಆದರೆ ಕ್ರೀಸ್​ನಲ್ಲಿ ರನ್ ಗಳಿಸಲು ಅವರು ಪರದಾಡಿದರು. 23 ಎಸೆತದಲ್ಲಿ ಕೇವಲ 2 ಬೌಂಡರಿ ಬಾರಿಸಿ 25 ರನ್​​ಗಳಿಸಿ ಅಚ್ಚರಿ ಮೂಡಿಸಿದರು. ಕೊನೆ ಕ್ಷಣದಲ್ಲಿ ಅಂದರೆ ಮುಂಬೈ ಇಂಡಿಯನ್ಸ್​ಗೆ ಗೆಲ್ಲಲು 7 ಬಾಲ್​ನಲ್ಲಿ 24 ರನ್​ಗಳ ಅಗತ್ಯ ಇತ್ತು. ಆಗ ಮುಂಬೈ ಇಂಡಿಯನ್ಸ್​ ಮ್ಯಾನೇಜ್ಮೆಂಟ್, ತಿಲಕ್ ವರ್ಮಾ ರಿಟೈರ್ಡ್ ಔಟ್ ಎಂದು ಘೋಷಣೆ ಮಾಡಿತು. ಈ ವಿಚಾರ ದೊಡ್ಡ ಚರ್ಚೆ ಆಗ್ತಿದೆ.

ಇದನ್ನೂ ಓದಿ:ನನ್ನ ಬಳಿ ಹೆಚ್ಚು ಆಯ್ಕೆಗಳಿಲ್ಲ, ಸೋಲಿಗೆ ಹೊಣೆ ಯಾರು ಅಂತಾ ತಿಳಿಸಿದ ಹಾರ್ದಿಕ್ ಪಾಂಡ್ಯ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್